west Bengal crime news : પશ્ચિમ બંગાળના સિલિગુડીથી ચોંકાવનારા સમાચાર સામે આવ્યા છે, અહીં ન્યૂ જલપાઇગુડી સ્ટેશન પર ટ્રેનમાંથી 56 છોકરીઓને બચાવી લેવામાં આવી છે અને બે લોકોની ધરપકડ કરવામાં આવી છે. આ બધી છોકરીઓ ટ્રેનમાં મુસાફરી કરી રહી હતી, તેઓ બિહાર જતી ટ્રેનમાં બેઠી હતી. તમને જણાવી દઈએ કે અધિકારીઓએ જણાવ્યું હતું કે સોમવારે મોડી રાત્રે ન્યૂ જલપાઇગુડી-પટણા કેપિટલ એક્સપ્રેસમાંથી આ છોકરીઓને બચાવી લેવામાં આવી હતી.
આ બચાવાયેલી છોકરીઓની ઉંમર 18 થી 31 વર્ષની વચ્ચે છે. જ્યારે અધિકારીઓ ટિકિટ તપાસી રહ્યા હતા, ત્યારે આટલી બધી છોકરીઓને એકસાથે જોઈને તેમને શંકા ગઈ, છોકરીઓને પણ ખબર નહોતી કે તેમને ક્યાં લઈ જવામાં આવી રહી છે, કેટલાકે કહ્યું કે તેઓ નોકરી માટે બેંગ્લોર જઈ રહ્યા હતા, જોકે તેઓ બિહાર જતી ટ્રેનમાં ચઢી રહ્યા હતા.
કોચ અને બર્થ નંબર તેમના હાથ પર સ્ટેમ્પ કરવામાં આવ્યા હતા
અધિકારીઓએ જણાવ્યું હતું કે આ મહિલાઓ પશ્ચિમ બંગાળના જલપાઇગુડી, કૂચ બિહાર અને અલીપુરદ્વાર જિલ્લાની છે અને તેમને બેંગલુરુ સ્થિત એક કંપનીમાં નોકરીનું ખોટું વચન આપીને લલચાવી હતી. તેમણે વધુમાં જણાવ્યું હતું કે તેમને ટ્રેન દ્વારા બિહાર મોકલવામાં આવી રહ્યા હતા.
આ પણ વાંચોઃ- સામૂહિક આત્મહત્યાથી બગોદરા ગામમાં હડકંપ, એક જ પરિવારના 5 લોકોએ જીવન ટુંકાવ્યું
અધિકારીઓએ જણાવ્યું હતું કે કોઈ પણ મહિલા પાસે માન્ય ટિકિટ નહોતી અને તેમના હાથ પર ફક્ત કોચ અને બર્થ નંબર સ્ટેમ્પ કરવામાં આવ્યા હતા. તેમણે એમ પણ કહ્યું હતું કે ટ્રેનની નિયમિત તપાસ દરમિયાન આટલી બધી મહિલાઓને એકસાથે મુસાફરી કરતી જોઈને રેલવે પ્રોટેક્શન ફોર્સ (RPF) ના કર્મચારીઓને શંકા ગઈ હતી અને બાદમાં તપાસ દરમિયાન ગંભીર વિસંગતતાઓ બહાર આવી હતી.
