Gujarati News 14 April 2024 Highlights : ચૂંટણી પહેલા ગુજરાતના 35 આઈપીએસની બદલી અને બઢતી

Congress Candidates List: કોંગ્રેસે ઉમેદવારોની વધુ એક યાદી જાહેર કરી છે. પાર્ટીએ નોર્થ ઈસ્ટ દિલ્હીથી કન્હૈયા કુમારને ટિકિટ આપી છે, તે ભાજપના મનોજ તિવારી સામે ચૂંટણી લડશે. કોંગ્રેસે દિલ્હીના ચાંદની ચોકથી જેપી અગ્રવાલ, નોર્થ ઇસ્ટ દિલ્હીથી કન્હૈયા કુમાર, ઉત્તર પશ્ચિમ દિલ્હીથી ઉદિત રાજને ટિકિટ આપી છે. આ સિવાય પંજાબના અમૃતસરથી ગુરજીત સિંહ, જાલંધરથી ચરણજીત સિંહ ચન્ની, ફતેહગઢ સાહિબથી અમર સિંહ, બઠિંડાથી જીત મોહિન્દર સિંહ સિદ્ધુ, સંગરૂરથી સુખપાલ સિંહ ખૈરા, પટિયાલાથી ધર્મવીર ગાંધી અને અલ્હાબાદથી ઉજ્જવલ રેવતી રમણ સિંહને મેદાનમાં ઉતાર્યા છે.

મુંબઈમાં અભિનેતા સલમાન ખાનના ઘરની બહાર ગોળીબારની ઘટના પર મહારાષ્ટ્રના મુખ્યમંત્રી એકનાથ શિંદેએ કહ્યું કે આ એક દુર્ભાગ્યપૂર્ણ ઘટના છે. પોલીસ તેની તપાસ કરી રહી છે. આરોપીઓને પકડવામાં આવશે અને તેમની સામે કડક કાર્યવાહી કરવામાં આવશે. કાયદાનું પાલન કરવામાં આવશે. મુંબઈ પોલીસ કમિશનરને સલમાન ખાન અને તેના સમગ્ર પરિવારની સુરક્ષા વધારવા માટે જાણ કરવામાં આવી છે, સરકાર તેમની સાથે છે અને તેમણે ચિંતા કરવાની જરૂર નથી.

સલમાન ખાનના મુંબઇ સ્થિર ઘરની બહાર અજાણ્યા લોકોએ ફાયરિંગ કર્યું છે. આ હુમલાખોરો બાઇક પર આવ્યા હતા. મુંબઇ પોલીસને આ ગુનામાં વપરાયેલી બાઇક મળી છે. ફોરેન્સિક ટીમ દ્વારા આ બાઇકની તપાસ કરવામાં આવી રહી છે.

લોકસભા ચૂંટણી પહેલા ગુજરાતના પોલીસ બેડામાં મોટા ફેરફાર કરવામાં આવ્યા છે. ચૂંટણી પહેલા ગુજરાતના 35 આઈપીએસ ઓફિસની બદલી અને બઢતીનો ગૃહ વિભાગ દ્વારા આદેશ જાહેર કરવામાં આવ્યો છે.

મધ્યપ્રદેશના રેવામાં એક ખુલ્લા બોરવેલમાં પડેલા 6 વર્ષીય બાળકે આખરે જીવ ગુમાવ્યો છે. 45 કલાક ચાલેલા રેસ્ક્યુ ઓપરેશન બાદ બાળકનો મૃતદેહ બોરવેલમાંથી બહાર કાઢવામાં આવ્યો છે.

ઈરાને ઈઝરાયલ પર ડ્રોન મિસાઇલ એટેક કર્યો છે. સીરિયામાં તેના દૂતાવાસ પર 1 એપ્રિલના હવાઈ હુમલાનો બદલો લેતા ઈરાને શનિવારે રાત્રે ઈઝરાયેલ પર ડ્રોન એટેક કર્યા હતા. આ હુમલાથી મિડલ ઇસ્ટમાં ફરી અશાંતિનો માહોલ સર્જાયો છે. પરિસ્થિતિને ગંભીરતાને ધ્યાનમાં રાતી સંયુક્ત રાષ્ટ્રની સુરક્ષા સમિતિએ આજે રવિવાર બેઠક બોલાવી છે.

આજે ડો. બાબાસાહેબ આંબેડકરની 134મી જન્મજયંતિ છે. દેશભરમાં વિવિધ સ્થળે ડો. ભીમરાવ આંબેડકરની જન્મજયંતિ પર શ્રદ્ધાંજલ કાર્યક્રમનું આયોજન કરવામાં આવ્યું છે. જયપુરમાં રાજસ્થાનના મુખ્યમંત્રી ભજનલાલ શર્માએ બાબાસાહેબ આંબેડકરે શ્રદ્ધાંજલી આપી હતી.

વડાપ્રધાન નરેન્દ્ર મોદીએ લોકસભા ચૂંટણી 2024 માટે ભાજપનો સંકલ્પ જાહેર કર્યો છે, જે એક પ્રકારનો ચૂંટણી ઢંઢેરો છે. પીએમ મોદીએ પાર્ટી મુખ્યાલયમાં ભાજપનો સંકલ્પ પત્ર જાહેર કર્યો છે, જેને એક પ્રકારનો ચૂંટણી ઢંઢેરો છે. આ દરમિયાન ભાજપના રાષ્ટ્રીય અધ્યક્ષ જેપી નડ્ડા, ગૃહમંત્રી અમિત શાહ, સંરક્ષણ મંત્રી રાજનાથ સિંહ સહિત પાર્ટીના ઘણા મોટા નેતાઓ હાજર રહ્યા હતા.