Delhi Varanasi Flight Bomb Threat : દિલ્હીથી વારાણસી જતી ઈન્ડિગો ફ્લાઈટમાં બોમ્બના સમાચાર, મુસાફરો ઈમર્જન્સી એક્સિટમાંથી કૂદ્યા

Delhi Varanasi Flight Bomb Threat, ઈન્ડિગો ફ્લાઈટમાં બોમ્બ : દિલ્હીથી વારાણસી જઈ રહેલી ઈન્ડિગોની ફ્લાઈટમાં બોમ્બ હોવાની માહિતી મળી છે. મીડિયા રિપોર્ટ્સને ટાંકીને એરપોર્ટના એક અધિકારીએ કહ્યું, “દિલ્હીથી વારાણસી જતી ઈન્ડિગોની ફ્લાઈટમાં બોમ્બ હોવાની માહિતી મળી હતી. વિમાનને તપાસ માટે આઈસોલેશન ખાડીમાં લઈ જવામાં આવ્યું છે. એવિએશન સિક્યોરિટી અને બોમ્બ ડિસ્પોઝલ ટીમો હાલમાં સ્થળ પર હાજર છે.

શું માહિતી સામે આવી?

માહિતી સામે આવી છે કે ફ્લાઈટના ટોઈલેટમાં કોઈએ ટિશ્યુ પેપર પર બોમ્બની માહિતી લખી હતી. જે બાદ હોબાળો થયો હતો. જે પ્રકારના વીડિયો સામે દેખાઈ રહ્યા છે, લોકો ફ્લાઈટની બારીમાંથી કૂદ્યા હતા અને અરાજકાતા ફેલાઈ હતી. હાલ તપાસ અધિકારી સ્થળ પર હાજર છે. દિલ્હી ફાયર સર્વિસે જણાવ્યું કે સવારે 5:35 વાગ્યે દિલ્હીથી વારાણસી જઈ રહેલી ફ્લાઈટમાં બોમ્બ હોવાના સમાચાર મળ્યા હતા. ફાયર સર્વિસની ટીમ ઘટના સ્થળે પહોંચી હતી. તમામ મુસાફરોને ઈમરજન્સી ગેટમાંથી બહાર કાઢવામાં આવ્યા હતા. હાલ તમામ લોકો સુરક્ષિત છે.

ટીશ્યુ પેપર પર ‘બોમ્બ’ લખેલું હતું

ન્યૂઝ એજન્સી એએનઆઈએ જણાવ્યું કે ટેક-ઓફ પહેલા ઈન્ડિગો પ્લેનના ટોઈલેટમાંથી તેના પર "બોમ્બ" લખેલી એક નોટ મળી આવી હતી. દરમિયાન, ઈન્ડિગો તરફથી એક નિવેદન પણ બહાર આવ્યું છે જેમાં કહેવામાં આવ્યું છે કે, “દિલ્હીથી વારાણસી જતી ઈન્ડિગોની ફ્લાઈટ 6E2211 દિલ્હી એરપોર્ટ પર બોમ્બની ધમકી મળી હતી.

"તમામ જરૂરી પ્રોટોકોલનું પાલન કરવામાં આવ્યું હતું અને એરપોર્ટ સુરક્ષા એજન્સીઓની માર્ગદર્શિકા અનુસાર વિમાનની તપાસ ચાલુ છે." ઈન્ડિગોએ કહ્યું કે હાલમાં ફ્લાઈટનું ઈન્સ્પેક્શન કરવામાં આવી રહ્યું છે. તમામ સુરક્ષા તપાસ પૂર્ણ થયા બાદ એરક્રાફ્ટને ફરી ટર્મિનલ વિસ્તારમાં તૈનાત કરવામાં આવશે.