/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2023/11/PMGKAY-Yojna.jpg)
PMGKAY યોજના ભાજપ માટે લોકસભા ચૂંટણી 2024 માટે ગેમ ચેન્જર સાબિત થશે?
BJP PMGKAY Yojna : ભારત સરકારે પ્રધાનમંત્રી ગરીબ કલ્યાણ અન્ન યોજનાને પાંચ વર્ષ માટે લંબાવી છે. આ યોજના કોરોના સમયગાળા દરમિયાન શરૂ કરવામાં આવી હતી અને પીએમ મોદીએ પાંચ રાજ્યોમાં ચૂંટણી રેલીઓ દરમિયાન પણ આ યોજનાનો ઉલ્લેખ કર્યો હતો. કેન્દ્રીય મંત્રી અનુરાગ ઠાકુરે એક પ્રેસ કોન્ફરન્સને સંબોધતા કહ્યું કે, "મોદી સરકારની આ એક મોટી ઉપલબ્ધિ છે કે, છેલ્લા પાંચ વર્ષમાં લગભગ 13.50 કરોડ ભારતીયો ગરીબીના સ્તરથી ઉપર આવ્યા છે. તો, કોવિડ-19 મહામારી દરમિયાન, વડા પ્રધાન ગરીબ કલ્યાણ અન્ના યોજના શરૂ કરવામાં આવી હતી, જેની નોંધપાત્ર અસર જોવા મળી છે, કેબિનેટે નિર્ણય લીધો છે કે, આ યોજનાને 1 જાન્યુઆરી, 2024 થી આગામી પાંચ વર્ષ માટે લંબાવવામાં આવશે."
#WATCH | Union Minister Anurag Thakur says, "In the last five years, around 13.50 crore Indians rose above the poverty level. This is a big achievement of the Modi Government. Similarly, during the COVID-19 pandemic, the Pradhan Mantri Garib Kalyan Anna Yojana was introduced.… pic.twitter.com/W9lhquhaUT
— ANI (@ANI) November 29, 2023
પીએમ મોદીએ જાહેરાત કરી હતી
વડાપ્રધાન મોદીએ ચૂંટણીની મોસમ વચ્ચે મધ્યપ્રદેશ અને છત્તીસગઢમાં ગરીબ કલ્યાણ અન્ન યોજનાને આગામી પાંચ વર્ષ સુધી લંબાવવાની જાહેરાત કરી હતી. આ યોજના હેઠળ છેલ્લા ત્રણ વર્ષથી દેશમાં ગરીબોને મફત રાશન આપવામાં આવી રહ્યું છે. હવે આ મફત રાશન યોજના એક મહિનામાં સમાપ્ત થઈ રહી છે, ત્યારે સરકારની આ જાહેરાતને રાહત માનવામાં આવી રહી છે. PMએ મધ્યપ્રદેશમાં કહ્યું હતું કે, "આગામી પાંચ વર્ષ સુધી મારા દેશના 80 કરોડ લોકોના ઘરોમાં ચૂલા સળગતા રહેશે. આ મોદીની ગેરંટી છે."
રાષ્ટ્રીય ખાદ્ય સુરક્ષા અધિનિયમ, 2013 (NFSA) હેઠળ પાત્ર રેશનકાર્ડ ધારકોને 5 કિલો મફત અનાજ આપવા માટે આ યોજના 2020 માં COVID-19 મહામારી દરમિયાન શરૂ કરવામાં આવી હતી.
2022 ના અંતમાં ગુજરાત અને હિમાચલ પ્રદેશની વિધાનસભાની ચૂંટણીઓ પહેલા આ યોજનાને ડિસેમ્બર 2022 અને પછી બીજા વર્ષ માટે ડિસેમ્બર 2023 સુધી લંબાવવામાં આવી હતી. સરકારે તેને ફરીથી પાંચ વર્ષ માટે લંબાવી છે. યુપીએની સ્કીમ NFSA ને આમાં મર્જ કરવામાં આવી હતી. આ યોજના NFSA હેઠળ બે પ્રકારના રેશનકાર્ડ ધારકોને પણ આવરી લે છે.