Nitin Nabin BJP President: નિતિન નવીન બન્યા ભાજપના 12મા રાષ્ટ્રીય અધ્યક્ષ: પીએમ મોદીએ ગણાવ્યા 'મિલિનિયલ બોસ', જાણો લેટેસ્ટ અપડેટ

Nitin Nabin BJP President: બિહારના વરિષ્ઠ નેતા નીતિન નબીન આજે સત્તાવાર રીતે ભાજપના 12મા રાષ્ટ્રીય અધ્યક્ષ બન્યા છે. ભારતીય જનતા પાર્ટી સંગઠન મહાપર્વ ઉજવણી પ્રસંગે  ભાજપ કાર્યાલય ખાતે યોજાયેલા સમારોહમાં  વડાપ્રધાન નરેન્દ્ર મોદીએ તેમને આ પદ માટે અભિનંદન પાઠવી પોતાના બોસ ગણાવ્યા હતા. તેમણે કહ્યું કે, મને કાર્યકર હોવાનું ગર્વ છે અને નીતિન નબીનજી મારા બોસ છે. 

• સત્તાવાર વરણી: નિતિન નવીન આજે સત્તાવાર રીતે ભાજપના 12મા રાષ્ટ્રીય અધ્યક્ષ તરીકે કાર્યભાર સંભાળ્યો.
• સૌથી યુવા અધ્યક્ષ: 45 વર્ષની વયે નિતિન નવીન ભાજપના ઇતિહાસમાં સૌથી યુવા રાષ્ટ્રીય અધ્યક્ષ બન્યા છે.
• નિર્વિરોધ ચૂંટણી: તેમની સામે અન્ય કોઈ ઉમેદવારી ફોર્મ ન ભરાતા તેઓ બિનહરીફ ચૂંટાયા છે. પીએમ મોદી, અમિત શાહ અને રાજનાથ સિંહ સહિતના દિગ્ગજોએ તેમના નામનો પ્રસ્તાવ મૂક્યો હતો.
• પીએમ મોદીનું સંબોધન: પીએમ મોદીએ તેમને 'મિલિનિયલ બોસ' (Millennial Boss) તરીકે સંબોધ્યા છે અને કહ્યું છે કે પક્ષના મામલામાં હવે નિતિન નવીન જ તેમના બોસ છે.

ભાજપ મુખ્યાલયમાં કાર્યકર્તાઓને સંબોધન કરતા વડાપ્રધાન નરેન્દ્ર મોદીએ કહ્યું કે, ભાજપ એક એવી પાર્ટી છે જ્યાં લોકો વિચારશે કે નરેન્દ્ર મોદી દેશના વડા પ્રધાન છે. તેઓ ત્રીજી વખત વડાપ્રધાન બન્યા છે. તેઓ 50 વર્ષની નાની ઉંમરે મુખ્યમંત્રી બન્યા હતા. હું સતત 25 વર્ષથી સરકારનો વડા રહ્યો છું.

लाइव देखें: भारतीय जनता पार्टी संगठन पर्व। https://t.co/Oet02DapT3

— BJP (@BJP4India) January 20, 2026

હું કાર્યકર છું, નીતિન નબીન મારા બોસ છે

પીએમ મોદીએ કહ્યું કે, આ બધું પોતાની જગ્યાએ છે, પરંતુ મારા માટે સૌથી મોટી વાત એ છે કે હું ભારતીય જનતા પાર્ટીનો કાર્યકર છું. આ સૌથી મોટું ગૌરવ છે અને જ્યારે પાર્ટીના મુદ્દાઓની વાત આવે છે ત્યારે નીતિન નવીનજી મારા બોસ છે અને હું એક કાર્યકર છું.

આ પણ વાંચો | પાંચ રાજ્યોની ચૂંટણીમાં થશે નીતિન નબીનની અગ્નિપરીક્ષા, આ રીતે કરશે RSS-ભાજપના સંબંધોને મજબૂત 

મારા માટે આ સંકલ્પની ક્ષણ છે : નીતિન નબીન

નીતિન નબીને ભાજપના નવા રાષ્ટ્રીય અધ્યક્ષ તરીકે મંગળવારથી કાર્યભાર સંભાળી લીધો છે. પોતાના પ્રથમ ભાષણમાં તેમણે કહ્યું કે, આજની ક્ષણ મારા માટે સંકલ્પની ક્ષણ છે. તેમણે કહ્યું કે, ભાજપ માટે સત્તા સાધના અને જવાબદારી છે. 

We work with the ideal of 'Nation First, Party Next, and Self Last'.

PM Modi connected us with this thought.

It should be our duty that we always work with a 'Nation First' policy.

- Shri @NitinNabin

Watch full video:
https://t.co/BoBFzrCyZXpic.twitter.com/DCVeqW7tXv

— BJP (@BJP4India) January 20, 2026

યુવાનો અને સક્રિય રાજનીતિ

યુવાનોને રાજનીતિમાં આવવાનો આગ્રહ કરતાં તેમણે કહ્યું કે, રાજનીતિથી દૂર રહેવું એ સમાધાન નથી, રાજકારણમાં સક્રિય ભાગીદારી જ સમાધાન છે. સક્રિય ભાગીદારી માટે યુવાનોએ આગળ આવવાની જરુર છે. 

રાજકારણ 100 મીટરની રેસ નથી

યુવાનોને રાજકારણમાં જોડાવાનું આહ્વાન કરતાં તેમણે કહ્યું કે, રાજનીતિ શોર્ટકટ નથી, રાજનીતિ 100 મીટરની ટૂંકી રેસ નથી પરંતુ રાજકારણ એ લાંબી મેરાથોન છે. જ્યાં સ્પીડ નહીં પરંતુ સ્ટેમિના ટેસ્ટ થાય છે. 

નિતિન નવીન ભાજપના નવા રાષ્ટ્રીય અધ્યક્ષ વિશે જાણવા જેવું

બિહારનું ગૌરવ: તેઓ બિહારના પટણાની બાંકીપુર બેઠક પરથી 5 વખત ધારાસભ્ય રહી ચૂક્યા છે અને ભાજપના રાષ્ટ્રીય અધ્યક્ષ બનનારા બિહારના પ્રથમ નેતા છે.

સંગઠનનો અનુભવ: છત્તીસગઢના પ્રભારી તરીકે તેમણે 2024ની વિધાનસભા અને લોકસભા ચૂંટણીમાં ભાજપને મોટી જીત અપાવવામાં મહત્વની ભૂમિકા ભજવી હતી.

પેઢીગત પરિવર્તન (Generational Shift): તેમની નિમણૂકને મોદી-શાહના ભાજપમાં યુવા નેતૃત્વને આગળ લાવવાના 'માસ્ટરપ્લાન' તરીકે જોવામાં આવી રહી છે.

આગામી પડકાર: પદ સંભાળતાની સાથે જ તેમના પર પશ્ચિમ બંગાળ, કેરળ અને તમિલનાડુ જેવી મહત્વની વિધાનસભા ચૂંટણીઓમાં પક્ષને મજબૂત કરવાની જવાબદારી આવી છે.