ભારતમાં Google Chrome યુઝર્સ પર ખતરો, સરકારે એડવાઇઝરી જાહેર કરી, સાયબર એટેકથી બચવા આટલું કરો

Google Chrome users At High Risk In India: ગૂગલ ક્રોમ યુઝર્સ પર મોટો ખતરો ટોળાઇ રહ્યો છે. સંભવિત જોખમ ટાળવા માટે ભારત સરકારે ગૂગલ ક્રોમ યુઝર્સ માટે એડવાઇઝરી જારી કરી છે. ઈન્ડિયન કમ્પ્યુટર ઈમરજન્સી રિસ્પોન્સ ટીમ (Indian Computer Emergency Response Team- CERT-In) એ યૂઝર્સ માટે મહત્વની એડવાઈઝરી જાહેર કરી છે, જેમાં ડેસ્કટોપ સિસ્ટમ માટે ગૂગલ ક્રોમમાં અનેક ગંભીર સુરક્ષા ખામીઓ પર પ્રકાશ પાડવામાં આવ્યો છે. આ ખામીઓને કારણે હુમલાખોરો ગમે ત્યાંથી arbitrary code લાગુ કરીને અસરગ્રસ્ત મશીનો પર નિયંત્રણ મેળવી શકે છે.

16 મે 2025ના રોજ જાહેર કરવામાં આવેલા એલર્ટમાં આ જોખમને હાઈ રિસ્ક કેટેગરીમાં રાખવામાં આવ્યો છે. એડવાઇઝરી અનુસાર, સાયબર ગુનેગારો આ સુરક્ષામાં રહેલી આ ખામીઓનો ફાયદો ઉઠાવી લોકોને ખાસ ડિઝાઇન કરેલા કથિત વેબપેજ ખોલવા માટે છેતરીને યુઝર્સ ડિવાઇસ સાથે બાંધછોડ કરી શકે છે.

ગૂગલક્રોમના લોડર કમ્પોનન્ટમાં કેટલીક પોલિસી યોગ્ય રીતે લાગુ ન થવાને કારણે તેમજ ક્રોમની Mojo સિસ્ટમમાં અવ્યાખ્યાયિત સ્થિતિમાં નબળું હેન્ડલિંગ થવાને કારણે આ ખામીઓ સર્જાઇ છે.

CERT-In એ તમામ ગૂગલ ક્રોમ વપરાશકર્તાઓને સલાહ આપી છે કે તેઓ કોઈપણ વિલંબ કર્યા વિના તેમના બ્રાઉઝરને અપડેટ કરે. આ ખામીઓને ઠીક કરનાર સિક્યોરિટી પેચ ક્રોમ વર્ઝન 136.0.7103.113 થી શરૂ કરવામાં આવ્યો છે. વપરાશકર્તાઓ ગૂગલ ક્રોમના ઈન્ટરનલ અપડેટ ફીચર્સનો ઉપયોગ કરીને અપડેટ ઇન્સ્ટોલ કરી શકે છે અને વધુ વિગતો માટે ક્રોમ રીલીઝ બ્લોગ ચકાસી શકે છે.

Google Chrome અપડેટ કરવાની સ્ટેપ બાય સ્ટેપ રીત

• ગૂગલ ક્રોમ લોન્ચ કરો અને પછી ઉપરના જમણા ખૂણામાં થ્રી-ડોટ મેનૂ આઇકન પર ક્લિક કરો.
• આ પછી Navigate to Help > About Google Chrome માં જાવો
• ક્રોમ આપમેળે અપડેટ્સ માટે તપાસ કરશે અને જ્યારે અપડેટ ઉપલબ્ધ થશે ત્યારે લેટેસ્ટ વર્ઝન ઇન્સ્ટોલ કરવામાં આવશે.

Google Chrome Update : ગૂગલ ક્રોમ અપડેટ કરવું શા માટે મહત્ત્વનું છે?

• કોઈ પણ વ્યક્તિ ખાનગી અને સંવેદનશીલ માહિતીનો અનધિકૃત એક્સેસ મેળવી શકશે નહીં.
• કમ્પ્યુટરને માલફંક્શન, હેકિંગ અને સાયબર એટેકથી બચાવવા માટે.
• કથિત સોફ્ટવેર, વાયરસ અને સ્પાયવેરને ઇન્સ્ટોલ થવાથી બચાવવા માટે.
• તમારા ડિવાઇસ અને ડેટાને સુરક્ષિત રાખવા માટે, CERT-In ની સલાહ મુજબ ક્રોમ તરત જ અપડેટ થાય તે સુનિશ્ચિત કરો.