મુકેશ અંબાણી ફરી દાદા બન્યા, આકાશ અંબાણીની પત્ની શ્લોકાએ પુત્રીને જન્મ આપ્યો

મુકેશ અંબાણીના ઘરે નવા સભ્યનું આગમન થયું છે. મુકેશ અંબાણી અને નીતા અંબાણી ફરી દાદા-દાદી બન્યા છે. તેમના મોટા પુત્ર આકાશ અંબાણીની પત્ની શ્લોકા મહેતા અંબાણીએ આજે પુત્રીને જન્મ આપ્યો છે. નોંધનિય છે કે, મુંબઇમાં નીતા મુકેશ અંબાણી કલ્ચરલ સેન્ટરના ઉદ્ઘાટન પ્રસંગે અંબાણી પરિવારની મોટી પુત્રવધુ બેબી બમ્પ સાથે દેખાતા તેઓ બીજી વાર માતા બનવાના સમાચાર વહેતા થયા હતા. તમને જણાવી દઇયે કે આકાશ અને શ્લોકા અંબાણીને એક પુત્ર છે અને તેનું નામ પૃથ્વી અંબાણી છે.

આકાશ-શ્લોકાના 2019માં લગ્ન બંધનમાં બંધાયા

મુકેશ અને નીતા અંબાણીના મોટા પુત્ર આકાશ અંબાણી અને શ્લોકા મહેતા 9 માર્ચ, 2019 ના રોજ લગ્નના બંધનમાં બંધાયા. તો ડિસેમ્બર 2020માં શ્લોકા અંબાણીએ પુત્ર પૃથ્વીને જન્ આપ્યો હતો. આકાશ અને શ્લોકા સ્કૂલના સમયથી સાથે છે અને બંને બાળપણથી એકબીજાને ઓળખે છે અને તેમનું અફેર લાંબા સમય સુધી ચાલ્યું અને બાદમાં બંનેના લગ્ન કરાવી દેવામાં આવ્યા હતા.

અંબાણી અને મહેતા પરિવારને જ્યારે આકાશ અને શ્લોકા વચ્ચેના પ્રેમ સંબંધની જાણ થી તો તેઓ બહુ ખુશ થયા હતા.

નોંધનીય છે કે, થોડાંક મહિના અગાઉ મુકેશ અંબાણીની પુત્રી ઇશા અંબાણીએ જુડવા બાળકોને જન્મ આપ્યો હતો. તમને જણાવી દઇયે કે આકાશ અને ઇશા પણ જુડવા ભાઇ - બહેન છે. ઇશા અંબાણીના લગ્ન 12 ડિસેમ્બર 2018ના રોજ આનંદ પિરામલ સાથે થયા હતા.