Gujarati News 16 July 2024 Highlights : સુપ્રીમ કોર્ટને બે નવા જજ મળ્યા, જસ્ટિસ એન કોટેશ્વર સિંહ મણિપુરથી પ્રથમ જજ

Gujarat Latest News in Gujarati, Gujarat Samachar (ગુજરાત સમાચાર) 16 July 2024 LIVE, આજના તાજા સમાચાર: સુપ્રીમ કોર્ટને બે નવા જજ મળ્યા છે. રાષ્ટ્રપતિએ ન્યાયાધીશોની નિમણૂકને મંજૂરી આપી દીધી છે. ગુરૂવારે સીજેઆઈ ડીવાય ચંદ્રચૂડ બંને નવા જજોને શપથ લેવડાવશે. ન્યાયાધીશ એન કોટેશ્વર સિંહ અને ન્યાયાધીશ આર મહાદેવનને સુપ્રીમ કોર્ટમાં જજ બનાવવામાં આવશે. જસ્ટિસ સિંહ મણિપુરથી સુપ્રીમ કોર્ટના જજ બનનાર પ્રથમ વ્યક્તિ બનશે. સુપ્રીમ કોર્ટના કોલેજિયમે જમ્મુ-કાશ્મીર હાઈકોર્ટના ચીફ જસ્ટિસ જસ્ટિસ એન કોટેશ્વર સિંહ અને મદ્રાસ હાઈકોર્ટના કાર્યકારી ચીફ જસ્ટિસ આર મહાદેવનને સુપ્રીમ કોર્ટના જજ તરીકે નિયુક્ત કરવાની ભલામણ કરી હતી.

દિલ્હીમાં નવા કેદારનાથ મંદિરને લઈને ઉત્તરાખંડમાં વિરોધ ઉગ્ર, કોંગ્રેસે નામ સામે વાંધો વ્યક્ત કર્યો

ઉત્તરાખંડના મુખ્યમંત્રી પુષ્કર સિંહ ધામીના દિલ્હીમાં નવા કેદારનાથ મંદિરના ભૂમિપૂજન સમારોહમાં હાજરી આપવાના પગલા બાદ હોબાળો થયો છે. ઉત્તરાખંડ કોંગ્રેસે આ ઘટનાને આસ્થાની મજાક, સનાતન ધર્મ અને વૈદિક ધાર્મિક વિધિઓનું અપમાન ગણાવ્યું છે.

કોંગ્રેસના પ્રવક્તા ગરિમા મેહરા દાસૌની અને શીશપાલ બિષ્ટે સોમવારે એક નિવેદનમાં જણાવ્યું હતું કે, “જેમ ભાજપે પહેલા વૈદિક પરંપરાની વિરુદ્ધ જઈને ચાર ઉપરાંત ડઝનબંધ શંકરાચાર્યોની રચના કરી હતી, તેવી જ રીતે હવે તેઓ જ્યોતિર્લિંગના મહિમા સાથે ચેડા કરી રહ્યા છે. મંદિર બનાવવું હોત તો અક્ષરધામ જેવું બની શક્યું હોત. આપણા ચારધામનું નામ શા માટે રાખવું જોઈએ? કેદારનાથ ધામનો પોતાનો ઇતિહાસ અને માન્યતાઓ છે. "આ એવી ફ્રેન્ચાઇઝી નથી કે જે તમે ગમે ત્યાં સેટ કરી શકો."

મુંબઈ એક્સપ્રેસ હાઈવે નજીક બસ-ટ્રેક્ટરની ટક્કર, પાંચના મોત અને 42 ઘાયલ

મુંબઈ એક્સપ્રેસ હાઈવે પાસે બસ અને ટ્રેક્ટરની ટક્કર થઈ હતી. ટક્કર બાદ વાહન ખાડામાં પડતાં પાંચ લોકોનાં મોત થયાં હતાં. આ અકસ્માતમાં 40થી વધુ લોકો ઘાયલ પણ થયા છે. તમામ ઘાયલોને નજીકની એમજીએમ હોસ્પિટલમાં દાખલ કરવામાં આવ્યા છે. અકસ્માત અંગે નવી મુંબઈના ડીસીપી વિવેક પાનસરેએ જણાવ્યું કે, લોકો અષાઢી એકાદશીના અવસર પર ખાનગી બસમાં પંઢરપુર જઈ રહ્યા હતા. બસ ટ્રેક્ટર સાથે અથડાઈને ખાડામાં પડી હતી. 42 લોકો ઘાયલ થયા છે, જેમને એમજીએમ હોસ્પિટલમાં દાખલ કરવામાં આવ્યા છે, જ્યારે ત્રણ લોકોને સરકારી હોસ્પિટલમાં દાખલ કરવામાં આવ્યા છે. તબીબોએ 5 લોકોના મોતની પુષ્ટિ કરી છે.

ગુજરાતમાં ચાંદીપુરા વાયરસથી 5 દિવસમાં 6 બાળકોના મોત

ગુજરાતમાં ચાંદીપુરા વાયરસના સંક્રમણના વધતા જોખમને જોઈને લોકો ડરી ગયા છે. રાજ્યનું આરોગ્ય વિભાગ પણ વાયરસને લઈને એલર્ટ મોડમાં આવી ગયું છે. સોમવારે ગુજરાતના હિંમતનગરની હોસ્પિટલમાં ચાંદીપુરા વાયરસના કારણે છ લોકોના મોત થયા હતા, જેના કારણે આસપાસના રાજ્યોમાં પણ ચાંદીપુરા વાયરસને લઈને ગભરાટ વધી ગયો છે. ઘણા લોકો, જેઓ થોડા વર્ષો પહેલા કોરોના વાયરસના ડંખનો ભોગ બન્યા હતા, હવે ફક્ત 'વાયરસ' શબ્દ સાંભળીને જ ડરી જાય છે.

જો કે, ગુજરાતના આરોગ્ય વિભાગનું કહેવું છે કે ચાંદીપુરા વાયરસને લઈને ગભરાવાની જરૂર નથી, પરંતુ સાવચેત રહેવાની જરૂર છે. તમને જણાવી દઈએ કે ચાંદીપુરા વાયરસનો પહેલો કેસ ગુજરાતમાં નહીં પરંતુ વર્ષો પહેલા મહારાષ્ટ્રમાં નોંધાયો હતો. જો કે તેનું નામ 'ચંદીપુરા વાયરસ' છે.

Jul 16, 2024 23:31 IST
કેન્દ્ર સરકારે નીતિ આયોગની નવી ટીમની રચના કરી
કેન્દ્ર સરકારે નીતિ આયોગની નવી ટીમની રચના કરી છે. પહેલાની જેમ જ આ ટીમનું નેતૃત્વ વડાપ્રધાન નરેન્દ્ર મોદી કરશે. સુમન બેરી તેના વાઇસ પ્રેસિડેન્ટ હશે. નીતિ આયોગની નવી ટીમમાં ચાર પૂર્ણકાલીન સભ્યો છે. બીકે સારસ્વત, ડો.વી.કે.પોલ, અરવિંદ વિરમwvr અને પ્રોફેસર રમેશ ચંદ નીતિ આયોગની ટીમના પૂર્ણકાલીન સભ્ય રહેશે. નીતિ આયોગની નવી ટીમમાં હોદ્દાની રૂએ સભ્ય તરીકે કેન્દ્રીય મંત્રી રાજનાથ સિંહ, અમિત શાહ, શિવરાજ સિંહ ચૌહાણ અને નિર્મલા સીતારમણનો સમાવેશ કરવામાં આવ્યો છે.
આ ઉપરાંત નીતિ આયોગની નવી ટીમમાં 11 મંત્રીઓને વિશેષ આમંત્રિત તરીકે સ્થાન મળ્યું છે. તેમાં ભાજપના સાથી પક્ષોના મંત્રીઓ પણ છે. કેન્દ્રીય મંત્રી નિતિન ગડકરી, જે પી નડ્ડા, એચ ડી કુમારસ્વામી, જીતન રામ માંઝી, રાજીવ રંજન ઉર્ફે લલન સિંહ, વિરેન્દ્ર કુમાર, રામ મોહન નાયડુ, જુઆલ ઓરમ, અન્નપૂર્ણા દેવી, ચિરાગ પાસવાન અને રાવ ઇન્દ્રજીત સિંહ આ યાદીમાં સામેલ છે.
प्रधानमंत्री नरेंद्र मोदी ने राष्ट्रीय भारत परिवर्तन संस्थान (नीति आयोग) की संशोधित संरचना को मंजूरी दी।

केंद्रीय मंत्री शिवराज सिंह चौहान को पदेन सदस्य के रूप में शामिल किया गया तथा केंद्रीय मंत्री जेपी नड्डा, एचडी कुमारस्वामी, जीतन राम मांझी, राजीव रंजन सिंह, राम मोहन नायडू,… pic.twitter.com/PPUkEwtOeu
— ANI_HindiNews (@AHindinews) July 16, 2024



Jul 16, 2024 21:47 IST
હાઈકોર્ટે મમતા બેનર્જીને રાજ્યપાલ સીવી આનંદ બોઝ વિરુદ્ધ અપમાનજનક નિવેદનો કરવાથી રોક્યા
કલકત્તા હાઈકોર્ટે પશ્ચિમ બંગાળના મુખ્યમંત્રી મમતા બેનર્જીને રાજ્યપાલ સીવી આનંદ બોઝ વિરુદ્ધ અપમાનજનક નિવેદનો કરવાથી રોક્યા.
कलकत्ता उच्च न्यायालय ने पश्चिम बंगाल की मुख्यमंत्री ममता बनर्जी को राज्यपाल सी.वी. आनंद बोस के खिलाफ अपमानजनक बयान देने से रोका है। pic.twitter.com/Pg6viRTcAJ
— ANI_HindiNews (@AHindinews) July 16, 2024



Jul 16, 2024 19:23 IST
અમદાવાદના ગાંધી રોડ પર જ્વેલર્સની દુકાનમાં લૂંટ વિથ ફાયરિંગ
અમદાવાદના ગાંધી રોડ પર ધોળા દિવસે સોનાના વેપારીને ત્યાં લૂંટ વિથ ફાયરિંગની ઘટના બની છે. અમદાવાદના ભરચક વિસ્તારમાં સોનાની દુકાનમાં લૂંટની ઘટનાથી વેપારીઓમાં ડરનો માહોલ છે. લૂંટારાએ જ્વેલર્સની દુકાનમાં બેઠેલા સોની વેપારીને પગમાં ગોળી મારી અને નાસી છુટ્યા હતા. લૂંટ અને ગોળીબારની ઘટનાની જાણ થતા પોલીસ ઘટના સ્થળે પહોંચી ગઇ છે. આ ઘટના બાદ વેપારીઓમાં ડરનો માહોલ છે.



Jul 16, 2024 18:37 IST
વિવાદો વચ્ચે IAS પૂજા ખેડકર પર એક્શન, એકેડમીએ ટ્રેનિંગ રદ કરી પરત બોલાવી
મહારાષ્ટ્ર કેડરની વિવાદાસ્પદ ઈન્ડિયન એડમિનિસ્ટ્રેટિવ સર્વિસ (આઈએએસ) ઓફિસર પૂજા ખેડકરની મુશ્કેલી વધી ગઈ છે. મહારાષ્ટ્ર સરકારે મંગળવારે તાલીમાર્થી ભારતીય વહીવટી સેવા (IAS) અધિકારી પૂજા ખેડકરને લાલ બહાદુર શાસ્ત્રી નેશનલ એકેડમી ઑફ એડમિનિસ્ટ્રેશન (LBSNAA), મસૂરીમાં પાછા ફરવાનો આદેશ આપ્યો છે.



Jul 16, 2024 17:07 IST
GMERS કોલેજની ફી માં ઘટાડો કરાયો, ગવર્નમેન્ટ ક્વોટામાં માં 3.75 લાખ અને મેનેજમેન્ટ ક્વોટામાં 12 લાખ ફી કરી
મુખ્યમંત્રી ભુપેન્દ્ર પટેલની અધ્યક્ષતામાં આજરોજ ગાંધીનગર ખાતે મળેલી કેબિનેટ બેઠકમાં રાજ્યના મેડિકલ વિદ્યાર્થીઓ માટે હિતલક્ષી મહત્વપૂર્ણ નિર્ણય કરાયો છે. રાજ્યના પ્રવક્તા મંત્રી ઋષિકેશ પટેલે જણાવ્યું કે રાજ્યની 13 GMERS કોલેજની 2100 બેઠકો માં તાજેતરમાં નક્કી કરાયેલ ફી માં ઘટાડો કરવાનો નિર્ણય રાજ્ય સરકાર કર્યો છે. ગવર્નમેન્ટ ક્વોટામાં માં પ્રવર્તમાન 5.50 લાખ રૂપિયાની ફી ઘટાડીને 3.75 લાખ રૂપિયા એટલે કે અંદાજીત 80% અને મેનેજમેન્ટ ક્વોટામાં 27 લાખ રૂપિયાની ફી માંથી ઘટાડો કરીને 12 લાખ રૂપિયા એટલે કે અંદાજીત 62.5 %નો ઘટાડો વિદ્યાર્થીઓના હિતમા કરવામાં આવ્યો છે. પ્રવર્તમાન ફી નું માળખું મેડિકલ શૈક્ષણિક વર્ષ 2-24-25 થી જ લાગુ પડશે.



Jul 16, 2024 16:19 IST
સુપ્રીમ કોર્ટને બે નવા જજ મળ્યા, જસ્ટિસ એન કોટેશ્વર સિંહ મણિપુરથી પ્રથમ જજ
સુપ્રીમ કોર્ટને બે નવા જજ મળ્યા છે. રાષ્ટ્રપતિએ ન્યાયાધીશોની નિમણૂકને મંજૂરી આપી દીધી છે. ગુરૂવારે સીજેઆઈ ડીવાય ચંદ્રચૂડ બંને નવા જજોને શપથ લેવડાવશે. ન્યાયાધીશ એન કોટેશ્વર સિંહ અને ન્યાયાધીશ આર મહાદેવનને સુપ્રીમ કોર્ટમાં જજ બનાવવામાં આવશે. જસ્ટિસ સિંહ મણિપુરથી સુપ્રીમ કોર્ટના જજ બનનાર પ્રથમ વ્યક્તિ બનશે. સુપ્રીમ કોર્ટના કોલેજિયમે જમ્મુ-કાશ્મીર હાઈકોર્ટના ચીફ જસ્ટિસ જસ્ટિસ એન કોટેશ્વર સિંહ અને મદ્રાસ હાઈકોર્ટના કાર્યકારી ચીફ જસ્ટિસ આર મહાદેવનને સુપ્રીમ કોર્ટના જજ તરીકે નિયુક્ત કરવાની ભલામણ કરી હતી.



Jul 16, 2024 15:34 IST
કોઈપણ સંજોગોમાં હરિયાણામાં મુસ્લિમ આરક્ષણ લાગુ થવા દઇશું નહીં - અમિત શાહ
હરિયાણાના મહેન્દ્રગઢમાં પછાત વર્ગ સન્માન સંમેલનને સંબોધતા કેન્દ્રીય ગૃહ અને સહકાર મંત્રી અમિત શાહે કહ્યું કે કોંગ્રેસે કર્ણાટકમાં પછાત વર્ગોનું આરક્ષણ છીનવી લીધું છે અને મુસ્લિમોને આપ્યું છે. જો તેઓ અહીં આવી ગયા તો અહીં પણ આવું જ કરશે. હું તમને ખાતરી આપવા માંગુ છું કે અમે કોઈપણ સંજોગોમાં હરિયાણામાં મુસ્લિમ આરક્ષણ લાગુ થવા દઇશું નહીં.



Jul 16, 2024 14:24 IST
ગુજરાતમાં બપોરે 2 વાગ્યા સુધીમાં 36 તાલુકામાં વરસાદ
સ્ટેટ ઇમર્જન્સી ઓપરેશન સેન્ટર, ગાંધીનગર દ્વારા જાહેર કરવામાં આવેલા આંકડા પ્રમાણે આજે 16 જુલાઈ 2024, મંગળવારે સવારે 6 વાગ્યાથી લઈને બપોરે 2 વાગ્યા સુધીમાં 36 તાલુકામાં વરસાદ પડ્યો હતો. જેમાં સૌથી વધારે ગીર સોમનાથના સુત્રાપાડમાં પોણા બે ઈંચ વરસાદ નોંધાયો હતો. જ્યારે જૂનાગઢના માળિયા હાટિના અને વલસાડના ઉમરગામમાં દોઢ ઈંચ વરસાદ નોંધાયો હતો.



Jul 16, 2024 13:03 IST
દિલ્હીમાં નવા કેદારનાથ મંદિરને લઈને ઉત્તરાખંડમાં વિરોધ ઉગ્ર
કેદારનાથ મંદિરઃ ઉત્તરાખંડના મુખ્યમંત્રી પુષ્કર સિંહ ધામીના દિલ્હીમાં નવા કેદારનાથ મંદિરના ભૂમિપૂજન સમારોહમાં હાજરી આપવાના પગલા બાદ હોબાળો થયો છે. ઉત્તરાખંડ કોંગ્રેસે આ ઘટનાને આસ્થાની મજાક, સનાતન ધર્મ અને વૈદિક ધાર્મિક વિધિઓનું અપમાન ગણાવ્યું છે.



Jul 16, 2024 10:58 IST
ગુજરાતમાં સવારે 6થી 8 વાગ્યા સુધી 11 તાલુકામાં વરસાદ
સ્ટેટ ઇમર્જન્સી ઓપેરશન સેન્ટર ગાંધીનગર દ્વારા જાહેર કરાયેલા વરસાદના આંકડા પ્રમાણે મંગળવારે સવારે 6 થી8 વાગ્યા સુધીમાં કૂલ 11 તાલુકામાં વરસાદ પડ્યો હતો. જેમાં સૌથી વધારે જુનાગઢના માલિયા હટિનામાં દોઢ ઈંચ વરસાદ પડ્યો હતો.



Jul 16, 2024 10:42 IST
મુંબઈ એક્સપ્રેસ હાઈવે નજીક બસ-ટ્રેક્ટરની ટક્કર, પાંચના મોત અને 42 ઘાયલ
મુંબઈ એક્સપ્રેસ હાઈવે પાસે બસ અને ટ્રેક્ટરની ટક્કર થઈ હતી. ટક્કર બાદ વાહન ખાડામાં પડતાં પાંચ લોકોનાં મોત થયાં હતાં. આ અકસ્માતમાં 40થી વધુ લોકો ઘાયલ પણ થયા છે. તમામ ઘાયલોને નજીકની એમજીએમ હોસ્પિટલમાં દાખલ કરવામાં આવ્યા છે. અકસ્માત અંગે નવી મુંબઈના ડીસીપી વિવેક પાનસરેએ જણાવ્યું કે, લોકો અષાઢી એકાદશીના અવસર પર ખાનગી બસમાં પંઢરપુર જઈ રહ્યા હતા. બસ ટ્રેક્ટર સાથે અથડાઈને ખાડામાં પડી હતી. 42 લોકો ઘાયલ થયા છે, જેમને એમજીએમ હોસ્પિટલમાં દાખલ કરવામાં આવ્યા છે, જ્યારે ત્રણ લોકોને સરકારી હોસ્પિટલમાં દાખલ કરવામાં આવ્યા છે. તબીબોએ 5 લોકોના મોતની પુષ્ટિ કરી છે



Jul 16, 2024 10:37 IST
ગુજરાત ગૌણ સેવા પસંદગી મંડળ દ્વારા પ્રોબેશન અધિકારીની 60 જગ્યાઓ પર ભરતી
ગુજરાત ગૌણ સેવા પસંદગી મંડળ, ગાંધીનગર દ્વારા પ્રોબેશન ઓફિસર વર્ગ 3ની કુલ 60 જગ્યાઓ ભરવા માટે ઉમેદવારો પાસેથી ઓનલાઈન અરજીઓ મંગાવી છે. લાયક અને રસ ધરાવતા ઉમેદવારોએ 31 જુલાઈ 2024 સુધીમાં ઓનલાઈન અરજી કરવાની રહેશે.



Jul 16, 2024 09:21 IST
મંગળવારનો તમારો દિવસ કેવો રહેશે

આજે 16 જુલાઈ 2024, મંગળવારનો દિવસ મેષથી લઈને મીન રાશિના જાતકો માટે કેવો રહેશે. અહીં ક્લિક કરીને વાંચો તમારું આજનું રાશિફળ.



Jul 16, 2024 09:18 IST
જમ્મુ કાશ્મીરના ડોડામાં સુરક્ષાદળો અને આતંકવાદીઓ વચ્ચે અથડામણ, એક અધિકારી સહિત ચાર જવાન શહીદ
સોમવારે સાંજે જમ્મુ અને કાશ્મીરના ડોડા જિલ્લામાં આતંકવાદીઓ સાથેની અથડામણમાં ગંભીર રીતે ઘાયલ થયેલા એક અધિકારી સહિત ચાર જવાનોનું મંગળવારે વહેલી સવારે હોસ્પિટલમાં સારવાર દરમિયાન મૃત્યુ થયું હતું. ન્યૂઝ એજન્સી પીટીઆઈએ અધિકારીઓને ટાંકીને જણાવ્યું હતું કે આ અથડામણ ત્યારે થઈ જ્યારે રાષ્ટ્રીય રાઈફલ્સ અને જમ્મુ-કાશ્મીર પોલીસના સ્પેશિયલ ઓપરેશન ગ્રુપના જવાનોએ સોમવારે મોડી સાંજે ડોડા શહેરથી લગભગ 55 કિલોમીટર દૂર દેસા જંગલ વિસ્તારમાં ધારી ગોટે ઉરારબાગીમાં સંયુક્ત સર્ચ ઓપરેશન હાથ ધર્યું હતું.



Jul 16, 2024 09:17 IST
ગુજરાતમાં ચાંદીપુરા વાયરસથી 5 દિવસમાં 6 બાળકોના મોત
ગુજરાતમાં ચાંદીપુરા વાયરસના સંક્રમણના વધતા જોખમને જોઈને લોકો ડરી ગયા છે. રાજ્યનું આરોગ્ય વિભાગ પણ વાયરસને લઈને એલર્ટ મોડમાં આવી ગયું છે. સોમવારે ગુજરાતના હિંમતનગરની હોસ્પિટલમાં ચાંદીપુરા વાયરસના કારણે છ લોકોના મોત થયા હતા, જેના કારણે આસપાસના રાજ્યોમાં પણ ચાંદીપુરા વાયરસને લઈને ગભરાટ વધી ગયો છે. ઘણા લોકો, જેઓ થોડા વર્ષો પહેલા કોરોના વાયરસના ડંખનો ભોગ બન્યા હતા, હવે ફક્ત 'વાયરસ' શબ્દ સાંભળીને જ ડરી જાય છે.