Gujarati News 11 April 2024 Highlights : 'લોહી વહેવડાવવા તૈયાર પણ…', ઈદ પર મમતાએ કહ્યું - NRC-CAA અને UCC લાગુ નહીં થવા દઈએ

Gujarat Latest News in Gujarati, Gujarat Samachar (ગુજરાત સમાચાર) 11 April 2024 LIVE, આજના તાજા સમાચાર: આજે 11 એપ્રિલ 2024, ગુરુવારના દિવસની મહત્વની ઘટનાઓ અંગે વાત કરીએ તો આજે ઇસ્લામ ધર્મનો પવિત્ર દિવસ રમઝાન ઈદ છે. આખા દેશમાં આજે ઈદ ઉલ ફિત્ર ઉજવવામાં આવી રહ્યું છે. ત્યારે પશ્ચિમ બંગાળમાં મમતા બેનરજીએ ઈદ અવસર પર હુંકાર કર્યો છે કે, લોહી વહેવડાવવા તૈયાર છુ પરંતુ અમે NRC-CAA અને UCC લાગુ નહીં થવા દઈએ.

હરિયાણા સ્કૂલ બસ અકસ્માત, છ બાળકોના મોત

તો બીજી તરફ હરિયાણાના મહેન્દ્રગઢથી એક મોટી દુર્ઘટનાના સમાચાર સામે આવ્યા છે, જેમાં ઉન્હાની ગામ પાસે જીએલ પબ્લિક સ્કૂલની બસને અકસ્માત નડ્યો હતો. આ અકસ્માતમાં 6 બાળકોના મોત થયા છે, અને અનેક ઘાયલ થયા છે. આ બાજુ દિલ્હીના કથિત શરાબ કૌભાંડમાં તિહાડ જેલમાં બંધ સીએમ અરવિંદ કેજરીવાલની મુસીબતોનો અંત આવવાના કોઈ સંકેત દેખાઈ રહ્યા નથી.

લોકસભા ચૂંટણી પહેલા BSPને મોટો ફટકો

બહુજન સમાજ પાર્ટીના બિજનૌરથી સાંસદ મલૂક નગરે પાર્ટીમાંથી રાજીનામું આપી દીધું છે. તમને જણાવી દઈએ કે આ વખતે બીએસપીએ બિજનૌરથી ચૌધરી બ્રિજેન્દ્ર સિંહને ટિકિટ આપી છે.

કેજરીવાલના અંગત સચિવ વિભવ કુમાર વિરુદ્ધ કાર્યવાહી

એક તરફ તેમને દિલ્હી હાઈકોર્ટમાંથી રાહત મળી નથી. બીજી તરફ વિજિલન્સ વિભાગે અરવિંદ કેજરીવાલના અંગત સચિવ વિભવ કુમાર વિરુદ્ધ મોટી કાર્યવાહી કરી છે અને તેમને પદ પરથી હટાવી દેવામાં આવ્યા છે. આ પગલું એવા સમયે લેવામાં આવ્યું છે જ્યારે સોમવારે ED દ્વારા તેમને પૂછપરછ માટે બોલાવવામાં આવ્યા હતા. અહીં વાંચતા રહો આજના તાજા સમાચાર.

Apr 11, 2024 21:16 IST
મધ્યપ્રદેશના દેવાસમાં ઝુપડપટ્ટીમાં આગ લાગી
મધ્યપ્રદેશના દેવાસ શહેરમાં એક ઝુપડપટ્ટીમાં આગ લાગી છે. આગને કાબુમાં લેવા ફાયર બ્રિગેડની ગાડીઓ ઘટના સ્થળે પહોંચી છે.
#WATCH देवास (मध्य प्रदेश): मोती बंगला स्थित झुग्गी बस्ती में आग लगी। मौके पर दमकल की गाड़ियां मौजूद हैं। pic.twitter.com/7KfuhAvZ53
— ANI_HindiNews (@AHindinews) April 11, 2024



Apr 11, 2024 14:42 IST
'લોહી વહેવડાવવા તૈયાર પણ...', ઈદ પર મમતાએ કહ્યું - NRC-CAA અને UCC લાગુ નહીં થવા દઈએ
પશ્ચિમ બંગાળના મુખ્યમંત્રી મમતા બેનર્જીએ કોલકાતામાં ઈદની નમાઝ કાર્યક્રમમાં ભાગ લીધો હતો અને લોકોને ઈદની શુભકામનાઓ પાઠવી હતી. આ પ્રસંગે તેમણે કહ્યું કે, 'આ ખુશીની ઈદ છે. આ શક્તિ આપવાની ઈદ છે. એક મહિના સુધી ઉપવાસ કરીને આ ઈદની ઉજવણી કરવી એ મોટી વાત છે. અમે દેશ માટે લોહી વહેવડાવવા તૈયાર છીએ પરંતુ, દેશ માટે અત્યાચાર સહન નહીં કરીએ. તેમણે વધુમાં કહ્યું કે, UCC અમને સ્વીકાર્ય નથી. હું બધા ધર્મો સાથે સુમેળ ઈચ્છું છું અને તમારા બધા માટે રક્ષણ ઈચ્છું છું.



Apr 11, 2024 11:48 IST
હરિયાણા: મહેન્દ્રગઢમાં સ્કૂલ બસ પલટી, 6 બાળકોના મોત, અનેક ઘાયલ
હરિયાણાના મહેન્દ્રગઢના ઉન્હાની ગામ પાસે જીએલ પબ્લિક સ્કૂલની બસને અકસ્માત નડ્યો હતો. આ અકસ્માતમાં 6 બાળકોના મોત થયા હતા. બસમાં 40 જેટલા બાળકો હતા. ઘણા બાળકો ઘાયલ થયા છે, જેમાંથી ત્રણની હાલત ગંભીર જણાવવામાં આવી રહી છે. સરકારી રજાઓમાં પણ શાળાઓ ખોલવાને લઈને શાળા પ્રશાસન પર સવાલો ઉઠી રહ્યા
#WATCH | Five students dead, 15 injured after a private school bus meets with an accident in Mahendragarh's Kanina, in Haryana. pic.twitter.com/jhRvJo0hXg
— ANI (@ANI) April 11, 2024



Apr 11, 2024 10:22 IST
લોકસભા ચૂંટણી વચ્ચે સાંસદ મલૂક નાગરે રાજીનામું આપ્યું
બહુજન સમાજ પાર્ટીના બિજનૌરથી સાંસદ મલૂક નગરે પાર્ટીમાંથી રાજીનામું આપી દીધું છે. તમને જણાવી દઈએ કે આ વખતે બીએસપીએ બિજનૌરથી ચૌધરી બ્રિજેન્દ્ર સિંહને ટિકિટ આપી છે.



Apr 11, 2024 09:34 IST
આજે મુંબઈ અને બેંગ્લોર વચ્ચે આઈપીએલની 25મી મેચ
આજે આઈપીએલ 2024ની 25મી મેચ મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે રમાશે.



Apr 11, 2024 09:03 IST
નવરાત્રીનો ત્રીજો દિવસ તમારા માટે કેવો રહેશે?

નવરાત્રીનો ત્રીજો દિવસ તમામ રાશિના જાતકો માટે કેવો રહેશે. અહીં ક્લિક કરીને વાંચો તમારું દૈનિક રાશિફળ.



Apr 11, 2024 09:02 IST
કેજરીવાલના અંગત સચિવ વિભવ કુમાર વિરુદ્ધ કાર્યવાહી
એક તરફ તેમને દિલ્હી હાઈકોર્ટમાંથી રાહત મળી નથી. બીજી તરફ વિજિલન્સ વિભાગે અરવિંદ કેજરીવાલના અંગત સચિવ વિભવ કુમાર વિરુદ્ધ મોટી કાર્યવાહી કરી છે અને તેમને પદ પરથી હટાવી દેવામાં આવ્યા છે. આ પગલું એવા સમયે લેવામાં આવ્યું છે જ્યારે સોમવારે ED દ્વારા તેમને પૂછપરછ માટે બોલાવવામાં આવ્યા હતા.