Gujarati News 2 June 2024 Highlights: અરુણાચલ પ્રદેશમાં ભાજપની જીત, સિક્કિમમાં SKMનો પ્રચંડ વિજય

Gujarati News 2 June 2024 Highlights: લોકસભા ચૂંટણી 2024 એક્ઝિટ પોલમાં ભાજપને બહુમતી મળવાની આગાહી કરવામાં આવી છે. 4 જૂને લોકસભા ચૂંટણી 2024ના પરિણામ જાહેર થશે. આ દરમિયાન આજે અરૂણાચલ પ્રદેશ અને સિક્કિમ વિધાનસભા ચૂંટણીના પરિણામ સામે આવી ગયા છે. આજના મોટા સમાચારમાં દિલ્હીના મુખ્યમંત્રી અરવિંદ કેજરીવાલ વચગાળાના જામીન પૂર્ણ થયા બાદ આજે આત્મસમર્પણ કર્યું છે. ગુજરાત સહિત દેશભરમાં તાપમાન વધી રહ્યું છે. લોકસભા ચૂંટણી, રાજકારણ, રમતગતમ, વેપાર, મનોરંજન સહિત તમામ લાઇવ સમાચાર માટે માટે gujarati.indianexpress.com સાથે જોડાયેલા રહો....

અરુણાચલ પ્રદેશમાં ફરી ભાજપની સરકાર, 46 બેઠકો પર જીત મેળવી

અરુણાચલ પ્રદેશ વિધાનસભા ચૂંટણી માટે મતગણતરી પૂરી થઈ ગઈ છે. અરુણાચલ પ્રદેશની 60 બેઠકોમાંથી ભાજપે 46 બેઠકો પર જીત મેળવી છે. એનપીપીને 5, કોંગ્રેસને 1 અને અન્યને 8 સીટો મળી છે.

સિક્કિમમાં SKM પાર્ટીએ 32 વિધાનસભા બેઠકોમાંથી 31 બેઠકો જીતી

સિક્કિમ વિધાનસભા ચૂંટણી માટે મતગણતરી પૂરી થઈ ગઈ છે. મુખ્યમંત્રી પ્રેમ સિંહ તમાંગની આગેવાની હેઠળ સિક્કિમ ક્રાંતિકારી મોરચા (SKM)એ 32 વિધાનસભા બેઠકોમાંથી 31 બેઠકો જીતી હતી. સિક્કિમ ડેમોક્રેટિક ફ્રન્ટને 1 સીટ મળી છે.

અરવિંદ કેજરીવાલે કર્યું સરેન્ડર, કહ્યું - હવે મને ખબર નથી કે હું ક્યારે પાછો આવીશ

દિલ્હીના સીએમ અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે આજે તિહાડ જેલમાં સરેન્ડર કરી દીધું છે. બીજી તરફ દિલ્હીની એક કોર્ટે સીએમને 5 જૂન સુધી ન્યાયિક કસ્ટડીમાં મોકલી દીધા છે. આ પહેલા સીએમ કેજરીવાલે કહ્યું કે સુપ્રીમ કોર્ટે મને પ્રચાર માટે 21 દિવસના જામીન આપ્યા છે. હું આ માટે સુપ્રીમ કોર્ટનો આભાર માનું છું. આજે હું ફરી તિહાડ જેલ જઈ રહ્યો છું. મેં આ 21 દિવસોમાંથી એક મિનિટ પણ બગાડી નથી. મેં માત્ર આપ માટે જ નહીં પરંતુ ઘણી પાર્ટીઓ માટે પણ પ્રચાર કર્યો છે.

કોંગ્રેસની લોકસભા ઉમેદવારો સાથે વર્ચ્યુઅલ મિટિંગ

લોકસભા ચૂંટણી 2024 એક્ઝિટ પોલ બાદ કોંગ્રેસ દ્વારા દિલ્હી ઓફિસમાં તમામ લોકસભા ઉમેદવારો સાથે વર્ચ્યુઅલ મિટિંગનું આયોજન કરવામાં આવ્યું હતું. આ બેઠકમાં કોંગ્રેસ અધ્યક્ષ મલ્લિકાર્જૂન ખડગે અને રાહુલ ગાંધી હાજર રહ્યા હતા.

Jun 02, 2024 18:55 IST
પીએમ મોદીએ અરુણાચલ પ્રદેશના ભાજપના કાર્યકર્તાઓની સખત મહેનતની પ્રશંસા કરી
પીએમ નરેન્દ્ર મોદીએ ટ્વિટ કરીને ચૂંટણી અભિયાન દરમિયાન ભાજપના અરુણાચલ પ્રદેશના અસાધારણ કાર્યકર્તાઓની સખત મહેનતની પ્રશંસા કરવા માગીશ. જે રીતે તેમણે આખા રાજ્યમા જઈને લોકો સાથે સંપર્ક કર્યો, તે સરાહનીય છે.



Jun 02, 2024 17:44 IST
અરુણાચલ પ્રદેશમાં કોંગ્રેસ માટે કોઇ સ્થાન નથી - મુખ્યમંત્રી પેમા ખાંડુ
અરુણાચલ પ્રદેશ વિધાનસભાની ચૂંટણીના પરિણામો પર મુખ્યમંત્રી પેમા ખાંડુએ કહ્યું કે ઉત્તર પૂર્વમાં લાંબા સમય સુધી કોંગ્રેસનું શાસન હતું. તેમણે અરુણાચલ પ્રદેશ અને નોર્થ ઈસ્ટને ભ્રષ્ટ યુનિટ બનાવીને રાખ્યા હતા. બીજેપી આવ્યા પછી અહીં વિકાસ શરુ થયો છે. વિકાસને જોતા બધા ભાજપ સાથે છે અને કોંગ્રેસને મૂળમાંથી હટાવી દીધું છે. એ સ્પષ્ટ છે કે અરુણાચલ પ્રદેશમાં કોંગ્રેસ માટે કોઇ સ્થાન નથી.
#WATCH ईटानगर (अरुणाचल प्रदेश): अरुणाचल प्रदेश विधान सभा चुनाव परिणाम पर मुख्यमंत्री पेमा खांडू ने कहा, "नॉर्थ ईस्ट में लंबे समय तक कांग्रेस का शासन था उन्होंने अरुणाचल प्रदेश और नॉर्थ ईस्ट को भ्रष्ट यूनिट बना कर रखा हुआ था उस समय यहां कोई भी काम करवाना हो तो यहां होता नहीं था,… pic.twitter.com/XhygxUnuoB
— ANI_HindiNews (@AHindinews) June 2, 2024



Jun 02, 2024 16:57 IST
અરુણાચલ પ્રદેશમાં ફરી ભાજપની સરકાર, 46 બેઠકો પર જીત
અરુણાચલ પ્રદેશ વિધાનસભા ચૂંટણી માટે મતગણતરી પૂરી થઈ ગઈ છે. અરુણાચલ પ્રદેશની 60 બેઠકોમાંથી ભાજપે 46 બેઠકો પર જીત મેળવી છે. એનપીપીને 5, કોંગ્રેસને 1 અને અન્યને 8 સીટો મળી છે.



Jun 02, 2024 16:52 IST
સિક્કિમમાં SKM પાર્ટીએ 32 વિધાનસભા બેઠકોમાંથી 31 બેઠકો જીતી
સિક્કિમ વિધાનસભા ચૂંટણી માટે મતગણતરી પૂરી થઈ ગઈ છે. મુખ્યમંત્રી પ્રેમ સિંહ તમાંગની આગેવાની હેઠળ સિક્કિમ ક્રાંતિકારી મોરચા (SKM)એ 32 વિધાનસભા બેઠકોમાંથી 31 બેઠકો જીતી હતી. સિક્કિમ ડેમોક્રેટિક ફ્રન્ટને 1 સીટ મળી છે.
सिक्किम विधानसभा चुनाव के लिए मतगणना समाप्त हो गई। मुख्यमंत्री प्रेम सिंह तमांग के नेतृत्व में सिक्किम क्रांतिकारी मोर्चा (एसकेएम) ने 32 विधानसभा सीटों में से 31 सीटें जीतीं। सिक्किम डेमोक्रेटिक फ्रंट को 1 सीट मिली। pic.twitter.com/NGnlzXnMIt
— ANI_HindiNews (@AHindinews) June 2, 2024



Jun 02, 2024 14:11 IST
સિક્કિમ વિધાનસભા ચૂંટણીમાં SKMનો પ્રચંડ વિજય
સિક્કમ વિધાનસભા ચૂંટણીમાં એસકેએમનો પ્રચંડ વિજય થયો છે. સિક્કિમ ક્રાંતિકારી મોરચાએ 27માંથી 26 બેઠકો જીતી લીધી છે અને 5 બેઠક પર આગળ ચાલી રહી છે. તો સિક્કિમ ડોમેસ્ટીક ફ્રન્ડ (એસડીએફ) 1 બેઠક જીતી શકી છે.



Jun 02, 2024 14:09 IST
અરુણાચલ પ્રદેશમાં ભાજપની જીત, કોંગ્રેસ ખાતું પણ ખોલી ન શકી
અરુણાચલ પ્રદેશમાં ભાજપ 44 બેઠક જીત પ્રચંડ બહુમતી મેળવવામાં સફળ રહી છે. અરુણાચલ પ્રદેશની 55 બેઠકમાંથી ભાજપે 44 બેઠક જીતી લીધી છે અને 2 બેઠક પર લિડિંગ કરી રહી છે. નેશનલ પીપલ્સ પાર્ટી 5, પીપલ્સ પાર્ટી ઓફ અરુણાચલ 2, એનસીપી 1 બેઠક જીતી છે અને 3 અપક્ષ ઉમેદવાર જીત્યા છે. કોંગ્રેસ એક પ બેઠક જીત શકી નથી.



Jun 02, 2024 12:48 IST
કોંગ્રેસની લોકસભા ઉમેદવારો સાથે વર્ચ્યુઅલ મિટિંગ
લોકસભા ચૂંટણી 2024 એક્ઝિટ પોલ બાદ કોંગ્રેસ દ્વારા દિલ્હી ઓફિસમાં તમામ લોકસભા ઉમેદવારો સાથે વર્ચ્યુઅલ મિટિંગનું આયોજન કરવામાં આવ્યું છે. આ બેઠકમાં કોંગ્રેસ અધ્યક્ષ મલ્લિકાર્જૂન ખડગે અને રાહુલ ગાંધી હાજર છે.



Jun 02, 2024 12:11 IST
સિક્કિમમાં SKM ચીફની જીત, પાર્ટીનો 32 માંથી 14 બેઠક પર વિજય
સમાચાર એજન્સી પીટીઆઈ દ્વારા શેર કરવામાં આવેલ એક વીડિયોમાં લોકો ફટાકડા ફોડીને SKMની જીતની ઉજવણી કરતા જોવા મળે છે. સિક્કિમના મુખ્ય પ્રધાન અને SKM પક્ષના નેતા પ્રેમ સિંહ તમંગે રેનોક મતવિસ્તારમાં નિર્ણાયક રીતે જીત મેળવી છે, તેમણે SDF હરીફ સોમ નાથ પૌડ્યાલ પર 7,044-વોટના માર્જિનથી જીત મેળવી છે.
હાલમાં, SKM પાર્ટીએ 11 બેઠકો પર જીત મેળવી છે અને 20 વધુ બેઠકો પર આગળ ચાલી રહી છે.
VIDEO | Sikkim Assembly Election Results 2024: People burst crackers as they celebrate SKM's victory.

The Sikkim Krantikari Morcha (SKM) is set form government in the state as it has won seven seats and leading on 24 others. The Sikkim Democratic Front (SDF) is leading on one… pic.twitter.com/MckGlMe61e
— Press Trust of India (@PTI_News) June 2, 2024



Jun 02, 2024 12:06 IST
અરુણાચલ પ્રદેશમાં ભાજપે 12 સીટો જીતી, 24 સીટ પર આગળ
અરૂણાચલ પ્રદેશ વિધાનસભા ચૂંટણી પરિણામમાં ભાજપ આગળ છે. અડધાથી વધુ બેઠકો પર આગળ ચાલી રહેલી સત્તાધારી ભાજપને અત્યાર સુધીમાં 12 વિધાનસભા બેઠકો પર વિજેતા જાહેર કરવામાં આવી છે. 60 સભ્યોની વિધાનસભામાં ભાજપે પહેલાથી જ 10 બેઠકો બિનહરીફ જીતી લીધી હતી, જેની ચૂંટણીઓ 19 એપ્રિલના રોજ પ્રથમ તબક્કામાં લોકસભાની ચૂંટણી સાથે એકસાથે યોજાઈ હતી.



Jun 02, 2024 11:12 IST
SKM 32માંથી 4 બેઠક જીતી, 27 બેઠક પર આગળ
SKM સિક્કિમ વિધાનસભા ચૂંટણીમાં વિજય તરફ આગેકૂચ કરી રહ્યું છે. સિક્કિમ ક્રાંતિકારી મોરચા (SKM) 32માંથી 4 બેઠકો જીતી અને 27 અન્ય બેઠકો પર આગળ છે. સિક્કિમ ક્રાંતિકારી મોરચા (SKM) રાજ્યની વિધાનસભાની ચૂંટણીઓમાં સત્તા પર તેની પકડ જાળવી રાખવા માટે તૈયાર છે. SKM પાર્ટીએ નમથાંગ-રાતેપાની, ચુજાચેન, યુક્સોમ તાશિડિંગ અને જોંગુ બેઠક પર જીત મેળવી છે.



Jun 02, 2024 08:12 IST
સિક્કિમમાં વિધાનસભા ચૂંટણીની મતગણતરી શરૂ
સિક્કિમમાં વિધાનસભા ચૂંટણીની મતગણતરી ચાલી રહી છે. ચૂંટણી પંચના જણાવ્યા અનુસાર સિક્કિમ ક્રાંતિકારી મોર્ચા (એસકેએમ) 7 બેઠકો પર આગળ છે. સિક્કિમ વિધાનસભામાં 32 બેઠક છે અને જીત માટે 17 બેઠક જીતવી જરૂરી છે.
https://x.com/AHindinews/status/1797086414200246783



Jun 02, 2024 08:12 IST
અરુણાચલ પ્રદેશ વિધાનસભા ચૂંટણી - મતગણતરી શરૂ
અરુણાચલ પ્રદેશ વિધાનસભા ચૂંટણીની મતગણતરી ચાલી રહી છે. ચૂંટણી પંચના જણાવ્યા અનુસાર ભાજપ 6 બેઠકો પર આગળ ચાલી રહી છે. નેશનલ પીપલ્સ પાર્ટી 2 સીટો પર આગળ ચાલી રહી છે. રાજ્ય વિધાનસભામાં જીતી માટે 60 માંથી 31 બેઠક મેળવવી જરૂરી છે. ભાજપે 10 બેઠકો બિનહરીફ જીતી લીધી છે.
https://x.com/AHindinews/status/1797089791609061494