Gujarati News 1 February 2025 : નક્સલવાદ સામે સુરક્ષાદળોએ કરી મોટી કાર્યવાહી, બીજાપુરમાં 8 નક્સલીઓ ઠાર

Gujarat Latest News in Gujarati, Gujarati Samachar (ગુજરાતી સમાચાર) 1 February 2025, આજના તાજા સમાચાર: છત્તીસગઢમાં સુરક્ષાકર્મીઓએ સતત નક્સલીઓ સામે મોરચો ખોલી દીધો છે. શનિવારે બીજાપુર જિલ્લામાં સુરક્ષા દળો સાથેની અથડામણમાં ઓછામાં ઓછા આઠ નક્સલીઓ માર્યા ગયા છે. તમામ મૃતદેહો મળી આવ્યા છે. ડિસ્ટ્રિક્ટ રિઝર્વ ગાર્ડ (ડીઆરજી), સ્પેશિયલ ટાસ્ક ફોર્સ (એસટીએફ), સેન્ટ્રલ રિઝર્વ પોલીસ ફોર્સ (સીઆરપીએફ)ની બટાલિયન નંબર 222 અને સીઆરપીએફની કમાન્ડો બટાલિયન ફોર રિઝોલ્યુટ એક્શન (કોબ્રા)ની 202મી બટાલિયનના સંયુક્ત ઓપરેશન બાદ આ એન્કાઉન્ટર થયું હતું. પોલીસના જણાવ્યા અનુસાર, એન્કાઉન્ટર સવારે 8.30 વાગ્યે શરૂ થયું હતું અને ઓપરેશન હજી પણ ચાલુ છે.

અમેરિકામાં વધુ એક પ્લેન ક્રેશ, અત્યાર સુધીમાં 6ના મોત

અમેરિકામાં વધુ એક ભયાનક વિમાન અકસ્માત થયો છે. ફિલાડેલ્ફિયામાં થયેલા અકસ્માતમાં અત્યાર સુધીમાં 6 લોકોના મોતની માહિતી સામે આવી છે. થોડા દિવસો પહેલા વોશિંગ્ટન ડીસીના પેન્સિલવેનિયામાં પ્લેન ક્રેશ જોવા મળ્યું હતું. આ અકસ્માતમાં 67 લોકોના મોત થયા હતા. જેમાં 67 લોકોના મોત થયા હતા. હવે ફિલાડેલ્ફિયામાં પ્લેન ક્રેશ થયું છે. ન્યૂઝ એજન્સી એએફપીએ સ્થાનિક મીડિયાને ટાંકીને પ્લેન ક્રેશ અંગે માહિતી આપતા કહ્યું કે નાના પ્લેનમાં બે લોકો સવાર હતા, પરંતુ પ્લેન એક શોપિંગ મોલ પાસે ક્રેશ થયું અને મકાનો અને ઈમારતોની ઉપર પડી ગયું. આ દુર્ઘટનામાં ઘણી જાનહાનિ થઈ હોવાના અહેવાલ છે.

ગુજરાતમાં 64 IAS અધિકારીઓની બદલી અને 4 IASને પ્રમોશન

ગુજરાતમાં એક સાથે 64 IAS અધિકારીઓની બદલી અને 4 IASને પ્રમોશન આપવામાં આવ્યા છે. અમદાવાદ મનપા કમિશનર એમ. થેન્નારસનની બદલી કરવામાં આવી છે. તેમની જગ્યાએ બંછાનિધિ પાનીને મૂકવામાં આવ્યા છે

ગાઝિયાબાદમાં સિલિન્ડર ભરેલી ટ્રકમાં એક પછી એક ડઝનેક બ્લાસ્ટ

સવારે સાડા ચાર વાગ્યાની આસપાસ દિલ્હીને અડીને આવેલા ઉત્તર પ્રદેશના ગાઝિયાબાદમાં સિલિન્ડરોથી ભરેલી ટ્રકમાં એક પછી એક વિસ્ફોટ થયા. આ વિસ્ફોટોનો અવાજ કેટલાય કિલોમીટર દૂર સુધી સંભળાયો હતો. ટ્રકમાં સતત વિસ્ફોટ થવાને કારણે આગ થોડી જ વારમાં નજીકના ઘરોમાં પહોંચી ગઈ હતી. આગના કારણે અનેક વાહનો પણ બળીને રાખ થઈ ગયા છે.

ન્યૂઝ એજન્સી ANI સાથે વાત કરતા ચીફ ફાયર ઓફિસર રાહુલ પાલે કહ્યું, “સવારે લગભગ 4.35 વાગ્યે અમને માહિતી મળી કે LPG સિલિન્ડરોથી ભરેલી ટ્રકમાં આગ લાગી છે. ફાયર બ્રિગેડની ગાડીઓ ઘટના સ્થળે પહોંચી હતી. પોલીસે નજીકના ઘરોને ખાલી કરાવ્યા…આગ 2-3 ઘરો અને કેટલાક વાહનોમાં ફેલાઈ ગઈ હતી. આગ સંપૂર્ણપણે કાબુમાં આવી ગઈ છે. કોઈ જાનહાનિના સમાચાર નથી…”

નલિયામાં 6 ડિગ્રી ઠંડી ઘટીને 9.4 ડિગ્રી પહોંચી

ગુજરાતમાં તાપમાનમાં મીશ્ર વલણની સ્થિતિ વચ્ચે શુક્રવારે ઠંડીનો ચમકારો નોંધાયો હતો. હવામાન વિભાગે આપેલા તાપમાનનાં આંકડા પ્રમાણે ગુજરાતમાં શુક્રવારે 9.4 ડિગ્રીથી લઈને 20.2 ડિગ્રી વચ્ચે તાપમાન નોંધાયું હતું. નલિયામાં 9.4 ડિગ્રી લઘુતમ તાપમાન સાથે રાજ્યનું સૌથી ઠંડુ શહેર રહ્યું હતું. જ્યારે ઓખામાં 20.2 ડિગ્રી તાપમાન નોંધાયું હતું.

Feb 01, 2025 21:20 IST
Today Live news : નક્સલવાદ સામે સુરક્ષાદળોએ કરી મોટી કાર્યવાહી, બીજાપુરમાં 8 નક્સલીઓ ઠાર
છત્તીસગઢમાં સુરક્ષાકર્મીઓએ સતત નક્સલીઓ સામે મોરચો ખોલી દીધો છે. શનિવારે રાજ્યના બીજાપુર જિલ્લામાં સુરક્ષા દળો સાથેની અથડામણમાં ઓછામાં ઓછા આઠ નક્સલીઓ માર્યા ગયા છે. તમામ મૃતદેહો મળી આવ્યા છે. ડિસ્ટ્રિક્ટ રિઝર્વ ગાર્ડ (ડીઆરજી), સ્પેશિયલ ટાસ્ક ફોર્સ (એસટીએફ), સેન્ટ્રલ રિઝર્વ પોલીસ ફોર્સ (સીઆરપીએફ)ની બટાલિયન નંબર 222 અને સીઆરપીએફની કમાન્ડો બટાલિયન ફોર રિઝોલ્યુટ એક્શન (કોબ્રા)ની 202મી બટાલિયનના સંયુક્ત ઓપરેશન બાદ આ એન્કાઉન્ટર થયું હતું. પોલીસના જણાવ્યા અનુસાર, એન્કાઉન્ટર સવારે 8.30 વાગ્યે શરૂ થયું હતું અને ઓપરેશન હજી પણ ચાલુ છે.



Feb 01, 2025 19:52 IST
Today Live news : ઝાકિયા જાફરીનું 86 વર્ષની વયે નિધન
વર્ષ 2002ના ગુજરાત રમખાણોના પીડિત અને પૂર્વ સાંસદ અહેસાન જાફરીના પત્ની ઝાકિયા જાફરીનું 86 વર્ષની વયે નિધન થયું છે. તેમના પુત્ર તનવીર જાફરીએ આ જાણકારી આપી હતી. 2002માં ગુલબર્ગ સોસાયટીમાં તોફાની ટોળાએ કરેલા હુમલામાં ઝાકિયા જાફરીના પતિ અને પૂર્વ સાંસદ અહેસાન જાફરી સહિત 69 લોકોના મોત નિપજ્યા હતા.



Feb 01, 2025 18:45 IST
Today Live news : ગુજરાતમાં 64 IAS અધિકારીઓની બદલી અને 4 IASને પ્રમોશન
ગુજરાતમાં એક સાથે 64 IAS અધિકારીઓની બદલી અને 4 IASને પ્રમોશન આપવામાં આવ્યા છે. અમદાવાદ મનપા કમિશનર એમ. થેન્નારસનની બદલી કરવામાં આવી છે. તેમની જગ્યાએ બંછાનિધિ પાનીને મૂકવામાં આવ્યા છે



Feb 01, 2025 14:47 IST
Today Live news : આ બજેટમાં ખેડૂતોને વધુ મદદ મળશે - PM મોદી
આજે દેશનો વિકાસ અને વિરાસત પણ આ મંત્રને અનુસરી રહી છે, આ બજેટમાં તેના માટે ખૂબ જ મહત્વપૂર્ણ પગલા લેવામાં આવ્યા છે. એક કરોડ હસ્તપ્રતોના સંરક્ષણ માટે જ્ઞાન ભારતમ મિશન શરૂ કરવામાં આવ્યું છે. બજેટમાં ખેડૂતો માટે કરવામાં આવેલી જાહેરાત કૃષિ ક્ષેત્ર અને સમગ્ર ગ્રામીણ અર્થતંત્રમાં નવી ક્રાંતિનો આધાર બનશે. જો કિસાન ક્રેડિટ કાર્ડની મર્યાદા 5 લાખ રૂપિયાથી વધુ છે, તો તેમને વધુ મદદ મળશે.



Feb 01, 2025 14:47 IST
Today Live news : પીએમ મોદીએ બજેટના વખાણ કર્યા
નાણામંત્રી નિર્મલા સીતારમણ દ્વારા બજેટ રજૂ કર્યા બાદ પીએમ મોદીએ કહ્યું કે આ બજેટ દરેક ભારતીયના સપના પૂરા કરવા જઈ રહ્યું છે. આ જનતા જનાર્દનનું બજેટ છે.



Feb 01, 2025 11:20 IST
Today Live news : અમેરિકામાં વધુ એક પ્લેન ક્રેશ, અત્યાર સુધીમાં 6ના મોત
અમેરિકામાં વધુ એક ભયાનક વિમાન અકસ્માત થયો છે. ફિલાડેલ્ફિયામાં થયેલા અકસ્માતમાં અત્યાર સુધીમાં 6 લોકોના મોતની માહિતી સામે આવી છે. થોડા દિવસો પહેલા વોશિંગ્ટન ડીસીના પેન્સિલવેનિયામાં પ્લેન ક્રેશ જોવા મળ્યું હતું. આ અકસ્માતમાં 67 લોકોના મોત થયા હતા. જેમાં 67 લોકોના મોત થયા હતા. હવે ફિલાડેલ્ફિયામાં પ્લેન ક્રેશ થયું છે. ન્યૂઝ એજન્સી એએફપીએ સ્થાનિક મીડિયાને ટાંકીને પ્લેન ક્રેશ અંગે માહિતી આપતા કહ્યું કે નાના પ્લેનમાં બે લોકો સવાર હતા, પરંતુ પ્લેન એક શોપિંગ મોલ પાસે ક્રેશ થયું અને મકાનો અને ઈમારતોની ઉપર પડી ગયું. આ દુર્ઘટનામાં ઘણી જાનહાનિ થઈ હોવાના અહેવાલ છે.



Feb 01, 2025 10:49 IST
Today Live news : મુંબઈમાં ટેક કંપનીના પરિસરમાં EDના દરોડા, ચેરમેનનું મોત
એન્ફોર્સમેન્ટ ડિરેક્ટોરેટ (ED)ની ટીમ જ્યારે અંધેરીમાં તેમના પરિસરમાં સર્ચ કરી રહી હતી ત્યારે મુંબઈ સ્થિત વક્રાંગી ટેક્નોલોજી ફર્મના ચેરમેન દિનેશ નંદવાનાનું મૃત્યુ થયું હતું. પોસ્ટમોર્ટમ બાદ જ મોતનું કારણ સ્પષ્ટ થશે તેવું પોલીસે જણાવ્યું છે. ટાઈમ્સ ઓફ ઈન્ડિયાના અહેવાલ અનુસાર, શોધ દરમિયાન તેમને કેટલીક સ્વાસ્થ્ય સમસ્યાઓ થઈ હતી. જેના કારણે તેનું મોત થયું હતું.
MIDC પોલીસે અકસ્માત મોતની નોંધ કરી છે. એક વરિષ્ઠ પોલીસ અધિકારીએ જણાવ્યું કે પરિવારે દુર્વ્યવહારની કોઈ ફરિયાદ કરી નથી. સ્થાનિક વિભાગની મદદથી એન્ફોર્સમેન્ટ ડિરેક્ટોરેટની જલંધર ટીમ નંદવાના પરિસર સહિત અનેક સ્થળોએ દરોડા પાડી રહી હતી. આ સમયે નંદવાનાને સ્વાસ્થ્ય સમસ્યાઓ થવા લાગી. દરોડા દરમિયાન, ED સામાન્ય રીતે પરિસરમાં મળી આવતા સંબંધિત વ્યક્તિઓના નિવેદનો રેકોર્ડ કરે છે અને કાર્યવાહી દરમિયાન તેમની બહારની હિલચાલ પર સંપૂર્ણ પ્રતિબંધ છે.



Feb 01, 2025 09:40 IST
Today Live news : બજેટ પહેલા સેન્સેક્સ નિફ્ટી વધ્યા, સોનું ચાંદી મજબૂત
બજેટ 2025 રજૂ થવાની પહેલા શેરબજાર અને બુલિયન માર્કેટ મજબૂત ટ્રેડ થઇ રહ્યા છે. સેન્સેક્સ પાછલા બંધ 77500 સામે આજે 77637 ખુલ્યો હતો. પાછલા બંધથી 332 પોઇન્ટ વધી 77832 સુધી ઉછળ્યો હતો. એનએસઇ નિફ્ટી પાછલા બંધ 23508 સામે આજે ફ્લેટ 23528 ખુલ્યો અને ઉપરમાં 23595 સુધી ગયો હતો. બેંક નિફ્ટી વધ્યો છે. જ્યારે નિફ્ટી આઈટી ઇન્ડેક્સ ડાઉન છે. બજેટમાં ઇમ્પોર્ટ ડ્યૂટી વધવાની ધારણાએ સોના ચાંદીના ભાવ મજબૂત છે.



Feb 01, 2025 08:52 IST
Today Live news : બજેટ પહેલા મળ્યા સારા સમાચાર, LGP ગેસ સિલિન્ડર થયા સસ્તા
ઓઈલ કંપનીઓએ આજથી (1 ફેબ્રુઆરી) કોમર્શિયલ એલપીજી ગેસ સિલિન્ડરની કિંમતમાં ઘટાડો કર્યો છે. 19 કિલોના કોમર્શિયલ એલપીજી ગેસ સિલિન્ડરની કિંમતમાં 7 રૂપિયાનો ઘટાડો કરવામાં આવ્યો છે. અને આ કાપ આજથી એટલે કે શનિવારથી અમલી છે. આજથી રાજધાની દિલ્હીમાં 19 કિલોના એલપીજી સિલિન્ડરની છૂટક કિંમત 1797 રૂપિયા થઈ જશે.



Feb 01, 2025 08:45 IST
Today Live news : નલિયામાં 6 ડિગ્રી ઠંડી ઘટીને 9.4 ડિગ્રી પહોંચી
ગુજરાતમાં તાપમાનમાં મીશ્ર વલણની સ્થિતિ વચ્ચે ઠંડીનો ચમકારો નોંધાયો હતો. હવામાન વિભાગે આપેલા તાપમાનનાં આંકડા પ્રમાણે ગુજરાતમાં શુક્રવારે 9.4 ડિગ્રીથી લઈને 20.2 ડિગ્રી વચ્ચે તાપમાન નોંધાયું હતું. નલિયામાં 9.4 ડિગ્રી લઘુતમ તાપમાન સાથે રાજ્યનું સૌથી ઠંડુ શહેર રહ્યું હતું. જ્યારે ઓખામાં 20.2 ડિગ્રી તાપમાન નોંધાયું હતું.



Feb 01, 2025 08:44 IST
Today Live news : ગાઝિયાબાદમાં સિલિન્ડર ભરેલી ટ્રકમાં એક પછી એક ડઝનેક બ્લાસ્ટ
સવારે સાડા ચાર વાગ્યાની આસપાસ દિલ્હીને અડીને આવેલા ઉત્તર પ્રદેશના ગાઝિયાબાદમાં સિલિન્ડરોથી ભરેલી ટ્રકમાં એક પછી એક વિસ્ફોટ થયા. આ વિસ્ફોટોનો અવાજ કેટલાય કિલોમીટર દૂર સુધી સંભળાયો હતો. ટ્રકમાં સતત વિસ્ફોટ થવાને કારણે આગ થોડી જ વારમાં નજીકના ઘરોમાં પહોંચી ગઈ હતી. આગના કારણે અનેક વાહનો પણ બળીને રાખ થઈ ગયા છે.
ન્યૂઝ એજન્સી ANI સાથે વાત કરતા ચીફ ફાયર ઓફિસર રાહુલ પાલે કહ્યું, “સવારે લગભગ 4.35 વાગ્યે અમને માહિતી મળી કે LPG સિલિન્ડરોથી ભરેલી ટ્રકમાં આગ લાગી છે. ફાયર બ્રિગેડની ગાડીઓ ઘટના સ્થળે પહોંચી હતી. પોલીસે નજીકના ઘરોને ખાલી કરાવ્યા…આગ 2-3 ઘરો અને કેટલાક વાહનોમાં ફેલાઈ ગઈ હતી. આગ સંપૂર્ણપણે કાબુમાં આવી ગઈ છે. કોઈ જાનહાનિના સમાચાર નથી...”