પીએમ મોદીએ ગૂગલના સીઈઓ સુંદર પિચાઈ સાથે ચર્ચા કરી, તેમને AI સમિટ માટે આમંત્રણ પણ આપ્યું

PM Modi meet Google CEO: વડા પ્રધાન નરેન્દ્ર મોદી અને Google CEO સુંદર પિચાઈ વચ્ચે વીડિયો કોન્ફરન્સિંગ દ્વારા વાતચીત થઈ હતી. PM મોદીએ ભારતમાં ઈલેક્ટ્રોનિક્સ મેન્યુફેક્ચરિંગ ઈકોસિસ્ટમના વિસ્તરણમાં ભાગ લેવાની Googleની યોજનાઓની ચર્ચા કરી. પિચાઈએ ભારત પ્રત્યે Googleની ચાલુ પ્રતિબદ્ધતા અંગે ચર્ચા કરવા માટે 'શાનદાર' મીટિંગ માટે પીએમ મોદીનો આભાર માન્યો હતો. વડા પ્રધાન મોદીએ ભારતમાં Chromebooks બનાવવા માટે હેવલેટ પેકાર્ડ (HP) સાથે Googleની ભાગીદારીની પ્રશંસા કરી છે.

પીએમ મોદીએ AI સમિટ માટે આમંત્રણ આપ્યું

વડાપ્રધાન નરેન્દ્ર મોદીએ પણ સુંદર પિચાઈને AI સમિટ પર Googleની આગામી વૈશ્વિક ભાગીદારીમાં યોગદાન આપવા આમંત્રણ આપ્યું છે. PM મોદીએ ગાંધીનગરમાં ગુજરાત ઇન્ટરનેશનલ ફાઇનાન્સ ટેક-સિટી (GIFT) ખાતે તેનું વૈશ્વિક ફિનટેક ઓપરેશન સેન્ટર ખોલવાની Googleની યોજનાને આવકારી હતી. અમે વડા પ્રધાનને કહ્યું કે ગૂગલ ભારતના ડિજિટાઇઝેશન ફંડમાં $10 બિલિયનનું રોકાણ કરી રહ્યું છે.

આ પણ વાંચોઃ- આજનો ઇતિહાસ 17 ઓક્ટોબર : આંતરરાષ્ટ્રીય ગરીબી નાબૂદી દિવસ કેમ ઉજવાય છે? ટ્રોમા સેન્ટરનું શું મહત્વ છે?

પીએમ મોદીએ ગુગલના વખાણ કર્યા

વડાપ્રધાન નરેન્દ્ર મોદીએ ગૂગલના વખાણ કર્યા છે. વડાપ્રધાને ગૂગલની 100 ભાષાઓની પહેલની પ્રશંસા કરી અને આર્ટિફિશિયલ ઈન્ટેલિજન્સ સંબંધિત ઉકેલો ભારતીય ભાષાઓમાં ઉપલબ્ધ કરાવવાના પ્રયાસોને પ્રોત્સાહિત કર્યા. તેમણે ગુડ ગવર્નન્સ માટે AI સોલ્યુશન્સ પર કામ કરવા માટે પણ Googleને પ્રેરણા આપી. PMOએ જણાવ્યું કે સુંદર પિચાઈએ 'Google Pay' અને UPIની પહોંચનો વિસ્તાર કરીને ભારતમાં નાણાકીય સમાવેશને સુધારવા માટે Googleની યોજનાઓ વિશે PM મોદીને માહિતી આપી.