Gujarati News 14 January 2025 : ઝુકરબર્ગના નિવેદન પર ભારતનું કડક વલણ, મેટાને સંસદીય સમિતિ સમન્સ પાઠવશે

Gujarat Latest News in Gujarati, Gujarati Samachar (ગુજરાતી સમાચાર) 14 January 2025 LIVE, આજના તાજા સમાચાર: ટેક કંપની મેટાને સંસદીય સમિતિ દ્વારા બોલાવવામાં આવશે. સૂત્રોના જણાવ્યા અનુસાર મેટાના અધિકારીઓએ 20થી 24 જાન્યુઆરી વચ્ચે માહિતી અને સંચાર પ્રૌદ્યોગિકી પરની સમિતિ સમક્ષ હાજર થવું પડશે. આ સમિતિની અધ્યક્ષતા ભાજપના સાંસદ નિશિકાંત દુબે કરી રહ્યા છે. તેમણે મેટાના સીઈઓ માર્ક ઝુકરબર્ગના નિવેદનને ભારત વિરોધી નિવેદન ગણાવ્યું હતું. તમને જણાવી દઈએ કે માર્ક ઝુકરબર્ગે કોવિડ વિશે એક નિવેદન આપ્યું હતું, જેમાં ભારતનો પણ ઉલ્લેખ કરવામાં આવ્યો હતો. ઝુકરબર્ગે પોડકાસ્ટ ઇન્ટરવ્યુમાં દાવો કર્યો હતો કે ભારત સરકાર કોવિડ સામેના નબળા પ્રતિસાદને કારણે 2024માં ચૂંટણી હારી ગઈ હતી.

નિશિકાંત દુબેએ એક્સ પર એક પોસ્ટમાં લખ્યું કે મારી સમિતિ આ ખોટી માહિતી માટે મેટાને બોલાવશે. કોઈપણ લોકશાહી દેશ વિશેની ખોટી માહિતી દેશની છબીને ધૂમિલ કરે છે. આ ભૂલ માટે તે સંસ્થાએ ભારતીય સંસદ અને અહીંના લોકોની માફી માંગવી પડશે.

દિલ્હીના સીએમ આતિશીએ ઉમેદવારી નોંધાવી

દિલ્હીના મુખ્યમંત્રી આતિશી માર્લેનાએ મંગળવારે કાલકાજી વિધાનસભા બેઠક માટે ઉમેદવારી નોંધાવી હતી. મુખ્યમંત્રી આતિશીએ ચૂંટણી લડવા માટે ક્રાઉડ ફંડિંગ અભિયાન શરૂ કર્યું છે. તેણે 40 લાખ રૂપિયા એકત્ર કરવાની વાત કરી છે. દિલ્હી અને દેશભરના લોકોને અપીલ કરતા આતિશીએ કહ્યું કે એક મુખ્યમંત્રી માટે ખોટી રીતે પૈસા વસૂલવા ખૂબ જ સરળ છે, પરંતુ અમે તેમ કરતા નથી.

શ

Jan 14, 2025 22:24 IST
Today Live news : દિલ્હી વિધાનસભા ચૂંટણી માટે કોંગ્રેસે 16 ઉમેદવારોની ત્રીજી યાદી જાહેર કરી
દિલ્હી વિધાનસભા ચૂંટણી માટે કોંગ્રેસે 16 ઉમેદવારોની ત્રીજી યાદી જાહેર કરી
कांग्रेस ने delhielections2025 के लिए 16 उम्मीदवारों की तीसरी सूची जारी की। pic.twitter.com/o1Rf3PcBAR
— ANI_HindiNews (@AHindinews) January 14, 2025



Jan 14, 2025 20:37 IST
Today Live news : મહાકુંભ 2025 : 3.5 કરોડ ભક્તોએ સ્નાન કર્યાનો દાવો
સીએમ યોગી આદિત્યનાથે પ્રયાગરાજ મહાકુંભમાં 3.5 કરોડ શ્રદ્ધાળુઓએ સ્નાન કર્યો હોવાનો દાવો કર્યો હતો. ઉત્તર પ્રદેશના મુખ્યમંત્રી યોગી આદિત્યનાથે ટ્વીટ કર્યું કે આજે પહેલા અમૃત સ્નાન મહોત્સવ પર 3.50 કરોડથી વધુ પૂજનીય સંતો/શ્રદ્ધાળુઓએ અવિરત-સ્વચ્છ ત્રિવેણીમાં સ્નાન કરવાનો પવિત્ર લાભ મેળવ્યો.



Advertisment
Jan 14, 2025 17:28 IST
Today Live news : ઝુકરબર્ગના નિવેદન પર ભારતનું કડક વલણ, મેટાને સંસદીય સમિતિ સમન્સ પાઠવશે
ટેક કંપની મેટાને સંસદીય સમિતિ દ્વારા બોલાવવામાં આવશે. સૂત્રોના જણાવ્યા અનુસાર મેટાના અધિકારીઓએ 20થી 24 જાન્યુઆરી વચ્ચે માહિતી અને સંચાર પ્રૌદ્યોગિકી પરની સમિતિ સમક્ષ હાજર થવું પડશે. આ સમિતિની અધ્યક્ષતા ભાજપના સાંસદ નિશિકાંત દુબે કરી રહ્યા છે. તેમણે મેટાના સીઈઓ માર્ક ઝુકરબર્ગના નિવેદનને ભારત વિરોધી નિવેદન ગણાવ્યું હતું. તમને જણાવી દઈએ કે માર્ક ઝુકરબર્ગે કોવિડ વિશે એક નિવેદન આપ્યું હતું, જેમાં ભારતનો પણ ઉલ્લેખ કરવામાં આવ્યો હતો. ઝુકરબર્ગે પોડકાસ્ટ ઇન્ટરવ્યુમાં દાવો કર્યો હતો કે ભારત સરકાર કોવિડ સામેના નબળા પ્રતિસાદને કારણે 2024માં ચૂંટણી હારી ગઈ હતી.
નિશિકાંત દુબેએ એક્સ પર એક પોસ્ટમાં લખ્યું કે મારી સમિતિ આ ખોટી માહિતી માટે મેટાને બોલાવશે. કોઈપણ લોકશાહી દેશ વિશેની ખોટી માહિતી દેશની છબીને ધૂમિલ કરે છે. આ ભૂલ માટે તે સંસ્થાએ ભારતીય સંસદ અને અહીંના લોકોની માફી માંગવી પડશે.



Jan 14, 2025 11:57 IST
Today Live news : નામાંકન પહેલા જ મુખ્યમંત્રી આતિશી સામે નોંધાઈ ફરિયાદ
દિલ્હી વિધાનસભા ચૂંટણીમાં ધમાસાણ વચ્ચે દિલ્હી મુખ્યમંત્રી આતિશીની મુશ્કેલીઓ વધી ગઈ છે. નામાંકનના ઠીક પહેલા તેમના સામે ફરિયાદ નોંધાઈ છે. આ ફરિયાદ આચાર સંહિતાના ઉલ્લંઘનના આરોપમાં રિટર્નિંગ અધિકારીએ નોંધાવી છે.



Jan 14, 2025 10:57 IST
Today Live news : ઉત્તર પ્રદેશના ડીજીપી પ્રશાંત કુમારનું નિવેદન
આજ 2025 મહાકુંભના પ્રથમ અમૃત સ્નાન છે. જેમાં વિવિધ અખાડાઓના સાધુ સંન્યાસીઓ સ્નાન કરી રહ્યા છે. આજ બ્રહ્મ મુહૂર્તથી જ અખાડા આવવાના શરૂ થયા છે. અન્ય ઘાટો પર જે સ્નાન ચાલી રહ્યું છે જ્યાં સવારે 7 વાગ્યાથી 98 લાખ 20 હજાર લોકોએ સ્નાન કરી ચૂક્યા છે. આમ અત્યાર સુધીમાં લગભગ 1 કરોડથી વધારે લોકો સ્નાન કરી ચૂક્યા છે.



Jan 14, 2025 09:56 IST
Today Live news : કેન્દ્રિય મંત્રી અમિત શાહ અમદાવાદમાં ઉત્તરાયણ ઉજવશે
આજે મંગળવારે ઉત્તરાયણના દિવસે કેન્દ્રીય ગૃહમંત્રી અમિત શાહ 10:45 વાગ્યે અમદાવાદમાં શાંતિ નિકેતન એપાર્ટમેન્ટમાં કાર્યકર્તાઓ સાથે પતંગ ચગાવશે. જે બાદ તેઓ ઘાટલોડિયા પોલીસ સ્ટેશન અને પોલીસ આવાસ યોજનાનાં 920 મકાનોનું ખાતમુહુર્ત કરશે. આ કાર્યક્રમ બાદ કેન્દ્રીય ગૃહમંત્રી ભગવાન જગન્નાથનાં દર્શન કરવા અને પૂજા કરવા જશે. બપોર પછી તેઓ રાણીપના આર્યવિલા એપાર્ટમેન્ટ રહીશો સાથે પતંગોત્સવમાં ભાગ લેશે. ત્યાંથી તેઓ સાબરમતી વોર્ડના અર્હમ ફ્લેટના રહીશો સાથેના પતંગોત્સવમાં સામેલ થશે.



Jan 14, 2025 09:46 IST
Today Live news : ઉત્તરાયણ પર શેરબજારનો પતંગ ઉડ્યો, આઈટી ઈન્ડેક્સમાં 900 પોઇન્ટનો કડાકો
ઉત્તરાયણ પર શેરબજાર સેન્સેક્સ નિફ્ટી પતંગ જેમ ઉંચે ગયા હતા. સેન્સેક્સ પાછલા બંધ 76330 સામે આજે ફ્લેટ 76335 લેવલ પર ખુલ્યા હતા. જો કે નીચા મથાળે ઝોમેટો, એનટીપીસી, ઈન્ડ્સઇન્ડ બેંક, ટાટા મોટર્સ અને અદાણી પોર્ટ્સના શેરમાં લેવાલીથી શેરબજાર વધ્યું હતું. સેન્સેક્સ 400 પોઇન્ટ થી ઉછળી 76779 સુધી ગયો હતો. નિફ્ટી પાછલા બંધ 23085 સામે આજે 23165 ખુલ્યો હતો. બેંક નિફ્ટી 500 પોઇન્ટો ઉછળ્યો હતો. જ્યારે નિફ્ટી આઈટી ઇન્ડેક્સ 950 પોઇન્ટનો કડાકો બોલાયો છે.



Jan 14, 2025 09:07 IST
Today Live news : નલિયામાં ઠંડી ઘટીને 8.8 ડિગ્રી પર પહોંચી
હવામાન વિભાગે આપેલા ઠંડીના આંકડા પ્રમાણે ગુજરાતમાં 8.8 ડિગ્રીથી લઈને 18.4 ડિગ્રી વચ્ચે લઘુતમ તાપમાન નોંધાયું હતું. જેમાં નલિયામાં 8.8 ડિગ્રી લઘુતમ તાપમાન નોંધાયું હતું. જ્યારે સુરતમાં 18.4 ડિગ્રી લઘુતમ તાપમાન નોંધાયું હતું. ડીસામાં 9.9 ડિગ્રી લઘુતમ તાપમાન નોંધાયું હતું.



Jan 14, 2025 09:06 IST
Today Live news : રાહુલ ગાંધીની આજે દિલ્હીમાં પ્રથમ રેલી છે
રાહુલ ગાંધીની પહેલી રેલી આજે દિલ્હીમાં યોજાશે. કોંગ્રેસના પૂર્વ રાષ્ટ્રીય અધ્યક્ષ અને લોકસભામાં વિપક્ષના નેતા રાહુલ ગાંધીની જાહેરસભાનું આયોજન કરવાની તૈયારીઓ કરવામાં આવી છે. રાહુલ ગાંધી સોમવારે બપોરે 3.30 વાગ્યે પૂર્વ દિલ્હીના સીલમપુરમાં જય બાપુ, જય ભીમ અને જય સંવિધાન જનસભાને સંબોધિત કરશે. તેઓ કોંગ્રેસ વતી વિધાનસભા ચૂંટણીનું બ્યુગલ પણ વગાડશે.



Jan 14, 2025 09:06 IST
Today Live news : દિલ્હી સીએમ આતિશી આજે ઉમેદવારી નોંધાવશે
દિલ્હીના મુખ્યમંત્રી આતિશી માર્લેના આજે કાલકાજી વિધાનસભા બેઠક માટે ઉમેદવારી નોંધાવશે. તે પહેલા મંદિર જશે અને પછી ગુરુદ્વારામાં પ્રાર્થના કર્યા બાદ નામાંકન માટે ડીએમ ઓફિસ પહોંચશે. મુખ્યમંત્રી આતિશીએ ચૂંટણી લડવા માટે ક્રાઉડ ફંડિંગ અભિયાન શરૂ કર્યું છે. તેણે 40 લાખ રૂપિયા એકત્ર કરવાની વાત કરી છે. દિલ્હી અને દેશભરના લોકોને અપીલ કરતા આતિશીએ કહ્યું કે એક મુખ્યમંત્રી માટે ખોટી રીતે પૈસા વસૂલવા ખૂબ જ સરળ છે, પરંતુ અમે તેમ કરતા નથી.