Gujarati News Today 7 February Highlights: ઉત્તરાખંડ વિધાનસભામાં યુનિફોર્મ સિવિલ કોડ બિલ પાસ, દેશનું પ્રથમ રાજ્ય બન્યું

Today News in Gujarati, 7 February 2024,આજના તાજા સમાચાર : આજે બુધવારને 7 ફેબ્રુઆરી છે. ગુજરાત રાજ્ય સહિત દેશ વિદેશમાં બનેલી આજની મુખ્ય તમામ ઘટનાઓ વિશે અહીં જાણકારી આપવામાં આવી છે.

ઉત્તરાખંડ વિધાનસભામાં યુનિફોર્મ સિવિલ કોડ બિલ પાસ, દેશનું પ્રથમ રાજ્ય બન્યું

ઉત્તરાખંડ વિધાનસભામાં યુનિફોર્મ સિવિલ કોડ બિલ પાસ થઈ ગયું છે. ઉત્તરાખંડ દેશનું પહેલું એવું રાજ્ય બની ગયું છે જેણે એક સમાન કાયદો બનાવ્યો છે. વિધાનસભાની ચૂંટણી દરમિયાન જ ભાજપે યુસીસીને તેના સંકલ્પ પત્રનો એક ભાગ બનાવ્યો હતો અને હવે તેને વિધાનસભામાંથી પાસ પણ કરાવી દીધું છે. રાજ્યપાલની સહી બાદ તેનો અમલ પણ સત્તાવાર રીતે કરવામાં આવશે.

સીએમ પુષ્કર સિંહ ધામીએ આ પ્રસંગને ઐતિહાસિક ગણાવ્યો છે. તેમણે મીડિયા સાથે વાત કરતા કહ્યું કે ઉત્તરાખંડ માટે આજનો દિવસ ખૂબ જ ખાસ છે. આજે દેશમાં લાંબા સમયથી માંગણી કરી રહેલું આ ખાસ વિધેયક દેવભૂમિની વિભાનસભામાં રજૂ કરીને વિધાનસભામાં પસાર કરવામાં આવ્યું છે. હું વડાપ્રધાન નરેન્દ્ર મોદીનો પણ આભાર માનું છું કે તેમની પ્રેરણા અને માર્ગદર્શનથી અમને ઉત્તરાખંડ વિધાનસભામાં આ બિલ પસાર કરવાની તક મળી.

Feb 07, 2024 23:40 IST
ભારતીય ટીમને ફટકો, વિરાટ કોહલી ત્રીજી અને ચોથી ટેસ્ટમાં પણ નહીં રહે : રિપોર્ટ
India vs England : ભારતીય ફાસ્ટ બોલર મોહમ્મદ સિરાજ રાજકોટ ટેસ્ટ પહેલા ટીમ સાથે જોડાશે. સિરાજની વાપસી ટીમ માટે સારા સમાચાર છે.



Feb 07, 2024 22:03 IST
ઇડી સાથે ખેંચતાણમાં કેજરીવાલને હવે કોર્ટની નોટિસ, ‘આપ’ની ચારેબાજુ આ રીતે ફેલાયેલું છે સંકટ

Arvind Kejriwal : આપ વિરુદ્ધ સરકારી વિભાગોમાં ભ્રષ્ટાચારના 10 વિશિષ્ટ આરોપોની આસપાસ કેન્દ્રિત છે. જેમાં દારૂની નીતિનો કેસ, દિલ્હી જલ બોર્ડના આક્ષેપો, જાહેર બસોની જાળવણી અંગેના આરોપો અને વર્ગખંડોના નિર્માણમાં કથિત ભ્રષ્ટાચારનો સમાવેશ થાય છે. વધુ વાંચો



Feb 07, 2024 21:28 IST
શરદ પવાર જૂથને મળ્યું નવું નામ, પાર્ટીનું નામ NCP શરદ ચંદ્ર પવાર રાખવામાં આવ્યું

sharad pawar new party name : શરદ પવારની પાર્ટીને આપવામાં આવેલા નવા નામમાં સૌથી ખાસ બાબત ખુદ શરદ પવાર છે. જે નામ ફાઈનલ થઈ ગયું છે તેમાં શરદ પવારનો ચોક્કસ ઉલ્લેખ કરવામાં આવ્યો છે. વધુ વાંચો



Feb 07, 2024 20:44 IST
ઉત્તરાખંડ વિધાનસભામાં યુનિફોર્મ સિવિલ કોડ બિલ પાસ, દેશનું પ્રથમ રાજ્ય બન્યું
ઉત્તરાખંડ વિધાનસભામાં યુનિફોર્મ સિવિલ કોડ બિલ પાસ થઈ ગયું છે. ઉત્તરાખંડ દેશનું પહેલું એવું રાજ્ય બની ગયું છે જેણે એક સમાન કાયદો બનાવ્યો છે. વિધાનસભાની ચૂંટણી દરમિયાન જ ભાજપે યુસીસીને તેના સંકલ્પ પત્રનો એક ભાગ બનાવ્યો હતો અને હવે તેને વિધાનસભામાંથી પાસ પણ કરાવી દીધું છે. રાજ્યપાલની સહી બાદ તેનો અમલ પણ સત્તાવાર રીતે કરવામાં આવશે.
સીએમ પુષ્કર સિંહ ધામીએ આ પ્રસંગને ઐતિહાસિક ગણાવ્યો છે. તેમણે મીડિયા સાથે વાત કરતા કહ્યું કે ઉત્તરાખંડ માટે આજનો દિવસ ખૂબ જ ખાસ છે. આજે દેશમાં લાંબા સમયથી માંગણી કરી રહેલું આ ખાસ વિધેયક દેવભૂમિની વિભાનસભામાં રજૂ કરીને વિધાનસભામાં પસાર કરવામાં આવ્યું છે. હું વડાપ્રધાન નરેન્દ્ર મોદીનો પણ આભાર માનું છું કે તેમની પ્રેરણા અને માર્ગદર્શનથી અમને ઉત્તરાખંડ વિધાનસભામાં આ બિલ પસાર કરવાની તક મળી.



Feb 07, 2024 19:02 IST
LRD ભરતીની પરીક્ષા પદ્ધતિમાં ફેરફાર, હવે ફિઝિકલ પરીક્ષાના માર્ક્સ નહીં ગણાય

100 ગુણની MCQ TESTને બદલે હવે 200 ગુણનું OBJECTIVE MCQ TESTનું પેપર લેવાશે, પાસ થવા માટે ઓછામાં ઓછા 40 ટકા ગુણ ફરજિયાત. વધુ વાંચો



Feb 07, 2024 18:02 IST
ICC Test Ranking: જસપ્રીત બુમરાહ ટેસ્ટ રેન્કિંગમાં નંબર 1, બન્યો પ્રથમ ફાસ્ટ બોલર

ICC Test Ranking: જસપ્રીત બુમરાહ આઇસીસી ટેસ્ટ રેન્કિંગમાં ટોપ પર પહોંચનાર પહેલો ભારતીય ફાસ્ટ બોલર બન્યો છે. જસપ્રીત બુમરાહે દક્ષિણ આફ્રિકા સામેની ટેસ્ટ સિરીઝમાં ઉત્કૃષ્ઠ બોલિંગનું પ્રદર્શન કરતાં એક મેચમાં 9 વિકેટ ઝડપી હતી. વધુ વાંચો



Feb 07, 2024 17:06 IST
રાજ્યસભામાં પીએમ નરેન્દ્ર મોદીએ કહ્યું – કોંગ્રેસ આ વખતે 40 સીટો પાર કરી શકશે નહીં

PM Narendra Modi Speech : પીએમ મોદીએ કોંગ્રેસ પર પ્રહાર કરતા કહ્યું - જે કોંગ્રેસ પાસે પોતાના નેતાની કોઇ ગેરેન્ટી નથી, તે મોદીની ગેરંટી પર સવાલ ઉઠાવી રહી છે. વધુ વાંચો



Feb 07, 2024 17:05 IST
અરવિંદ કેજરીવાલે હવે ઇડી સામે હાજર થવું પડશે, કોર્ટે 17 ફેબ્રુઆરીએ હાજર થવા કહ્યું
દિલ્હીના મુખ્યમંત્રી અરવિંદ કેજરીવાલે હવે દારૂ કૌભાંડમાં ઇડી સામે હાજર થવું પડશે. કોર્ટે કેજરીવાલને 17મી ફેબ્રુઆરીએ હાજર થવા માટે કહ્યું છે. EDએ જ કોર્ટમાં અરજી દાખલ કરીને કહ્યું હતું કે સીએમ કેજરીવાલ તપાસમાં સહકાર આપી રહ્યા નથી. સતત સમન્સ છતા તે પૂછપરછ માટે હાજર થતા ન હતા. હવે કોર્ટે કેજરીવાલને 17 ફેબ્રુઆરીએ હાજર થવા માટે કહ્યું છે. એવું કહેવામાં આવી રહ્યું છે કે સીએમ અરવિંદ કેજરીવાલ કાયદાકીય નિષ્ણાતો સાથે મંથન કરી રહ્યા છે, ત્યારબાદ જ આગળની રણનીતિ નક્કી કરવામાં આવશે.



Feb 07, 2024 15:49 IST
IPL 2024 : ઋષભ પંત આઇપીએલ 2024માં રમશે કે નહીં? દિલ્હી કેપિટલ્સના કોચ રિકી પોન્ટિંગે આપી અપડેટ

IPL 2024 : ઋષભ પંત ડિસેમ્બર 2022માં કાર અકસ્માતનો શિકાર બન્યો હતો. એક વર્ષથી વધુ સમય થઈ ગયો છે પરંતુ પંત હજુ પણ મેદાનથી દૂર છે. વધુ વાંચો



Feb 07, 2024 14:42 IST
વડાપ્રધાને રાજ્યસભામાં કહ્યું, 'જે કોંગ્રેસના નેતાઓની કોઈ ગેરંટી નથી, તે મોદીની ગેરંટી પર સવાલ ઉઠાવે છે
PM Modi રાજ્યસભા ભાષણ: વડા પ્રધાન નરેન્દ્ર મોદી આજે રાજ્યસભામાં રાષ્ટ્રપતિના અભિભાષણ પર આભાર પ્રસ્તાવનો જવાબ આપી રહ્યા છે. વડાપ્રધાને બપોરે 2 વાગ્યે રાજ્યસભાને સંબોધન કરવાનું શરૂ કર્યું. પીએમ મોદી રાષ્ટ્રપતિ દ્રૌપદી મુર્મુના સંબોધન પર લાવવામાં આવેલા આભાર પ્રસ્તાવ પર ચર્ચા કરી રહ્યા છે. આ દરમિયાન તેમણે કહ્યું કે કોંગ્રેસ જેની પાસે પોતાના નેતાની કોઈ ગેરંટી નથી તે મોદીની ગેરંટી પર સવાલો ઉઠાવી રહી છે.
આ દરમિયાન પીએમ મોદીએ કહ્યું કે ટીકા કરવી એ કેટલાક લોકોની મજબૂરી છે. કડવી વાત કરવી એ કેટલાક સાથીદારોની મજબૂરી છે. કોંગ્રેસ અધ્યક્ષ મલ્લિકાર્જુન ખડગે પર નિશાન સાધતા વડાપ્રધાને કહ્યું, “લોકોએ ગૃહમાં દેશના વડાપ્રધાનનો અવાજ બંધ કરવાનો પ્રયાસ કર્યો હતો. મને ખૂબ ત્રાસ આપવામાં આવ્યો છે. અમે તમારી દરેક વાત ખૂબ ધીરજ અને નમ્રતાથી સાંભળતા આવ્યા છીએ પરંતુ આજે પણ તમે સાંભળવાની તૈયારીમાં આવ્યા છો. પણ તમે મારો અવાજ દબાવી નહીં શકો. દેશની જનતાએ આ અવાજને તાકાત આપી છે, તેથી જ હું પણ આ વખતે પૂરી તૈયારી સાથે આવ્યો છું.



Feb 07, 2024 14:35 IST
પ્રપોઝ ડે 2024 : તમારા ક્રશને I LOVE YOU કહેતા પહેલા 10 વાતનું રાખો ધ્યાન, આ ભૂલ ક્યારે ન કરવી

Valentines Week, Prapose day 2024, પ્રપોઝ ડે 2024 : વેલેન્ટાઈન વીક પ્રેમીઓને તેમના પ્રેમ તરફ બે પગલાં ભરવાનો વિશ્વાસ આપે છે. ઘણીવાર લોકો જેને પ્રેમ કરે છે તેને પોતાની લાગણીઓ વ્યક્ત કરી શકતા નથી અને તેને પોતાના દિલમાં પ્રેમ કરતા રહે છે. જો કે, વેલેન્ટાઇન વીકનો દરેક દિવસ પ્રેમીઓને તેમના પ્રિય સાથે આ દિવસ ઉજવવાની અને તેમના પ્રત્યે તેમનો પ્રેમ વ્યક્ત કરવાની તક આપે છે. વેલેન્ટાઇન વીકના બીજા દિવસે એટલે કે 8મી ફેબ્રુઆરીએ પ્રપોઝ ડે ઉજવવામાં આવે છે. આ દિવસે હિંમત ભેગી કરો અને તમારા ક્રશને I LOVE YOU કહો. વધુ વાંચો



Feb 07, 2024 13:06 IST
U19 World Cup Final 2024: અંડર 19 વર્લ્ડ કપ ફાઇનલ મેચ ભારત vs પાકિસ્તાન વચ્ચે રમાઇ શકે છે, ઈતિહાસ રચવાની તક

U19 World Cup India: અંડર 19 વર્લ્ડ કપમાં યુવા ટીમ ઇન્ડિયા પોતાનું પ્રભુત્વ બતાવી રહી છે. મંગળવારે રમાયેલી સેમીફાઇનલ મેચમાં યજમાન દક્ષિણ આફ્રિકાને બે વિકેટથી હરાવી ટીમ ઇન્ડિયાએ ફાઈનલમાં પ્રવેશ કર્યો છે. ભારત સતત પાંચમી વખત અને કુલ નવમી વખત ફાઈનલમાં પહોંચ્યું છે. કેપ્ટન ઉદય સહારનની યુવા ભારતીય ટીમને ઈતિહાસ રચવાનો અવસર છે. વધુ વાંચો



Feb 07, 2024 12:18 IST
અરવિંદ કેજરીવાલ વિરુદ્ધ ઈડીની ફરિયાદ પર આજે નિર્ણય, બીજેપી પર ભડકી આતિશી માર્લેના
દારૂ કૌભાંડ સંબંધિત કેસમાં ED તરફથી 5 સમન્સ હોવા છતાં તે હજુ સુધી એજન્સી સમક્ષ હાજર થયો નથી. આવી સ્થિતિમાં એન્ફોર્સમેન્ટ ડિરેક્ટોરેટે દિલ્હીની જ રાઉઝ એવન્યુ કોર્ટમાં સીએમ વિરુદ્ધ અરજી દાખલ કરી હતી. આજે EDની આ અરજી પર કોર્ટ પોતાનો ચુકાદો આપશે. આ મામલે આમ આદમી પાર્ટી ફરી એકવાર ભાજપ અને વડાપ્રધાન નરેન્દ્ર મોદી પર નારાજ થઈ છે અને તેને અરવિંદ કેજરીવાલ વિરુદ્ધનું ષડયંત્ર પણ ગણાવ્યું છે.
આપને જણાવી દઈએ કે દિલ્હી પોલીસની ક્રાઈમ બ્રાન્ચે ધારાસભ્યોના હોર્સ ટ્રેડિંગના આરોપોના મામલામાં અરવિંદ કેજરીવાલને પણ નોટિસ મોકલી છે. આ સિવાય મંત્રી આતિશી માર્લેનાને પણ નોટિસ મોકલવામાં આવી છે. ત્યારથી આતિશી એન્ફોર્સમેન્ટ ડિરેક્ટોરેટ અને ભાજપ પર આકરા પ્રહારો કરી રહી છે. મંગળવારે પણ EDએ દિલ્હીમાં ઘણા AAP નેતાઓના ઘરો પર દરોડા પાડ્યા હતા, જેના કારણે આખી દિલ્હી કડકડતી ઠંડી છતાં રાજકીય રીતે ગરમ થઈ ગઈ હતી.



Feb 07, 2024 12:12 IST
CA Foundation Result 2023: સીએ ફાઉન્ડેશન પરિણામ, ડિસેમ્બરમાં લેવાયેલી પરીક્ષાનું આજે રિઝલ્ટ

CA Foundation Result 2023, સીએ ફાઉન્ડેશન પરિણામ 2023: ચાર્ટર્ડ એકાઉન્ટન્ટ ફાઉન્ડેશન ડિસેમ્બર 2023ની પરીક્ષાના પરિણામની રાહ જોઈ રહેલા વિદ્યાર્થીઓ માટે આજનો દિવસ નિર્ણાયક બનવાનો છે. ડિસેમ્બર 2023 સત્ર માટે ‘ધ ઇન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઇન્ડિયા’ (ICAI) દ્વારા આયોજિત CA ફાઉન્ડેશન કોર્સ પરીક્ષાઓ (CA ફાઉન્ડેશન પરિણામ 2023) ના પરિણામો આજે એટલે કે બુધવાર, 7 ફેબ્રુઆરી 2024 ના રોજ જાહેર થવાના છે. તાજેતરમાં સંસ્થા દ્વારા પરિણામની ઘોષણા સત્તાવાર રીતે શેર કરવામાં આવી હતી. વધુ વાંચો



Feb 07, 2024 12:12 IST
અમદાવાદ: સરકારી શાળાના વિદ્યાર્થીઓને ખાનગી શાળામાં પ્રવેશ આપવાનો મામલો, મંત્રીએ કહ્યું, કડક કાર્યવાહી કરી

અમદાવાદની એક સરકારી શાળાના વિદ્યાર્થીઓ પાસેથી ફી વસૂલી તેમને ખાનગી શાળામાં દાખલ કરવાના મામલામાં પ્રાથમિક, માધ્યમિક અને પુખ્ત શિક્ષણના કેબિનેટ મંત્રી કુબેર ડીંડોરે મંગળવારે ગુજરાત વિધાનસભાને માહિતી આપી હતી કે, અમદાવાદના પાલડી-કંકજ ગામની સરકારી પ્રાથમિક શાળાના વિદ્યાર્થીઓને ખાનગી શાળાએ ફી વસૂલી દાખલ કરવાના કેસમાં રાજ્ય સરકારે કડક પગલાં લીધા છે. વધુ વાંચો



Feb 07, 2024 11:16 IST
મોતિયા ઓપરેશન બાદ દર્દીઓએ આંખોની રોશની ગુમાવી, ડોક્ટરો સહિત 11 સામે નોંધાયો કેસ

અમદાવાદના માંડલ તાલુકામાં આવેલી શ્રી રામાનંદ આંખની હોસ્પિટલમાં 10 જાન્યુઆરીએ મોતિયાના ઓપરેશન બાદ બે વ્યક્તિઓએ કથિત રીતે એક આંખની દૃષ્ટિ ગુમાવી દીધી હતી અને 15 અન્ય લોકોએ આંશિક દ્રષ્ટિ ગુમાવી દીધી હતી, ત્યારે સોમવારે બે ડૉક્ટરો સહિત 11 લોકો સામે ગુનો નોંધવામાં આવ્યો હતો. વધુ વાંચો



Feb 07, 2024 10:23 IST
Esha Deol Divorce : હેમા માલિનીની દીકરી એશાએ લગ્નના 12 બાદ લીધા છૂટાછેડા

Esha Deol Divorce : એશા દેઓલ (Esha Deol) અને પતિ ભરત તખ્તાની (Bharat Takhtani) લગ્નના 11 વર્ષ બાદ તેમના છૂટાછેડાની જાહેરાત કરી છે. સંયુક્ત નિવેદન મુજબ, દંપતીએ કહ્યું કે સહજતાથી અલગ થવું મિત્રતાપૂર્ણભર્યું છે. એશા દેઓલ બોલિવૂડ કપલ ધર્મેન્દ્ર (Dharmendr) અને હેમા માલિની (Hema Malini) ની દીકરી છે.દિલ્હી ટાઈમ્સને જારી કરાયેલ નિવેદનમાં હતું કે, “અમે પરસ્પર અને સહજતાથી અલગ થવાનો નિર્ણય લીધો છે. અમારા જીવનમાં આ પરિવર્તન દ્વારા, અમારા બે બાળકોના શ્રેષ્ઠ હિત અને કલ્યાણ અમારા માટે અત્યંત મહત્ત્વપૂર્ણ છે અને રહેશે. અમે પ્રશંસા કરીશું કે અમારી પ્રાઇવસીનું સન્માન કરવામાં આવે છે.” વધુ વાંચો



Feb 07, 2024 10:17 IST
ઈડીના દરોડા: ભ્રષ્ટાચારના મામલામાં કોંગ્રેસ નેતા હરક સિંહ રાવતના એક ડઝન સ્થળો પર EDના દરોડા

ED raid on harak singh rawat place, ઈડીના દરોડા : ભ્રષ્ટાચાર સંબંધિત મામલામાં ED સતત ઝડપી કાર્યવાહી કરી રહી છે. છેલ્લા કેટલાક દિવસોમાં એજન્સીએ રાજકારણીઓ સહિત અનેક આરોપીઓના સ્થળો પર દરોડા પાડીને મહત્વની માહિતી એકઠી કરી છે. આજે બુધવારે સવારે ફરી એકવાર આવું જ કંઈક બન્યું છે. એન્ફોર્સમેન્ટ ડિરેક્ટોરેટે કોંગ્રેસના વરિષ્ઠ નેતા અને ઉત્તરાખંડ સરકારમાં પૂર્વ વન મંત્રી હરક સિંહ રાવતના ઘરે દરોડા પાડ્યા છે. EDએ તેમની સામે વન કૌભાંડ સંબંધિત મહત્વના આરોપોમાં કેસ નોંધ્યો હતો. વધુ વાંચો



Feb 07, 2024 09:14 IST
Happy Rose day, રોઝ ડે 2024 પર ગુલાબની સાથે આ પ્રેમ ભર્યા સંદેશા મોકલી બનાવો દિવસને ખાસ

Valentine’s Week Messages, Happy Rose Day 2024, રોઝ ડે 2024: આજથી વેલેન્ટાઈન વીક શરૂ થઈ ગયું છે. વેલેન્ટાઇન વીકનો પહેલો દિવસ રોઝ ડે 2024 હોય છે. રોઝ ડે પ્રેમના આ અઠવાડિયાના પ્રથમ દિવસે ઉજવવામાં આવે છે. પ્રેમીઓ એકબીજાને ગુલાબના ફૂલ આપીને આ ખાસ દિવસની ઉજવણી કરે છે. જો કે, જો તમે ઇચ્છો તો ગુલાબની સાથે કેટલાક ખાસ સંદેશાઓ મોકલીને તમારા પાર્ટનરને ખાસ અનુભવ કરાવી શકો છો. અહીં અમે તમારા માટે આવા જ કેટલાક પ્રેમથી ભરેલા સંદેશાઓ અને સુંદર ફોટા લઈને આવ્યા છીએ. ચાલો આ પર એક નજર કરીએ. વધુ વાંચો



Feb 07, 2024 08:58 IST
મહારાષ્ટ્ર રાજકારણ : ઉદ્ધવ પાસેથી છીનવી શિવસેના, શરદ પવારે ગુમાવી NCP, મહારાષ્ટ્રની રાજનીતિ પર શું અસર થશે?

Maharashtra Politics, મહારાષ્ટ્રનું રાજકારણ : છેલ્લા કેટલાક મહિનામાં મહારાષ્ટ્ર રાજકારણમાં એવી રાજકીય ઘટનાઓ બની છે કે તેણે બે સૌથી મોટા નેતાઓની રાજનીતિ પર ઊંડી અસર છોડી છે. એક પૂર્વ સીએમ ઉદ્ધવ ઠાકરે અને બીજા શરદ પવાર. શરદ પવારને સૌથી મોટો રાજકીય ફટકો તેમના જ ભત્રીજા જે અજીત તરફથી મળ્યો છે. પહેલા માત્ર બળવો હતો, પછી પાર્ટી તૂટી અને હવે એનસીપીએ નામ લીધું છે. ચૂંટણી પંચે પણ તેની મંજૂરીની મહોર મારી દીધી છે, તેથી કાયદાકીય સુરક્ષા ગોઠવવામાં આવી છે. વધુ વાંચો



Feb 07, 2024 08:20 IST
આજે અચોક્કસ મુદ્દતની હડતાળ પર બેઠેલા ખેડૂતોની મહાપંચાયત, સંસદને ઘેરી લેવાની જાહેરાત
ગ્રેટર નોઈડા ઓથોરિટીમાં જમીન સંપાદનથી પ્રભાવિત ખેડૂતોની ચાલુ અનિશ્ચિત હડતાલ મંગળવારે આઠમા દિવસે પણ ચાલુ રહી. ખેડૂત સંગઠનોએ તેમની માંગણીઓને લઈને દિલ્હીમાં પ્રદર્શનની જાહેરાત કરી છે. ખેડૂત સંગઠનો તેમની માંગણીઓના સમર્થનમાં 13 ફેબ્રુઆરીએ દિલ્હી જવા રવાના થશે અને જંતર-મંતર પર વિરોધ પ્રદર્શન કરશે. ખેડૂત જૂથોએ તેમની માંગણીઓ અંગે રાજ્ય સરકાર અને સ્થાનિક વહીવટીતંત્ર પર દબાણ વધારવા માટે 7 ફેબ્રુઆરીએ 'કિસાન મહાપંચાયત' બોલાવી છે અને 8 ફેબ્રુઆરી 2024 ના રોજ દિલ્હીમાં સંસદ સુધી વિરોધ કૂચ કરવાની જાહેરાત કરી છે.
ખેડૂતોએ તેમના વિરોધની તૈયારીઓ તેજ કરી દીધી છે. ભારતીય કિસાન નૌજવાન યુનિયન દ્વારા સોનીપત જિલ્લાના ખારખોડામાં ટ્રેક્ટર માર્ચ કાઢવામાં આવી હતી. ખેડૂતોએ કહ્યું છે કે જો 13 ફેબ્રુઆરી સુધીમાં તેમની માંગણીઓ સંતોષવામાં નહીં આવે તો તેઓ દિલ્હી તરફ કૂચ કરશે. સંગઠનોનું કહેવું છે કે ખેડૂતોના આંદોલન દરમિયાન સરકારે જે માંગણીઓ સ્વીકારી હતી તે આજદિન સુધી પૂર્ણ કરવામાં આવી નથી.આ માંગણીઓ પૂર્ણ કરાવવા માટે ખેડૂત સંગઠનો દિલ્હી સુધી કૂચ કરવાની તૈયારી કરી રહ્યા છે.



Feb 07, 2024 07:37 IST
Water Birth : વોટર બર્થ ડિલિવરી શું છે? જાણો ફાયદા-ગેરફાયદા

Water Birth : ઘણી સગર્ભા સ્ત્રીઓ (Pregnant Women) પરંપરાગત ડિલિવરી (Traditional Delivery) ને બદલે વોટર બર્થ (Water Birth) ડિલિવરીનો ઓપ્શન પસંદ કરે છે કારણ કે, તે ટ્રેડિશનલ ડિલિવરી કરતા પીડારહિત અને આરામદાયક ઓપ્શન છે તેથી સ્ત્રીઓ સમગ્ર વિશ્વમાં વોટર બર્થ (Water Birth) તરફ વળી છે. સ્ત્રીરોગવિજ્ઞાની ડૉ નીલમ સુરીએ ઇન્ડિયન એક્સપ્રેસને કહ્યું કે, “ બર્થ વોટર એ લેબર અને ડિલિવરીની પ્રક્રિયા છે જે સામાન્ય રીતે હોસ્પિટલ અથવા બર્થિંગ સેન્ટરમાં ગરમ પાણીના ટબમાં થાય છે. વધુ વાંચો



Feb 07, 2024 07:26 IST
આજનો ઇતિહાસ 7 ફેબ્રુઆરી : હિન્દુસ્તાન રિપબ્લિકન આર્મીના સ્થાપક કોણ હતા? વાંચો આજના દિવસની મહત્વપૂર્ણ ઘટનાઓ વિશે

Today History 7 February : આજે તારીખ 7 ફેબ્રુઆરી છે. આજની તારીખના ઇતિહાસની વાત કરીયે તો ભારતની આઝાદી મારે કઠીન સંઘર્ષ કરનાર પ્રખ્યાત ક્રાંતિકારી શચીન્દ્રનાથ સાન્યાલની પુણ્યતિથિ છે. ઉત્તર પ્રદેશના બનારસમાં જન્મેલા શચીન્દ્રનાથ સાન્યાલે હિન્દુસ્તાન રિપબ્લિકન આર્મીના સહ-સ્થાપક હતા. તેમની બે વખત કાળા પાણીની સજા થઇ હતી. વર્ષ 1937-1938માં જ્યારે કોંગ્રેસ કેબિનેટે રાજકીય કેદીઓને મુક્ત કર્યા ત્યારે તેમાં શચિન્દ્રનાથને પણ મુક્ત કરવામાં આવ્યા હતા. પરંતુ તેમને નજરકેદ કરવામાં આવ્યા હતા. સખત પરિશ્રમ, કારાવાસ અને પછી ચિંતાને કારણે તેમને ક્ષય રોગ લાગુ પડ્યો. વર્ષ 1942માં ભારતના આ મહાન ક્રાંતિકારી જર્જરિત શરીર સાથે ચિર નિદ્રામાં સરી પડ્યા હતા. જાણો ઇતિહાસની તવારીખમાં બનેલી આજના દિવસની મહત્વપૂર્ણ ઘટનાઓ વિશે… વધુ વાંચો



Feb 07, 2024 07:22 IST
today live darshan : આજના લાઇવ દર્શન, બુધવારે મુંબઈથી સિદ્ધિ વિનાયક મંદિરથી ગણપતિના કરો દર્શન

today live darshan siddhivinayak temple : સિદ્ધિ વિનાયક મંદિરમાં હજારો ભક્તો દર્શન કરીને પોતાના દુઃખ દૂર કરે છે. સિદ્ધિ વિનાયક દાદાના દર્શન કરીને ભક્તો ધન્યતા અનુભવે છે. લાઇવ દર્શન કરો