બિહાર વિધાનસભા ચૂંટણી પરિણામ 2025 : શું તેજસ્વી યાદવ વિપક્ષ નેતા પણ નહીં બની શકે? જાણો કેટલી સીટો જોઇએ

Bihar Assembly Election Result 2025 : બિહારમાં એનડીએએ પ્રચંડ વિજય મેળવ્યો છે. બપોરે 3 વાગ્યા સુધીના ટ્રેન્ડ મુજબ એનડીએ 206 બેઠકો પર આગળ છે. જ્યારે મહાગઠબંધન માત્ર 30 બેઠકો પર આગળ છે. ઘણી બેઠકો પર પરિણામો પણ આવવા લાગ્યા છે. આવનારા સમયમાં વિપક્ષને ઘણી મુશ્કેલીનો સામનો કરવો પડશે. સૌથી ખાસ વાત એ છે કે આ ટ્રેન્ડ પરિણામોમાં ફેરવાશે તો વિપક્ષનો નેતા કોણ હશે?

આરજેડી 24 વિધાનસભા બેઠકો પર આગળ છે અને બિહારમાં વિપક્ષના નેતા બનવા માટે 25 બેઠકોની જરૂર છે. બીજી તરફ બિહારમાં વિપક્ષના નેતા તેજસ્વી યાદવ 16 મા રાઉન્ડ પછી પાછળ ચાલી રહ્યા છે.

કઈ પાર્ટીને કેટલી બેઠકો મળે છે?

આ પણ વાંચો - તેજસ્વી યાદવ અને તેજ પ્રતાપ યાદવની સીટ પર કેવું છે પરિણામ

વિપક્ષના નેતા બનવા માટે શું જરૂરી છે?

• જે પાર્ટી પાસે વિપક્ષમાં સૌથી વધુ બેઠકો હોય છે તે વિપક્ષના નેતાનો દાવો સૌ પ્રથમ કરી શકે છે.
• જોકે તેની પાસે વિધાનસભા અથવા લોકસભાની કુલ બેઠકોની સંખ્યાની 10 ટકા સીટ હોવી જોઈએ.
• બિહારમાં 243 વિધાનસભા બેઠકો છે, તેથી વિધાનસભામાં વિપક્ષના નેતા બનવા માટે 25 બેઠકોની જરૂર છે.
• મહત્વની વાત એ છે કે 10 ટકા બેઠકોની શરત ગઠબંધન પર લાગુ પડતી નથી પરંતુ એક જ પક્ષને લાગુ પડે છે.
• જો ગઠબંધન તેની બેઠકો જોડીને કોઈને વિપક્ષનો નેતા બનાવે છે તો વિધાનસભાના અધ્યક્ષની મંજૂરી જરૂરી છે અને તે નિર્ણયને અંતિમ માનવામાં આવે છે.