Gujarati News 2 June 2024 Highlights: અરુણાચલ પ્રદેશમાં ભાજપની જીત, સિક્કિમમાં SKMનો પ્રચંડ વિજય

પીએમ નરેન્દ્ર મોદીએ ટ્વિટ કરીને ચૂંટણી અભિયાન દરમિયાન ભાજપના અરુણાચલ પ્રદેશના અસાધારણ કાર્યકર્તાઓની સખત મહેનતની પ્રશંસા કરવા માગીશ. જે રીતે તેમણે આખા રાજ્યમા જઈને લોકો સાથે સંપર્ક કર્યો, તે સરાહનીય છે.

અરુણાચલ પ્રદેશ વિધાનસભાની ચૂંટણીના પરિણામો પર મુખ્યમંત્રી પેમા ખાંડુએ કહ્યું કે ઉત્તર પૂર્વમાં લાંબા સમય સુધી કોંગ્રેસનું શાસન હતું. તેમણે અરુણાચલ પ્રદેશ અને નોર્થ ઈસ્ટને ભ્રષ્ટ યુનિટ બનાવીને રાખ્યા હતા. બીજેપી આવ્યા પછી અહીં વિકાસ શરુ થયો છે. વિકાસને જોતા બધા ભાજપ સાથે છે અને કોંગ્રેસને મૂળમાંથી હટાવી દીધું છે. એ સ્પષ્ટ છે કે અરુણાચલ પ્રદેશમાં કોંગ્રેસ માટે કોઇ સ્થાન નથી.

અરુણાચલ પ્રદેશ વિધાનસભા ચૂંટણી માટે મતગણતરી પૂરી થઈ ગઈ છે. અરુણાચલ પ્રદેશની 60 બેઠકોમાંથી ભાજપે 46 બેઠકો પર જીત મેળવી છે. એનપીપીને 5, કોંગ્રેસને 1 અને અન્યને 8 સીટો મળી છે.

સિક્કિમ વિધાનસભા ચૂંટણી માટે મતગણતરી પૂરી થઈ ગઈ છે. મુખ્યમંત્રી પ્રેમ સિંહ તમાંગની આગેવાની હેઠળ સિક્કિમ ક્રાંતિકારી મોરચા (SKM)એ 32 વિધાનસભા બેઠકોમાંથી 31 બેઠકો જીતી હતી. સિક્કિમ ડેમોક્રેટિક ફ્રન્ટને 1 સીટ મળી છે.

સિક્કમ વિધાનસભા ચૂંટણીમાં એસકેએમનો પ્રચંડ વિજય થયો છે. સિક્કિમ ક્રાંતિકારી મોરચાએ 27માંથી 26 બેઠકો જીતી લીધી છે અને 5 બેઠક પર આગળ ચાલી રહી છે. તો સિક્કિમ ડોમેસ્ટીક ફ્રન્ડ (એસડીએફ) 1 બેઠક જીતી શકી છે.

અરુણાચલ પ્રદેશમાં ભાજપ 44 બેઠક જીત પ્રચંડ બહુમતી મેળવવામાં સફળ રહી છે. અરુણાચલ પ્રદેશની 55 બેઠકમાંથી ભાજપે 44 બેઠક જીતી લીધી છે અને 2 બેઠક પર લિડિંગ કરી રહી છે. નેશનલ પીપલ્સ પાર્ટી 5, પીપલ્સ પાર્ટી ઓફ અરુણાચલ 2, એનસીપી 1 બેઠક જીતી છે અને 3 અપક્ષ ઉમેદવાર જીત્યા છે. કોંગ્રેસ એક પ બેઠક જીત શકી નથી.

લોકસભા ચૂંટણી 2024 એક્ઝિટ પોલ બાદ કોંગ્રેસ દ્વારા દિલ્હી ઓફિસમાં તમામ લોકસભા ઉમેદવારો સાથે વર્ચ્યુઅલ મિટિંગનું આયોજન કરવામાં આવ્યું છે. આ બેઠકમાં કોંગ્રેસ અધ્યક્ષ મલ્લિકાર્જૂન ખડગે અને રાહુલ ગાંધી હાજર છે.

સમાચાર એજન્સી પીટીઆઈ દ્વારા શેર કરવામાં આવેલ એક વીડિયોમાં લોકો ફટાકડા ફોડીને SKMની જીતની ઉજવણી કરતા જોવા મળે છે. સિક્કિમના મુખ્ય પ્રધાન અને SKM પક્ષના નેતા પ્રેમ સિંહ તમંગે રેનોક મતવિસ્તારમાં નિર્ણાયક રીતે જીત મેળવી છે, તેમણે SDF હરીફ સોમ નાથ પૌડ્યાલ પર 7,044-વોટના માર્જિનથી જીત મેળવી છે.

હાલમાં, SKM પાર્ટીએ 11 બેઠકો પર જીત મેળવી છે અને 20 વધુ બેઠકો પર આગળ ચાલી રહી છે.

અરૂણાચલ પ્રદેશ વિધાનસભા ચૂંટણી પરિણામમાં ભાજપ આગળ છે. અડધાથી વધુ બેઠકો પર આગળ ચાલી રહેલી સત્તાધારી ભાજપને અત્યાર સુધીમાં 12 વિધાનસભા બેઠકો પર વિજેતા જાહેર કરવામાં આવી છે. 60 સભ્યોની વિધાનસભામાં ભાજપે પહેલાથી જ 10 બેઠકો બિનહરીફ જીતી લીધી હતી, જેની ચૂંટણીઓ 19 એપ્રિલના રોજ પ્રથમ તબક્કામાં લોકસભાની ચૂંટણી સાથે એકસાથે યોજાઈ હતી.

SKM સિક્કિમ વિધાનસભા ચૂંટણીમાં વિજય તરફ આગેકૂચ કરી રહ્યું છે. સિક્કિમ ક્રાંતિકારી મોરચા (SKM) 32માંથી 4 બેઠકો જીતી અને 27 અન્ય બેઠકો પર આગળ છે. સિક્કિમ ક્રાંતિકારી મોરચા (SKM) રાજ્યની વિધાનસભાની ચૂંટણીઓમાં સત્તા પર તેની પકડ જાળવી રાખવા માટે તૈયાર છે. SKM પાર્ટીએ નમથાંગ-રાતેપાની, ચુજાચેન, યુક્સોમ તાશિડિંગ અને જોંગુ બેઠક પર જીત મેળવી છે.

સિક્કિમમાં વિધાનસભા ચૂંટણીની મતગણતરી ચાલી રહી છે. ચૂંટણી પંચના જણાવ્યા અનુસાર સિક્કિમ ક્રાંતિકારી મોર્ચા (એસકેએમ) 7 બેઠકો પર આગળ છે. સિક્કિમ વિધાનસભામાં 32 બેઠક છે અને જીત માટે 17 બેઠક જીતવી જરૂરી છે.

https://x.com/AHindinews/status/1797086414200246783

અરુણાચલ પ્રદેશ વિધાનસભા ચૂંટણીની મતગણતરી ચાલી રહી છે. ચૂંટણી પંચના જણાવ્યા અનુસાર ભાજપ 6 બેઠકો પર આગળ ચાલી રહી છે. નેશનલ પીપલ્સ પાર્ટી 2 સીટો પર આગળ ચાલી રહી છે. રાજ્ય વિધાનસભામાં જીતી માટે 60 માંથી 31 બેઠક મેળવવી જરૂરી છે. ભાજપે 10 બેઠકો બિનહરીફ જીતી લીધી છે.

https://x.com/AHindinews/status/1797089791609061494