તમાકુ, પાન મસાલા પર તોતિંગ ટેક્સ : FM સીતારમને સ્વાસ્થ્ય રાષ્ટ્રીય સુરક્ષા સેસ અને સેન્ટ્રલ એક્સાઇઝ સુધારણા બિલ 2025 રજૂ કર્યા

FM Nirmala Sitharaman Introduced New Tax Cess Bill : સંસદ શિયાળુ સત્રના પ્રથમ દિવસે નાણામંત્રી નિર્મલા સીતારમણે લોકસભામાં હેલ્થ સિક્યોરિટી ટુ નેશનલ સિક્યુરિટી સેસ બિલ, 2025 રજૂ કર્યું હતું. આ બિલ સાથે રાષ્ટ્રીય સુરક્ષા અને જાહેર આરોગ્ય સંબંધિત ખર્ચને પહોંચી વળવા માટે સંસાધનો વધારવાનો હેતુ છે. આ હેઠળ, મશીન અથવા પ્રક્રિયાઓ પર સેસ વસૂલવામાં આવશે જેના દ્વારા ચોક્કસ માલનું ઉત્પાદન અથવા મેન્યુફેક્ચરિંગ કરવામાં આવે છે. આ ઉપરાંત આ બિલમાં તેમાંથી ઉદ્ભવતી અથવા તેના પરિણામે ઉદ્ભવતી અન્ય બાબતોને પણ આવરી લેવામાં આવી છે.

નાણામંત્રી નિર્મલા સીતારમણે પણ લોકસભામાં સેન્ટ્રલ એક્સાઇઝ (સુધારા) બિલ, 2025 રજૂ કર્યું હતું. આ વિધેયકનો ઉદ્દેશ સેન્ટ્રલ એક્સાઇઝ એક્ટ, 1944માં સુધારો કરવાનો છે. જીએસટી વળતર સેસ નાબૂદ કર્યા પછી પણ તમાકુ, પાન મસાલા અને અન્ય તમાકુની બનાવટો પર સમાન કર બોજ જાળવી રાખવા માટે સરકારે 1, 2025ના રોજ લોકસભામાં બે બિલ રજૂ કર્યા હતા. આ દ્વારા જીએસટી કોન્પેન્સેશન સેસની જગ્યાએ નવો સેસ વસૂલવામાં આવશે. વિપક્ષી દળોના ભારે સૂત્રોચ્ચાર વચ્ચે નાણામંત્રી નિર્મલા સીતારમણે લોકસભામાં બિલ રજૂ કર્યા હતા.

વિપક્ષના સભ્યો મતદાર સુધારાણ યાદી કાર્યક્રમ (SIR) અને કેટલાક અન્ય વિષયો પર ચર્ચા કરવાની માંગ સાથે હંગામો મચાવી રહ્યા હતા. તૃણમૂલ કોંગ્રેસના નેતા સૌગત રોય અને ડીએમકેના સાંસદ કથિર આનંદે આ બિલ રજૂ કરવાનો વિરોધ કર્યો હતો. રોયે આરોપ લગાવ્યો હતો કે તમાકુ પર એક્સાઇઝ ડ્યુટી વસૂલવાની જોગવાઈ છે, પરંતુ તમાકુ પેદાશોની સ્વાસ્થ્ય પર હાનિકારક અસર કરતા પાસાની અવગણના કરી હતી.

કથિર આનંદે કહ્યું કે લોકો પર વધુ કરવેરાનો બોજ નાખવાનો પ્રયાસ કરવામાં આવી રહ્યો છે. સેન્ટ્રલ એક્સાઇઝ એમેન્ડમેન્ટ બિલ, 2025 હેઠળ, સિગારેટ સહિતના વિવિધ તમાકુ ઉત્પાદનો પર એક્સાઈઝ ડ્યુટી વસૂલવામાં આવશે, જે તમાકુ પર વસૂલવામાં આવતા જીએસટી કોમ્પન્સેશન સેસનું સ્થાન લેશે.

'સ્વાસ્થ્ય સુરક્ષા ટુ નેશનલ સેફ્ટી સેસ બિલ, 2025' પાન મસાલા પર વસૂલવામાં આવતા કોમ્પેન્સેશન સેસનું સ્થાન લેશે. તેનો ઉદ્દેશ્ય રાષ્ટ્રીય સુરક્ષા અને જાહેર આરોગ્ય સંબંધિત ખર્ચ માટે વધારાના સંસાધનો પેદા કરવાનો છે. આ હેઠળ, મશીનો અથવા પ્રક્રિયાઓ પર સેસ વસૂલવામાં આવશે જેના દ્વારા ઉપરોક્ત માલનું ઉત્પાદન અથવા મેન્યુફેક્ચરિંગ કરવામાં આવે છે. હાલમાં, તમાકુ અને પાન મસાલા પર 28 ટકા જીએસટી લાગુ છે, અને તેની ઉપર અલગ અલગ દરે કોમ્પન્સેશન સેસ પણ વસૂલવામાં આવે છે.