Gujarati News 18 January 2025 LIVE: દિલ્હીમાં ભાડૂતોને પણ મળશે મફત વીજળી અને પાણી, અરવિંદ કેજરીવાલે કરી મોટી જાહેરાત

Gujarat Latest News in Gujarati, Gujarati Samachar (ગુજરાતી સમાચાર) 18 January 2025 LIVE, આજના તાજા સમાચાર: દિલ્હી વિધાનસભા ચૂંટણી વચ્ચે આમ આદમી પાર્ટીના રાષ્ટ્રીય સંયોજક અરવિંદ કેજરીવાલે એક મોટી જાહેરાત કરી છે. તેમણે કહ્યું છે કે હવે દિલ્હીમાં ભાડૂતોને પણ મફત વીજળી અને પાણીનો લાભ મળશે. અરવિંદ કેજરીવાલે કહ્યું કે જો અમારી સરકાર બનશે તો અમે એવી સ્કીમ લાવશું જેના દ્વારા ભાડૂતોને પણ મફત વીજળી અને પાણી મળશે. કેજરીવાલે કહ્યું કે આ યોજનાથી પૂર્વાંચલીના લોકોને ઘણો ફાયદો થશે.

અરવિંદ કેજરીવાલે કહ્યું, “હું જ્યાં પણ જાઉં છું ત્યાં ભાડૂતો મને ઘેરી લે છે અને કહે છે કે તમે સારી શાળાઓ બનાવી છે, અમને તેનો લાભ મળી રહ્યો છે. તમને તમારી મફત બસ સેવાનો લાભ મળી રહ્યો છે પરંતુ તમને વીજળી અને પાણીનો લાભ નથી મળી રહ્યો. દિલ્હીના લોકોને 200 યુનિટ સુધીની મફત વીજળી અને 400 યુનિટ સુધીની અડધી વીજળીનો લાભ મળે છે. જ્યારે 20,000 લીટર પાણી મફત છે. પરંતુ દુર્ભાગ્યે ભાડૂતોને તે મળતું નથી. આવી સ્થિતિમાં હું જાહેરાત કરું છું કે જો સરકાર બનશે તો ભાડૂતોને પણ આ મફતમાં મળશે.

દિલ્હી વિધાનસભા ચૂંટણી માટે 1521 ઉમેદવારોએ નોમિનેશન ભર્યું

દિલ્હી વિધાનસભા ચૂંટણીમાં 1521 ઉમેદવારોએ ઉમેદવારી નોંધાવી છે. હવે ઉમેદવારી પત્રો પરત ખેંચવાની છેલ્લી તારીખ 20 જાન્યુઆરી છે. ભાજપે દિલ્હી ચૂંટણી માટે તેનું 'સંકલ્પ પત્ર' પણ બહાર પાડ્યું છે. પાર્ટીએ મહિલાઓ માટે ઘણા મોટા વચનો આપ્યા છે. દિલ્હી વિધાનસભા ચૂંટણીમાં આમ આદમી પાર્ટી અને કોંગ્રેસ તમામ 70 સીટો પર ચૂંટણી લડી રહ્યા છે. જ્યારે ભાજપે તેના સાથી પક્ષોને પણ બેઠકો આપી છે. બીજેપી 68 સીટો પર ચૂંટણી લડી રહી છે જ્યારે ચિરાગ પાસવાનની લોક જનશક્તિ પાર્ટીને એક સીટ અને નીતીશ કુમારની જેડીયુને એક સીટ મળી છે.

નલિયામાં ઠંડીનો પારો ત્રણ ડિગ્રી ગગડ્યો

ગુજરાતમાં બે દિવસની રાહત બાદ ઠંડીએ ફરીથી જોર પકડ્યું છે. રાજ્યમાં ઠંડા પવનો ફૂંકાતા તાપમાનમાં નોંધનીય ઘટાડો થયો છે. શુક્રવારે રાજ્યમાં 6 ડિગ્રીથી 18.9 ડિગ્રી વચ્ચે લઘુતમ તાપમાન નોંધાયું હતું. નલિયામાં ત્રણ ડિગ્રીથી વધુ તાપમાન ઘટીને 6 ડિગ્રી લઘુતમ તાપમાન સુધી પહોંચ્યું છે. જ્યારે ઓખામાં 18.9 ડિગ્રી લઘુતમ તાપમાન નોંધાયું હતું.

Jan 18, 2025 13:13 IST
Today Live news : દિલ્હીમાં ભાડૂતોને પણ મળશે મફત વીજળી અને પાણી, અરવિંદ કેજરીવાલે કરી મોટી જાહેરાત
દિલ્હી વિધાનસભા ચૂંટણી વચ્ચે આમ આદમી પાર્ટીના રાષ્ટ્રીય સંયોજક અરવિંદ કેજરીવાલે એક મોટી જાહેરાત કરી છે. તેમણે કહ્યું છે કે હવે દિલ્હીમાં ભાડૂતોને પણ મફત વીજળી અને પાણીનો લાભ મળશે. અરવિંદ કેજરીવાલે કહ્યું કે જો અમારી સરકાર બનશે તો અમે એવી સ્કીમ લાવશું જેના દ્વારા ભાડૂતોને પણ મફત વીજળી અને પાણી મળશે. કેજરીવાલે કહ્યું કે આ યોજનાથી પૂર્વાંચલીના લોકોને ઘણો ફાયદો થશે.
અરવિંદ કેજરીવાલે કહ્યું, “હું જ્યાં પણ જાઉં છું ત્યાં ભાડૂતો મને ઘેરી લે છે અને કહે છે કે તમે સારી શાળાઓ બનાવી છે, અમને તેનો લાભ મળી રહ્યો છે. તમને તમારી મફત બસ સેવાનો લાભ મળી રહ્યો છે પરંતુ તમને વીજળી અને પાણીનો લાભ નથી મળી રહ્યો. દિલ્હીના લોકોને 200 યુનિટ સુધીની મફત વીજળી અને 400 યુનિટ સુધીની અડધી વીજળીનો લાભ મળે છે. જ્યારે 20,000 લીટર પાણી મફત છે. પરંતુ દુર્ભાગ્યે ભાડૂતોને તે મળતું નથી. આવી સ્થિતિમાં હું જાહેરાત કરું છું કે જો સરકાર બનશે તો ભાડૂતોને પણ આ મફતમાં મળશે.



Jan 18, 2025 13:13 IST
Today Live news : આરજી કાર મેડિકલ કોલેજમાં લેડી ડોક્ટર પર બળાત્કાર અને હત્યાના કેસમાં આજે ચુકાદો આવશે
કોલકાતાની આરજી કાર મેડિકલ કોલેજમાં મહિલા ડૉક્ટર પર બળાત્કાર અને હત્યાનો મામલો ગયા વર્ષે ચર્ચામાં હતો. આ ઘટનાને લઈને કોલકાતા સહિત દેશભરમાં વિરોધ થયો હતો. આ ઘટનાને 5 મહિના વીતી ગયા છે અને શનિવારે કોલકાતાની સિયાલદહ કોર્ટ આ કેસમાં પોતાનો ચુકાદો આપશે. સીબીઆઈ હવે આ કેસની તપાસ કરી રહી છે. જોકે, અત્યાર સુધી સીબીઆઈ મેડિકલ કોલેજના તત્કાલિન પ્રિન્સિપાલ સંદીપ ઘોષ અને સ્થાનિક પોલીસ સ્ટેશનના ઈન્ચાર્જ અભિજીત મંડલ વિરુદ્ધ ચાર્જશીટ રજૂ કરી શકી નથી, જેના કારણે તેમને જામીન મળી ગયા છે.



Jan 18, 2025 09:35 IST
Today Live news : ઊંઝા નજીક હાઈવે પર ગમખ્વાર ત્રિપલ અકસ્માત, 2 યુવાનના મોત
ઉત્તર ગુજરાતના ઊંઝામાં અકસ્માતના સમાચાર સામે આવ્યા છે. શુક્રવારે મોડી રાતે અહીં બ્રાહ્મણવાડા હાઈવે પર ત્રિપલ અકસ્માત સર્જાયો હતો. આ અકસ્માતમાં એક લક્ઝરી બસ, કાર અને બાઈક વચ્ચે ભયંકર ટક્કર થઈ હતી. જેમાં બાઈક સવાર બે યુવાઓના દર્દનાક મોત મૃત્યુ નિપજ્યાં હતા. નોંધનિય છે કે, બ્રાહ્મણવાડા ગામ તરફના ક્રોસિંગ રોડ પર અવારનવાર અકસ્માત સર્જાતા રહે છે.



Jan 18, 2025 09:08 IST
Today Live news : નલિયામાં ઠંડીનો પારો ત્રણ ડિગ્રી ગગડ્યો
ગુજરાતમાં બે દિવસની રાહત બાદ ઠંડીએ ફરીથી જોર પકડ્યું છે. રાજ્યમાં ઠંડા પવનો ફૂંકાતા તાપમાનમાં નોંધનીય ઘટાડો થયો છે. શુક્રવારે રાજ્યમાં 6 ડિગ્રીથી 18.9 ડિગ્રી વચ્ચે લઘુતમ તાપમાન નોંધાયું હતું. નલિયામાં ત્રણ ડિગ્રીથી વધુ તાપમાન ઘટીને 6 ડિગ્રી લઘુતમ તાપમાન સુધી પહોંચ્યું છે. જ્યારે ઓખામાં 18.9 ડિગ્રી લઘુતમ તાપમાન નોંધાયું હતું.



Jan 18, 2025 09:08 IST
Today Live news : દિલ્હી વિધાનસભા ચૂંટણી માટે 1521 ઉમેદવારોએ નોમિનેશન ભર્યું
દિલ્હી વિધાનસભા ચૂંટણીમાં 1521 ઉમેદવારોએ ઉમેદવારી નોંધાવી છે. હવે ઉમેદવારી પત્રો પરત ખેંચવાની છેલ્લી તારીખ 20 જાન્યુઆરી છે. ભાજપે દિલ્હી ચૂંટણી માટે તેનું 'સંકલ્પ પત્ર' પણ બહાર પાડ્યું છે. પાર્ટીએ મહિલાઓ માટે ઘણા મોટા વચનો આપ્યા છે. દિલ્હી વિધાનસભા ચૂંટણીમાં આમ આદમી પાર્ટી અને કોંગ્રેસ તમામ 70 સીટો પર ચૂંટણી લડી રહ્યા છે. જ્યારે ભાજપે તેના સાથી પક્ષોને પણ બેઠકો આપી છે. બીજેપી 68 સીટો પર ચૂંટણી લડી રહી છે જ્યારે ચિરાગ પાસવાનની લોક જનશક્તિ પાર્ટીને એક સીટ અને નીતીશ કુમારની જેડીયુને એક સીટ મળી છે.