PM modi Tirupati visit : PM મોદી તિરુપતિ બાલાજી પહોંચ્યા, તિરુમાલા દેવસ્થાનમમાં ભગવાન વેંકટેશ્વરના આશીર્વાદ લીધા

વડાપ્રધાન નરેન્દ્ર મોદી રવિવારે સાંજે આંધ્રપ્રદેશના તિરુપતિ પહોંચ્યા હતા. વડાપ્રધાન મોદી સાંજે 7.40 વાગ્યે તિરુપતિ નજીક રેનીગુંટા એરપોર્ટ પર ઉતર્યા હતા.અહીં તેમનું રાજ્યપાલ એસ અબ્દુલ નઝીર અને મુખ્યમંત્રી વાય એસ જગન મોહન રેડ્ડીએ સ્વાગત કર્યું હતું. PMએ તિરુપતિની મુલાકાત દરમિયાન સોમવારે સવારે તિરુમાલામાં શ્રી વેંકટેશ્વર મંદિરની મુલાકાત લીધી અને પૂજા કરી.

તિરુપતિ દર્શન વિશે માહિતી આપતાં વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ પર લખ્યું આ પછી, સોમવારે સવારે તેમણે મંદિરમાં પ્રાર્થના કરી અને પછી તેલંગાણા જવા રવાના થયા.

આંધ્રપ્રદેશના સીએમ વાયએસ જગન મોહન રેડ્ડીએ પીએમ મોદીને ભગવાન વેંકટેશ્વરની મૂર્તિ અર્પણ કરી. વડા પ્રધાન નરેન્દ્ર મોદીએ તિરુમાલામાં શ્રી વેંકટેશ્વર મંદિરની મુલાકાત દરમિયાન સંપૂર્ણ ધાર્મિક વિધિઓ સાથે પ્રાર્થના કરી હતી. આ દરમિયાન પીએમ પરંપરાગત પૂજા પોશાકમાં જોવા મળ્યા હતા.

પીએમ મોદીનો રોડ શો

પીએમ મોદીનો રોડ શો સાંજે 4 વાગ્યે શરૂ થશે અને આરટીસી ક્રોસરોડ્સથી શરૂ થઈને કાચેગુડા ક્રોસરોડ્સ સુધી જશે. આ પહેલા મોદી મહેબુબાબાદમાં બપોરે 12 વાગ્યે અને કરીમનગરમાં 2 વાગ્યે જનસભાને સંબોધિત કરશે. આજે સાંજે 5 વાગે વડાપ્રધાન મોદી હૈદરાબાદમાં રોડ શો કરીને પોતાના કાર્યક્રમનું સમાપન કરશે.

પીએમ મોદીએ પ્રકાશ પર્વની શુભેચ્છા પાઠવી

વડા પ્રધાન મોદીએ સોમવારે ગુરુ નાનક દેવના પ્રકાશ પર્વ નિમિત્તે લોકોને શુભેચ્છા પાઠવી હતી અને કહ્યું હતું કે શીખોના પ્રથમ ગુરુ દ્વારા આપવામાં આવેલી અન્યોની સેવા કરવાની અને ભાઈચારાને આગળ વધારવાની શિખામણ વિશ્વભરના કરોડો લોકોને શક્તિ આપે છે. ગુરુ નાનકે શીખ ધર્મની સ્થાપના કરી. પીએમ મોદીએ સોશિયલ મીડિયા પ્લેટફોર્મ પર લખ્યું તેમણે અન્યોની સેવા કરવા અને ભાઈચારો રાખવા પર ભાર મૂક્યો, જે વિશ્વભરના લાખો લોકોને શક્તિ આપે છે."