આ શહેરના એક વ્યક્તિએ એક વર્ષમાં મંગાવ્યા 1 લાખ રુપિયાથી વધારેના કોન્ડોમ, મહિને લગભગ 19 ઓર્ડર આપ્યા

Swiggy Instamart Report: સ્વિગી ઇંસ્ટામાર્ટે આ વર્ષનો અંતિમ રિપોર્ટ શેર કર્યો છે, જેમાં જણાવવામાં આવ્યું છે કે ભારતમાં ગ્રાહકોએ 2025 માં તેમની ઑનલાઇન એપ્લિકેશનનો ઉપયોગ કરીને કેવી શોપિંગ કરી હતી. આ યાદીમાં કેટલાક વિચિત્ર શોપિંગ ટ્રેન્ડ જોવા મળ્યા છે, જેમાં ચેન્નઈના એક યુઝરે આખું વર્ષ માત્ર કોન્ડોમ પર 1,06,398 રૂપિયા ખર્ચ કર્યા હતા. આ યુઝરે કોન્ડોમ માટે 228 જુદા જુદા ઓર્ડર આપ્યા હતા, એટલે કે દર મહિને લગભગ 19 ઓર્ડર આપ્યા હતા.

પ્લેટફોર્મ પર કોન્ડોમ એક લોકપ્રિય પ્રોડક્ટ

રિપોર્ટમાં જણાવવામાં આવ્યું છે કે ચેન્નાઈમાં એક જ એકાઉન્ટથી 228 અલગ-અલગ કોન્ડોમના ઓર્ડર આપવામાં આવ્યા હતા, જેનું કુલ બિલ 1,06,398 રૂપિયા હતું, જે 'પ્રી-પ્લાનિંગ'નું એક મજેદાર ઉદાહરણ છે. રિપોર્ટમાં એ પણ બતાવવામાં આવ્યું છે કે કોન્ડોમ એક લોકપ્રિય પ્રોડક્ટ હતું, જેમાં દર 127 ઓર્ડરમાંથી 1 પેક સામેલ હતું. સપ્ટેમ્બરમાં કોન્ડોમના વેચાણમાં 24% નો વધારો થયો હતો, જેથી આ આવી ખરીદી માટે સૌથી વેચાણનાળો મહિનો બની ગયો છે.

રેડ બુલ સુગર ફ્રી પર 16.3 લાખ રૂપિયા ખર્ચ કર્યા

બીજી તરફ મુંબઈના એક એકાઉન્ટે રેડ બુલ સુગર ફ્રી પર 16.3 લાખ રૂપિયા ખર્ચ કર્યા છે. જ્યારે ચેન્નઈના એક યુઝરે માત્ર પાલતુ જાનવરોના સામાન પર 2.41 લાખ રૂપિયા ખર્ચ કર્યા હતા. બેંગલુરુના એક યુઝરે ડિલિવરી પાર્ટનર્સને 68,600 રૂપિયાની ટિપ્સ આપી હતી, જે શહેરની દરિયાદિલી દર્શાવે છે.

જ્યારે ચેન્નાઈ 59,505 રૂપિયા સાથે બીજા ક્રમે છે. બેંગલુરુ ભલે ભારતની ટેક કેપિટલ હોય પરંતુ તે ટિપિંગ કેપિટલ પણ છે. નોઈડામાં કોઈએ બ્લૂટૂથ સ્પીકર, એસએસડી અને રોબોટિક વેક્યુમ પર એક સાથે 2.69 લાખ રૂપિયા ખર્ચ કર્યા હતા. જો તમને લાગે છે કે તે વધુ છે તો હૈદરાબાદના એક યુઝર્સે એક જ ટેપમાં ત્રણ આઇફોન 17 એસ પર 4.3 લાખ રૂપિયા ખર્ચ કર્યા હતા.

આ પણ વાંચો - પ્રિયંકા ગાંધીનुं રાજકારણમાં ભવિષ્ય ઉજ્જવળ, લોકો તેમને શીર્ષ પદ પર જોવા માંગશે : રોબર્ટ વાડ્રા

રિપોર્ટ અનુસાર વેલેન્ટાઇન ડે પર ગુલાબના ફૂલોના ઓર્ડર 666 પ્રતિ મિનિટ સુધી પહોંચ્યા હતા. જ્યારે રક્ષાબંધન, ફ્રેન્ડશિપ ડે અને વેલેન્ટાઇન ડે 2025 ના સૌથી વધારે ગિફ્ટ આપનાર દિવસો બન્યા હતા, જેમાં ઇન્સ્ટામાર્ટના "ગિફ્ટેબલ" ફિચર્સનો ઉપયોગ કર્યો હતો.

સ્વિગી ઇન્સ્ટામાર્ટ રિપોર્ટમાં ભારતની બદલાતી ડિજિટલ શોપિંગ ટેવને દેખાડે છે, જેમાં યુઝર્સ આઇફોનથી લઈને કરિયાણા અને લક્ઝરી વસ્તુઓ સુધીની દરેક વસ્તુનો ઓર્ડર આપે છે.