Gujarati News 20 January 2025 : કોલકાતામાં જુનિયર ડોક્ટર પર બળાત્કાર અને હત્યા કેસ, સંજય રોયને આજીવન કેદની સજા સંભળાવી

Gujarat Latest News in Gujarati, Gujarati Samachar (ગુજરાતી સમાચાર) 20 January 2025, આજના તાજા સમાચાર: કોલકાતાની સિયાલદાહ કોર્ટે શનિવારે મુખ્ય આરોપી સંજય રોયને આરજી કાર મેડિકલ કોલેજમાં લેડી ડોક્ટર સાથે બળાત્કાર અને હત્યાના કેસમાં દોષી ઠેરવ્યો છે. કોલકાતાની એક સરકારી હોસ્પિટલમાં જુનિયર ડોક્ટર પર બળાત્કાર અને હત્યા કરવાના આરોપમાં સોમવારે સીયાલદહ કોર્ટે સંજય રોયને આજીવન કેદની સજા સંભળાવી છે. જોકે રાજ્યના સીએમ મમતા બેનર્જી આ નિર્ણયથી સંતુષ્ટ નથી. આ નિર્ણય બાદ મુર્શિદાબાદમાં મીડિયા સાથે વાત કરતા સીએમ મમતા બેનર્જીએ કહ્યું છે કે પહેલા દિવસથી જ અમે મોતની સજાની માંગ કરી રહ્યા છીએ. આવો ગુનો કરનાર વ્યક્તિને આકરી સજા થવી જોઈએ.

સંજય રોયને ભારતીય ન્યાયિક સંહિતા (BNS) ની કલમ 64 હેઠળ બળાત્કાર તેમજ મૃત્યુ અને હત્યા માટે ભારતીય દંડ સંહિતાની કલમ 66 અને 103(1) હેઠળ દોષિત ઠેરવવામાં આવ્યો છે. ખાસ કરીને, BNS ની કલમ 103(1) વધુમાં વધુ આજીવન કેદ અથવા મૃત્યુની સજાની જોગવાઈ કરે છે.

ડોનાલ્ડ ટ્રમ્પે અમેરિકાના રાષ્ટ્રપતિ પદના શપથ ગ્રહણ કર્યા

ડોનાલ્ડ ટ્રમ્પે સોમવારે સત્તાવાર રીતે અમેરિકાના રાષ્ટ્રપતિ તરીકે શપથ ગ્રહણ કર્યા હતા. ટ્રમ્પ પહેલીવાર 2016માં ચૂંટણી જીત્યા હતા અને 2020ની ચૂંટણીમાં હારી ગયા હતા. હવે ફરી એકવાર ટ્રમ્પ સુપરપાવર દેશ અમેરિકાના સૌથી શક્તિશાળી નેતા બન્યા છે. તેમણે અમેરિકાના 47માં રાષ્ટ્રપતિ તરીકે કાર્યભાર સંભાળ્યો છે.

બે દિવસમાં નલિયામાં ચાર ડિગ્રી તાપમાન વધ્યું

શિયાળો ધીમે ધીમે અંત તરફ આગળ વધી રહ્યો છે ત્યારે રાજ્યમાં ઠંડીમાં પણ ઘટાડો નોંધાયો હતો. હવામાન વિભાગે આપેલા આંકડા પ્રમાણે શનિવાર અને રવિવાર એમ બે દિવસમાં ઠંડીમાં ચાર ડિગ્રી જેટલો ઘટાડો નોંધાયો હતો. સમગ્ર રાજ્યમાં સરેરાશ 4 ડિગ્રી તાપમાન વધ્યું હતું. જેથી ઠંડીમાં ગણી રાહત જોવા મળી હતી. નલિયામાં પણ બે દિવસમાં ચાર ડિગ્રી જેટલું તાપમાન વધતાં ઠંડીનો પારો ઉચકાઈને 10 ડિગ્રીની પાર નીકળી 10.5 ડિગ્રીએ પહોંચ્યો હતો. રાજ્યમાં 10.5 ડિગ્રીથી લઈને 19.5 ડિગ્રી વચ્ચે લઘુતમ તાપમાન નોંધાયું હતું.

Jan 20, 2025 18:13 IST
Today Live News : કોલકાતામાં જુનિયર ડોક્ટર પર બળાત્કાર અને હત્યા કેસ, સંજય રોયને આજીવન કેદની સજા સંભળાવી
કોલકાતાની એક સરકારી હોસ્પિટલમાં જુનિયર ડોક્ટર પર બળાત્કાર અને હત્યા કરવાના આરોપમાં સોમવારે સીયાલદહ કોર્ટે સંજય રોયને આજીવન કેદની સજા સંભળાવી છે. જોકે રાજ્યના સીએમ મમતા બેનર્જી આ નિર્ણયથી સંતુષ્ટ નથી. આ નિર્ણય બાદ મુર્શિદાબાદમાં મીડિયા સાથે વાત કરતા સીએમ મમતા બેનર્જીએ કહ્યું છે કે પહેલા દિવસથી જ અમે મોતની સજાની માંગ કરી રહ્યા છીએ. આવો ગુનો કરનાર વ્યક્તિને આકરી સજા થવી જોઈએ.



Jan 20, 2025 12:26 IST
Today Live News : ભૂતપૂર્વ CJI રંજન ગોગોઈનું UCC અંગે મોટું નિવેદન
ઉત્તરાખંડમાં યુનિફોર્મ સિવિલ કોડ (યુસીસી) લાગુ કરવાની તૈયારીઓ પૂરજોશમાં ચાલી રહી છે. આગામી થોડા દિવસોમાં રાજ્યની ભાજપ સરકાર UCC લાગુ કરવાની જાહેરાત કરશે. દરમિયાન ભારતના ભૂતપૂર્વ મુખ્ય ન્યાયાધીશ (CJI) અને રાજ્યસભાના સાંસદ રંજન ગોગોઈએ તેને પ્રગતિશીલ કાયદો ગણાવ્યો છે. તેમણે કહ્યું છે કે UCC દેશની રાષ્ટ્રીય એકતા તરફ ખૂબ જ મહત્વપૂર્ણ પગલું છે. જો કે, તેમણે સરકારને વિનંતી કરી છે કે તેનો અમલ કરતા પહેલા સર્વસંમતિ સર્જવી જોઈએ. ગોગોઈ સુરત લિટફેસ્ટ 2025માં “ન્યાયતંત્ર માટેના પડકારો” વિષય પર બોલી રહ્યા હતા. ભૂતપૂર્વ CJIએ કહ્યું, "યુનિફોર્મ સિવિલ કોડ એક પ્રગતિશીલ કાયદો છે, જે કાયદામાં પહેલેથી પ્રચલિત અલગ પરંપરાઓને બદલશે."



Jan 20, 2025 09:54 IST
Today Live News : સેન્સેક્સ નિફ્ટી વધીને ખુલ્યા, કોટક બેંક 10 ટકા ઉછળ્યો
શેરબજાર સેન્સેક્સ નિફ્ટી સોમવારે વધીને ખુલ્યા છે. સેન્સેક્સ પાછલા બંધ 76619 સામે 350 પોઇન્ટ થી વધુ ઉછળીને આજે 76978 ખુલ્યો છે. શરૂઆતમાં સેન્સેક્સ 77000 લેવલ ક્રોસ કરી ગયું હતું. જો કે ત્યારબાદ ઘટીને 76700 લેવલ આસપાસ પોઝિટિવ ઝોનમાં ટ્રેડ કરી રહ્યું છે. એનએસઇ નિફ્ટી પાછલા બંધ 23203 સામે આજે 23290 ખુલ્યો હતો. ડોનાલ્ડ ટ્રમ્પ અમેરિકાના નવા પ્રમુખની શપથ લેવાના છે. જેને લઇ શેરબજાર ઉત્સાહી છે. બેંક નિફ્ટી 350 પોઇન્ટ વધીને જ્યારે નિફ્ટી આઈટી ઈન્ડેક્સ ઘટાડે ટ્રેડ કરી રહ્યો છે. કોટક બેંક 10 ટકા ઉછળ્યો છે.



Jan 20, 2025 09:21 IST
Today Live News : આરજી ટેક્સ કેસમાં દોષિત સંજય રોયને કોર્ટ આજે સજા સંભળાવશે
કોલકાતાની સિયાલદાહ કોર્ટે શનિવારે મુખ્ય આરોપી સંજય રોયને આરજી કાર મેડિકલ કોલેજમાં લેડી ડોક્ટર સાથે બળાત્કાર અને હત્યાના કેસમાં દોષી ઠેરવ્યો છે. આજે કોર્ટ સંજય રોય પર પોતાનો ચુકાદો આપશે. સંજય રોયને ભારતીય ન્યાયિક સંહિતા (BNS) ની કલમ 64 હેઠળ બળાત્કાર તેમજ મૃત્યુ અને હત્યા માટે ભારતીય દંડ સંહિતાની કલમ 66 અને 103(1) હેઠળ દોષિત ઠેરવવામાં આવ્યા છે. ખાસ કરીને, BNS ની કલમ 103(1) વધુમાં વધુ આજીવન કેદ અથવા મૃત્યુની સજાની જોગવાઈ કરે છે.



Jan 20, 2025 08:53 IST
Today Live News : ઇઝરાયેલ અને હમાસ વચ્ચે યુદ્ધવિરામ, 3 ઇઝરાયેલ બંધકોને મુક્ત કરાયા
એક તરફ જ્યારે ટ્રમ્પ 20 જાન્યુઆરીએ શપથ લેવાના છે, તેના એક દિવસ પહેલા, ઇઝરાયેલ-હમાસ યુદ્ધના યુદ્ધવિરામ કરાર હેઠળ, હમાસે 3 ઇઝરાયેલી મહિલા બંધકોને મુક્ત કર્યા છે. ઈઝરાયેલની સેનાએ ત્રણેય મહિલાઓને મુક્ત કર્યાની પુષ્ટિ કરી છે. ગાઝા યુદ્ધવિરામ કરાર હેઠળ, હમાસે રવિવારે આ ત્રણ ઇઝરાયેલી બંધકોને રેડ ક્રોસને સોંપ્યા.



Jan 20, 2025 08:09 IST
Today Live News : બે દિવસમાં નલિયામાં ચાર ડિગ્રી તાપમાન વધ્યું
શિયાળો ધીમે ધીમે અંત તરફ આગળ વધી રહ્યો છે ત્યારે રાજ્યમાં ઠંડીમાં પણ ઘટાડો નોંધાયો હતો. હવામાન વિભાગે આપેલા આંકડા પ્રમાણે શનિવાર અને રવિવાર એમ બે દિવસમાં ઠંડીમાં ચાર ડિગ્રી જેટલો ઘટાડો નોંધાયો હતો. સમગ્ર રાજ્યમાં સરેરાશ 4 ડિગ્રી તાપમાન વધ્યું હતું. જેથી ઠંડીમાં ગણી રાહત જોવા મળી હતી. નલિયામાં પણ બે દિવસમાં ચાર ડિગ્રી જેટલું તાપમાન વધતાં ઠંડીનો પારો ઉચકાઈને 10 ડિગ્રીની પાર નીકળી 10.5 ડિગ્રીએ પહોંચ્યો હતો. રાજ્યમાં 10.5 ડિગ્રીથી લઈને 19.5 ડિગ્રી વચ્ચે લઘુતમ તાપમાન નોંધાયું હતું.



Jan 20, 2025 08:09 IST
Today Live News : ડોનાલ્ડ ટ્રમ્પ અમેરિકાના રાષ્ટ્રપતિ પદના શપથ લેશે
રિપબ્લિકન પાર્ટીના નેતા અને અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ સોમવારે સત્તાવાર રીતે અમેરિકાના રાષ્ટ્રપતિ તરીકે શપથ લેશે. ટ્રમ્પ પહેલીવાર 2016માં ચૂંટણી જીત્યા હતા અને 2020ની ચૂંટણીમાં હારી ગયા હતા. હવે ફરી એકવાર ટ્રમ્પ સુપરપાવર દેશ અમેરિકાના સૌથી શક્તિશાળી નેતા બનશે. તેઓ અમેરિકાના 47માં રાષ્ટ્રપતિ તરીકે કાર્યભાર સંભાળશે. ડોનાલ્ડ ટ્રમ્પ રવિવારે સવારે જ વોશિંગ્ટન પહોંચી ગયા હતા. ટ્રમ્પના ઉદ્ઘાટનની શરૂઆત વર્જિનિયામાં ટ્રમ્પ નેશનલ ગોલ્ફ ક્લબ ખાતે 500 સભ્યોની ઉજવણી સાથે થઈ હતી, જેમાં કુલ 20 ઈવેન્ટ્સનું આયોજન કરવામાં આવ્યું હતું, જેમાંથી ત્રણ સત્તાવાર ઈવેન્ટ્સ છે.