Canada school shooting: કેનેડાના બ્રિટિશ કોલંબિયામાં હાઈસ્કૂલમાં ફાયરિંગ, શૂટર સહિત 10ના મોત, 25 લોકો ઘાયલ

Canada school shooting: કેનેડાના બ્રિટિશ કોલંબિયામાં ટમ્બલર રિજ સેકન્ડરી સ્કૂલમાં ફાયરિંગની ઘટના બની હતી. આ ઘટનામાં શૂટર સહિત 10 લોકો માર્યા ગયા છે અને 25 લોકો ઘાયલ થયા છે. ઈજાગ્રસ્તોને સારવાર માટે નજીકના મેડિકલ સેન્ટરમાં દાખલ કરવામાં આવ્યા છે.

પોલીસે ગોળીબાર અંગે શું કહ્યું?

મીડિયા સાથે વાત કરતા પોલીસે જણાવ્યું કે ગોળીબાર મંગળવારે બપોરે બ્રિટિશ કોલંબિયાના પીસ પ્રદેશમાં ટમ્બલર રિજ સેકન્ડરી સ્કૂલમાં થયો હતો. પોલીસના જણાવ્યા અનુસાર તેમને એક ઈમર્જન્સી મેસેજ મળ્યો હતો. જેમાં શંકાસ્પદ વ્યક્તિ વિશે જણાવવામાં આવ્યું હતું.મેસેજમાં ભૂરા વાળવાળી મહિલા જોવા મળી હોવાનો ઉલ્લેખ છે. પોલીસ માને છે કે શંકાસ્પદે હુમલામાં ભૂમિકા ભજવી હોઈ શકે છે.

વધુ મળતી માહિતી પ્રમાણે જ્યારે પોલીસની ટીમ ઘટનાસ્થળે પહોંચ્યી ત્યારે તેમને શાળાના મેદાનમાં છ લોકો મૃત હાલતમાં મળ્યા હતા. જ્યારે હોસ્પિટલ જતા રસ્તામાં એક વ્યક્તિનું મૃત્યુ થયું. પોલીસને નજીકના ઘરમાંથી બે મૃતદેહ પણ મળ્યા હતા, જેને આ કેસ સાથે જોડવામાં આવી રહ્યા છે. પોલીસ હાલમાં તપાસ કરી રહી છે કે ગોળીબારમાં ફક્ત એક જ બંદૂકધારી સામેલ હતો કે ઘણા લોકો સામેલ હતા.

આ પણ વાંચોઃ- CBSE New Rule: CBSE ધો 12 ના વિદ્યાર્થીઓ અને વાલીઓ માટે મહત્વના સમાચાર, બોર્ડે લીધો આ મહત્વનો નિર્ણય

કેનેડિયન ગોળીબારના આંકડા શું કહે છે?

કેનેડામાં સામૂહિક ગોળીબારનો લાંબો ઇતિહાસ છે, પરંતુ તાજેતરના વર્ષોમાં આવા કિસ્સાઓમાં ઘટાડો થયો છે. કેનેડિયન પોલીસ દ્વારા જાહેર કરાયેલા આંકડા આની પુષ્ટિ કરે છે. પોલીસના ડેટા અનુસાર 2023 માં કેનેડામાં બંદૂક સંબંધિત હિંસક ગુનાઓની સંખ્યા 14,416 હતી. બીજા શબ્દોમાં કહીએ તો, દર 100,000 લોકો દીઠ સરેરાશ 37 ઘટનાઓ બની હતી. જોકે, 2022ની તુલનામાં આ ગુનાઓમાં 1.7 ટકાનો ઘટાડો થયો છે.