scorecardresearch

Nitin Gadkari YouTube Earning: નીતિન ગડકરીએ અમિતાભ બચ્ચનને આપ્યો ખાસ ‘ગુરુમંત્ર’, યુટ્યુબથી દર મહિને કેટલી કરે છે કમાણી

Nitin Gadkari YouTube Earning : કેન્દ્રીય મંત્રી (Union Minister) નીતિન ગડકરીએ અમિતાભ બચ્ચન (Amitabh Bachchan) સાથેનો એક કિસ્સો જણાવ્યો, ત્યારબાદ તેમણે યુટ્યુબથી તેમને કેટલી આવક થાય છે તે પણ જણાવ્યું.

Nitin Gadkari YouTube Earning: નીતિન ગડકરીએ અમિતાભ બચ્ચનને આપ્યો ખાસ ‘ગુરુમંત્ર’, યુટ્યુબથી દર મહિને કેટલી કરે છે કમાણી
કેન્દ્રીય મંત્રી નીતિન ગડકરી (ફોટો – નીતિન ગડકરી ઓફિસ સોશિયલ મીડિયા)

Nitin Gadkari YouTube Earning: કેન્દ્રીય મંત્રી નીતિન ગડકરી તેમની કહાની કહેવા માટે પણ પ્રખ્યાત છે. તે ઘણી રસપ્રદ ઘટનાઓને શબ્દોમાં વર્ણવે છે. નીતિન ગડકરીના તમામ વીડિયો અવારનવાર વાયરલ થતા રહે છે. ગડકરીના યુટ્યુબ પર 4 લાખ 61 હજાર સબસ્ક્રાઇબર્સ છે. ગડકરી દર મહિને યુટ્યુબ પરથી પણ ઘણી કમાણી કરે છે.

નીતિન ગડકરીએ તાજેતરમાં ઇન્ડિયન એક્સપ્રેસના અડ્ડા કાર્યક્રમમાં ભાગ લીધો હતો, જ્યાં તેમણે જણાવ્યું હતું કે, તેઓ તેમના ભાષણ કાર્યક્રમોના વીડિયો તેમની યુટ્યુબ ચેનલ પર અપલોડ કરે છે. ત્યાં ઘણા દર્શકો છે.

નિતિન ગડકરીએ ઈન્ટરવ્યુ દરમિયાન જણાવ્યું કે, તેમને યુટ્યુબ પરથી દર મહિને લગભગ 3 લાખ રૂપિયા મળે છે. ગડકરી કહે છે કે, મારો મંત્ર ઈમાનદારીથી કમાવાનો છે, શોર્ટકટનો કોઈ ઉપયોગ નથી. તે કહે છે કે, પૈસો જીવનનું સાધન છે, પરંતુ તેનો અંત ન હોઈ શકે. ભગવાને મને જે આપ્યું છે તેનાથી હું ખૂબ જ ખુશ છું.

ફેટ ટુ ફિટ જર્ની જોઈને અમિતાભ બચ્ચન દંગ રહી ગયા

પોતાની ફિટનેસ અને દિનચર્યાનો ઉલ્લેખ કરતાં નીતિન ગડકરી કહે છે કે, સ્વાસ્થ્ય કરતાં વધુ મહત્ત્વનું કંઈ નથી. દરેક વ્યક્તિએ પોતાના સ્વાસ્થ્ય પર ધ્યાન આપવું ખૂબ જ જરૂરી છે. જો તમારી તબિયત સારી નથી તો તમે મર્સિડીઝ કાર અને અન્ય સુવિધાઓનું શું કરશો. તમને જણાવી દઈએ કે, નીતિન ગડકરીએ પોતાનું વજન 135 કિલોથી ઘટાડીને 84 કિલો કરી દીધું છે. નિયમિત યોગ અને પ્રાણાયામના કારણે આ શક્ય બન્યું છે.

એક ઈન્ટરવ્યુમાં નીતિન ગડકરીએ જણાવ્યું કે, વજન ઘટાડ્યા બાદ એક દિવસ તેઓ અમિતાભ બચ્ચનને મળ્યા હતા. અમિતાભ તેમને જોઈને દંગ રહી ગયા અને ગડકરીજીને પૂછ્યું, તમે શું કર્યું? તમે 10 વર્ષ નાના દેખાઈ રહ્યા છો. તે પછી મેં તેમને તમામ કસરતો, યોગ અને પ્રાણાયામ પણ શીખવ્યા.

ના તો અખબારો વાંચે છે ન તો ટીવી જુએ છે

એક કિસ્સો સંભળાવતા નીતિન ગડકરીએ કહ્યું કે, એકવાર હું જહાજમાં જઈ રહ્યો હતો. દેશના એક મોટા નામાંકિત ઉદ્યોગપતિ પણ મારી સાથે હતા. નાસ્તો વગેરે કર્યા પછી મેં તેમને કહ્યું કે હવે મારે થોડીવાર સૂવું જોઈએ એટલે તેણે મને પૂછ્યું કે શું તમે આજનું અખબાર નથી વાંચ્યું. તેઓ કોઈ એક ઘટનાનો ઉલ્લેખ કરી રહ્યા હત. મેં તેમને કહ્યું કે હું ન તો અખબાર વાંચું છું કે ન તો ટીવી જોઉં છું. હું બિનજરૂરી ચિંતા કરતો નથી.

આ પણ વાંચોનીતિન ગડકરી મુખ્યમંત્રીની કારમાં બેઠા, જાણો ગાડીમાં શું જોઈ ડ્રાઇવર પર ગુસ્સે થઈ ગયા

આવકનો એક ભાગ ગરીબોને દાનમાં આપે છે

ગડકરી કહે છે કે, એક ગીત ‘દુનિયા ને હમકો દિયા ક્યા, દુનિયા ને હમસે લિયા ક્યા?’ મને ખૂબ ગમે છે. હું આ ફિલસૂફીને અનુસરું છું, સારા બનો અને સારું કામ કરો. એક ઈન્ટરવ્યુમાં નીતિન ગડકરી કહે છે કે, મેં તેને મારા જીવનનું ફંડ બનાવી લીધું છે કે હું મારી આવકનો એક ભાગ ગરીબોની મદદ માટે ચોક્કસ આપું છું, મેં મારા પરિવારને પણ આ જ કહ્યું છે.

Web Title: Nitin gadkari youtube earning the union minister narrated an incident with amitabh bachchan

Best of Express