Gujarati News 21 May 2024 Highlights: કોણ બનશે પીએમ મોદીના વારસદાર? કેજરીવાલના આરોપો બાદ વડાપ્રધાને મહારાજગંજની રેલીમાં આપ્યો જવાબ

Gujarat Latest News in Gujarati, Gujarat Samachar (ગુજરાત સમાચાર) 21 may 2024 Highlights, આજના તાજા સમાચાર: આજે 21 મે 2024, મંગળવારની મહત્વની ઘટનાઓ અંગે વાત કરીએ તો દિલ્હી પોલીસે સ્વાતિ માલીવાલ કેસમાં એસઆઈટીની રચના કરી છે. બીજી તરફ ગુજરાત સહિત દેશમાં ગરમીએ હાહાકાર મચાવી દીદો છે. દેશ દુનિયાના તમામ સમાચારો માટે અહીં વાંચતા રહો આજના તાજા સમાચાર.

કેજરીવાલના આરોપો બાદ વડાપ્રધાને મહારાજગંજની રેલીમાં આપ્યો જવાબ

બિહારના મહારાજગંજમાં એક વિશાળ જનસભાને સંબોધતા વડાપ્રધાન નરેન્દ્ર મોદીએ મોટું નિવેદન આપ્યું છે. તેણે કહ્યું કે મારો પોતાનો કોઈ વારસો નથી, તમે મારો વારસો છો અને તમે મારા વારસદાર પણ છો. તમને જણાવી દઈએ કે દિલ્હીના મુખ્યમંત્રી અરવિંદ કેજરીવાલે આજે આરોપ લગાવ્યો છે કે પીએમ મોદીએ ગૃહમંત્રી અમિત શાહને પોતાના ઉત્તરાધિકારી તરીકે જાહેર કર્યા છે.

દિલ્હીના સીએમ અરવિંદ કેજરીવાલે ફરી ભાજપ પર આકરા પ્રહારો કર્યા

દિલ્હીના મુખ્યમંત્રી અરવિંદ કેજરીવાલે ભાજપ અને ગૃહમંત્રી અમિત શાહ પર નિશાન સાધ્યું છે. આ સિવાય તેમણે ઉત્તર પ્રદેશના મુખ્યમંત્રી યોગી આદિત્યનાથ પર પણ ટિપ્પણી કરી છે. અરવિંદ કેજરીવાલે કહ્યું કે યોગીજી દિલ્હી આવ્યા હતા અને તેમણે મારી સાથે ખૂબ દુર્વ્યવહાર કર્યો હતો. પરંતુ હું કહેવા માંગુ છું કે તેમનો અસલી દુશ્મન ભાજપમાં જ છે. અરવિંદ કેજરીવાલે દાવો કર્યો કે, “વડાપ્રધાન નરેન્દ્ર મોદી અને અમિત શાહ, યોગી આદિત્યનાથને ઉત્તર પ્રદેશના મુખ્યમંત્રી પદેથી હટાવવા માંગે છે. આવી સ્થિતિમાં તેઓએ તેમની સાથે વ્યવહાર કરવો જોઈએ અને કેજરીવાલ સાથે દુર્વ્યવહાર કરવો જોઈએ નહીં.

સ્વાતિ માલીવાલ કેસમાં દિલ્હી પોલીસે SITની રચના કરી

સ્વાતિ માલીવાલ સાથેના કથિત હુમલા કેસમાં દિલ્હી પોલીસે વિશેષ તપાસ ટીમ (SIT)ની રચના કરી છે. એડિશનલ ડીસીપી અંજિતા ચિપિયાલા આ ટીમનું નેતૃત્વ કરશે અને તેમની સાથે ત્રણ ઈન્સ્પેક્ટર રેન્કના અધિકારીઓ અને સિવિલ લાઈન્સ પોલીસ સ્ટેશનના એસએચઓ હશે. દિલ્હી પોલીસે આ કેસમાં સીએમ અરવિંદ કેજરીવાલના પૂર્વ પીએ વિભવ કુમારની પણ ધરપકડ કરી છે. હવે SIT તેના ફોનનો ડેટા અને CCTV ફૂટેજ એકત્ર કરવામાં પણ તેની કાર્યવાહી ઝડપી કરી શકે છે.

May 21, 2024 18:00 IST
સિંગાપુર એરલાઈન્સના વિમાનનું બેંગકોકમાં ઈમરજન્સી લેન્ડિંગ, 1નું મોત, 30 ઇજાગ્રસ્ત
લંડનથી સિંગાપોર જઇ રહેલી સિંગાપોર એરલાઇન્સની ફ્લાઇટને એર ટર્બ્યુલેંસનો સામનો કરવો પડ્યો હતો. આ સમય દરમિયાન વિમાનને બેંગકોકમાં ઇમરજન્સી લેન્ડિંગ કરાવવું પડ્યું હતું. જેના કારણે એક મુસાફરનું મોત થયું હતું. આ સાથે જ 30થી વધુ મુસાફરો ઇજાગ્રસ્ત થયા હોવાનું કહેવામાં આવી રહ્યું છે.



May 21, 2024 17:04 IST
સીએમ મમતા બેનર્જી પર ટિપ્પણી અભિજિત ગંગોપાધ્યાયને ભારે પડી, ચૂંટણી પંચે 24 કલાક સુધી ચૂંટણી પ્રચાર પર રોક લગાવી
કલકત્તા હાઈકોર્ટના જજમાંથી ભારતીય જનતા પાર્ટીના નેતા બનેલા અભિજિત ગંગોપાધ્યાયને પશ્ચિમ બંગાળની મમતા બેનર્જી વિરુદ્ધ વિવાદાસ્પદ નિવેદનો આપવા ભારે પડ્યા છે. ચૂંટણી પંચે ગંગોપાધ્યાય સામે કાર્યવાહી કરી છે અને તેમના પર આગામી 24 કલાક સુધી પ્રચાર કરવા પર પ્રતિબંધ લગાવી દેવામાં આવ્યો છે. ચૂંટણી પંચે જણાવ્યું કે તામલુક સીટથી ભાજપના ઉમેદવાર અભિજિત ગંગોપાધ્યાય 21 મેના રોજ સાંજે 5 વાગ્યાથી આગામી 24 કલાક સુધી ચૂંટણી પ્રચાર કરી શકશે નહીં.



May 21, 2024 14:06 IST
કેજરીવાલના આરોપો બાદ વડાપ્રધાને મહારાજગંજની રેલીમાં આપ્યો જવાબ
બિહારના મહારાજગંજમાં એક વિશાળ જનસભાને સંબોધતા વડાપ્રધાન નરેન્દ્ર મોદીએ મોટું નિવેદન આપ્યું છે. તેણે કહ્યું કે મારો પોતાનો કોઈ વારસો નથી, તમે મારો વારસો છો અને તમે મારા વારસદાર પણ છો.



May 21, 2024 13:05 IST
તેજસ્વી યાદવે સારણમાં ગોળીબાર પર ભાજપ પર નિશાન સાધ્યું
બિહારમાં પાંચમા તબક્કામાં પાંચ બેઠકો પર મતદાન થયું હતું. પાંચમા તબક્કાના મતદાન બાદ બિહારની સારણ લોકસભા સીટ પર ભારે હિંસા થઈ છે. ભાજપ અને આરજેડીના સમર્થકો એકબીજા સાથે અથડાયા હતા. મંગળવારે બંને પક્ષો વચ્ચે ગોળીબાર થયો હતો. ત્રણ લોકોને ગોળી વાગી છે. ગોળી વાગવાથી એક વ્યક્તિનું મોત થયું છે જ્યારે બે ગંભીર રીતે ઘાયલ છે. હવે આ ઘટના પર રાજકારણ પણ તેજ થવા લાગ્યું છે. પૂર્વ ઉપમુખ્યમંત્રી તેજસ્વી યાદવે ભાજપ પર નિશાન સાધ્યું છે, જ્યારે સારણથી ભાજપના ઉમેદવાર રાજીવ પ્રતાપ રૂડીએ ઘટનાને દુર્ભાગ્યપૂર્ણ ગણાવી છે.



May 21, 2024 12:30 IST
દિલ્હીના સીએમ અરવિંદ કેજરીવાલે ફરી ભાજપ પર આકરા પ્રહારો કર્યા
દિલ્હીના મુખ્યમંત્રી અરવિંદ કેજરીવાલે ભાજપ અને ગૃહમંત્રી અમિત શાહ પર નિશાન સાધ્યું છે. આ સિવાય તેમણે ઉત્તર પ્રદેશના મુખ્યમંત્રી યોગી આદિત્યનાથ પર પણ ટિપ્પણી કરી છે. અરવિંદ કેજરીવાલે કહ્યું કે યોગીજી દિલ્હી આવ્યા હતા અને તેમણે મારી સાથે ખૂબ દુર્વ્યવહાર કર્યો હતો.



May 21, 2024 10:12 IST
લોકસભા ચૂંટણી બાદ બિહાર સારણમાં ફાયરિંગ, એકનું મોત અને બે ઘાયલ
બિહારમાં પાંચમા તબક્કામાં પાંચ બેઠકો પર મતદાન થયું હતું. પાંચમા તબક્કાના મતદાન બાદ બિહારની સારણ લોકસભા સીટ પર ભારે હિંસા થઈ છે. ભાજપ અને આરજેડીના સમર્થકો એકબીજા સાથે અથડાયા હતા. મંગળવારે પણ બંને પક્ષો વચ્ચે ગોળીબાર થયો હતો. આ ઘટનામાં ત્રણ લોકોને ગોળી વાગી છે. ગોળી વાગવાથી એક વ્યક્તિનું મોત થયું છે જ્યારે બે ગંભીર રીતે ઘાયલ છે.



May 21, 2024 09:44 IST
ઇબ્રાહિમ રાયસીના હેલિકોપ્ટર દુર્ઘટનાની તપાસ શરૂ
ઈરાને રાષ્ટ્રપતિ ઈબ્રાહિમ રાયસીના હેલિકોપ્ટર દુર્ઘટનામાં મૃત્યુની તપાસ શરૂ કરી છે. આ મામલાની તપાસ સશસ્ત્ર દળોના ચીફ ઓફ સ્ટાફ મેજર જનરલ મોહમ્મદ બાગેરી દ્વારા ઉચ્ચ કક્ષાના પ્રતિનિધિમંડળને સોંપવામાં આવી છે.



May 21, 2024 08:25 IST
મંગળવારનો દિવસ તમારા માટે કેવો રહેશે?

આજે 21 મે 2024, મંગળવારનો દિવસ તમામ રાશિના જાતકો માટે કેવો રહેશે. અહીં ક્લિક કરીને વાંચો આજનું રાશિ ભવિષ્ય.



May 21, 2024 08:24 IST
સ્વાતિ માલીવાલ કેસમાં દિલ્હી પોલીસે SITની રચના કરી
સ્વાતિ માલીવાલ સાથેના કથિત હુમલા કેસમાં દિલ્હી પોલીસે વિશેષ તપાસ ટીમ (SIT)ની રચના કરી છે. એડિશનલ ડીસીપી અંજિતા ચિપિયાલા આ ટીમનું નેતૃત્વ કરશે