Andhra Pradesh Bus Accident: આંધ્રપ્રદેશમાં બસ ખીણમાં ખાબકી, 9 લોકોના મોત, અનેક ઘાયલ

AP Ghat Road Crash: આંધ્રપ્રદેશના અલ્લુરીમાં બસ અકસ્માતમાં ઓછામાં ઓછા 9 લોકોના મોત અને 22 ઘાયલ થયા. પોલીસે જણાવ્યું કે આ અકસ્માત શુક્રવારે વહેલી સવારે થયો હતો. ચિત્તૂરથી પડોશી તેલંગાણા જઈ રહેલી બસમાં ડ્રાઈવર અને ક્લીનર સહિત 37 લોકો સવાર હતા. તેમાંથી છ લોકો સુરક્ષિત છે.

પોલીસ અધિક્ષક (એસપી) અમિત બારદારે જણાવ્યું કે દુર્ગા મંદિર નજીક ચિત્તૂર-મારેડુમિલી ઘાટ રોડ પર સવારે લગભગ 4:30 વાગ્યે અકસ્માત થયો હતો. ઘાટ રોડ પરથી બસ પડી જતાં ઓછામાં ઓછા નવ લોકો માર્યા ગયા અને 22 લોકો ઘાયલ થયા. "બસ સંપૂર્ણપણે ખાડામાં પડી ન હતી. તે પલટી ગઈ અને ફસાઈ ગઈ," બારદારે પીટીઆઈને જણાવ્યું. તેમણે ઉમેર્યું કે ઘાયલોમાંથી ચારની હાલત ગંભીર છે.

મુખ્યમંત્રીએ ઘાયલોને તબીબી સહાય આપવાનો આદેશ આપ્યો

અધિકારીના જણાવ્યા મુજબ, ભારે ધુમ્મસને કારણે, બસ ડ્રાઇવર અકસ્માત સ્થળે વળાંક જોઈ શક્યો ન હતો, જે મોથુગુડેમ પોલીસ સ્ટેશનના અધિકારક્ષેત્રમાં આવે છે.

બારદારે જણાવ્યું હતું કે બસ મુસાફરો ચિત્તૂરથી તેલંગાણાના ભદ્રાચલમમાં શ્રી રામ મંદિર જઈ રહ્યા હતા. આંધ્રપ્રદેશના મુખ્યમંત્રીએ પણ અકસ્માત પર દુઃખ વ્યક્ત કર્યું અને ઘાયલોને તબીબી સહાય આપવાનો આદેશ આપ્યો.

મુખ્યમંત્રી ચંદ્રબાબુ નાયડુએ અકસ્માત પર શોક વ્યક્ત કર્યો

મુખ્યમંત્રી એન. ચંદ્રબાબુ નાયડુએ ટ્વીટ કર્યું, "ચિત્તૂર જિલ્લામાં અલ્લુરી સીતારામ રાજુ નજીક મુસાફરોને લઈ જતી ખાનગી બસના અકસ્માતથી અમને ખૂબ જ આઘાત લાગ્યો છે. આ અકસ્માતમાં ઘણા લોકોના મોત અત્યંત દુ:ખદ છે. મેં અકસ્માત અંગે અધિકારીઓ સાથે વાત કરી છે અને અસરગ્રસ્ત લોકોને પૂરી પાડવામાં આવી રહેલી સહાય વિશે માહિતી એકત્રિત કરી છે.

મેં અધિકારીઓને સૂચના આપી છે કે ઘાયલોને શ્રેષ્ઠ શક્ય તબીબી સહાય મળે તે માટે તમામ જરૂરી પગલાં લેવામાં આવે. સરકાર આ અકસ્માતમાં જીવ ગુમાવનારા લોકોના પરિવારો સાથે ઉભી રહેશે."

Shivraj Patil Death: પૂર્વ ગૃહ મંત્રી શિવરાજ પાટિલનું નિધન, ઈન્દિરાથી લઈને રાજીવ ગાંધી સુધી બધા સાથે કામ કર્યું હતું

ASR જિલ્લા કલેક્ટરના જણાવ્યા અનુસાર, ઘાયલ મુસાફરોને તાત્કાલિક સારવાર માટે ભદ્રાચલમ હોસ્પિટલમાં લઈ જવામાં આવ્યા હતા. અકસ્માતનું કારણ અને પીડિતોની ઓળખની તપાસ કરવામાં આવી રહી છે.