RSS labour wing: મોદી સરકાર ઉપર RSS સાથે સંકળાયેલા મજૂર સંગઠને ઠાલવ્યો રોષ, ટ્રેડ યૂનિયનોને ચર્ચામાંથી બહાર રાખવાનો વિરોધ

RSS labour wing: કેરળમાં ચાલી રહેલા સીપીઆઈ શ્રમિક શાખા અખિલ ભારતીય ટ્રેડ યુનિયન કોંગ્રેસના રાષ્ટ્રીય સમ્મેલનમાં આરએસએસ સમર્થિત ભારતીય મજૂર સંઘે નરેન્દ્ર મોદી સરકારની અનેક નીતિઓનો વિરોધ કર્યો છે. કેરળ ભારતીય મજબૂર સંઘના અધ્યક્ષ સી. ઉન્નીકૃષ્ણન ઉન્નીથને પાંચ દિવસીય સમ્મેલનના ઉદ્ઘાટન સત્રને સંબોધિત કરતા ટ્રેડ યૂનિયનોને શ્રમિક મુદ્દાઓની ચર્ચામાંથી બહાર કરવાના કેન્દ્રના પ્રયાસોનો વિરોધ કર્યો હતો.

વિરોધનું શું છે કારણ?

ભારતીય મજૂર સંઘના અધ્યક્ષ સી. ઉન્નીકૃષ્ણન ઉન્નીને ભારતીય શ્રમ સમ્મેલન આયોજિત કરવામાં કેન્દ્ર સરકારની નિષ્ફળતાનો ઉલ્લેખ કર્યો છે. તેમણે કહ્યું હતું કે દરેક શ્રમ મુદ્દાઓ ઉપર સરકાર, કર્મચારીઓ અને નિયોક્તાઓની ત્રિપક્ષીય મંચો ઉપર ચર્ચા થવી જોઈએ. સી. ઉન્નીકૃષ્ણન ઉન્નીથને કહ્યું કે 2015થી આઈએલસી બેઠક આયોજિત થઈ નથી.

ઈતિહાસમાં આ પ્રથમ વખત છે કે ટ્રેડ યુનિયનોને બહાર રાખવામાં આવ્યા છે. તેમણે વધુમાં કહ્યું કે ભારતીય મજદૂર સંઘ માને છે કે પરામર્શની પદ્ધતિ નબળી પડી રહી છે. સરકાર બોલતી નથી. જ્યારે શ્રમ સંહિતા 2019 માં સંસદમાં પસાર કરવામાં આવી હતી, અન્યો તે પછીના વર્ષે પસાર કરવામાં આવ્યા હતા. પરંતુ તેમના અમલીકરણમાં વિલંબ થયો છે, અંશતઃ ઉદ્યોગના મજબૂત વિરોધને કારણે.

RSSએ ભારતીય મજદૂર સંઘ (BMS)ને ટેકો આપ્યો

ભારતીય મઝદૂર સંઘ (BMS) એ RSS સમર્થિત સંગઠન છે. ટ્રેડ યુનિયનનું કહેવું છે કે અમે વિરોધ કરવા ખાતર સરકારનો વિરોધ નથી કરતા. પરંતુ અમે ટ્રેડ યુનિયનોના મુદ્દાઓથી ક્યારેય પીછેહઠ કરતા નથી.

રાજ્યસભાના સાંસદ અને સીપીઆઈના કેન્દ્રીય સચિવાલયના સભ્ય બિનોય વિશ્વમે મજૂર અધિકારો સંબંધિત કેટલાક મુદ્દાઓ પર ભારતીય મઝદૂર સંઘ (બીએમએસ)ને ટેકો આપ્યો હતો. જો કે, આરએસએસ સમર્થિત સંગઠન સામાન્ય રીતે સામાન્ય હડતાલથી દૂર રહે છે. અલપ્પુઝામાં ઈન્ડિયન ટ્રેડ યુનિયન કોંગ્રેસ (AITUC)ની ઈવેન્ટમાં દેશભરમાંથી લગભગ 2,000 પ્રતિનિધિઓ ભાગ લઈ રહ્યા છે.