Delhi-Goa IndiGo Flight: એન્જીનમાં ખામીના કારણે ઈન્ડિગોના વિમાનનું ઈમરજન્સી લેન્ડિંગ, 191 યાત્રી હતા સવાર

IndiGo Flight Emergency Landing: દિલ્હીથી ગોવા જતી ઇન્ડિગોની ફ્લાઇટ 6E 6271 ના એક એન્જિનમાં ટેકનિકલ ખામીને કારણે ઇમરજન્સી લેન્ડિંગ કરવું પડ્યું. ફ્લાઇટને રાત્રે 9:42 વાગ્યે મુંબઈના છત્રપતિ શિવાજી મહારાજ આંતરરાષ્ટ્રીય એરપોર્ટ પર લેન્ડ કરવામાં આવી હતી. આ પહેલા, પાયલોટે 9:25 વાગ્યે એલાર્મ વગાડ્યું હતું અને ઇમરજન્સી લેન્ડિંગ પહેલાં 'PAN PAN PAN' ની જાહેરાત કરી હતી.

આ ફ્લાઇટ દિલ્હીથી ગોવાના મનોહર આંતરરાષ્ટ્રીય એરપોર્ટ જઈ રહી હતી. ઇન્ડિગોના પ્રવક્તાએ જણાવ્યું હતું કે વિમાનને સુરક્ષિત રીતે લેન્ડ કરવામાં આવ્યું હતું અને મુસાફરોને બીજા વિમાનમાં મોકલવામાં આવ્યા હતા. વિમાનમાં કુલ 191 લોકો સવાર હતા.

ઇન્ડિગોએ જણાવ્યું હતું કે ટેકનિકલ ખામીને કારણે વિમાનનો રૂટ બદલવામાં આવ્યો હતો અને ફ્લાઇટને 9:53 વાગ્યે મુંબઈ એરપોર્ટ પર લેન્ડ કરવામાં આવી હતી. આ ઇન્ડિગો વિમાનને હવે તેની આગળની સફર પર મોકલતા પહેલા જરૂરી તપાસ કરવામાં આવશે.

ટેકનિકલ ખામીના ઘણા કિસ્સાઓ

રવિવારે અગાઉ, પુણેથી દિલ્હી જતી સ્પાઇસજેટની ફ્લાઇટને ટેકઓફ માટે રનવે પર પહોંચ્યા પછી ટેકનિકલ ખામીને કારણે રદ કરવી પડી હતી. એક અધિકારીએ જણાવ્યું હતું કે ગયા અઠવાડિયે ઇન્દોરથી રાયપુર જતી ઇન્ડિગોની ફ્લાઇટ ટેકનિકલ ખામીને કારણે ટેકઓફ કર્યા પછી તરત જ એરપોર્ટ પર પાછી ફરી હતી. તેમાં 51 મુસાફરો સવાર હતા.

આ પણ વાંચોઃ- 9 વર્ષની બાળકીને એક કલાકમાં 2 વાર હાર્ટ એટેક આવ્યા, સ્કૂલમાં બેભાન થઈ ગયા બાદ જીવ જતો રહ્યો

અમદાવાદમાં વિમાન દુર્ઘટના

નોંધનીય છે કે ગયા મહિને જ અમદાવાદમાં થયેલા વિમાન દુર્ઘટનામાં 270 લોકોના મોત થયા હતા. આ પછી, ટેકનિકલ ખામીને કારણે એર ઇન્ડિયાની ઘણી ફ્લાઇટ્સ રદ કરવી પડી હતી. આ અંગે લોકોના મનમાં પણ ડર છે.