Gujarati News 01 October 2024 Highlights : ઈરાનનો ઇઝરાયેલ પર હુમલો, તેલ અવીવ પર 200થી વધુ મિસાઈલો છોડી

Gujarat Latest News in Gujarati, Gujarat Samachar (ગુજરાત સમાચાર) 01 October 2024 LIVE, આજના તાજા સમાચાર: આજે ઓક્ટોબર મહિનાનો પહેલો દિવસ છે ત્યારે આજના દિવસના મહત્વના સમાચારની વાત કરીએ તો આજે જમ્મુ કાશ્મીર વિધાનસભાની ચૂંટણીના અંતિમ તબક્કાનું મતદાન સમાપ્ત થયું છે. જમ્મુ-કાશ્મીર વિધાનસભા ચૂંટણીના ત્રીજા અને અંતિમ તબક્કામાં સાંજે 5 વાગ્યા સુધી 65.48 % મતદાન નોંધાયું છે. તો બીજી તરફ તહેવારો પહેલા સામાન્ય લોકોને આંચકો લાગ્યો છે. એલપીજી સિલિન્ડરના ભાવમાં વધારો થયો છે. અહીં વાંચો આજના તાજા સમાચાર.

ઈરાનનો ઇઝરાયેલ પર હુમલો, તેલ અવીવ પર 200થી વધુ મિસાઈલો છોડી

ઈરાને ઈઝરાયેલના શહેર તેલ અવીવ પર 200થી વધુ મિસાઈલ છોડી છે. ઇઝરાયલની સેનાનું કહેવું છે કે ઇરાને ઇઝરાયેલ પર બેલિસ્ટિક મિસાઇલો છોડી હતી. ઇરાનના રિવોલ્યુશનરી ગાર્ડ્સે જણાવ્યું હતું કે ઇઝરાયેલ પર મિસાઇલ હુમલો ગયા અઠવાડિયે હિઝબુલ્લાહના વડા હસન નસરુલ્લાહ તેમજ આ વર્ષની શરૂઆતમાં હમાસના નેતા ઇસ્માઇલ હનિયાની હત્યાના જવાબમાં કરવામાં આવ્યો હતો. આઇડીએફનું કહેવું છે કે ઇરાને બેલિસ્ટિક મિસાઇલો છોડી છે અને નાગરિકોને બોમ્બ શેલ્ટરમાં મોકલવામાં આવ્યા છે. ઇઝરાયેલમાં રહેતા ભારતીય નાગરિકો માટે ભારતીય દૂતાવાસ દ્વારા એડવાઇઝરી જારી કરવામાં આવી છે. ઈઝરાયેલ પર થયેલા આ હુમલા બાદ અમેરિકાના રક્ષામંત્રીનું નિવેદન સામે આવ્યું છે, અમેરિકા તરફથી કહેવામાં આવ્યું છે કે તે ઈઝરાયેલની સુરક્ષા માટે તૈયાર છે

અમે ઓબીસીમાં જન્મ્યા, તેથી તેઓ અમને ગાળો આપી રહ્યા છે - પીએમ મોદી

હરિયાણા: વડા પ્રધાન નરેન્દ્ર મોદીએ કહ્યું કે તમે જોયું જ હશે કે આ લોકો રાત-દિવસ મને ગાળો આપે છે અને હવે અહીં તેઓ આપણા મુખ્યમંત્રી સૈની જી ને પણ ગાળો આપી રહ્યા છે. અમારો ગુનો એ છે કે અમે અત્યંત પછાત, ઓબીસીના ગર્ભમાંથી જન્મ્યા છીએ. તેથી જ તેઓ અમને ગાળો આપી રહ્યા છે.

તહેવાર પહેલા લોકોને લાગ્યો મોટો આંચકો, LPG સિલિન્ડરના ભાવ આટલા વધી ગયા

ઓક્ટોબર મહિનો શરૂ થયો છે અને તેને તહેવારોનો મહિનો માનવામાં આવે છે. જો કે મહિનાના પહેલા જ દિવસે મોંઘવારીનો મોટો આંચકો લાગ્યો છે. ગેસ કંપનીઓએ એલપીજી સિલિન્ડરના ભાવમાં વધારો કર્યો છે. કોમર્શિયલ એલપીજી સિલિન્ડરની કિંમતમાં વધારો કરવામાં આવ્યો છે. જોકે, રાહતની વાત એ છે કે ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી.

Oct 01, 2024 23:03 IST
Today Live News : ઈરાનનો ઇઝરાયેલ પર હુમલો, તેલ અવીવ પર 100થી વધુ મિસાઈલો છોડી
ઈરાને ઈઝરાયેલના શહેર તેલ અવીવ પર 100થી વધુ મિસાઈલ છોડી છે. ઇઝરાયલની સેનાનું કહેવું છે કે ઇરાને ઇઝરાયેલ પર બેલિસ્ટિક મિસાઇલો છોડી હતી. ઇરાનના રિવોલ્યુશનરી ગાર્ડ્સે જણાવ્યું હતું કે ઇઝરાયેલ પર મિસાઇલ હુમલો ગયા અઠવાડિયે હિઝબુલ્લાહના વડા હસન નસરુલ્લાહ તેમજ આ વર્ષની શરૂઆતમાં હમાસના નેતા ઇસ્માઇલ હનિયાની હત્યાના જવાબમાં કરવામાં આવ્યો હતો. આઇડીએફનું કહેવું છે કે ઇરાને બેલિસ્ટિક મિસાઇલો છોડી છે અને નાગરિકોને બોમ્બ શેલ્ટરમાં મોકલવામાં આવ્યા છે. ઇઝરાયેલમાં રહેતા ભારતીય નાગરિકો માટે ભારતીય દૂતાવાસ દ્વારા એડવાઇઝરી જારી કરવામાં આવી છે. ઈઝરાયેલ પર થયેલા આ હુમલા બાદ અમેરિકાના રક્ષામંત્રીનું નિવેદન સામે આવ્યું છે, અમેરિકા તરફથી કહેવામાં આવ્યું છે કે તે ઈઝરાયેલની સુરક્ષા માટે તૈયાર છે.



Oct 01, 2024 20:46 IST
Today Live News :રાજ્યમાં સાંજે 6 વાગ્યા સુધીમાં 6 તાલુકામાં વરસાદ
રાજ્યમાં વરસાદની વિદાય થવાને હવે થોડા દિવસોની વાર છે. તેવા સમયે વરસાદનું જોર ઘટી રહ્યું છે. સ્ટેટ ઇમરજન્સી ઓપરેશન સેન્ટર, ગાંધીનગરના ડેટા પર નજર કરીએ તો 1 ઓક્ટોબરના રોજ સવારના 6 થી સાંજના 6 વાગ્યા સુધીમાં ફક્ત 6 તાલુકામાં વરસાદ નોંધાયો છે. છેલ્લા 12 કલાકમાં ફક્ત બે જ તાલુકામાં એક ઇંચથી વધારે વરસાદ વરસ્યો છે.



Oct 01, 2024 18:53 IST
Today Live News : જમ્મુ-કાશ્મીર વિધાનસભા ચૂંટણી, 5 વાગ્યા સુધીમાં 65.48% મતદાન
ભારતના ચૂંટણી પંચે કહ્યું કે જમ્મુ કાશ્મીરમાં વિધાનસભા ચૂંટણીના ત્રીજા તબક્કામાં આજે સાંજે 5 વાગ્યા સુધી 65.48% મતદાન નોંધાયું હતું.



Oct 01, 2024 17:36 IST
Today Live News : અમે ઓબીસીમાં જન્મ્યા, તેથી તેઓ અમને ગાળો આપી રહ્યા છે - પીએમ મોદી
હરિયાણા: વડા પ્રધાન નરેન્દ્ર મોદીએ કહ્યું કે તમે જોયું જ હશે કે આ લોકો રાત-દિવસ મને ગાળો આપે છે અને હવે અહીં તેઓ આપણા મુખ્યમંત્રી સૈની જી ને પણ ગાળો આપી રહ્યા છે. અમારો ગુનો એ છે કે અમે અત્યંત પછાત, ઓબીસીના ગર્ભમાંથી જન્મ્યા છીએ. તેથી જ તેઓ અમને ગાળો આપી રહ્યા છે.
#WATCH पलवल, हरियाणा: प्रधानमंत्री नरेंद्र मोदी ने कहा, "आपने देखा होगा कि ये लोग दिनरात मुझे गाली देते हैं और अब यहां हमारे मुख्यमंत्री सैनी जी को भी गालियां दे रहे हैं। हमारा गुनाह यही है कि हम ओबीसी, अति पिछड़ी मां की कोख से पैदा हुए हैं। इसलिए ये हमें गालियां दे रहे हैं।" pic.twitter.com/SYGNktLsdo
— ANI_HindiNews (@AHindinews) October 1, 2024



Oct 01, 2024 16:43 IST
Today Live News : જમ્મુ-કાશ્મીર વિધાનસભા ચૂંટણી, 3 વાગ્યા સુધીમાં 56.01% મતદાન
જમ્મુ-કાશ્મીર વિધાનસભા ચૂંટણીના ત્રીજા અને અંતિમ તબક્કામાં બપોરે 3 વાગ્યા સુધી 56.01% મતદાન નોંધાયું છે. જેમાં બાંદીપુર-53.09%, બારામુલ્લા-46.09%, જમ્મુ-56.74%, કઠુઆ-62.43%, કુપવાડા-52.98%, સાંબા-63.24, અને ઉધમપુરમાં 64.43% મતદાન નોંધાયું છે.



Oct 01, 2024 12:16 IST
Today Live News : ગુજરાતમાં સિઝનનો 137.43 ટકા વરસાદ નોંધાયો
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે ગુજરાતમાં અત્યાર સુધી સિઝનનો 137.43 ટકા વરસાદ નોંધાયો હતો. જો ઝોન પ્રમાણે વાત કરીએ તો કચ્છમાં 18486 ટકા, ઉત્તર ગુજરાતમાં 114.87 ટકા, પૂર્વ મધ્ય ગુજરાતમાં 132.91 ટકા, સૌરાષ્ટ્રમાં 147.49 ટકા, દક્ષિણ ગુજરાતમાં 141.10 ટકા વરસાદ નોંધાયો છે.



Oct 01, 2024 12:02 IST
Today Live News : JK ચૂંટણી LIVE: સવારે 11 વાગ્યા સુધી કેટલું મતદાન?



Oct 01, 2024 10:03 IST
Today Live News : ઇઝરાયેલી સૈન્ય લેબનોનમાં ઊંડે સુધી ઘૂસી ગયું, ગ્રાઉન્ડ ઓપરેશનમાં હિઝબુલ્લાહના કેટલાંક ઠેકાણા નષ્ટ કર્યા
ઈઝરાયેલે હિઝબુલ્લાહને સંપૂર્ણ રીતે નષ્ટ કરવાની યોજના બનાવી છે. હવે ઇઝરાયેલની સેનાએ દક્ષિણ લેબનોનમાં ગ્રાઉન્ડ ઓપરેશન શરૂ કર્યું છે. ઈઝરાયેલ દ્વારા અમેરિકાને પણ આ અંગે જાણ કરવામાં આવી છે. બીજી તરફ, IDFએ કહ્યું કે તે ઇઝરાયેલની સરહદ નજીક સ્થિત હિઝબુલ્લાહના સ્થાનોને નિશાન બનાવી રહ્યું છે. આ સમય દરમિયાન એરફોર્સ અને આર્ટિલરી યુનિટ આર્મીની મદદ કરી રહ્યા છે. હિઝબુલ્લાએ કહ્યું કે તેણે મંગળવારે લેબનીઝ સરહદ નજીક ઇઝરાયલી સૈનિકોને નિશાન બનાવ્યા હતા.



Oct 01, 2024 09:48 IST
Today Live News : પોતાની લાઇસન્સવાળી રિવોલ્વર સાફ કરતી વખતે અભિનેતા ગોવિંદાને ગોળી વાગી
બોલિવૂડ એક્ટર ગોવિંદા વિશે મોટા સમાચાર સામે આવ્યા છે, તેમના પગમાં ગોળી વાગી છે, જે બાદ તેમને હોસ્પિટલમાં દાખલ કરવામાં આવ્યા છે. અહેવાલો અનુસાર ઘટના મંગળવારે સવારે 4:47 વાગ્યે બની હતી, તે ઘરે પોતાની રિવોલ્વર સાફ કરી રહ્યો હતો અને તે સમયે અકસ્માતે ગોળી વાગી હતી અને તેના પગમાં ઈજા થઈ હતી. હાલ તેઓ આઈસીયુમાં છે અને તેમની સારવાર ચાલી રહી છે.
અકસ્માત થયો ત્યારે ગોવિંદા ઘરે એકલા હતા. તે બહાર આત્મહત્યા કરવાની તૈયારી કરી રહ્યો હતો અને તેની લાઇસન્સવાળી રિવોલ્વર સાફ કરી રહ્યો હતો. ત્યારે અચાનક ભૂલથી ગોળી વાગી અને તે ઘાયલ થઈ ગયો. એવું કહેવામાં આવી રહ્યું છે કે ગોવિંદાએ નજીકમાં રહેતા તેના સંબંધીઓને બોલાવ્યા અને તેઓ સ્થળ પર પહોંચ્યા અને તેને નજીકની કૃતિ કેર હોસ્પિટલમાં લઈ ગયા.



Oct 01, 2024 09:43 IST
Today Live News : ગુજરાતમાં 24 કલાકમાં 43 તાલુકામાં વરસાદ
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે સોમવારે સવારે 6 વાગ્યાથી લઈને મંગળવારે સવારે 6 વાગ્યા સુધીમાં 24 કલાકમાં છેલ્લા 24 કલાકમાં 43 તાલુકામાં વરસાદ પડ્યો છે. જેમાં સૌથી વધારે વરસાદ અરવલ્લી, સાબરકાંઠા, ગીર સોમનાથમાં એક ઈંચથી વધુ વરસાદ નોંધાયો હતો.



Oct 01, 2024 09:43 IST
Today Live News : તહેવાર પહેલા લોકોને લાગ્યો મોટો આંચકો, LPG સિલિન્ડરના ભાવમાં વધારો
ઓક્ટોબર મહિનો શરૂ થયો છે અને તેને તહેવારોનો મહિનો માનવામાં આવે છે. જો કે મહિનાના પહેલા જ દિવસે મોંઘવારીનો મોટો આંચકો લાગ્યો છે. ગેસ કંપનીઓએ એલપીજી સિલિન્ડરના ભાવમાં વધારો કર્યો છે. કોમર્શિયલ એલપીજી સિલિન્ડરની કિંમતમાં વધારો કરવામાં આવ્યો છે. જોકે, રાહતની વાત એ છે કે ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી.



Oct 01, 2024 09:39 IST
Today Live News : ભાજપના ગઢમાં લિટમસ ટેસ્ટ, 40 બેઠકો પર મતદાન ચાલુ
જમ્મુ-કાશ્મીર ચૂંટણીના ત્રીજા તબક્કાનું મતદાન શરૂ થઈ ગયું છે. 40 બેઠકો પર આ મતદાન ભાજપ માટે ખૂબ જ મહત્વપૂર્ણ માનવામાં આવી રહ્યું છે કારણ કે આ તબક્કામાં જમ્મુની વધુ બેઠકો પર મતદાન જોવા મળશે. 2014થી ભાજપની ઘણી બેઠકો પર મજબૂત પકડ જોવા મળી રહી છે. આ સિવાય NC અને PDPએ પણ કેટલીક સીટો પર સ્પર્ધાને રસપ્રદ બનાવી છે.