ઇલેક્ટોરલ બોન્ડ ડેટા: 2019ની ચૂંટણી પહેલા ભાજપને ₹ 3,941 કરોડથી વધુ મળ્યા, જે વર્ષની ગણતરીના 77% હતા

Written by Shyamlal Yadav : Electoral bonds data, ઇલેક્ટોરલ બોન્ડ ડેટા : ચૂંટણી પંચ દ્વારા ઇલેક્ટોરલ બોન્ડના ડેટા જાહેર કર્યા બાદ રાજકારણ ગરમાયું છે. રાજકીય પાર્ટીઓની સાથે સાથે દાન આપનાર કંપનીઓ પણ ચર્ચાનો વિષય બની છે. જ્યારે ભાજપની વાત કરીએ તો વર્ષ 2019ની લોકસભા ચૂંટણી પહેલા ભાજપને 3,941 કરોડ રૂપિયાથી વધારે રકમ મળી હતી. જે તેની વર્ષની ગણતરીના 77 ટકા ભાગ હતો.

ચૂંટણી પંચે જાહેર કરેલા ઇલેક્ટોરલ બોન્ડ ડેટા અનુસાર શાસક ભાજપે માર્ચ 2018 અને મે 22, 2019 વચ્ચે રૂ. 3,941.57 કરોડથી વધુની કમાણી કરી છે અને તેમાંથી 77.4% (રૂ. 3,050.11 કરોડ) લોકસભા ચૂંટણીના ત્રણ મહિના પહેલા માર્ચ, એપ્રિલ અને મે 2019માં પાર્ટીના ખજાનામાં આવ્યા હતા.

તે વર્ષે 10 માર્ચે લોકસભા ચૂંટણી 2019ની જાહેરાત કરવામાં આવી હતી અને મતગણતરી 23 મેના રોજ થઈ હતી. એકંદરે, ભાજપે યોજનાની શરૂઆતથી ઓછામાં ઓછા રૂ. 8,451.41 કરોડ રોક્યા હતા.

વર્ષ 2019માં ભાજપને સૌથી વધારે રૂપિયા ત્રણ શહેરોમાંથી મળ્યા

લોકસભા ચૂંટણીની સાથે આંધ્રપ્રદેશ, અરુણાચલ પ્રદેશ અને ઓડિશામાં વિધાનસભાની ચૂંટણીઓ પણ યોજાઈ હતી. જ્યાંથી આ બોન્ડ રજૂ કરવામાં આવ્યા હતા તે શાખાઓની ભૂગોળ દર્શાવે છે કે ભાજપને દેશભરમાંથી નાણાં મળ્યા હતા, જેમાં મુખ્ય યોગદાન મુંબઈ (રૂ. 1,493.21 કરોડ), કોલકાતા (રૂ. 1,068.91 કરોડ) અને નવી દિલ્હીથી (રૂ. 666.08 કરોડ) હતું.

ઇલેક્ટોરલ બોન્ડ ડેટા અનુસાર નવેમ્બર-ડિસેમ્બર 2018માં કર્ણાટક, છત્તીસગઢ, મધ્યપ્રદેશ, રાજસ્થાન, તેલંગાણા, મિઝોરમમાં વિધાનસભાની ચૂંટણીઓ યોજાઈ હતી. ભાજપે એમપી, છત્તીસગઢ અને રાજસ્થાન ગુમાવ્યા હતા અને કોંગ્રેસમાં પક્ષપલટો કરીને ભોપાલમાં સરકારમાં પાછા ફર્યા હતા. ઓક્ટોબર અને નવેમ્બર 2018 દરમિયાન રિડીમ કરાયેલા બોન્ડ્સ દર્શાવે છે કે ભાજપને કુલ રૂ. 330.41 કરોડ મળ્યા છે. આગામી તબક્કો જાન્યુઆરી 2019માં ખોલવામાં આવ્યો હતો અને પાર્ટીએ રૂ. 173 કરોડના બોન્ડ રિડીમ કર્યા હતા.

આ પણ વાંચોઃ- ઇલેક્ટોરલ બોન્ડ ના યુનિક કોડ પર કેમ થઇ રહ્યો છે હંગામો? સુપ્રીમ કોર્ટે SBI પાસે કેમ માંગી તેની જાણકારી

લોકસભા ચૂંટણી 2019માં ભાજપે કેટલા બોન્ડ રિડીમ કર્યા?

ઇલેક્ટોરલ બોન્ડ ડેટા વિશે જો વાત કરીએ તો લોકસભાની ચૂંટણીએ રૂપિયાનો નળ ખોલી નાખ્યો હતો. 2019માં માર્ચની શરૂઆતમાં લોકસભાની ચૂંટણીની જાહેરાતની બરાબર પહેલા વિન્ડો ખોલવામાં આવી હતી અને તે વર્ષે માર્ચમાં ભાજપે રૂ. 769.48 કરોડના બોન્ડ રિડીમ કર્યા હતા. એપ્રિલમાં જ્યારે મતદાન શરૂ થયું, ત્યારે ભાજપનું બોન્ડ રિડિમ્પ્શન વધીને રૂ. 1572.93 કરોડ થયું હતું અને તે જ વર્ષે મે મહિનામાં પાર્ટીએ રૂ. 707.70 કરોડના બોન્ડ રિડીમ કર્યા હતા.

આ પણ વાંચોઃ-Electoral Bonds: મજૂર બન્યો લોટરી કિંગ સુધી ઈલેક્ટોરલ બોન્ડના સૌથી મોટા ખરીદાર સેન્ટિયાગો માર્ટિનની કહાની

કોલકાત્તામાંથી મળ્યો હતો ભાજપના કુલ કલેક્શનના 27 ટકા ભાગ

ઇલેક્ટોરલ બોન્ડ ડેટા એ પણ દર્શાવે છે કે માર્ચ 2018 થી મે 2019 ના સમયગાળા દરમિયાન કોલકાતામાં ભાજપના કુલ કલેક્શનનો 27 ટકા હિસ્સો હતો. ભાજપના 38 ટકાથી વધુ રિડમ્પ્શન મુંબઈના બોન્ડના હતા અને પાર્ટીએ નવી દિલ્હીમાં રૂ. 666.08 કરોડ (17%) રિડીમ કર્યા હતા. હૈદરાબાદથી, જ્યાં ભાજપની હાજરી ઓછી છે, તેણે રૂ. 106.26 કરોડની કમાણી કરી.