અમિત શાહનો કટાક્ષ, કહ્યું - કેટલાક નેતા 54 વર્ષની ઉંમરે પોતાને યુવા ગણાવી રહ્યા છે

Amit Shah Speech : ગૃહમંત્રી અમિત શાહ પોતાનું સંબોધન કરી રહ્યા છે. સંવિધાનના મુદ્દા પર પોતાના વિચાર રજૂ કરી રહ્યા છે. અમિત શાહે કહ્યું કે અમને પોતાના સંવિધાન પર ગર્વ છે, આ માત્ર લોકતાંત્રિક મૂલ્યોના કારણે જ આટલું સફળ રહ્યું છે. અત્યારે 54 વર્ષની ઉંમરે કેટલાક નેતાઓ પોતાને યુવાન ગણાવે છે.

ગૃહમંત્રીએ કહ્યું કે સરદાર પટેલના પ્રયાસોને કારણે દેશ એક થયો છે. જેઓ કહેતા હતા કે દેશ આત્મનિર્ભર થશે કે નહીં. આજે દેશ વિશ્વની પાંચ સૌથી મોટી અર્થવ્યવસ્થાઓમાંનો એક બની ગયો છે અને વર્ષો સુધી આપણા પર રાજ કરનાર બ્રિટન પણ આપણી પાછળ છે.

મહર્ષિ અરવિંદો અને સ્વામી વિવેકાનંદને ટાંકતા તેમણે કહ્યું કે તેઓએ કહ્યું હતું કે જ્યારે ભારત માતા તેમના ભવ્ય સ્વરૂપમાં આવશે ત્યારે વિશ્વની આંખો ચકિત થઈ જશે. હવે આ આગાહી સાચી પડવાનો સમય આવી ગયો છે. જેમાં દેશની પ્રગતિ અંગે સાર્થક ચર્ચા થઈ હતી.

અમિત શાહે બંધારણ સભામાં થયેલી ચર્ચાનો પણ ઉલ્લેખ કર્યો

તેમણે બંધારણ સભાની રચના અને બંધારણ સભામાં થયેલી ચર્ચાનો પણ ઉલ્લેખ કર્યો અને કહ્યું કે આપણને બંધારણ પર ગર્વ છે. ગુરુદેવ રવીન્દ્રનાથ ટાગોરના નજીકના નંદલાલ બોઝ દ્વારા બંધારણની સજાવટનો ઉલ્લેખ કરતા અમિત શાહે દરેક ચિત્રનો અર્થ પણ સમજાવ્યો હતો અને ચિત્રોની ચર્ચા પર એક સભ્યની ટિપ્પણીનો ઉલ્લેખ કર્યો હતો અને કહ્યું હતું કે જે ચિત્રો લગાવવામાં આવ્યા છે, તે રાષ્ટ્રની યાત્રાને ચિત્રિત કરનાર છે.

તેમણે કહ્યું કે કોઈએ એવું ન વિચારવું જોઈએ કે આપણું બંધારણ માત્ર નકલ છે. બંધારણ એ નકલ નથી. જો તમે વિદેશી ચશ્માથી જોશો તો તમને ભારતીયતા દેખાશે નહીં. ઋગ્વેદમાં પણ શુભ વિચાર લેવાની વાત કહી ગઇ છે. આપણે દરેકની સારી વસ્તુઓ લીધી છે પણ પોતાની વિરાસત છોડી નથી. બંધારણ એ ચિત્ર વગર અધૂરું બંધારણ છે.