Uttarakhand Tunnel Collapses : ઉત્તરકાશી ટનલ દુર્ઘટના, મોટી સંખ્યામાં કામદારો ફસાયા હોવાની આશંકા

Tunnel Collapse In Uttarakhand: ઉત્તરાખંડના ઉત્તરકાશીમાં નિર્માણાધીન ટનલનો એક ભાગ તૂટી પડ્યો. આ અકસ્માતમાં 36 લોકો ફસાયા હોવાની આશંકા છે. ઉત્તરકાશી જિલ્લાના ડીએમ અને એસપી ઘટનાસ્થળે હાજર છે. એસડીઆરએફ, પોલીસ અને રેવન્યુ ટીમો પણ રાહત કાર્ય માટે સ્થળ પર હાજર છે. હજુ સુધી કોઈ જાનહાનિના અહેવાલ નથી.

SDRFએ માહિતી આપી છે કે જિલ્લા કંટ્રોલ રૂમ ઉત્તરકાશી તરફથી માહિતી મળી છે કે તૂટી પડેલી સુરંગમાં 36 લોકો ફસાયા હોવાની આશંકા છે. માહિતી મળતાં જ કમાન્ડર એસડીઆરએફ મણિકાંત મિશ્રાએ તાત્કાલિક નિરીક્ષક જગદંબા વિજલવાનના નેતૃત્વમાં એસડીઆરએફ બચાવ ટુકડીઓને જરૂરી બચાવ સાધનો સાથે ઘટનાસ્થળે પહોંચવા નિર્દેશ આપ્યો હતો. SDRF ઘટનાસ્થળે પહોંચી ગઇ છે અને અન્ય બચાવ ટુકડીઓ સાથે સંકલન કરીને યુદ્ધના ધોરણે રાહત અને બચાવ કામગીરી હાથ ધરી છે.

NHDCLના પૂર્વ મેનેજરે શું કહ્યું?

એનએચડીસીએલના ભૂતપૂર્વ મેનેજરે જણાવ્યું હતું કે બ્રહ્મખાલ-પોલગાંવ નિર્માણાધીન રોડ ટનલ, સિલ્ક્યારથી લગભગ 2340 મીટર નિર્માણ કરવામાં આવીછે, તે સિલ્ક્યાર તરફથી ટનલના 270 મીટર ભાગની નજીકના 30 મીટર વિસ્તારમાં પડેલા કાટમાળને કારણે ટનલની અંદર લગભગ 35-40 લોકો ફસાઇ ગયા છે.

નાઇટ શિફ્ટના કામદારો ટનલમાંથી બહાર આવી રહ્યા હતા, ત્યાર પછીની શિફ્ટના કામદારો અંદર જઈ રહ્યા હતા. ટનલના મુખ્ય પ્રવેશદ્વારથી લગભગ 300 મીટર દૂર ઉપરના ભાગમાંથી આવેલા કાટમાળને કારણે ટનલ બંધ થઇ ગઇ. અહીંથી લગભગ 2700 મીટરની અંદર 40 થી 50 મજૂરો કામ કરી રહ્યા હતા.

કાર્યસ્થળ પર ઓક્સિજન પહોંચાડવા માટે નાખવામાં આવેલી લાઇન પણ કાટમાળને કારણે તૂટી ગઇ હતી. જો કે, પ્રોજેક્ટ અધિકારીઓ દાવો કરી રહ્યા છે કે અંદર પૂરતા પ્રમાણમાં પાણી અને ઓક્સિજન ઉપલબ્ધ છે. ફસાયેલા કામદારોને બચાવવાનો એકમાત્ર વિકલ્પ ટનલમાંથી કાટમાળ હટાવવાનો છે.

એવું કહેવામાં આવી રહ્યું છે કે સુરંગની ઉપરની બાજુથી વધુ કાટમાળ હટાવવામાં આવી રહ્યો છે. જ્યાં ટનલની ઉપરની બાજુથી કાટમાળ આવી રહ્યો છે ત્યાં કોઈ સખત પથ્થર નથી.

ઓલવેધર રોડ પ્રોજેક્ટ હેઠળ આ ટનલનું નિર્માણ

આ પ્રોજેક્ટની આ સૌથી લાંબી (સાડા ચાર કિલોમીટર) ડબલ લેન રોડ ટનલ છે. તેમાંથી લગભગ ચાર કિલોમીટરનું બાંધકામ કરવામાં આવ્યું છે. ટનલના નિર્માણમાં કામદારો દિવસ-રાત વ્યસ્ત રહે છે. ફેબ્રુઆરી 2024 સુધીમાં તેનું ખોદકામ પૂર્ણ કરવાનું લક્ષ્ય છે.

યમુનોત્રી રાષ્ટ્રીય ધોરીમાર્ગ પર સિલ્ક્યારા અને જંગલચટ્ટી વચ્ચેની આ 4.5 કિમી લાંબી અત્યાધુનિક ટનલના નિર્માણથી ગંગોત્રી અને યમુનોત્રી વચ્ચેનું અંતર 26 કિમી ઘટશે. આ ટનલ લગભગ 853 કરોડ રૂપિયાના ખર્ચે બનાવવામાં આવી રહી છે.

હાઈવેઝ એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (NHIDCL) ની દેખરેખ હેઠળ, ડબલ લેન ટનલ એ દેશની પ્રથમ અત્યાધુનિક ટનલ છે જે ન્યૂ ઑસ્ટ્રિયન ટનલિંગ મેથડ (NATM) નો ઉપયોગ કરીને બનાવવામાં આવી રહી છે. નવયુગ એન્જિનિયરિંગ કંપનીએ જાન્યુઆરી 2019માં તેનું બાંધકામ શરૂ કર્યું હતું.

આ પણ વાંચો | 5 રાજ્યોની વિધાનસભા ચૂંટણીમાં કેટલા મહિલા ઉમેદવારોની ટિકિટ મળી, જાણો પક્ષવાર સ્થિતિ

ટનલ બનવાથી ઉત્તરકાશીથી યમુનોત્રી સુધીનું અંતર 26 કિમી ઘટી જશે

ઘટનાસ્થળે પોલીસ, નેશનલ ડિઝાસ્ટર રિસ્પોન્સ ફોર્સ, સ્ટેટ ડિઝાસ્ટર રિસ્પોન્સ ફોર્સ, ફાયર બ્રિગેડ, ઈમરજન્સી 108 અને નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (NHIDCL), જે સંસ્થા સુરંગનું નિર્માણ કરી રહી છે, તેના કર્મચારીઓ પણ ટનલને ખોલવામાં વ્યસ્ત છે. ચાર ધામ રોડ પ્રોજેક્ટ હેઠળ આ ઓલ-વેધર ટનલના નિર્માણથી ઉત્તરકાશીથી યમુનોત્રી ધામ સુધીનું અંતર 26 કિલોમીટર ઘટી જશે.