Gujarati News 24 August 2024 LIVE: બદલાપુર ઘટના: પૂણેમાં ધરણા પર બેઠા શરદ પવાર, કાળી પટ્ટી બાંધીને વિરોધ પ્રદર્શન

Gujarat Latest News in Gujarati, Gujarat Samachar (ગુજરાત સમાચાર) 24 August 2024 LIVE, આજના તાજા સમાચાર: મહારાષ્ટ્રમાં રાષ્ટ્રવાદી કોંગ્રેસ પાર્ટી (શરદચંદ્ર પવાર), કોંગ્રેસ અને શિવસેના (UBT) એ બદલાપુરની શાળામાં છોકરીઓની જાતીય સતામણીના મામલામાં સરકાર સામે મોરચો ખોલ્યો છે. મહા વિકાસ આઘાડીએ આજે ​​મહારાષ્ટ્ર બંધનું એલાન આપ્યું હતું. જોકે, બોમ્બે હાઈકોર્ટે તેના પર પ્રતિબંધ મૂક્યો હતો. આ પછી MVA પક્ષોએ પુણેમાં વિરોધ પ્રદર્શન કર્યું. શરદ પવાર કાળી પટ્ટી બાંધીને પાર્ટીના નેતાઓ અને કાર્યકરો સાથે ધરણા પર બેઠા છે. તેમની સાથે સુપ્રિયા સુલે પણ હાજર છે.

જર્મનીમાં મેળામાં છરી લઈને ઘૂસ્યો યુવક, 4ના મોત

પશ્ચિમ જર્મન શહેર સોલિંગેનમાં એક તહેવાર દરમિયાન છરી વડે હુમલામાં ત્રણ લોકોના મોત થયા છે અને ચાર ગંભીર રીતે ઘાયલ થયા છે. સીએનએનને ટાંકીને આ માહિતી સામે આવી છે. યુરો ન્યૂઝ અનુસાર હુમલો સેન્ટ્રલ સ્ક્વેર ફ્રેનહોફ પર થયો હતો. પોલીસે હુમલાખોરને પકડવા માટે સર્ચ ઓપરેશન શરૂ કર્યું છે. પોલીસે આતંકવાદને નકારી કાઢ્યો નથી.

CNN એ પોલીસને ટાંકીને જણાવ્યું હતું કે સ્થાપનાની 650મી વર્ષગાંઠની ઉજવણી નિમિત્તે સપ્તાહના અંતે શહેરમાં "વિવિધતાની ઉજવણી" કરવામાં આવી રહી હતી. ઘટનાસ્થળના ફૂટેજમાં અનેક એમ્બ્યુલન્સ અને પોલીસ અધિકારીઓ તેમજ એક હેલિકોપ્ટર ઉપરથી ઉડતું દેખાય છે. સોલિંગેનમાં લગભગ 160,000 રહેવાસીઓ છે અને તે કોલોન અને ડસેલડોર્ફના મોટા શહેરોની નજીક સ્થિત છે. સ્થાનિક અખબાર સોલિન્ગર ટેગેબ્લાટે અહેવાલ આપ્યો છે કે સત્તાવાળાઓએ લોકોને શહેરનો વિસ્તાર છોડવા કહ્યું છે.

Aug 24, 2024 13:54 IST
કોલકાતા રેપ-મર્ડર કેસના આરોપી સંજય રોય જજની સામે રડવા લાગ્યો
કોલકાતાની આરજી કાર મેડિકલ કોલેજ-હોસ્પિટલમાં જુનિયર ડૉક્ટર સાથે બળાત્કાર અને હત્યા કેસના મુખ્ય આરોપી સંજય રોય શુક્રવારે જજની સામે ભાવુક થઈ ગયો. રડતા રડતા તેણે ન્યાયાધીશને કહ્યું કે તે નિર્દોષ છે. તેને ફસાવવામાં આવી રહ્યો છે. CBIએ સંજય રોયને કોલકાતા કોર્ટમાં રજૂ કર્યો હતો.



Aug 24, 2024 13:25 IST
મહેસાણાના વિજાપુરમાં આઠ ઈંચ વરસાદ ખાબક્યો
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે આજે 24 ઓગસ્ટ 2024, શનિવારે સવારે 6 વાગ્યાથી બપોરે 12 વાગ્યા સુધીમાં ગુજરાતના 132 તાલુકામાં વરસાદ નોંધાયો હતો. જેમાં સૌથી વધારે વરસાદ મહેસાણાના વિજાપુર તાલુકામાં આઠ ઈંચ કરતા વધારે વરસાદ ખાબક્યો હતો. આ ઉપરાંત ખેડાના કપડવંજમાં સવા પાંચ ઈંચ વરસાદ પડ્યો હતો. ગાંધીનગરના માણસામાં સવા ચાર ઈંચ વરસાદ નોંધાયો હતો.



Advertisment
Aug 24, 2024 12:57 IST
એલજીએ સીએમ કેજરીવાલ સામે કેસ ચલાવવાની મંજૂરી આપી હતી
દિલ્હીની દારૂની નીતિ મામલે મુખ્યમંત્રી અરવિંદ કેજરીવાલની મુશ્કેલીઓ ઓછી થવાના કોઈ સંકેત દેખાઈ રહ્યા નથી. સીબીઆઈએ કથિત દારૂ કૌભાંડ કેસમાં અરવિંદ કેજરીવાલ સામે કાર્યવાહી કરવા માટે દિલ્હીના લેફ્ટનન્ટ ગવર્નર વીકે સક્સેના પાસેથી મંજૂરી લીધી છે. CBIએ શુક્રવારે સ્પેશિયલ જજ કાવેરી બાવેજાની રાઉઝ એવન્યુ કોર્ટમાં કાર્યવાહીની મંજૂરી રજૂ કરી છે. હવે આ કેસની આગામી સુનાવણી 27 ઓગસ્ટ (મંગળવાર)ના રોજ થશે.



Aug 24, 2024 11:15 IST
ગાંધીનગરના માણસામાં બે કલાકના ત્રણ ઈંચ વરસાદ નોંધાયો
સ્ટેટ ઇમરજન્સી સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે આજે 24 ઓગસ્ટ 2024, શનવારે સવારથી જ સમગ્ર ગુજરાતમાં વરસાદ જામ્યો છે ત્યારે સવારે 8 વાગ્યાથી 10 વાગ્યા સુધીમાં 100 તાલુકામાં વરસાદ નોંધાયો છે ત્યારે સૌથી વધારે વરસાદ ગાંધીનગરના માણસામાં પડ્યો છે. અહીં બે કલાકમાં ત્રણ ઈંચ જેટલો વરસાદ પડ્યો છે. ત્યારબાદ સુરતના ઉમરપાડામાં પણ પોણો ત્રણ ઈંચ વરસાદ નોંધાયો હતો.



Aug 24, 2024 11:05 IST
આસામના નાગાંવ ગેંગરેપ કેસનો મુખ્ય આરોપીનું મોત, ઘટના સ્થળે લઈ જતી વખતે તળાવમાં કૂદી પડ્યો
આસામના નાગાંવમાં સગીર બાળકી પર બળાત્કાર કરનાર મુખ્ય આરોપીનું મોત થઈ ગયું છે. પોલીસના જણાવ્યા અનુસાર, તે શનિવારે સવારે 3.30 વાગ્યે આરોપી તફાઝુલ ઈસ્લામને ગુનાના સ્થળે લઈ જઈ રહી હતી. દરમિયાન, કસ્ટડીમાંથી ભાગતી વખતે, તેણે નાગાંવના જ ધિંગમાં તળાવમાં કૂદી પડ્યો. પીટીઆઈએ એક અધિકારીને ટાંકીને આ માહિતી આપી છે.
પોલીસે તેને શોધવા માટે તળાવમાં ડાઇવર્સ મોકલ્યા, લગભગ બે કલાક પછી તેનો મૃતદેહ મળી આવ્યો. તફાઝુલ પર 14 વર્ષની છોકરી પર બળાત્કાર કરવાનો આરોપ છે. પોલીસના જણાવ્યા અનુસાર પીડિતા ગુરુવારે સાંજે ધીંગમાં ટ્યુશનથી પરત ફરી રહી હતી. ત્રણેય આરોપીઓ મોટર સાઇકલ પર આવ્યા અને તેને પકડી લીધો. આ કેસમાં પોલીસે એક વ્યક્તિની ધરપકડ કરી છે અને બીજાની અટકાયત કરી છે, જ્યારે ત્રીજાની શોધ ચાલુ છે.



Aug 24, 2024 10:56 IST
પીએમ મોદીએ રાષ્ટ્રીય પરિષદના પદાધિકારીઓ સાથે કરશે બેઠક
જૂની પેન્શનને લઈને કેન્દ્ર સરકાર ટૂંક સમયમાં મોટો નિર્ણય લઈ શકે છે. કહેવામાં આવી રહ્યું છે કે શનિવારે વડાપ્રધાન મોદી રાષ્ટ્રીય પરિષદના અધિકારીઓ સાથે બેઠક કરી શકે છે. જૂના પેન્શન અંગે ભારત સરકારના સંયુક્ત સચિવ પ્રવીણ જરગરે પરિષદના સચિવ શિવ ગોપાલ મિશ્રાને પત્ર લખ્યો છે. વડાપ્રધાન મોદીની અધ્યક્ષતામાં જૂના પેન્શનને લઈને આ પ્રથમ બેઠક છે. પીએમ મોદી શુક્રવાર સુધી વિદેશ પ્રવાસ પર હતા. આ સમયગાળા દરમિયાન તેણે યુક્રેન અને પોલેન્ડ સહિત ઘણા દેશોનો પ્રવાસ કર્યો.



Aug 24, 2024 10:39 IST
બદલાપુર ઘટના: પૂણેમાં ધરણા પર બેઠા શરદ પવાર, કાળી પટ્ટી બાંધીને વિરોધ પ્રદર્શન
મહારાષ્ટ્રમાં રાષ્ટ્રવાદી કોંગ્રેસ પાર્ટી (શરદચંદ્ર પવાર), કોંગ્રેસ અને શિવસેના (UBT) એ બદલાપુરની શાળામાં છોકરીઓની જાતીય સતામણીના મામલામાં સરકાર સામે મોરચો ખોલ્યો છે. મહા વિકાસ આઘાડીએ આજે ​​મહારાષ્ટ્ર બંધનું એલાન આપ્યું હતું. જોકે, બોમ્બે હાઈકોર્ટે તેના પર પ્રતિબંધ મૂક્યો હતો. આ પછી MVA પક્ષોએ પુણેમાં વિરોધ પ્રદર્શન કર્યું. શરદ પવાર કાળી પટ્ટી બાંધીને પાર્ટીના નેતાઓ અને કાર્યકરો સાથે ધરણા પર બેઠા છે. તેમની સાથે સુપ્રિયા સુલે પણ હાજર છે.



Aug 24, 2024 09:58 IST
અમદાવાદમાં સવારથી મેઘાની તોફાની બેટિંગ
ગુજરાતમાં આજે 24 ઓગસ્ટ 2024 શનિવારના રોજ અમદાવાદમાં વહેલી સવારથી જ વરસાદ પડી રહ્યો છે. ત્યારે અમદાવાદમાં મેઘાની તોફાની બેટિંગના કારણે નીચાણ વાળા વિસ્તારોમાં પાણી ભરાઈ ગયા હતા. ભારે વરસાદના કારણે રસ્તાઓ ઉપર પાણી ફરીવળતા વાહન ચાલકોને મુશ્કેલીઓનો સામનો કરવો પડ્યો હતો.



Aug 24, 2024 09:58 IST
ગુજરાતમાં 24 કલાકમાં 153 તાલુકામાં વરસાદ નોંધાયો
ગુજરાતમાં મેઘો બરોબર જામ્યો છે ત્યારે સમગ્ર ગુજરાતમાં મેઘરાજાની મહેર થઈ રહી છે. સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવમાં આવેલા વરસાદના આંકડા પ્રમાણે શુક્રવારે સવારે 6 વાગ્યાથી શનિવારે સવારે 6 વાગ્યા સુધીમાં 24 કલાકમાં ગુજરાતના 153 તાલુકામાં વરસાદ પડ્યો હતો. જેમાં સૌથી વધારે વરસાદ બનાસકાંઠાના વડગામમાં સાડા ચાર ઈંચ વરસાદ ખાબક્યો હતો. ખેડાના નડિયાદમાં ચાર ઈંચ વરસાદ નોંધાયો હતો.



Aug 24, 2024 08:18 IST
શિખર ધવને નિવૃત્તી જાહેર કરી
ભારતીય ક્રિકેટ ટીમના ઓપનિંગ બેટ્સમેન શિખર ધવને 38 વર્ષની ઉંમરે ક્રિકેટમાંથી નિવૃત્તિની જાહેરાત કરી છે. શિખર ધવને તેના સોશિયલ મીડિયા એકાઉન્ટ પર એક વીડિયો શેર કરીને નિવૃત્તિની જાહેરાત કરી હતી.



Aug 24, 2024 07:58 IST
શનિવાર તમારા માટે કેવો રહેશે?

આજે 24 ઓગસ્ટ 2024, શનિવારનો દિવસ તમામ રાશિના જાતકો માટે કેવો રહેશે. અહીં ક્લિક કરીને વાંચો આજનું રાશિફળ



Aug 24, 2024 07:57 IST
જર્મનીમાં મેળામાં છરી લઈને ઘૂસ્યો યુવક
પશ્ચિમ જર્મન શહેર સોલિંગેનમાં એક તહેવાર દરમિયાન છરી વડે હુમલામાં ત્રણ લોકોના મોત થયા છે અને ચાર ગંભીર રીતે ઘાયલ થયા છે. સીએનએનને ટાંકીને આ માહિતી સામે આવી છે. યુરો ન્યૂઝ અનુસાર હુમલો સેન્ટ્રલ સ્ક્વેર ફ્રેનહોફ પર થયો હતો. પોલીસે હુમલાખોરને પકડવા માટે સર્ચ ઓપરેશન શરૂ કર્યું છે. પોલીસે આતંકવાદને નકારી કાઢ્યો નથી.