VIDEO : સબ ઈન્સપેક્ટર વાંધાજનક હાલતમાં પકડાયો, ગ્રામજનોએ કપડાં ઉતારી થાંભલે બાંધી માર માર્યો

Agra Sub Inspector video viral : ઉત્તર પ્રદેશના આગ્રાના એક સબ ઈન્સ્પેક્ટરનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે થાંભલા સાથે બાંધેલો જોવા મળી રહ્યો છે. જણાવવામાં આવી રહ્યું છે કે, થાંભલા સાથે બાંધેલો વ્યક્તિ ઉત્તર પ્રદેશ પોલીસનો સબ ઈન્સ્પેક્ટર છે અને તે આગ્રામાં તૈનાત હતો. રાત્રે તે એક યુવતી સાથે વાંધાજનક સ્થિતિમાં ઝડપાયો હતો.

ઈન્સ્પેક્ટર વાંધાજનક સ્થિતિમાં પકડાયો

આ મામલો આગરાના બરહાન પોલીસ સ્ટેશન વિસ્તારના તિહેયા ગામનો છે, જ્યાં પોલીસ સ્ટેશનમાં તૈનાત ઈન્સ્પેક્ટર સંદીપ કુમાર રવિવારે રાત્રે એક છોકરીના ઘરમાં ઘૂસ્યો હતો. આ પછી ગ્રામજનોએ તેને વાંધાજનક સ્થિતિમાં પકડી લીધો હતો. ગ્રામજનોએ ઈન્સ્પેક્ટરને એક થાંભલા સાથે બાંધી દીધો, માર માર્યો અને તેના કપડાં કાઢી નાખ્યા. ગ્રામજનોએ જણાવ્યું કે, તે ઘણા સમયથી ગામમાં આવી રહ્યો હતો, તેઓને તેના પર ઘણા સમય પહેલા શંકા હતી પરંતુ, તેઓ તેને રંગે હાથે પકડવા માંગતા હતા.

યુવતીએ કહ્યું- ઈન્સ્પેક્ટર તેને હેરાન કરતો હતો

ગામલોકોએ જણાવ્યું કે, રાત્રે એક વ્યક્તિ ઈન્સ્પેક્ટરને બાઇક પર લઈને આવ્યો અને તેને ત્યાં ઉતારી ગયો. આ પછી ઈન્સ્પેક્ટર યુવતીના ઘરમાં પ્રવેશ્યો. ગામલોકોને આ વાતની જાણ થતાં જ તેમણે ઈન્સ્પેક્ટરને રંગે હાથે પકડી લીધો. યુવતી કહે છે કે, જ્યારે પણ હું બજારમાં જતી ત્યારે તે મને હેરાન કરતો હતો અને ગામડામાં અને રસ્તા પર પણ આવતો હતો. હવે તે બળપૂર્વક ઘરમાં પ્રવેશ્યો. જ્યારે મેં ના પાડી તો તેણે મારા પિતા વિરુદ્ધ કેસ કરવાની ધમકી આપવાનું શરૂ કર્યું.

આ મામલો પોલીસ વિભાગને લગતો હોવાથી લાંબા સમય સુધી નાટક ચાલતું રહ્યું. આગ્રા પોલીસ કમિશનર ડૉ. પ્રીતિન્દર સિંહે કહ્યું કે, ઈન્સ્પેક્ટર સંદીપ કુમારને સસ્પેન્ડ કરવામાં આવ્યા છે અને તેમની સામે કડક કાર્યવાહી કરવામાં આવશે. પોલીસ કમિશનરે કહ્યું કે, સંદીપ સામે પણ કેસ નોંધવામાં આવશે.

આ પણ વાંચો - Gujarat Rain Live Update : ગુજરાત વરસાદ લાઈવ અપડેટ : નર્મદા નદી પૂર, અંકલેશ્વરમાં પહેલામાળ સુધી પાણી ભરાયા, હજારો લોકોનું સ્થળાંતર કરાયું

આ વીડિયો સોશિયલ મીડિયા પર વાયરલ થયા બાદ પોલીસને ભારે મુશ્કેલીનો સામનો કરવો પડી રહ્યો છે. ગ્રામજનોએ આરોપી ઈન્સ્પેક્ટરને એક થાંભલા સાથે બાંધી દીધો, તેના કપડા ઉતારી દીધા અને તેને ખૂબ માર માર્યો. જ્યારે પોલીસ વિભાગને આ અંગેની માહિતી મળી તો, ઘણા પોલીસકર્મીઓ ઘટનાસ્થળે પહોંચ્યા અને ઈન્સ્પેક્ટરને ગામલોકોના ચુંગાલમાંથી છોડાવ્યો. તેનો વીડિયો ખૂબ જ શેર કરવામાં આવી રહ્યો છે.