Gujarat Rain Updates : રાજકોટમાં ભારે વરસાદના કારણે લોકમેળો રદ, અનેક જિલ્લાઓમાં રસ્તાઓ નદીઓમાં ફેરવાયા

Gujarat Rain Updates, Red Alert : ગુજરાતમાં ભારે વરસાદના કારણે હાહાકાર મચી ગયો છે. અનેક જિલ્લાઓમાં રસ્તાઓ નદીઓમાં ફેરવાઈ ગયા છે. હવામાન વિભાગે આગામી ત્રણ દિવસ સમગ્ર ગુજરાતમાં વરસાદનું એલર્ટ જાહેર કર્યું છે. ભારે વરસાદને જોતા રાજ્યની તમામ પ્રાથમિક શાળાઓમાં રજા જાહેર કરવામાં આવી છે. લોકોને સલામત સ્થળે લઈ જવા માટે વહીવટી તંત્રની ટીમો તૈનાત કરવામાં આવી છે. ગુજરાતમાં ભારે વરસાદને કારણે અત્યાર સુધીમાં 7 લોકોના મોત થયાના અહેવાલ છે.

રાજકોટમાં ભારે વરસાદના કારણે લોકમેળો રદ

રાજકોટ ભારે વરસાદના કારણે લોકમેળો આજથી રદ કરવામાં આવ્યો છે. સ્ટોલ ધારકોએ ભરેલી રકમ તેમજ ડિપોઝિટની રકમ 100 ટકા પરત આપવાનો નિર્ણય લેવામાં આવ્યો છે. મુખ્યમંત્રી દ્વારા લોકહિતને ધ્યાનમાં રાખીને મેળો રદ કરવાનો આદેશ આપતા રાજકોટ જિલ્લા કલેકટર દ્વારા આજથી મેળો કેન્સલ કરવાનો નિર્ણય લેવામા આવ્યો છે.

ગુજરાતમાં ભારે વરસાદના પગલે બે દિવસમાં 7ના મોત

સોમવારથી અત્યાર સુધીમાં રાજ્યમાં અવિરત વરસાદને કારણે ગુજરાતમાં સાત લોકોના મોત થયા છે. રાજ્યમાં ભારે વરસાદને કારણે દિવાલ પડી જવાથી, પાણીમાં ડૂબી જવાથી તથા ઝાડ પડવાની દુર્ઘટનામાં કુલ ૭ વ્યક્તિઓના મૃત્યુ થયા છે. તેમના કિસ્સામાં નિયમાનુસારની સહાય ચૂકવવાની કાર્યવાહી ત્વરાએ હાથ ધરવા બેઠકમાં સૂચનાઓ આપવામાં આવી હતી. આ ચોમાસાની સિઝન દરમિયાન રાજ્યમાં 100 લોકોના મોત નોંધાયા છે.

ગુજરાતમાં ભારે વરસાદના પગલે 96 ડેમો હાઈ એલર્ટ પર

ગુજરાતમાં ભારે વરસાદ પડી રહ્યો છે ત્યારે ગુજરાતમાં ઉપરવાસથી પાણીની આવક વધતાં 96 ડેમો હાઈ એલર્ટ ઉપર છે જ્યારે 19 ડેમ એલર્ટ અને 7 ડેમ વોર્નિંગ ઉપર છે. આ ઉપરાંત 76 ડેમો 100 ટકા ભરાયા છે. જ્યારે 46 ડેમો 70થી 100 ટકા વચ્ચે ભરાયેલા છે. 23 ડેમ એવા છે જેમાં પાણીનો સંગ્રહ 50થી 70 ટકા વચ્ચે છે. 30 ડેમ 25થી 50 ટકા ભરાયા છે. આ ઉપરાંત 31 ડેમ 25 ટકાથી નીચે ભરાયેલા છે.

ગુજરાતમાં 15 નદીઓ ઓવરફ્લો થઈ રહી છે

ગુજરાત સ્ટેટ ઇમરજન્સી સેન્ટર ગાંધીનગર દ્વારા આપેલી માહિતી પ્રમાણે ગુજરાતમાં ભારે વરસાદના પગલે જળબંબાકારની સ્થિતિ સર્જાઈ છે. ઉપરવાસમાંથી આવતા પાણીના પગલે રાજ્યની નદીઓ મોટાભાગની નદીઓ બે કાંઠે વહી રહી છે જેમાં 15 નદીઓ ઓવરફોઈંગ થઈ રહી છે. જ્યારે 21 તળાવો અને ડેમ ઓવરફ્લો થઈ રહ્યા છે

ગુજરાતમાં 24 કલાકમાં 254 તાલુકામાં વરસાદ

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આકંડા પ્રમાણે ગુજરાતમાં સોમવારે સવારે 6 વાગ્યાથી લઈને આજે મંગળવારે સવારે 6 વાગ્યા સુધીમાં 254 તાલુકામાં વરસાદ નોંધાયો હતો. 28 તાલુકામાં 8 ઈંચ કરતા વધારે વરસાદ નોંધાયો છે જ્યારે 65 તાલુકામાં 4થી 8 ઈંચ વચ્ચે વરસાદ નોંધાયો હતો. 111 તાલુકામાં 1થી 4 ઈંચ વચ્ચે વરસાદ નોંધાયો હતો.

Aug 27, 2024 23:36 IST
28 ઓગસ્ટના રોજ વરસાદની આગાહી
28 ઓગસ્ટને બુધવારના રોજ હવામાન વિભાગની આગાહી પ્રમાણે કચ્છ, સૌરાષ્ટ્રના અમરેલી, ભાવનગર, મોરબી, સુરેન્દ્રનગર, રાજકોટ, જામનગર, જૂનાગઢ, દેવભૂમિ દ્વારકા, બોટાદ, પોરબંદર, ગીર સોમનાથ, દીવમાં રેડ એલર્ટ આપવામાં આવ્યું છે. એટલે કે અત્યંત ભારે વરસાદની આગાહી કરવામાં આવી છે. જ્યારે અમદાવાદ, ખેડા, આણંદ, પંચમહાલ, વડોદરા, છોટા ઉદેપુર, ડાંગ, તાપી, સુરત, નર્મદા, ભરૂચ, નવસારી, વલસાડ, દમણ અને દાદરા નગર હવેલીમાં ઓરેન્જ એલર્ટ આપવામાં આવ્યું છે. એટલે કે ભારેથી અતિભારે વરસાદ પડવાની આગાહી કરાઈ છે.
આ ઉપરાંત બનાસકાંઠા, સાબરકાંઠા, પાટણ, મહેસાણા, ગાંધીનગર, અરવલ્લી, મહિસાગર અને દાહોદમાં યલ્લો એલર્ટ આપવામાં આવ્યું છે. એટલે કે ભારે વરસાદની આગાહી કરવામાં આવી છે.



Aug 27, 2024 21:10 IST
ભારે વરસાદ કારણે 28 ઓગસ્ટે મોટાભાગના જિલ્લાની શાળાઓમાં રજા જાહેર કરાઇ
28 ઓગસ્ટના રોજ વરસાદની ભારે આગાહીના કારણે મોટાભાગના જિલ્લાની શાળાઓમાં રજા જાહેર કરાઇ છે. જેમાં અરવલ્લી, પોરબંદર, મહેસાણા, પાટણ, અમદાવાદ, રાજકોટ, બોટાદ, આણંદ, ખેડા, મહિસાગર, કચ્છ અને મોરબી જિલ્લાની સરકારી પ્રાથમિક અને માધ્યમિક શાળા તેમજ ગ્રાન્ટ ઈન એઈડ અને ખાનગી શાળાઓ તથા કોલેજમાં રજા જાહેર કરી દેવામાં આવી છે.



Aug 27, 2024 19:01 IST
રાજ્યમાં ભારે વરસાદને કારણે 7 વ્યક્તિઓના મોત
રાજ્યમાં ભારે વરસાદને કારણે દિવાલ પડી જવાથી, પાણીમાં ડૂબી જવાથી તથા ઝાડ પડવાની દુર્ઘટનામાં કુલ 7 વ્યક્તિઓના મૃત્યુ થયા છે. તેમના કિસ્સામાં નિયમાનુસારની સહાય ચૂકવવાની કાર્યવાહી ત્વરાએ હાથ ધરવા બેઠકમાં સૂચનાઓ આપવામાં આવી હતી.



Aug 27, 2024 17:24 IST
રાજ્યમાં સાંજે 4 વાગ્યા સુધીમાં 245 તાલુકામાં વરસાદ નોંધાયો
સ્ટેટ ઇમરજન્સી ઓપરેશન સેન્ટર, ગાંધીનગરના ડેટા પ્રમાણે 27મી ઓગસ્ટે સવારથી 6 થી સાંજના 4 વાગ્યા સુધીમાં 245 તાલુકામાં વરસાદ નોંધાયો છે. જેમાં સૌથી વધારે રાજકોટમાં 8 ઇંચ વરસાદ વરસ્યો છે. જ્યારે કોટડા સાંગણીમાં 7.5 ઇંચ, લોધિકામાં 7 ઇંચ વરસાદ નોંધાયો છે.



Aug 27, 2024 16:57 IST
રાજકોટ ભારે વરસાદના કારણે લોકમેળો આજથી રદ
રાજકોટ ભારે વરસાદના કારણે લોકમેળો આજથી રદ કરવામાં આવ્યો છે. સ્ટોલ ધારકોએ ભરેલી રકમ તેમજ ડિપોઝિટની રકમ 100 ટકા પરત આપવાનો નિર્ણય લેવામાં આવ્યો છે. મુખ્યમંત્રી દ્વારા લોકહિતને ધ્યાનમાં રાખીને મેળો રદ કરવાનો આદેશ આપતા રાજકોટ જિલ્લા કલેકટર દ્વારા આજથી મેળો કેન્સલ કરવાનો નિર્ણય લેવામા આવ્યો છે.



Aug 27, 2024 14:23 IST
રાજ્યમાં બપોરે બે વાગ્યા સુધીમાં 242 તાલુકામાં વરસાદ નોંધાયો
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આકંડા પ્રમાણે ગુજરાતમાં સવારે 6 વાગ્યાથી બપોરે 2 વાગ્યા સુધીમાં ગુજરાતમાં 242 તાલુકામાં વરસાદ નોંધાયો હતો. જેમાં સૌથી વધારે વરસાદ રાજકોટ જિલ્લામાં પડ્યો હતો. રાજકોટમાં સાડા સાત ઈંચ વરસાદ, કોટડા સાંઘાનીમાં સાત ઈંચ વરસાદ, લોધિકામાં પોણા સાત ઈંચ વરસાદ નોંધાયો હતો. આ ઉપરાંત 81 તાલુકામાં એક ઈંચથી ચાર ઈંચ વચ્ચે વરસાદ નોંધાયો હતો.



Aug 27, 2024 14:06 IST
ચોટીલાના હબીયાસર ગામ પાસેનો પૂલ તૂટી પડ્યો
મેઘરાજાએ સૌરાષ્ટ્રને ગમરોળ્યું છે ત્યારે ચોટીલાના હબીયાસર ગામ પાસે પૂલ ધરાશાયી થયો હતો. પૂલ તૂટી પડતાં અનેક ગામો સંપર્ક વિહોણા થયા છે.



Aug 27, 2024 12:29 IST
ગુજરાત રાજ્યમાં 99.66 ટકા એવરેજ વરસાદ નોંધાયો
હવામાન વિભાગે આપેલી માહિતી પ્રમાણે રાજ્યમાં 99.66 ટકા એવરેજ વરસાદ પડ્યો છે. ઝોન પ્રમાણે વાત કરીએ તો કચ્છમાં 116.79 ટકા, ઉત્તર ગુજરાતમાં 79.99 ટકા, મધ્ય પૂર્વ ઝોનમાં 98.74 ટકા, સૌરાષ્ટ્માં 101.52 ટકા, દક્ષિણ ગુજરાતમાં 108.20 ટકા વરસાદ નોંધાયો છે.



Aug 27, 2024 12:13 IST
ગુજરાતમાં 15 નદીઓ ઓવરફ્લો થઈ રહી છે
ગુજરાત સ્ટેટ ઇમરજન્સી સેન્ટર ગાંધીનગર દ્વારા આપેલી માહિતી પ્રમાણે ગુજરાતમાં ભારે વરસાદના પગલે જળબંબાકારની સ્થિતિ સર્જાઈ છે. ઉપરવાસમાંથી આવતા પાણીના પગલે રાજ્યની નદીઓ મોટાભાગની નદીઓ બે કાંઠે વહી રહી છે જેમાં 15 નદીઓ ઓવરફોઈંગ થઈ રહી છે. જ્યારે 21 તળાવો અને ડેમ ઓવરફ્લો થઈ રહ્યા છે.



Aug 27, 2024 12:12 IST
ગુજરાતમાં ભારે વરસાદના પગલે 96 ડેમો હાઈ એલર્ટ પર
ગુજરાતમાં ભારે વરસાદ પડી રહ્યો છે ત્યારે ગુજરાતમાં ઉપરવાસથી પાણીની આવક વધતાં 96 ડેમો હાઈ એલર્ટ ઉપર છે જ્યારે 19 ડેમ એલર્ટ અને 7 ડેમ વોર્નિંગ ઉપર છે. આ ઉપરાંત 76 ડેમો 100 ટકા ભરાયા છે. જ્યારે 46 ડેમો 70થી 100 ટકા વચ્ચે ભરાયેલા છે. 23 ડેમ એવા છે જેમાં પાણીનો સંગ્રહ 50થી 70 ટકા વચ્ચે છે. 30 ડેમ 25થી 50 ટકા ભરાયા છે. આ ઉપરાંત 31 ડેમ 25 ટકાથી નીચે ભરાયેલા છે.



Aug 27, 2024 10:58 IST
ગુજરાતમાં અતિ ભારે વરસાદના લીધે DYSOની પરીક્ષા મોકૂફ
ગુજરાતમાં હવામાન વિભાગ દ્વાર રાજ્યમાં આગામી 31 ઑગસ્ટ સુધી ભારેથી અતિભારે વરસાદની આગાહી કરવામાં આવી છે. જેના લીધે બુધવારે (28 મી ઓગસ્ટ) થી શરૂ થતી DYSO ની પરીક્ષા હાલ પુરતી મોકૂફ રાખવાનો નિર્ણય લેવામાં છે. ટૂંક સમયમાં નવી તારીખો જાહેર કરવામાં આવશે.



Aug 27, 2024 10:34 IST
ગુજરાતમાં ભારે વરસાદના પગલે આજની આ ટ્રેનો રદ્દ કરાઈ
વડોદરા ડિવિઝનના બાજવા સ્ટેશન પર પાણી ભરાવાને કારણે નીચેની ટ્રેનો 27.08.2024 ના રોજ રદ કરવામાં આવી છે.
19256 મહુવા - સુરત એક્સપ્રેસ
12268 હાપા - મુંબઈ સેન્ટ્રલ દુરાન્તો એક્સપ
22924 જામનગર - બાંદ્રા ટર્મિનસ હમસફર એક્સ્પ
20907 દાદર - ભુજ સયાજીનગરી એક્સપ્રેસ
20960 વડનગર - વલસાડ સુપર
22955 બાંદ્રા ટર્મિનસ - ભુજ કચ્છ એક્સપ્રેસ
22959 વડોદરા - જામનગર ઇન્ટરસિટી એક્સ્પ
22960 જામનગર - વડોદરા ઇન્ટરસિટી એક્સ્પ
09495 વડોદરા - અમદાવાદ પેસેન્જર
09496 અમદાવાદ - વડોદરા પેસેન્જર
09181 પ્રતાપનગર - અલીરાજપુર પેસેન્જર
09170 અલીરાજપુર - પ્રતાપનગર પેસેન્જર



Aug 27, 2024 10:14 IST
ગુજરાતના ભારે વરસાદને કારણે રેલવે ટ્રાફિક પ્રભાવિત
સમગ્ર ગુજરાતમાં અત્યંત ભારે વરસાદના કારણે રેલવે વ્યવહાર પર પણ અસર થઈ છે. વડોદરા ડિવિઝનના બાજવા રેલવે સ્ટેશન અને આસપાસમાં રેલવે ટ્રેક પર પાણી ભરાયા છે. જેના કારણે અમદાવાદ-મુંબઈ વચ્ચેના રેલવે વ્યવહારને અસર થતા 30 જેટલી ટ્રેનને રદ કરવામાં આવી છે. જ્યારે 36 જેટલી ટ્રેન વડોદરા બાદ આણંદ અને ગોધરા થઈ અમદાવાદ તરફ આવી રહી છે. 13 જેટલી ટ્રેનોને અલગ અલગ સ્ટેશનો સુધી ચલાવવામાં આવી છે. ભારે વરસાદના કારણે અમદાવાદ, આણંદ, વડોદરા અને મુંબઈ વચ્ચેના રેલવે વ્યવહારને અસર થતા અનેક ટ્રેનો મોડી પણ ચાલી રહી છે.



Aug 27, 2024 10:13 IST
ગુજરાતના 22 સ્ટેટ હાઈવે પાણી ભરાવવાના કારણે બંધ
ગુજરાતમાં ભારે વરસાદના પગલે ગુજરાતના 22 સ્ટેટ હાઈવે ઉપર પાણી ફરી વળ્યા છે. જેના પગલે આ હાઈવે બંધ કરવામાં આવ્યા છે. આ ઉપરાં અન્ય 37 રસ્તાઓ પણ બંધ કરવામાં આવ્યા છે. વિવિધ પંચાયતો અંતર્ગત આવતા 549 રસ્તાઓ પણ બંધ થયા છે. આમ રાજ્યના કૂલ 608 રોડ રસ્તાઓ બંધ થયા છે.



Aug 27, 2024 09:59 IST
ગોધરામાં મેશરી નદીના કાંઠા વિસ્તારના 15 વધુ લોકોના રેસ્કયુ કરાયા
ગોધરામાં ભારે વરસાદના પગલે મેશરી નદીમાં પાણીની આવક વધી જતાં કાંઠા વિસ્તારમાં 15 થી વધુ લોકો ફસાયા હતા. જોકે, ફાયરબ્રિગેડ દ્વારા 15થી વધારે લોકોનું રેસ્ક્યૂ કરીને ગોધરા સિવિલ હોસ્પિટલમાં સારવાર અર્થે મોકલી આપ્યા હતા. રેસ્ક્યૂની કામગીરી દરમિયાન ફાયરબ્રિગેડનાં જવાનને શંકાસ્પદ ઝેરી જનાવર કરડ્યું હતું.



Aug 27, 2024 09:57 IST
આજે સવારે 6થી 8 વાગ્યા વચ્ચે ગુજરાતમાં 170 તાલુકામાં વરસાદ નોંધાયો
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે આજે 27 ઓગસ્ટ 2024, મંગળવારના રોજ સવારે 6 વાગ્યાથી 8 વાગ્યા વચ્ચે બે કલાકમાં ગુજરાતમાં 170 તાલુકામાં વરસાદ નોંધાયો હતો. જેમાં સૌથી વધારે વરસાદ રાજકોટના લોધિકામાં પોણા ચાર ઈંચ વરસાદ નોંધાયો હતો. જ્યારે રાજકોટમાં સાડા ત્રણ ઈંચ વરસાદ નોંધાયો હતો. સુરેન્દ્રનગરના થાનગઢમાં અઢી ઈંચ વરસાદ, મોરબીના વાંકાનેરમાં પણ અઢી ઈંચ વરસાદ નોંધાયો હતો.



Aug 27, 2024 09:52 IST
ગુજરાતમાં 24 કલાકમાં 254 તાલુકામાં વરસાદ
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આકંડા પ્રમાણે ગુજરાતમાં સોમવારે સવારે 6 વાગ્યાથી લઈને આજે મંગળવારે સવારે 6 વાગ્યા સુધીમાં 254 તાલુકામાં વરસાદ નોંધાયો હતો. 28 તાલુકામાં 8 ઈંચ કરતા વધારે વરસાદ નોંધાયો છે જ્યારે 65 તાલુકામાં 4થી 8 ઈંચ વચ્ચે વરસાદ નોંધાયો હતો. 111 તાલુકામાં 1થી 4 ઈંચ વચ્ચે વરસાદ નોંધાયો હતો.