Farmer Protest: ખેડૂત આંદોલન રોકવા શંભુ બોર્ડર પર કડક સુરક્ષા, રોડ રસ્તા પર ત્રણ સ્તરીય બેરિ

Farmer Protest News: ખેડૂત આંદોલન માટે શંભુ બોર્ડર તરફથી દિલ્હી કૂચ તરફ કરશે. 300 દિવસ સુધી શંભુ બોર્ડર પર બેઠેલા ખેડૂતો હવે દિલ્હી જઇને આંદોલન કરવાની યોજના ધરાવે છે. ખેડૂત નેતા સરવનસિંહ પંઢેરે જણાવ્યું હતું કે શુક્રવારે હરિયાણા પોલીસ સાથે અથડામણ થઈ હતી, જેના કારણે 16 ખેડૂતોને ઈજા થઈ હતી, જેમને તેઓ શનિવારે મળ્યા હતા.

હકીકતમાં અંબાલાથી હરિયાણા અને દિલ્હી બોર્ડર સુધી સુરક્ષા વ્યવસ્થા કડક કરી દેવામાં આવી છે. અહીં ખેડૂતો પોતાની વિવિધ માંગણીઓ માટે પ્રદર્શન કરી રહ્યા છે. ખેડૂત નેતા સરવનસિંહ પંઢેરના જણાવ્યા અનુસાર, 8 ડિસેમ્બરે રાત્રે 12 વાગ્યે 101 ખેડૂતોની ટુકડી દિલ્હી તરફ કૂચ કરશે.

ખેડૂત આંદોલન રોકવા માટે કડક સુરક્ષા

ખેડૂતોની દિલ્હી કૂચની જાહેરાત બાદ ફરી એકવાર શંભ સરહદો પર સતર્કતા વધારીને ખેડૂતોને રોકવાની તૈયારી કરવામાં આવી છે. ન્યૂઝ એજન્સી એએનઆઈનો એક વીડિયો સામે આવ્યો છે, જેમાં કેટલાક કારીગરો વેલ્ડિંગ કરી રહ્યા છે. ખેડૂતોને રોકવા માટે ખીલ્લીની પેટર્નવાળા બેરિયર અને બ્રેકર લગાવી રહ્યા હતા. આ પહેલા જ્યારે ખેડૂતો દિલ્હી આવી રહ્યા હતા ત્યારે તે દરમિયાન પણ આવી જ તૈયારીઓ કરવામાં આવી હતી.