New Parliament PM modi speech : '28 મે, 2023 ઇતિહાસમાં લખાયેલો દિવસ', અહીં વાંચો વડાપ્રધાન મોદીના સંબોધનની મહત્વની વાતો

New Parliament Prime minister Narendra modi speech : નવી સંસદમાં પૂજા અર્ચના, વિધિ વિધાન સાથે નવા સંસદ ભવનનું ઉદ્ઘાટન કરવામાં આવ્યું હતું. લોકોને નવી સંસદને આપ્યા બાદ સંસદ ભવનમાં વડાપ્રધાન નરેન્દ્ર મોદીએ દેશને સંબોધ્યા હતા. વડાપ્રધાન નરેન્દ્ર મોદી નવી સંસદથી દેશને સંબોધતા જણાવ્યું હતું કે આ ભવન સંકલ્પને સિદ્ધી સાથે જોડનાર મહત્વની કડી સાબિત થશે. નવું ભવન આપણી સ્વતંત્રતા સેનાનિયોના સંપનોને સાકાર કરવાનો માર્ગ બનશે. આ ભવન વિકસિત ભારતના સંકલ્પોને સિદ્ધ થતાં જોશે. નવા રાસ્તે ચાલીને જ નવા કીર્તિમાન રચી શકાય છે. આજના નવા ભારત નવું લક્ષ્ય નક્કી કરી રહ્યું છે. નવા રસ્તા બનાવી રહ્યા છે, નવો જોશ છે, નવો ઉમંગ છે. નવો વિચાર છે, નવા રસ્તા છે સંકલ્પ નવો છે.

'28 મે, 2023 ઇતિહાસમાં લખાયેલો દિવસ'

નવી સંસદ ભવનનાં ઉદ્ઘાટન પ્રસંગે બોલતાં પીએમ મોદીએ કહ્યું હતું કે, "ઇતિહાસમાં કેટલીક તારીખો અંકિત છે. 28 મે, 2023 એવો દિવસ છે".

'માત્ર સંસદ ભવન જ નહીં, પરંતુ 140 કરોડ લોકોની આકાંક્ષાઓનું પ્રતિબિંબ છે,'

પીએમ મોદી કહે છે, "આ માત્ર સંસદ ભવન નથી, પરંતુ 140 કરોડ લોકોની આકાંક્ષાઓ અને સપનાઓનું પ્રતિબિંબ છે." નવા સંસદ ભવનમાં વડાપ્રધાન મોદીનું સંબોધનઃ 'નવી સંસદ આત્મનિર્ભર ભારતના વિકાસની સાક્ષી બનશે'

'નવી સંસદ ભારતના તેમજ વિશ્વના વિકાસની ઘોષણા કરશે'

વડા પ્રધાન નરેન્દ્ર મોદીએ કહ્યું હતું કે નવી સંસદ ભવન ભારતના તેમજ વિશ્વના વિકાસની ઘોષણા કરશે.

'જ્યારે સંસદમાં કાર્યવાહી શરૂ થશે, 'સેંગોલ' અમને પ્રેરણા આપશે'

નવી દિલ્હીમાં નવી સંસદ ભવનનાં ઉદ્ઘાટન દરમિયાન બોલતાં પીએમ નરેન્દ્ર મોદીએ કહ્યું, "આ અમારું સૌભાગ્ય છે કે અમે પવિત્ર 'સેંગોલ'નું ગૌરવ પુનઃસ્થાપિત કરવામાં સફળ રહ્યા છીએ. જ્યારે પણ આ ગૃહમાં કાર્યવાહી શરૂ થાય છે ત્યારે 'સેંગોલ' અમને પ્રેરણા આપશે"

'લોકશાહી અમારા માટે પરંપરા, સંસ્કૃતિ અને 'વિચાર' છે'

વડાપ્રધાન નરેન્દ્ર મોદીએ કહ્યું, "લોકશાહી આપણા માટે માત્ર એક વ્યવસ્થા નથી. તે પરંપરા, સંસ્કૃતિ અને આપણા વિચારોનો એક ભાગ છે."

'નવી સંસદ ભવન નિર્માણથી 60,000 કામદારોને રોજગારી મળી'

વડાપ્રધાન નરેન્દ્ર મોદીએ કહ્યું કે નવી સંસદ ભવન અદ્યતન ગેજેટ્સ સાથે આધુનિક સુવિધાઓથી સજ્જ છે. મોદીએ કહ્યું, "તેનાથી 60,000 થી વધુ મજૂરોને રોજગાર મળ્યો છે અને અમે તેમની મહેનતનું સન્માન કરવા માટે ડિજિટલ ગેલેરી બનાવી છે."

'નવી સંસદમાં બનેલો દરેક કાયદો ભારતને વિકસિત દેશ બનાવશે'

વડાપ્રધાન નરેન્દ્ર મોદીએ કહ્યું, "આ સંસદમાં પસાર થયેલ દરેક કાયદો ભારતને વિકસિત દેશ બનાવશે અને આગામી 25 વર્ષમાં ગરીબી દૂર કરશે."

'અમારી પ્રેરણા લોકોનો, દેશનો વિકાસ છે'

નવી દિલ્હીમાં નવી સંસદનું ઉદ્ઘાટન કરતી વખતે વડાપ્રધાન નરેન્દ્ર મોદીએ કહ્યું, "પંચાયત ભવનથી લઈને સંસદ ભવન સુધી, આપણી પ્રેરણા આપણા દેશ અને તેના લોકોનો વિકાસ છે. આજે આપણે આ નવી સંસદના નિર્માણ પર ગર્વ અનુભવીએ છીએ. જ્યારે હું ટી વિશે વિચારું છું ત્યારે પણ મને અપાર સંતોષ આપે છે

"નવી સંસદ સમયની જરૂર છે… આવનારા વર્ષોમાં સંખ્યામાં વધારો થશે"

વડા પ્રધાન નરેન્દ્ર મોદીએ કહ્યું કે નવી સંસદ એ સમયની જરૂરિયાત છે. "આવનારા વર્ષોમાં અમે સંસદમાં બેઠકો અને સાંસદોની સંખ્યામાં વધારો જોશું". મોદી 2026 પછીની સીમાંકન કવાયતનો ઉલ્લેખ કરી રહ્યા હતા, જે દરમિયાન લોકસભા અને રાજ્યસભામાં બેઠકોની સંખ્યા વધવાની શક્યતા છે.

'આજે ભારતે સંસ્થાનવાદી માનસિકતાને પાછળ છોડી દીધી છે'

નવી સંસદના ઉદ્ઘાટન દરમિયાન બોલતા પીએમ મોદીએ કહ્યું, "ઘણા વર્ષો સુધી, બ્રિટિશ/વિદેશી શાસને આપણાથી આપણું ગૌરવ છીનવી લીધું. આજે ભારતે તે સંસ્થાનવાદી માનસિકતાને પાછળ છોડી દીધી છે"