Pulwama Inside Story : પાકિસ્તાનમાં ભારતના રાજદૂત રહેલા અજય બિસારિયાએ પોતાના નવા પુસ્તકમાં ઘણા ખુલાસા કર્યા છે. પુલવામા હુમલા બાદ ભારતની આક્રમક કૂટનીતિથી પાકિસ્તાન કેવી રીતે ડરી ગયું હતું અને તેની જીદથી પીછેહઠ કરતું હતું તેની કેટલીક વાતોનો તેમણે ઉલ્લેખ કર્યો છે. આ મામલો ભારતની તે 9 મિસાઈલ સાથે જોડાયેલો હતો જે પાકિસ્તાન તરફ કરી દેવામાં આવી હતી અને ઈમરાન સરકાર ગભરાયેલી હતી. તે રાત્રે ઇમરાન ખાન પીએમ નરેન્દ્ર મોદી સાથે વાત કરવા માંગતા હતા પરંતુ તેમને કહેવામાં આવ્યું કે તે સમયે ભારતીય વડાપ્રધાન ઉપલબ્ધ ન હતા.
પૂર્વ હાઈ કમિશનરના જણાવ્યા અનુસાર અહીં જે રાતનો ઉલ્લેખ કરવામાં આવી રહ્યો છે. તેને પીએમ મોદીએ ‘કતલ કી રાત’ કહી હતી. 27 ફેબ્રુઆરી 2019ની રાત્રે જ્યારે ભારતીય વિંગ કમાન્ડર અભિનંદન વર્ધમાન પાકિસ્તાનની કસ્ટડીમાં હતા.
અજય બિસારિયાએ શું લખ્યું છે?
ભારત સરકાર અને સેના જ્યારે ભારતીય કમાન્ડર અભિનંદન વર્ધમાનને પાકિસ્તાનથી પરત લાવવામાં લાગેલા હતા ત્યારે આ ઘટનાઓ ઘણી અટકળોનો વિષય બની રહી છે. પરંતુ બિસારિયાએ પોતે જ પોતાના પુસ્તકમાં ભારતની જબરદસ્ત કૂટનીતિની કહાની લખી છે, જે તે સમયે ભારતની જબરદસ્ત કૂટનીતિનું શાનદાર વિવરણ આપ્યું છે.
આ પણ વાંચો – એક પગલું અને ખતમ થઇ જશે માલદીવની બધી અકડ, જાણો કેવી રીતે ભારત પર છે નિર્ભર
જ્યારે અડધી રાત્રે ફોન આવ્યો
અજય બિસારિયાએ ખુલાસો કર્યો હતો કે અડધી રાત્રે તેમને ઇસ્લામાબાદમાં ભારતમાં પાકિસ્તાનના તત્કાલીન હાઇ કમિશનર સોહેલ મહમૂદનો ફોન આવ્યો હતો, જેમણે કહ્યું હતું કે ખાન સાહેબ (ઇમરાન ખાન) પીએમ મોદી સાથે વાત કરવા માંગે છે. બિસારિયાએ દિલ્હીના લોકોની પૂછપરછ કરી હતી અને મહમૂદ સાથે વાત કરી હતી અને કહ્યું હતું કે તે સમયે મોદી ઉપલબ્ધ ન હતા અને કોઈ જરૂરી સંદેશો ખુદ હાઈ કમિશનરને પણ પહોંચાડી શકાય છે. એ રાતે બિસારિયાએ ફરી મહમૂદ સાથે વાત કરી ન હતી.
બીજા દિવસે 28 ફેબ્રુઆરીએ ઇમરાન ખાને કમાન્ડર અભિનંદન વર્ધમાનને છોડવાની જાહેરાત કરી હતી અને સંસદમાં જણાવ્યું હતું કે તેમણે શાંતિને પ્રોત્સાહન આપવાના હેતુથી પીએમ મોદીને ફોન કરવાનો પ્રયાસ કર્યો હતો. પરંતુ ઇમરાન ખાને આ વિશે વધારે માહિતી શેર કરી નથી.
બિસારિયાએ લખ્યું છે કે પાકિસ્તાને કમાન્ડરની મુક્તિને શાંતિ ઇશારા તરીકે ગણાવી હતી પરંતુ પાકિસ્તાન જાણતું હતું કે ભારતીય સૈનિકને નુકસાન પહોંચાડવું તેમને કેટલું ભારે પડી શકે છે. બિસારિયાએ તેમના પુસ્તકમાં આવી ઘણી રસપ્રદ વાતો કહી છે.
