Gujarati News 22 May 2024 Highlights: સ્ટાર પ્રચારકોના ભાષણને લઈને ચૂંટણી પંચનું કડક વલણ, જેપી નડ્ડા અને મલ્લિકાર્જુન ખડગેને આપ્યો આવો નિર્દેશ

Gujarat Latest News in Gujarati, Gujarat Samachar (ગુજરાત સમાચાર) 22 may 2024 Highlights, આજના તાજા સમાચાર: આજે 22 મે 2024, બુધવારના મહત્વના સમાચાર અંગે વાત કરીએ તો મુંબઈના ઘાટકોપર વિસ્તારમાં તાજેતરમાં થયેલી હોર્ડિંગ્સ દુર્ઘટનામાં એસઆઈટીની રચના કરવામાં આવી છે. જેમાં છ અધિકારીઓની પસંદગી કરવામાં આવી છે. આ કેસના મુખ્ય આરોપીને પકડી જેલ ભેગો કર્યો છે. બીજી તરફ ગુજરાતમાં ગરમીએ માજા મુકી છે. અને મોટાભાગના જિલ્લાઓમાં હીટવેવની આગાહી કરાઈ છે. ગરમી વચ્ચે લોકસભા ચૂંટણીમાં રાજકારણ પણ ગરમાયેલું છે. અહીં વાંચતા રહો આજના તાજા સમાચાર.

સ્ટાર પ્રચારકોના ભાષણને લઈને ચૂંટણી પંચનું કડક વલણ, જેપી નડ્ડા અને મલ્લિકાર્જુન ખડગેને આપ્યો આવો નિર્દેશ

ચૂંટણી પંચે ભાજપ અધ્યક્ષ જેપી નડ્ડા અને કોંગ્રેસ અધ્યક્ષ મલ્લિકાર્જુન ખડગેને દિશાનિર્દેશ આપ્યા છે. ચૂંટણી પંચે બંને પક્ષોના અધ્યક્ષોને નિર્દેશ આપ્યો છે કે તેઓ તેમના પક્ષોના સ્ટાર પ્રચારકોને તેમના ભાષણમાં સુધારો કરવા, સાવચેતી રાખવા અને મર્યાદા જાળવવા માટે ઔપચારિક નોટ જાહેર કરવાનો નિર્દેશ આપ્યો છે. ચૂંટણી પ્રચાર દરમિયાન સ્ટાર પ્રચારકોએ જાતિ, સમુદાય, ધર્મ અને ભાષાના આધારે પ્રચાર કર્યો તેને લઇને ચૂંટણી પંચે કડક વલણ અપનાવ્યું છે.

પીએમ મોદીએ સપા અને કોંગ્રેસ પર કર્યો પ્રહાર

ઉત્તર પ્રદેશના શ્રાવસ્તીમાં વડા પ્રધાન નરેન્દ્ર મોદીએ કહ્યું કે ગઈ કાલે હું એક વીડિયો જોઈ રહ્યો હતો જેમાં લોકો દોડી-દોડીને સ્ટેજ પર ચડી રહ્યા હતા, તેથી મેં પૂછ્યું ભાઈ આ હંગામો કેમ થઈ રહ્યો છે? તો તેમણે કહ્યું કે સપા, કોંગ્રેસના લોકો રેલીમાં લોકોને લાવવા માટે કોન્ટ્રાક્ટ આપે છે, વ્યક્તિ દીઠ પૈસા આપે છે, પરંતુ પૈસા ન આપ્યા તો લોકો ભાગીને સ્ટેજ પર ચડી ગયા. જે પાર્ટીની આવી હાલત છે તે તમારું કઈ રીતે ભલું કરી શકે.

પાકિસ્તાને યુએનમાં ટાર્ગેટ કિલિંગનો મુદ્દો ઉઠાવ્યો

પાકિસ્તાન દ્વારા સંયુક્ત રાષ્ટ્રમાં એક નિવેદન આપવામાં આવ્યું છે જેની દરેક જગ્યાએ ચર્ચા થઈ રહી છે. યુએનમાં પાકિસ્તાનના રાજદૂત મુનીર અકરમે પોતે ઉલ્લેખ કર્યો છે કે નવું ભારત ઘરમાં ઘૂસીને હત્યા કરે છે. આમ કહેતા તેઓ પીએમ મોદીના નિવેદનને ટાંકી રહ્યા હતા, પરંતુ તેમણે ખુદ આંતરરાષ્ટ્રીય મંચ પરથી ભારતને લઈને આ વાત કહી છે.

અકરમે કહ્યું કે નવું ભારત ખતરનાક છે. ઘરઆંગણે આક્રમણની ઝુંબેશ માત્ર પાકિસ્તાન પૂરતી મર્યાદિત નથી. હકીકતમાં, કેનેડા અને અમેરિકામાં પણ આ જોવા મળ્યું છે. ટાર્ગેટ કિલિંગની વાત કરીએ તો ગયા વર્ષે આવા 15 શંકાસ્પદ મામલા સામે આવ્યા છે જેમાં ભારતની સંડોવણી પણ સામે આવી છે. અકરમે પોતાના નિવેદનમાં કેનેડામાં હરદીપ સિંહ નિજ્જરની હત્યાનો પણ ઉલ્લેખ કર્યો છે. તેમનું કહેવું છે કે નવું ભારત વાસ્તવમાં સમગ્ર વિશ્વ માટે અસુરક્ષાનું કારણ બની ગયું છે.

આતિષીએ પ્રેસ કોન્ફરન્સ કરીને મોટી જાહેરાત

આમ આદમી પાર્ટીના નેતા અને દિલ્હી સરકારના મંત્રી આતિષીએ બુધવારે પ્રેસ કોન્ફરન્સ કરીને મોટી જાહેરાત કરી છે. તેમનું કહેવું છે કે 4 જૂને ભારતની ગઠબંધન સરકારની રચના થતાં જ સૌથી મોટા કૌભાંડની તપાસ કરવામાં આવશે અને ED-CBI અધિકારીઓને પણ જેલમાં ધકેલી દેવામાં આવશે. વાસ્તવમાં પ્રેસ કોન્ફરન્સ દરમિયાન આતિષીએ ઈલેક્ટોરલ બોન્ડનો ઉલ્લેખ કરતા કહ્યું કે સ્વતંત્ર ભારતનું સૌથી મોટું કૌભાંડ ભાજપ દ્વારા કરવામાં આવ્યું છે અને હવે તેનો પર્દાફાશ થયો છે. તેમણે એમ પણ કહ્યું કે મોદી સરકારનો અંત નજીક છે અને તેઓ 4 જૂન સુધી જ ષડયંત્ર રચી શકે છે. દારૂના કથિત કૌભાંડને લઈને આતિશી તરફથી ઘણું કહેવામાં આવ્યું છે.

May 22, 2024 21:26 IST
કેરળ: કોચીમાં સાંજે ભારે વરસાદ, રોડ રસ્તા પર પાણી ભરાયા
કેરળના કોચીમાં સાંજે ભારે વરસાદ પડ્યો છે. ઘણા સ્થળોએ વરસાદ બાદ રોડ રસ્તા પર પાણી ભરાયા છે.
https://x.com/AHindinews/status/1793297480941293761



May 22, 2024 17:30 IST
સ્ટાર પ્રચારકોના ભાષણને લઈને ચૂંટણી પંચનું કડક વલણ, જેપી નડ્ડા અને મલ્લિકાર્જુન ખડગેને આપ્યો આવો નિર્દેશ
ચૂંટણી પંચે ભાજપ અધ્યક્ષ જેપી નડ્ડા અને કોંગ્રેસ અધ્યક્ષ મલ્લિકાર્જુન ખડગેને દિશાનિર્દેશ આપ્યા છે. ચૂંટણી પંચે બંને પક્ષોના અધ્યક્ષોને નિર્દેશ આપ્યો છે કે તેઓ તેમના પક્ષોના સ્ટાર પ્રચારકોને તેમના ભાષણમાં સુધારો કરવા, સાવચેતી રાખવા અને મર્યાદા જાળવવા માટે ઔપચારિક નોટ જાહેર કરવાનો નિર્દેશ આપ્યો છે. ચૂંટણી પ્રચાર દરમિયાન સ્ટાર પ્રચારકોએ જાતિ, સમુદાય, ધર્મ અને ભાષાના આધારે પ્રચાર કર્યો તેને લઇને ચૂંટણી પંચે કડક વલણ અપનાવ્યું છે.



May 22, 2024 16:50 IST
પશ્ચિમ બંગાળમાં 2010 પછી જાહેર કરવામાં આવેલા બધા ઓબીસી સર્ટિફિકેટ રદ, કલકત્તા હાઈકોર્ટનો મોટો નિર્ણય
લોકસભા ચૂંટણીમાં વોટિંગ દરમિયાન પશ્ચિમ બંગાળની મમતા સરકારને મોટો ઝટકો લાગ્યો છે. કલકત્તા હાઈકોર્ટે 2010 બાદ જારી કરવામાં આવેલા તમામ ઓબીસી સર્ટિફિકેટ રદ કરવાનો આદેશ આપ્યો છે. હવે તે સર્ટિફિકેટ બતાવીને કોઈ પણ વ્યક્તિને નોકરી નહીં મળી શકે. જોકે આ આદેશ એ લોકોને લાગુ નહીં પડે જેમને નોકરી મળી ચૂકી છે.



May 22, 2024 16:36 IST
પીએમ મોદીએ સપા અને કોંગ્રેસ પર કર્યો પ્રહાર
ઉત્તર પ્રદેશના શ્રાવસ્તીમાં વડા પ્રધાન નરેન્દ્ર મોદીએ કહ્યું કે ગઈ કાલે હું એક વીડિયો જોઈ રહ્યો હતો જેમાં લોકો દોડી-દોડીને સ્ટેજ પર ચડી રહ્યા હતા, તેથી મેં પૂછ્યું ભાઈ આ હંગામો કેમ થઈ રહ્યો છે? તો તેમણે કહ્યું કે સપા, કોંગ્રેસના લોકો રેલીમાં લોકોને લાવવા માટે કોન્ટ્રાક્ટ આપે છે, વ્યક્તિ દીઠ પૈસા આપે છે, પરંતુ પૈસા ન આપ્યા તો લોકો ભાગીને સ્ટેજ પર ચડી ગયા. જે પાર્ટીની આવી હાલત છે તે તમારું કઈ રીતે ભલું કરી શકે.
https://twitter.com/AHindinews/status/1793213158997553157



May 22, 2024 12:26 IST
પાકિસ્તાને યુએનમાં ટાર્ગેટ કિલિંગનો મુદ્દો ઉઠાવ્યો
પાકિસ્તાન દ્વારા સંયુક્ત રાષ્ટ્રમાં એક નિવેદન આપવામાં આવ્યું છે જેની દરેક જગ્યાએ ચર્ચા થઈ રહી છે. યુએનમાં પાકિસ્તાનના રાજદૂત મુનીર અકરમે પોતે ઉલ્લેખ કર્યો છે કે નવું ભારત ઘરમાં ઘૂસીને હત્યા કરે છે. આમ કહેતા તેઓ પીએમ મોદીના નિવેદનને ટાંકી રહ્યા હતા, પરંતુ તેમણે ખુદ આંતરરાષ્ટ્રીય મંચ પરથી ભારતને લઈને આ વાત કહી છે.



May 22, 2024 11:45 IST
પુણે પોર્શ કાર અકસ્માત : નબિરાએ 90 મિનિટમાં 48 હજાર રૂપિયાનો દોરુ ઢીંચ્યો હતો
મહારાષ્ટ્રના પુણેના કલ્યાણી નગર વિસ્તારમાં હાઈસ્પીડ પોર્શ કાર સાથે અથડાતા બે આઈટી પ્રોફેશનલ્સના મોતનો મામલો સતત વધી રહ્યો છે. માહિતી એવી સામે આવી છે કે કારનું રજીસ્ટ્રેશન પણ નહોતું, આ કાર એક કથિત બિલ્ડરનો પુત્ર એક સગીર ચલાવતો હતો, બિલ્ડરની ધરપકડ કરવામાં આવી છે અને તેના પુત્રને નિબંધ લખવા બદલ આપવામાં આવેલી સજાની ખૂબ ચર્ચા છે.
મહારાષ્ટ્રના ટ્રાન્સપોર્ટ સપોર્ટ ડિપાર્ટમેન્ટે માહિતી આપી છે કે 1,758 રૂપિયાની ફી ન ચૂકવવાને કારણે માર્ચથી કારનું રજિસ્ટ્રેશન બાકી હતું. અકસ્માત પહેલા તેનો દારૂ પીતો એક વીડિયો પણ સોશિયલ મીડિયા પર વાયરલ થયો છે. એવી માહિતી પણ છે કે તેણે 90 મિનિટમાં તેના મિત્રો સાથે માત્ર દારૂ પર 48 હજાર રૂપિયા ખર્ચ્યા હતા.



May 22, 2024 10:38 IST
આતિષીએ બુધવારે પ્રેસ કોન્ફરન્સ કરીને મોટી જાહેરાત
આમ આદમી પાર્ટીના નેતા અને દિલ્હી સરકારના મંત્રી આતિષીએ બુધવારે પ્રેસ કોન્ફરન્સ કરીને મોટી જાહેરાત કરી છે. તેમનું કહેવું છે કે 4 જૂને ભારતની ગઠબંધન સરકારની રચના થતાં જ સૌથી મોટા કૌભાંડની તપાસ કરવામાં આવશે અને ED-CBI અધિકારીઓને પણ જેલમાં ધકેલી દેવામાં આવશે.



May 22, 2024 09:43 IST
દિલ્હી બાદ હવે પટિયાલામાં દિવાલો પર લખવામાં આવ્યા ખાલિસ્તાની સૂત્રો
દિલ્હી બાદ હવે પટિયાલામાં દિવાલો પર ખાલિસ્તાની સ્લોગન લખવાનો મામલો સામે આવ્યો છે. આની જવાબદારી પ્રતિબંધિત આતંકવાદી સંગઠન શીખ ફોર જસ્ટિસના વડા ગુરુપવંત સિંહ પન્નુએ લીધી છે.



May 22, 2024 08:36 IST
બુધવારનો દિવસ 12 રાશિના જાતકો માટે કેવો રહેશે?

આજે 22 મે 2024, બુધવારનો દિવસ છે. આજનો દિવસ તમામ 12 રાશિના જાતકો માટે કેવો રહેશે. અહીં ક્લિક કરીને વાંચો આજનું રાશિફળ.



May 22, 2024 08:35 IST
કોલકાતા નાઈટ રાઇડર્સ ચોથીવાર IPLની ફાઈનલમાં
કિંગ ખાનની ટીમ કોલકાતા નાઈટ રાઈડર્સ IPL-2024ની ફાઈનલમાં પહોંચી ગઈ છે. કેપ્ટન શ્રેયસ અય્યરના વિજયી છગ્ગા સાથે KKRએ ફાઇનલમાં પોતાનું સ્થાન જમાવ્યું છે. અમદાવાદના નરેન્દ્ર મોદી સ્ટેડિયમમાં પ્રથમ બેટિંગ કરતાં હૈદરાબાદની ટીમ 159 રન પર સમેટાઈ ગઈ હતી. જે બાદ કિંગ ખાનની ટીમે 160 રનનો લક્ષ્યાંક ખૂબ આસાનીથી ચેઝ કર્યો હતો.



May 22, 2024 08:35 IST
ઘાટકોપર હોર્ડિંગ્સ દુર્ઘટનામાં SITની રચના કરાઈ
ઘાટકોપર દુર્ઘટનામાં હોર્ડિંગ્સ પડવાથી 14 લોકોના મોત થયા હતા, હવે આ મામલાની તપાસ માટે SITની રચના કરવામાં આવી છે. કહેવામાં આવી રહ્યું છે કે તપાસમાં મુખ્ય આરોપી અને એડવર્ટાઇઝિંગ કંપનીના ડાયરેક્ટર ભાવેશ ભીંડેની ફરી એકવાર પૂછપરછ કરવામાં આવનાર છે. ખરેખર, એસઆઈટીની ટીમે ભાવેશના ઘરે તપાસ કરી છે, તેમને ઘણા શંકાસ્પદ દસ્તાવેજો મળી રહ્યા છે, જેના આધારે કેટલાક અન્ય પ્રશ્નો અને જવાબો ઉભા થશે.