Income Tax Slab, Budget 2024 Highlights: બજેટ 2024 નવા ઈન્કમ ટેક્સ સ્લેબમાં ફેરફાર, આવકવેરા કેલ્ક્યુલેટર સાથે કરો ટેક્સની ગણતરી

Union Budget 2024, FM Nirmala Sitharaman Highlights: નાણામંત્રી નિર્મલા સીતામરણ આજે બજેટ 2024 રજૂ કર્યું છે. ખેતી, શિક્ષા અને આરોગ્ય પર ભાર મુક્યો છે. સાથોસાથ તેમણે કરદાતાઓ માટે પણ ફેરફાર કર્યો છે. નવા આવકવેરા માળખામાં સુધારો કર્યો છે. નવા રિઝિમ મુજબ હવેથી 3 લાખ સુધીની આવક પર કોઇ ટેક્સ નહીં ચુકવવો પડે. આવકવેરા કેલ્ક્યુલેટર સાથે તમારી આવક પર કરો ટેક્સ ગણતરી.

બજેટ 2024 આવકવેરા માળખામાં શું કરાયો સુધાર

• 0થી3 લાખ આવક પર કોઇ ટેક્સ નહીં
• 3થી7 લાખ આવક પર 5 ટકા ટેક્સ
• 7થી10 લાખ આવક પર 10 ટકા ટેક્સ
• 10થી12 લાખ આવક પર 15 ટકા ટેક્સ
• 12થી15 લાખ આવક પર 20 ટકા ટેક્સ
• 15 લાખથી વધુ આવક પર 30 ટકા ટેક્સ

યુવાઓની ટોચની 500 કંપનીઓમાં ઇન્ટર્નશિપ તક

નાણામંત્રી નિર્મલા સીતારમણે તેમના બજેટ ભાષણમાં કહ્યું હતું કે 'સરકાર આગામી પાંચ વર્ષમાં ટોપ-500 કંપનીઓમાં એક કરોડ યુવાનોને ઇન્ટર્નશિપની તક આપશે. આ ઇન્ટર્નશિપ 12 મહિના માટે હશે. આમાં યુવાનોને વ્યવસાયના વાસ્તવિક વાતાવરણને જાણવાની અને વિવિધ વ્યવસાયોના પડકારોનો સામનો કરવાની તક મળશે. આ અંતર્ગત યુવાનોને દર મહિને 5000 રૂપિયાનું ભથ્થું પણ આપવામાં આવશે. આટલું જ નહીં તેમને છ હજાર રૂપિયા એકમ મદદ તરીકે આપવામાં આવશે. "કંપનીઓએ તેમની કોર્પોરેટ સામાજિક જવાબદારીના ભાગરૂપે તાલીમ ખર્ચ અને 10 ટકા ઇન્ટર્નશિપ ખર્ચ સહન કરવો પડશે."

ઈન્કમ ટેક્સ અને જીએસટીમાં રાહતની અપેક્ષા

પગારદાર કરદાતા ઈન્કમ ટેક્સ અને વેપારીઓ જીએસટીમાં રાહત મળવાની અપેક્ષા રાખી રહ્યા છે. દેશમાં હાલ જુની અને નવી એમ કુલ બે કર પ્રણાલી અમલમાં છે. જુની કર પ્રણાલી હેઠળ 3 લાખ અને નવી કર પ્રણાલીમાં 7.5 લાખ રૂપિયા સુધીની વાર્ષિક આવક કર મુક્ત છે. કરદાતા જુની કર પ્રણાલીના ડિડક્શન અને એક્ઝમ્પશનના ફાયદા નવી કર પ્રણાલીમાં મળે તેવી અપેક્ષા રાખે છે. તેવી જ રીતે સામાન્ય લોકો જીએસટી રેટ ઘટવાની તેમજ વેપારીઓ અને ઉદ્યોગજગત જીએસટી રિટર્નમાં સરળતા મળે તેવી અપેક્ષા રાખે છે.

બજેટ ભાષણ લાઈવ અહીં જુઓ

Budget 2024 Latest News: બજેટ 2024 લેટેસ્ટ ન્યૂઝ વાંચો

રાંધણ ગેસ સબસિડી શરૂ કરવા અને પેટ્રોલ - ડીઝલ શરૂ કરવા માંગ

કોરોના વખત થી રાંધણગેસ સબસિડી બંધ કરવામાં આવી છે. મોંઘવારી અને મંદીથી પીડિત ગરીબ અને મધ્યમ વર્ગ રાંધણગેસ સબસિડી ફરી કરવાની માંગણી કરી રહ્યું છે. તેવી જ રીતે પેટ્રોલ ડીઝલ ઘણા મોંઘા થયા છે. જો પેટ્રોલ ડીઝલ પરનો ટેક્સ ઘટે તો લોકોને મોટી રાહત મળી શકે છે.

Jul 23, 2024 12:49 IST
બજેટ 2024માં STCG અને LTCG ટેક્સ વધતા શેરબજારમાં કડાકો
બજેટ 2024 થી શેરબજાર નિરાશ થયું છે. નિર્મલા સીતારમણે બજેટ 2024માં લોંગ ટર્મ કેપિટલ ગેઇન ટેક્સ અને શોર્ટ ટર્મ કેપિટલ ગેઇન ટેક્સ વધારતા શેરબજારના રોકાણકારો નિરાશ થયા છે.
નિર્મલા સીતારમણે બજેટ 2024 ભાષણમાં STCG ટેક્સ વધારીને 20 ટકા અને LTCG ટેક્સ 12.5 ટકા કર્યા છે. જ્યારે શેરબજારના રોકાણકારો બજેટ 2024માં એસટીસીજી અને એલટીસીજી ટેક્સ તેમજ એસટીટી ઘટવાની અપેક્ષા રાખી રહ્યા હતા. બજેટ 2024માં કેપિટલ ગેઇન એક્ઝમ્પશન લિમિટેડ વધારીને 1.25 લાખ કરવામાં આવી છે.



Jul 23, 2024 12:33 IST
Budget 2024 live : નવા ટેક્સ રિઝિમમાં મોટા ફેરફારની જાહેરાત



Jul 23, 2024 12:25 IST
Budget 2024 live : ઈ-કોમર્સ ઓપરેટરો માટે TDS 1% થી ઘટાડીને 0.1%
ટેક્સ સિસ્ટમ પર નાણા મંત્રીએ કહ્યું કે ચેરિટી કેસમાં બે અલગ સિસ્ટમને બદલે એક ટેક્સ મુક્તિ સિસ્ટમ હશે. ઉપરાંત, વિવિધ ચૂકવણીઓ માટે, પાંચ ટકા ટીડીએસને બદલે બે ટકા ટીડીએસની જોગવાઈ હશે. મ્યુચ્યુઅલ ફંડ અથવા યુટીઆઈની પુનઃખરીદી પર -20 ટકા TDS પાછી ખેંચી લેવામાં આવી છે. ઈ-કોમર્સ ઓપરેટરો માટે TDS 1 ટકાથી ઘટાડીને 0.1 ટકા કરવામાં આવ્યો છે.



Jul 23, 2024 12:19 IST
Budget 2024 live : બે તૃત્યાંશ લોકોએ ન્યૂ ટેક્સ રિઝીમને અપનાવ્યું
નાણામંત્રી નિર્મલા સિતારણે જણાવ્યું કે ઇનકમ ટેક્સ રિટર્ન ફાઇલ કરનાર લોકોમાં બે તૃત્યાંશ લોકોએ ન્યૂ ઈનકમ ટેક્સ રિઝીમ પસંદ કર્યું છે.



Jul 23, 2024 12:16 IST
Budget 2024 live : મોબાઈલ ફોન પર કસ્ટમ ડ્યુટી ઘટાડીને 15% કરવામાં આવી
સીતારમને જણાવ્યું હતું કે, ભારતીય મોબાઇલ ઉદ્યોગ સ્થાનિક ઉત્પાદનમાં વૃદ્ધિ સાથે પરિપક્વ થયો હોવાથી, મોબાઇલ ફોન, એસેસરીઝ અને ચાર્જર પરની મૂળભૂત કસ્ટમ ડ્યુટી ઘટાડીને 15% કરવામાં આવી છે.



Jul 23, 2024 12:10 IST
Budget 2024 live : ધાર્મિક પ્રવાસન વધારવા પર સરકારનો ભાર
પર્યટનના વિકાસ પર કેન્દ્ર સરકારનું વિશેષ ધ્યાન છે. મહાબોધિ મંદિર માટે કોરિડોર બનાવવાની જાહેરાત કરવામાં આવી છે. ગયાના વિષ્ણુપદ મંદિર માટે કોરિડોર બનાવવામાં આવશે. આ કાશી વિશ્વનાથ કોરિડોરના વિકાસ પર આધારિત હશે.



Jul 23, 2024 12:10 IST
Budget 2024 live : બજેટમાં આદિવાસીઓ માટે શું કરી જાહેરાત?
સરકારે મંગળવારના દેશમાં આદિવાસી સમુદાયોની આર્થિક સામાજિત સ્થિતિમાં સુધારો કરવા માટે વડાપ્રધાન જનજાતીય ઉન્નત ગ્રામ અભિયાનની ઘોષણા કરવામાં આવી છે. નાણામંત્રી નિર્મલા સીતારમણે લોકસભામાં પોતાના બજેટમાં આ કાર્યક્રમની ઘોષણા કરવામાં આવી હતી. તેમના જણાવ્યા પ્રમાણે આ કાર્યક્રમનું લક્ષ્ય આદિવાસી બહુલ ગામો અને આંકાક્ષી જિલ્લાઓમાં આદિવાસી પરિવારોને સંપૂર્ણ પણે આ દાયરામાં લાવવાનું છે. તેમણે કહ્યું કે આ કાર્યક્રમના દાયરામાં 63 હજાર આદિવાસી બહુલ ગામો આવશે જેમને પાંચ કરોડ જનજાતીય લોકોને લાભ મળશે.



Jul 23, 2024 11:54 IST
Budget 2024 live : યુવાઓની ટોચની 500 કંપનીઓમાં ઇન્ટર્નશિપ તક
નાણામંત્રી નિર્મલા સીતારમણે તેમના બજેટ ભાષણમાં કહ્યું હતું કે 'સરકાર આગામી પાંચ વર્ષમાં ટોપ-500 કંપનીઓમાં એક કરોડ યુવાનોને ઇન્ટર્નશિપની તક આપશે. આ ઇન્ટર્નશિપ 12 મહિના માટે હશે. આમાં યુવાનોને વ્યવસાયના વાસ્તવિક વાતાવરણને જાણવાની અને વિવિધ વ્યવસાયોના પડકારોનો સામનો કરવાની તક મળશે. આ અંતર્ગત યુવાનોને દર મહિને 5000 રૂપિયાનું ભથ્થું પણ આપવામાં આવશે. આટલું જ નહીં તેમને છ હજાર રૂપિયા એકમ મદદ તરીકે આપવામાં આવશે. "કંપનીઓએ તેમની કોર્પોરેટ સામાજિક જવાબદારીના ભાગરૂપે તાલીમ ખર્ચ અને 10 ટકા ઇન્ટર્નશિપ ખર્ચ સહન કરવો પડશે."



Jul 23, 2024 11:51 IST
Budget 2024 live : આ બજેટ MSME અને શ્રમ-સઘન ઉત્પાદન પર ધ્યાન કેન્દ્રિત
નાણા પ્રધાન નિર્મલા સીતારમણે 100 કરોડ સુધીની ગેરંટી સાથે ક્રેડિટ ગેરંટી સ્કીમ હેઠળ MSME માટે ટર્મ લોનની જાહેરાત કરી. "આ સેગમેન્ટને દસ વર્ષમાં બાહ્ય આંચકાઓથી સૌથી વધુ અસર થઈ છે," સીતારામન એમએસએમઈ, ખાસ કરીને શ્રમ-સઘન ઉત્પાદન પર સરકારના ધ્યાન પર પ્રકાશ પાડતા ઉમેરે છે.



Jul 23, 2024 11:50 IST
Budget 2024 live : બજેટમાં આંધ્ર પ્રદેશ પર ફોકસ
APની રાજધાની તરીકે અમરાવતીના વિકાસ માટે રૂ. 15,000 કરોડ ફાળવવામાં આવશે. બહુપક્ષીય ભંડોળ એજન્સીઓ પાસેથી નાણાં એકત્ર કરવામાં આવશે અને કેન્દ્ર દ્વારા મોકલવામાં આવશે, સીતારમને જાહેરાત કરી. તેલુગુ દેશમ પાર્ટી (TDP) લોકસભાની ચૂંટણી પછી NDA ગઠબંધનમાં "કિંગમેકર" સાથી તરીકે ઉભરી હોવાથી આંધ્રપ્રદેશ પર ધ્યાન કેન્દ્રિત કરવામાં આવ્યું છે.



Jul 23, 2024 11:49 IST
Budget 2024 live : સરકાર દર વર્ષે 1 લાખ વિદ્યાર્થીઓને સીધું ઈ વાઉચર ઉપલબ્ધ કરાવશે
નાણાંમંત્રી નિર્મલા સિતારમણે જણાવ્યું કે સરકાર દર વર્ષે 1 લાખ વિદ્યાર્થીઓને સીધા જ ઈ વાઉચર ઉપલબ્ધ કરાવશે. જેમાં ઋણ રાશિના 3 ટકા વ્યાજ ગ્રાંટ આપવામાં આવશે.



Jul 23, 2024 11:47 IST
Budget 2024 live : મુદ્રા લોન લિમિટ 20 લાખ રૂપિયા કરાઈ
નાણામંત્રીએ જણાવ્યું કે મુદ્રા લોન અંતર્ગત લોન લિમિટ ડબલ કરવામાં આવી છે. હવે આ 20 લાખ રૂપિયા રહેશે.



Jul 23, 2024 11:44 IST
Budget 2024 live : ગ્રામીણ વિકાસ માટે 2.66 કરોડ રૂપિયા
નાણામંત્રીના જણાવ્યા પ્રમાણે બજેટમાં ગ્રામીણ વિકાસ માટે 2.66 કરોડ રૂપિયાની જોગવાઈ કરવામાં આવી છે.



Jul 23, 2024 11:42 IST
Budget 2024 live : બિહારમાં એરપોર્ડ બનાવશે સરકાર
નાણામંત્રીએ કહ્યું કે બિહારમાં એરપોર્ડ, મેડિકલ કોલેજ અને સ્પોર્ટ્સ ઇન્ફ્રાસ્ટ્રક્ચર સ્થાપિત કરશે સરકાર



Jul 23, 2024 11:42 IST
Budget 2024 live : પૂર્વોદય પ્લાનથી આ રાજ્યોના વિકાસ પર ફોકસ
નાણામંત્રીએ જણાવ્યું હતું કે સરકાર બિહાર, ઝારખંડ, પશ્વિમ બંગાળ, ઓડિશા અને આંધ્ર પ્રદેશનો સર્વાંગીણ વિકાસ માટે પૂર્વોદય યોજના તૈયાર કરશે.



Jul 23, 2024 11:35 IST
Budget 2024 live : વર્કિંગ મહિલાઓ માટે હોસ્ટેલ બનાવશે સરકાર
નાણામંત્રીએ જણાવ્યું હતું કે સરકાર ત્રણ રોજગાર -સંબંધી યોજનાઓ શર કરશે. તેમણે જણાવ્યું હતું કે સરકાર વર્કફોર્સમાં મહિલાી ભાગદારી પ્રોત્સાહન આપવા માટે સરકાર કામકાજી મહિલાઓ માટે હોસ્ટેલ બનાવશે.



Jul 23, 2024 11:29 IST
Budget 2024 live : પ્રથમ વખત નોકરી મેળવનારને ભેટ
સરકારની નવ પ્રાથમિકતાઓમાંની એક રોજગાર અને કૌશલ્ય વિકાસ છે. આ અંતર્ગત પહેલીવાર નોકરી શોધનારાઓને મોટી મદદ મળવા જઈ રહી છે. પ્રથમ વખત ઔપચારિક ક્ષેત્રમાં નોકરી શરૂ કરનારાઓને એક મહિનાનો પગાર આપવામાં આવશે. આ પગાર ડાયરેક્ટ બેનિફિટ ટ્રાન્સફર દ્વારા ત્રણ હપ્તામાં આપવામાં આવશે. તેની મહત્તમ રકમ 15 હજાર રૂપિયા હશે. EPFOમાં નોંધાયેલા લોકોને આ મદદ મળશે. પાત્રતા મર્યાદા 1 લાખ રૂપિયા પ્રતિ માસ હશે. તેનાથી 2.10 કરોડ યુવાનોને ફાયદો થશે.



Jul 23, 2024 11:27 IST
Budget 2024 live : બજેટમાં ગરીબ મહિલાઓ અને ખેડૂત યુવાનો પર ફોકસ
નાણામંત્રી નિર્મલા સીતારમણે સંસદમાં બજેટ ભાષણ વાંચતા કહ્યું કે આ બજેટમાં અમારી 9 પ્રાથમિકતાઓ છે. આ વખતે કૃષિ, રોજગાર, સામાજિક કલ્યાણ, શહેરી વિકાસ, ઉર્જા સુરક્ષા ઉપરાંત ગરીબો, મહિલાઓ, ખેડૂતો અને યુવાનો પર ધ્યાન કેન્દ્રિત કરવામાં આવ્યું છે.



Jul 23, 2024 11:26 IST
Budget 2024 live : પીએમ ગરીબ કલ્યાણ યોજના 5 વર્ષ માટે લંબાવવામાં આવી છે
નાણામંત્રી નિર્મલા સીતારમણ સંસદમાં બજેટ ભાષણ વાંચી રહ્યા છે. આ દરમિયાન તેમણે પ્રધાનમંત્રી ગરીબ કલ્યાણ યોજનાને 5 વર્ષ માટે લંબાવવાની જાહેરાત કરી હતી. તેમણે કહ્યું કે 80 કરોડ વધુ લોકોને આ યોજનાનો લાભ મળી રહ્યો છે.



Jul 23, 2024 11:23 IST
Budget 2024 live : શિક્ષા અને રોજગાર માટે 1.48 લાખ કરોડ રૂપિયા
બજેટ 2024-25 બજેટ રજૂ કરતા નાણામંત્રીએ કહ્યું કે નાણાંકિય વર્ષ 2025ના બજેટમાં શિક્ષા, રોજગાર અને કૌશલ માટે 1.48 લાખ કરોડ રૂપિયાની જોગવાઈ કરવામાં આવી છે.



Jul 23, 2024 11:20 IST
Budget 2024 live : સીતારમણે સરકાર દ્વારા પ્રાકૃતિક ખેતી પર ભાર
કૃષિ ક્ષેત્ર માટે નાણા પ્રધાન નિર્મલા સીતારમણે કહ્યું કે આગામી વર્ષોમાં 1 કરોડ ખેડૂતોને પ્રાકૃતિક ખેતીમાં જોડવામાં આવશે. સરકાર કઠોળ અને તેલીબિયાંમાં આત્મનિર્ભરતા માટે ઉત્પાદન, સંગ્રહ, માર્કેટિંગને મજબૂત બનાવશે. "ખેડૂતો માટે, અમે ખર્ચ કરતાં ઓછામાં ઓછા 50% માર્જિન પર વચન આપતા તમામ મુખ્ય પાકો માટે ઉચ્ચ લઘુત્તમ ટેકાના ભાવની જાહેરાત કરી હતી.



Jul 23, 2024 11:19 IST
Budget 2024 live : આ વર્ષના બજેટમાં કૃષિ માટે રૂ. 1.52 લાખ કરોડની જાહેરાત
નાણામંત્રી નિર્મલા સીતારણે કહ્યું કે "આ વર્ષે મેં કૃષિ અને સંલગ્ન ક્ષેત્રો માટે રૂ. 1.52 લાખ કરોડની ફાળવણી કરી છે," સીતારામન આ વર્ષના બજેટમાં કૃષિ ભાર મકવામાં આવ્યો છે. પ્રાકૃતિક ખેતી પર પણ ભાર મૂકવામાં આવ્યો છે.



Jul 23, 2024 11:17 IST
Budget 2024 live : મોંઘવારી પર નાણામંત્રીએ કહી મોટી વાત
નાણામંત્રી નિર્મલા સીતારણે કહ્યું કે ભારતની આર્થિક વૃદ્ધિ હજી પણ એક શાનદાર અપવાદ બનેલી છે. આવનારા વર્ષોમાં પણ આવી જ રહેશે. ભારતમાં ફુગાવો ઓછા અને સ્થિર બન્યો છે. 4 ટકાના લક્ષ્ય તરફ વધી રહ્યો છે.



Jul 23, 2024 11:14 IST
Budget 2024 live : સીતારમણે સરકારના 4 મુખ્ય ફોકસ પોઈન્ટ પર ભાર મૂક્યો
કેન્દ્રીય નાણા પ્રધાન નિર્મલા સીતારમણે તેમના બજેટ ભાષણમાં મોદી 3.0 સરકાર હેઠળના પ્રથમ બજેટના ચાર મુખ્ય ફોકસ પોઈન્ટ્સ પર પ્રકાશ પાડ્યો હતો. તેમાં 'ગરીબ' (ગરીબ), 'યુવા' (યુવા), 'અન્નદાતા' (ખેડૂત) અને 'નારી' (સ્ત્રીઓ) સમાવેશ થાય છે.



Jul 23, 2024 11:13 IST
Budget 2024 live :સીતારમણે 5 યોજનાઓની જાહેરાત કરી
સંસદમાં સીતારામને કહ્યું, "બજેટ પ્રાથમિકતાઓ પર સતત પ્રયાસો કરશે.", 4.1 કરોડ યુવાનોને નોકરીઓ અને કૌશલ્યની 5 યોજનાઓ માટે બે લાખ કરોડના પેકેજની જાહેરાત.



Jul 23, 2024 11:12 IST
Budget 2024 live : સંસદમાં નાણામંત્રી નિર્મલા સિતારમણે બજેટ વાંચવાનું શરુ કર્યું
નાણામંત્રી નિર્મલા સિતારમણે પોતાનું 7મું બજેટ સંસદમાં વાંચવાનું શરુ કરી રહ્યા છે.



Jul 23, 2024 10:57 IST
બજેટ પર કેન્દ્રીય મંત્રી જ્યોતિરાદિત્ય એમ. સિંધિયા
કેન્દ્રીય નાણામંત્રી નિર્મલા સિતારણ દ્વારા કેન્દ્રીય બજેટ 2024-25 રજૂ થવાનું છે ત્યારે કેન્દ્રીય મંત્રી જ્યોતિરાદિત્ય એમ. સિંધિયાને કહ્યું બજેટ દેશના વિકાસ અને પ્રગતિના પથ પર લઈ જવા માટે એક સંકલિત સફર હશે. વિકસિત ભારતના સંકલ્પ છે આ બજેટના આધાર પર તેના લક્ષ્યની પૂર્તી તરફ અમે ઝડપથી આગળ વધવાની આશા છે.



Jul 23, 2024 10:46 IST
ગુજરાતમાં સવારે 6થી 10 વાગ્યા સુધીમાં 85 તાલુકામાં વરસાદ નોંધાયો
સ્ટેટ ઇમર્જન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે આજે 23 જુલાઈ 2024, મંગળવારે સવારે 6 વાગ્યાથી લઈને 10 વાગ્યા સુધીમાં કૂલ 85 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છના નખત્રાણામાં પોણા ત્રણ ઈંચ વરસાદ નોંધાયો હતો. ડાંગના વઘઈમાં પોણા બે ઈંચ વરસાદ પડ્યો હતો.



Jul 23, 2024 10:42 IST
Budget 2024 live : કેન્દ્રીય ગૃહમંત્રી અમિત શાહ સંસદ પહોંચ્યા
કેન્દ્રીય ગૃહમંત્રી અમિત શાહ સંસદ ભવન પહોંચ્યા. અન્ય નેતાઓ પણ સંસદ ભવન પહોંચી રહ્યા છે.



Jul 23, 2024 10:39 IST
Budget 2024 live : કેબિનેટ બેઠકમાં બજેટને મળી મંજૂરી
વર્ષ 2024-25 માટે નાણામંત્રી નિર્મલા સિતારમણે કેબિનેટ સમક્ષ બજેટ રજૂ કર્યું હતું. કેબિનેટમાં બજેટને મંજૂરી મળી ગઈ છે. હવે ટૂંક સમયમાં નાણામંત્રી સંસદમાં બજેટ રજૂ કરશે.



Jul 23, 2024 10:35 IST
Budget 2024 live : ભારતનું પહેલું બજેટ કોણે રજૂ કર્યું હતું?
સ્કોટિશ અર્થશાસ્ત્રી જેમ્સ વિલ્સને 163 વર્ષ પહેલા 1860માં પહેલું ભારતીય બજેટ રજૂ કર્યું હતું. આઝાદી પછી તત્કાલીન નાણામંત્રી આરકે શનમુખમ ચેટ્ટીએ 26 નવેમ્બર 1947ના દિવસે પહેલું બજેટ રજૂ કર્યું હતું.



Jul 23, 2024 10:32 IST
Budget 2024 live : વડાપ્રધાન નરેન્દ્ર મોદી સંસદ ભવન પહોંચ્યા
વડાપ્રધાન નરેન્દ્ર મોદી સંસદ ભવન પહોંચ્યા. નાણામંત્રી ટૂંક સમયમાં રજૂ કરશે બજેટ 2024-25



Jul 23, 2024 10:08 IST
Budget 2024 live : નાણાંમંત્રી નિર્મલા સીતારમણ સંસદ ભવન પહોંચ્યા
દુનિયાનું સૌથી મોટું પાંચમા અર્થતંત્રના બજેટ રજૂ કરવા માટે નાણાંત્રી નિર્મલા સીતારમણ સંસદ ભવન પહોંચ્યા છે. કેબિનેટ સમક્ષ બજેટ રજૂ કરશે.



Jul 23, 2024 09:54 IST
Budget 2024 live : બજેટના દિવસે શેર માર્કેટ પોઝિટિવ ખુલ્યું
નાણાકીય અને જાહેર ક્ષેત્રની કંપનીઓની આગેવાની હેઠળ મંગળવારે શેરબજારો ઊંચા ખુલ્યા હતા, કારણ કે રોકાણકારો બજેટમાં નીતિગત ઘોષણાઓ માટે તૈયાર હતા. NSE નિફ્ટી 50 0.24% વધીને 24,568.9 પર, જ્યારે S&P BSE સેન્સેક્સ 0.28% વધીને 80 પર ખુલ્યો હતો.



Jul 23, 2024 09:51 IST
Budget 2024 live : ઉત્તર પ્રદેશના નાણામંત્રીએ શું કહ્યું?
આજે રજૂ થનારું કેન્દ્રીય બજેટ 2024 પર ઉત્તર પ્રદેશના નાણામંત્રી સુરેશ કુમાર ખન્નાએ કહ્યું કે અમે આશા રાખીએ છીએ કે આ બજેટ વિકસિત ભારતની દિશામાં એક મીલનો પથ્થર સાબિત થશે. અમે આશા કરીએ છીએ કે આજે જે બજેટ આવશે તેનાથી નિશ્ચિત રૂપથી ઉત્તર પ્રદેશને પણ લાભ મળશે.
#WATCH लखनऊ: आज पेश होने वाले केंद्रीय बजट 2024 पर उत्तर प्रदेश के वित्त मंत्री सुरेश कुमार खन्ना ने कहा, "हम उम्मीद करते हैं कि यह बजट विकसित भारत की दिशा में एक मील का पत्थर साबित होगा...हम उम्मीद करते हैं कि आज जो बजट आएगा, निश्चित रूप से उसमें उत्तर प्रदेश को भी लाभ… pic.twitter.com/NinVQf07RG
— ANI_HindiNews (@AHindinews) July 23, 2024



Jul 23, 2024 09:40 IST
Budget 2024 live :નિર્મલા સીતારમણ રાષ્ટ્રપતિ ભવન પહોંચ્યા
બજેટ રજૂ કરતા પહેલા નાણામંત્રી નિર્મલા સીતારમણ રાષ્ટ્રપતિ મુર્મુને મળવા માટે રાષ્ટ્રપતિ ભવન પહોંચ્યા.
https://twitter.com/ANI/status/1815593826993791447



Jul 23, 2024 09:35 IST
Budget 2024 live :નિર્મલા સીતારમણ અને બજેટ દસ્તાવેજો સાથેની ટીમ, સંસદ માટે રવાના
કેન્દ્રીય નાણા પ્રધાન નિર્મલા સીતારમણ નોર્થ બ્લોકમાં નાણા મંત્રાલયની બહાર બજેટ દસ્તાવેજો સાથેના ટેબલેટનું પ્રદર્શન કર્યા બાદ નાણા મંત્રાલયના સભ્યો તેમની સાથે સંસદ માટે રવાના થાય છે જ્યાં તેઓ આજે બજેટ રજૂ કરશે.



Jul 23, 2024 09:07 IST
રાજ્યમાં સવારે 6 થી 8 વાગ્યા સુધી 61 તાલુકામાં વરસાદ નોંધાયો
સ્ટેટ ઇમર્જન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા પ્રમાણે સવારે 6 વાગ્યાથી લઈને 8 વાગ્યા સુધીમાં બે કલાકમાં 61 તાલુકામાં વરસાદ નોંધાયો હતો. જેમાં સૌથી વધારે કચ્છના નખત્રાણામાં પોણા બે ઈંચ વરસાદ નોંધાયો હતો. અહીં વાંચો ક્યાં કેટલો વરસાદ નોંધાયો.



Jul 23, 2024 08:52 IST
Budget 2024 live : નાણામંત્રાલય પહોંચ્યા નાણામંત્રી
સંસદમાં બજેટ રજૂ કરતા પહેલા નાણામંત્રી નિર્મલા સિતારમણ નાણામંત્રાલય પહોંચ્યા છે.
Finance Minister Nirmala Sitharaman reaches Ministry ahead of Union Budget presentation

Read @ANI Story | https://t.co/2pLE5R08Yh#Budget2024#BudgetDay#NirmalaSitharamanpic.twitter.com/Vu9E7tqsio
— ANI Digital (@ani_digital) July 23, 2024



Jul 23, 2024 08:47 IST
Budget 2024 live : સબકા સાથ, સબકા વિકાસ પર આધારિત બજેટ
રાજ્યનાણા મંત્રી પંકજ ચૌધરી યુનિય બજેટ રજૂ થયા પહેલા ઘરેથી નીકળ્યા હતા અને તેમણે વડાપ્રધાન મોદીના સબકા સાથ સબકા વિકાસના મંત્ર પણ આધારિત હશે.



Jul 23, 2024 08:24 IST
Budget 2024 live : નામામંત્રી નિર્મલા સીતારમણનું શેડ્યુલ
સવારે 9.10 વાગ્યે રાષ્ટ્રપતિને મળશે
9.45 વાગ્યે સંસદ ભવન જવા રવાના થશે
સવારે 10 વાગ્યે સદનની બહાર બજેટ સાથે ફોટો શૂટ
10.15 પર કેબિનેટમાં બજેટ રજૂ કરવામાં આવશે
નાણામંત્રી સવારે 11 વાગ્યે બજેટ રજૂ કરશે



Jul 23, 2024 08:17 IST
Budget 2024 live : પીએમ કિસાનની રકમ વધશે?
પીએમ કિસાન સમ્માન નિધિ યોજનાની રાશિમાં વધારો થશે, આશા રાખવામાં આવી રહી છે કે સરકાર પીએમ કિસાન યોજનાની રમકમાં 6000 રૂપિયાથી વધારે 8000 રૂપિયા કરી શકે છે.



Jul 23, 2024 08:04 IST
Budget 2024 live : બુનિયાદી માળખાના વિકાસ પર ભાર
ચાલુ નાણાંકિય વર્ષ માટે સરકારના નિયોજીત પૂંજીગત વ્યય 11.1 લાખ કરોડ રૂપિયા છે. જે ગત વર્ષે 9.5 લાખ કરોડ રૂપિયાથી વધારે હતું. સરકાર બુનિયાદી માળખા પર ભાર આપી રહી છે. રાજ્યોના પૂંજગત વ્યય વધારવા માટે પ્રોત્સાહિત પણ રહી રહી છે.



Jul 23, 2024 08:00 IST
Budget 2024 live : નિર્મલા સીતારમણનું સતત સાતમું બજેટ રજૂ કરશે
નાણામંત્રી નિર્મલા સીતારમણ આજે 11 વાગ્યે યુનિયન બજેટ 2024-24 રજૂ કરશે.આ નાણામંત્રીનું સતત સાતમુ બજેટ છે.



Jul 23, 2024 07:28 IST
Budget 2024 live : જમ્મુ કાશ્મીરનું બજેટ પણ સંસદમાં રજૂ થશે
આજે સંસદમાં નાણામંત્રી નિર્મલા સીતારમણ કેન્દ્ર શાસિત પ્રદેશ જમ્મુ અને કાશ્મીરનું બજેટ પણ સંસદ પટલ પર અંગ્રેજી અને હિન્દી ભાષામાં રજૂ કરશે.



Jul 23, 2024 06:55 IST
નાણામંત્રી આજે બજેટ 2024 રજૂ કરશે
નાણામંત્રી નિર્મલા સિતારમણ આજે બજેટ 2024 રજૂ કરશે. હવે જોવાનું એ રહ્યું કે નાણામંત્રી પોતાના બજેટમાં કેવા કેવા લાભ સામાન્ય લોકોને આપશે અને કેવી મોટી જાહેરાતો કરશે.



Jul 23, 2024 00:16 IST
Budget 2024 Live updates: બજેટ 2024 પૂર્વે આર્થિક સર્વે કેવો છે?
Budget 2024, Economic Survey 2024: બજેટ 2024 રજૂ કરતાં પૂર્વે સોમવારે નાણામંત્રી નિર્મલા સીતારમને સંસદમાં આર્થિક સર્વે રજૂ કર્યો છે. જેમાં વૈશ્વિક પડકારો વચ્ચે ચાલુ નાણાકીય વર્ષ 2024-25માં ભારતનો કુલ ઘરેલુ ઉત્પાદન (જીડીપી) વૃદ્ધિ દર 6.5 થી 7 ટકા રહેવાની સંભાવના છે. નાણામંત્રી નિર્મલા સીતારમણ મંગળવારે સંસદમાં બજેટ 2024 રજુ કરશે.



Jul 22, 2024 22:15 IST
Budget 2024 Live Updates: બજેટમાં સોનું - ચાંદી સસ્તું થશે?
સોના ચાંદીના ભાવ સતત વધીને આસમાને પહોંચતા લોકો માટે આ કિંમતી ધાતુની ખરીદી મુશ્કેલ બની ગઇ છે. આવી સ્થિતિમાં બુલિયન અને જ્વેલર્સ ઈન્ડસ્ટ્રીઝ તરફથી સોના - ચાંદી પરની આયાત જકાત ઘટાડવાની માંગણી કરી રહ્યા છે. ભારતમાં સોનું – ચાંદી અને પ્લેટિનમ પર 15 ટકા ઇમ્પોર્ટ ડ્યૂટી લાગુ પડે છે. ઉપરાંત તેના પર 3 ટકા જીએસટી વસૂલવામાં આવે છે. જો ઇમ્પોર્ટ ડ્યૂટી અને જીએસટી ઘટાડવામાં આવે તો સોનું ચાંદી થોડાક સસ્તા થઇ શકે છે.



Jul 22, 2024 22:15 IST
Budget 2024 Live Updates: રાંધણ ગેસ સબસિડી શરૂ કરવા અને પેટ્રોલ - ડીઝલ શરૂ કરવા માંગ
કોરોના વખત થી રાંધણગેસ સબસિડી બંધ કરવામાં આવી છે. મોંઘવારી અને મંદીથી પીડિત ગરીબ અને મધ્યમ વર્ગ રાંધણગેસ સબસિડી ફરી કરવાની માંગણી કરી રહ્યું છે. તેવી જ રીતે પેટ્રોલ ડીઝલ ઘણા મોંઘા થયા છે. જો પેટ્રોલ ડીઝલ પરનો ટેક્સ ઘટે તો લોકોને મોટી રાહત મળી શકે છે.



Jul 22, 2024 22:15 IST
Budget 2024 Live Updates: નિર્મલા સીતારામન બજેટ રજૂ કરવાનો રેકોર્ડ બનાવશે
નિર્મલા સીતારામન બજેટ 2024 સંસદમાં રજૂ કરવાની સાથે નવા રેકોર્ડ બનાવશે. બજેટ 2024 એ નિર્મલા સીતારામનનું સતત સાતમું બજેટ છે. આ સાથે તેઓ સાત વખત બજેટ રજૂ કરનાર દેશના પ્રથમ મહિલા નાણામંત્રી બનશે. તેમણે 2019માં પ્રથમવાર બજેટ રજૂ કર્યું હતું.