Written by Jay Mazoomdaar , Shijith Kunhitty : Electoral Bond, ઈલેક્ટોરલ બોન્ડ: ચૂંટણી પંચે તાજેતરમાં જ ઈલેક્ટોરલ બોન્ડના ડેટાને તેની વેબસાઈટ પર જાહેર કર્યા છે. સુપ્રીમ કોર્ટે આ માહિતી શેર કરવા માટે પંચને 15 માર્ચ, 2024ની સમયમર્યાદા આપી હતી. ECI અનુસાર ફ્યુચર ગેમિંગ, Megha Engineering અને Quixplychain Pvt Ltd એ ઈલેક્ટોરલ બોન્ડના ટોચના 3 દાતા છે.
ભાજપને કુલ 47 ટકા ઈલેક્ટોરલ બોન્ડનું દાન મળ્યું
બીજી તરફ જો આપણે રાજકીય પક્ષોની વાત કરીએ તો ભાજપને કુલ 47 ટકા ઈલેક્ટોરલ બોન્ડનું દાન મળ્યું છે, જે લગભગ 7000 કરોડ રૂપિયા થાય છે. ચૂંટણી બોન્ડ્સ કેશ કરનાર પક્ષોમાં કોંગ્રેસ, તૃણમૂલ કોંગ્રેસ, આમ આદમી પાર્ટી, સમાજવાદી પાર્ટી, AIADMK, BRS, શિવસેના, TDP, YSR કોંગ્રેસ, DMK, JDS, NCP, JDUનો સમાવેશ થાય છે. અને આરજેડી પણ સામેલ છે
ચૂંટણી પંચ દ્વારા જાહેર કરવામાં આવેલા આંકડા પરથી જાણવા મળે છે કે ભારતીય જનતા પાર્ટીના કુલ 487 દાતાઓમાંથી, ટોચના 10 લોકોએ 2119 કરોડ રૂપિયાનું યોગદાન આપ્યું છે જે પાર્ટી દ્વારા એપ્રિલ 2019થી રોકાયેલા રૂપિયા 6060 કરોડના ચૂંટણી બોન્ડના 35 ટકા છે. આ આંકડો તમામ પક્ષોમાં સૌથી વધુ છે.
આ પણ વાંચોઃ- ગુજરાતમાં ચૂંટણીના વર્ષમાં જ બેંકો દ્વારા જાહેર કરાયેલા બોન્ડમાં વધારો, જુઓ ભાજપના ખાતામાં કેટલા કરોડ આવ્યા?
કોણ ભાજપ અને કોંગ્રેસ બંને માટે ટોચના દાતા તરીકે ઉભરી આવ્યું?
દાતા નંબર 1 ફ્યુચર ગેમ્સ એન્ડ હોટેલ સર્વિસ લિમિટેડે ભાજપને માત્ર 100 કરોડ રૂપિયાનું ફંડ આપ્યું. તેના રૂ. 1,368 કરોડના ભંડોળનો ત્રણ ચતુર્થાંશ ભાગ તૃણમૂલ કોંગ્રેસ (રૂ. 542 કરોડ) અને ડીએમકે (રૂ. 503 કરોડ) વચ્ચે લગભગ સમાન રીતે વહેંચવામાં આવ્યો હતો. દાતા નંબર 2 મેઘા ગ્રુપ ભાજપ અને કોંગ્રેસ બંને માટે ટોચના દાતા તરીકે ઉભરી આવ્યું છે. જૂથ દ્વારા ખરીદવામાં આવેલા રૂ. 1,192 કરોડના બોન્ડમાંથી ભાજપને લગભગ અડધા એટલે કે રૂ. 584 કરોડ મળ્યા છે. આ કોંગ્રેસ (રૂ. 110 કરોડ) કરતા પાંચ ગણું વધારે હતું.
આ પણ વાંચોઃ- ચૂંટણી બોન્ડના ડેટાથી હંગામો: 16 હજાર કરોડ થયા આમ-તેમ, હવે આગળ શું? જાણો તમામ વિગત
કોંગ્રેસ પાસે 161 કરોડ અને તૃણમૂલ પાસે 47 કરોડ છે
કોલકાતા સ્થિત MKJ ગ્રૂપની ચાર કંપનીઓએ રૂ. 617 કરોડના બોન્ડ ખરીદ્યા હતા – જે તેમને એકંદરે ત્રીજા ક્રમના સૌથી મોટા દાતા બનાવે છે. ભાજપને રૂ. 372 કરોડ મળ્યા, જે જૂથ દ્વારા ખરીદવામાં આવેલા કુલ ચૂંટણી બોન્ડના અડધા કરતાં વધુ છે, જેમાં મદનલાલ લિમિટેડ, કેવેન્ટર ફૂડ પાર્ક ઇન્ફ્રા લિમિટેડ અને સાસમલ ઇન્ફ્રાસ્ટ્રક્ચરનો સમાવેશ થાય છે. કોંગ્રેસ પાસે 161 કરોડ અને તૃણમૂલ પાસે 47 કરોડ છે.
