Gujarati News 22 September 2024 Highlights : અમિત શાહની જમ્મુ કશ્મીરમાં ચૂંટણી સભા – કલમ 370 કોઇ ફરી લાગુ કરી શકતું નથી

ભારતે ચેસ ઓલિમ્પિયાડ 2024 તે કમાલ કરી બતાવી છે જે અગાઉ ક્યારેય થઇ ન હતી. ભારતે પહેલી વખત ચેસ ઓલિમ્પિયાડમાં ઓપન કેટેગરીમાં ગોલ્ડ મેડલ જીતવાની સાથે સાથે વિમેન્સ કેટેગરીમાં પણ ગોલ્ડ જીતીને બંને ઈવેન્ટમાં ચેમ્પિયન બન્યું હતુ. હંગેરીમાં ચાલી રહેલા ચેસ ઓલિમ્પિયાડ 2024માં તાનિયા સચદેવ, આર વૈશાલી, દિવ્યા દેશમુખે મહિલા વર્ગમાં ગોલ્ડ મેડલ પોતાના નામે કર્યો હતો. આ પહેલા ડી ગુકેશ, આર પ્રજ્ઞાનંદ, અર્જુન એરિગેસી સહિત 5 ખેલાડીઓની બનેલી ભારતીય પુરુષ ટીમે ઓપન કેટેગરીમાં ગોલ્ડ મેડલ જીત્યો હતો. વિમેન્સ કેટેગરીની ફાઈનલમાં ભારતે અઝરબૈજાનને હરાવીને ગોલ્ડ મેડલ જીત્યો. અગાઉ મેન્સ ટીમે સ્લોવેનિયા સામેની ફાઈનલમાં વિજય મેળવ્યો હતો.

વડાપ્રધાન નરેન્દ્ર મોદી અમેરિકાના ત્રણ દિવસના પ્રવાસે છે, જ્યાં તેમણે ન્યૂયોર્કના નાસાઉ કોલેજિયમમાં ભારતીય સમુદાયના લોકોને સંબોધિત કર્યા હતા. ભારતીય સમુદાયને સંબોધિત કરતી વખતે તેમણે તેમને ભારતના સૌથી મજબૂત બ્રાન્ડ એમ્બેસેડર ગણાવ્યા હતા. તેમણે કહ્યું કે એટલા માટે હું તમને બધાને રાષ્ટ્રદૂત કહું છું.

વડાપ્રધાન મોદીના કાર્યક્રમ પહેલા ભારતીય સમુદાયના કલાકારોએ કથક નૃત્ય રજૂ કર્યું હતું. કથક એ શાસ્ત્રીય નૃત્ય સ્વરૂપ છે. કાર્યક્રમમાં થોડા સમય બાદ પીએમ મોદી ભારતીય પ્રવાસીઓને સંબોધિત કરશે.

અમેરિકા : તમિલનાડુ સાથે જોડાયેલા ભારતીય ડાયસ્પોરાના સભ્યોએ સ્થાનિક સમય અનુસાર બપોરના સમયે વડાપ્રધાન મોદીના ડાયસ્પોરાને સંબોધન કરતા પહેલા, લોંગ આઇલેન્ડના ન્યૂયોર્કમાં નાસાઉ કોલિજિયમ ખાતે પરંપરાગત સંગીત વાદ્ય ‘પરાઈ’ વગાડ્યું હતું.

અમેરિકા: વડાપ્રધાન મોદીના ભારતીય સમુદાયના કાર્યક્રમ માટે લોંગ આઇલેન્ડના ન્યૂયોર્કમાં નાસાઉ કોલેજિયમ ખાતે ભારતીય ડાયસ્પોરાના સભ્યો પહોંચી રહ્યા છે.

તિરુમાલા તિરુપતિ દેવસ્થાનમ (TTD)ના કાર્યકારી અધિકારી જમજમ શ્યામલા રાવ અમરાવતીમાં આંધ્ર પ્રદેશના નાયબ મુખ્યમંત્રી પવન કલ્યાણને મળ્યા.

ઇરાનમાં કોલસાની ખાણણાં વિસ્ફોટ થતા 30 લોકોના મોત થયા છે. પૂર્વ ઇરાનમાં એક કોલસા ખીણમાં મિથેન ગેસ લીક થવાથી વિસ્ફોટ થયો છે. જેમાં 30 લોકોના મોત અને ઘણા લોકો ઘાયલ થયા છે. સરકારી સમાચાર એજન્સી આઈઆરએનએ એ એક રિપોર્ટમાં જણાવ્યું કે, પાટનગર તેહરાનથી લગભગ 335 કિમી દૂર દક્ષિણપૂર્વ તબાસમાં સ્થિત એક કોલસાની ખીણમાં શનિવાર રાત્રે આ દૂર્ઘટના બની છે. તે સમયે ખીણમાં લગભગ 70 લોકો કામ કરી રહ્યા હતા.

અમિત શાહે જમ્મુ કાશ્મીરના નૌશેરામાં એક ચૂંટણી જનસભા સંબોધિત હતી. ચૂંટણી ભાષણમાં અમિત શાહે કહ્યું કે, ફારુક અબ્દુલ્લા કહે છે, તેઓ 370 કલમ ફરી લાગુ કરશે, ફારુક સાહેબ, હવે કલમ 370 કોઇ ફરી લાગુ કરી શકતું નથી. હવે બંકરોની જરૂર નથી કારણ કે ગોળી ચલાવવાની કોઇની કિંમત નથી.

દિલ્હીના પૂર્વ સીએમ અરવિંદ કેજરીવાલે કહ્યું કે, મે રાજીનામું એટલા માટે આપ્યું કારણ કે હું ભ્રષ્ટાચાર કરવા આવ્યો નથી, મને સત્તાની લાલચ, સીએમ ખુરશીની ભૂખ નથી, હું પૈસા કમાવવા આવ્યો નથી. પૈસા કમાવવા હોત તો ઈન્કમ ટેક્સમાં નોકરી કરતો હોત, તેમાં કરોડો રૂપિયા કમાઇ લેતો પરંતુ અમે દેશ માટે આવ્યા હતા.

પીએમ નરેન્દ્ર મોદી 3 દિવસ અમેરિકાના પ્રવાસે ગયા છે. પ્રથમ દિવસે ક્વાડ સમિટમાં સંબોધન કર્યા બાદ તેઓ ન્યુયોર્ક પહોંચ્યા છે. ન્યુયોર્કમાં તેમનું ભારતીય સમુદાય દ્વારા ભવ્ય સ્વાગત કરવામાં આવ્યું છે.