Gujarati News 28 December 2024 : અલવિદા ડો. મનમોહન સિંહ, પંચમહાભૂતમાં વિલીન થયા પૂર્વ પીએમ, ભીની આંખે દેશે આપી અંતિમ વિદાય

પૂર્વ વડાપ્રધાન ડો. મનમોહન સિંહની પત્ની ગુરુશરણ કૌર અને પુત્રી દમન સિંહ, કોંગ્રેસ અધ્યક્ષ સોનિયા ગાંધી, પાર્ટી અધ્યક્ષ મલ્લિકાર્જુન કડગે, લોકસબાના વિપક્ષ નેતા અને કોંગ્રેસ સાંસદ રાહુલ ગાંધી, પાર્ટી સાંસદ પ્રિયંકા ગાંધી વાડ્રા દિલ્હીએ નિગમ બોધ ઘાટ પર, પૂર્વ વડાપ્રધાન ડો. મનમોહન સિંહના સંપૂર્ણ રાજકીય સમ્માન સાથે અંતિમ સંસ્કાર કર્યા હતા.

પૂર્વ વડાપ્રધાન ડો. મનમોહન સિંહને દિલ્હીના નિગમબોધ ઘાટ પર સંપૂર્ણ રાજકિય સમ્માન સાથે અંતિમ સંસ્કાર કરવામાં આવ્યા છે. પૂર્વ વડાપ્રધાનના પુત્રીએ તેમને મુખાગ્નિ આપી હતી.

દિલ્હીના નિગમ બોધ ઘાટ પર પૂર્વ વડાપ્રધાન ડો. મનમોહન સિંહને અંતિમ સંસ્કાર કરવામાં આવ્યા છે. પૂર્વ વડાપ્રધાનનો પાર્થિવ દેહ પંચમહાભૂતોમાં વિલિન થયો છે. નિગમ બોધ ઘાટ પર રાષ્ટ્રિય દ્વૌપદી મુર્મૂ, ઉપરાષ્ટ્રપતિ જગદીપ ધનખડ, વડાપ્રધાન નરેન્દ્ર મોદી, કેન્દ્રીય મંત્રી, કોંગ્રેસ નેતાઓ હાજર છે અને આખા દેશે ભીની આંખે મહાન અર્થશાસ્ત્રીને અંતિમ વિદાય આપી…

દિલ્હીના નિગમ બોધ ઘાટ પર પૂર્વ વડાપ્રધાન ડો. મનમોહન સિંહને અંતિમ સલામી અપાઈ છે. નિગમ બોધ ઘાટ પર રાષ્ટ્રિય દ્વૌપદી મુર્મૂ, ઉપરાષ્ટ્રપતિ જગદીપ ધનખડ, વડાપ્રધાન નરેન્દ્ર મોદી, કેન્દ્રીય મંત્રી, કોંગ્રેસ નેતાઓ અને અન્ય લોકો હાજર છે.

વડાપ્રધાન નરેન્દ્ર મોદી પૂર્વ વડાપ્રધાન મનમોહનસિંહના અંતિમ સંસ્કારમાં સામેલ થવા માટે નિગમ બોધ ઘાટ પહોંચ્યા છે. વડાપ્રધાન મોદી ઉપરાંત ભાજપ, કોંગ્રેસ સહિત રાજકીય પક્ષોના દિગ્ગજ નેતાઓ પણ પહોંચ્યા છે.

ભૂતાનના રાજા જિગ્મે ખેસર નામગ્યાલ વાંગચુક અને મોરીશસના વિદેશ મંત્રી મનીષ ગોબિન પૂર્વ વડાપ્રધાન મનમોહન સિંહના અંતિમ સંસ્કારમાં સામેલ થવા માટે ભારત પહોંચ્યા છે.

પૂર્વ વડાપ્રધાનના નિધન પર કોંગ્રેસ સાંસદ મણિકમ ટૈગોરે કહ્યું કે આ આધુનિક ભારત માટે એક વાસ્તવિક ક્ષતિ છે. તેઓ આધુનિક ભારત 2.0ના નિર્માતા હતા. જેને જવાહરલાલ નેહરુ સ્થાપિત કરવા માંગતા હતા. તેમણે 21મી સદીમાં એ કામને આગળ વધાર્યું અને ભારતને એ મુકામે પહોંચાડ્યું છે જ્યાં આપણે અત્યારે છીએ. તેઓ એક એવા વ્યક્તિ છે જેમણે રાષ્ટ્ર નિર્માણ માટે યોગદાન આપ્યું છે.

પૂર્વ વડાપ્રધાન ડો મનમોહન સિંહનો પાર્થિવ દેહ નિગમ બોધ ઘાટ લઈ જવાય રહ્યો છે. તેમની અંતિમ યાત્રા શરુ થઈ ગઈ છે. પૂર્વ વડાપ્રધાને 26 ડિસેમ્બર દિલ્હીની એઈમ્સમાં દુનિયાને અલવિદા કહ્યું હતું.

કોંગ્રેસના અધ્યક્ષ મલ્લિકાર્જુન ખડગે, સોનિયા ગાંધી, સાંસદો રાહુલ ગાંધી અને પ્રિયંકા વાડ્રા અને અન્ય સભ્યો સ્વર્ગસ્થ ડૉ. મનમોહન સિંહને તેમનું સન્માન આપવા માટે નવી દિલ્હીમાં પાર્ટીના મુખ્યાલયમાં એકઠા થયા હતા.

કોંગ્રેસ નેતા પ્રતાપ સિંહે કહ્યું કે આ કોઈ મુદ્દો નથી. પીએમ મોદીની સરકારે આ અંગે વિચારવું જોઈતું હતું. આખો દેશ ઈચ્છે છે કે તેમના અંતિમ સંસ્કારની જગ્યાએ જ તેમનું સ્મારક બનવું જોઈએ. આ માંગ માત્ર કોંગ્રેસ, પંજાબ અને સિખ સમુદાયનું જ નહીં પરંતુ દરેક ભારતીયોની વૈશ્વિક માંગ છે. આ અંગે વિચારવાની જરૂર નથી. સરકારે આ અંગે પહેલાથી જ વિચાવવું જોઈએ.

ગૃહમંત્રાલયે ફરી એકવાર નિવેદન જાહેર કર્યું છે કે આજ સવારે સરકારને કોંગ્રેસ પાર્ટીના અધ્યક્ષ તરફથી પૂર્વ વડાપ્રધાન સ્વર્ગીય ડો.મનમોહન સિંહના સ્મારક માટે સ્થાન આપવા માટે અનુરોધ પ્રાપ્ત થયો છે. કેબિનેટની બેઠકના તરત બાદ ગૃહમંત્રી અમિત શાહ કોંગ્રેસ અધ્યક્ષ ખડગે અને સ્વર્ગીય ડો. મનમોહન સિંહના પરિવારને જાણ કરી હતી કે સરકાર સ્મારક માટે સ્થાન આપશે. આ વચ્ચે દાહ સંસ્કાર અને અન્ય ઔપચારિકતા પૂરી કરી શકાય છે. કારણ કે ટ્રસ્ટનું ગઠન કરવામાં આવશે અને આ માટે સ્થાન આપવાનું છે.

પૂર્વ વડાપ્રધાન ડો. મનમોહન સિંહનો પાર્થિવ દેહ એઆઈસીસી મુખ્યાલય લવાયો છે. જ્યાં કાર્યકર્તાઓને અંતિમ દર્શન માટે રાખવામાં આવ્યો છે.

મનમોહન સિંહનું સ્મારક બનાવવા માટે મોદી સરકાર તૈયાર થઈ ગઈ છે. સરકારે કહ્યું તે તેમને બે ત્રણ દિવસનો સમય જોઈએ છે જેથી જગ્યા શોધી શકે. પરંતુ કોંગ્રેસ ઈચ્છે છે કે જ્યાં તેમના અંતિમ સંસ્કાર થાય ત્યાં જ સ્મારક બનવું જોઈએ.

કેન્દ્રીય ગૃહમંત્રાલયે શુક્રવારે આ માહિતી આપી હતી. મંત્રાલયે એક નિવેદનમાં જણાવ્યું હતું કે સરકારે નિર્ણય લીધો છે કે ડો.મનમોહન સિંહના રાજકીય સન્માન સાથે અંતિમ સંસ્કાર કરવામાં આવશે. અંતિમ સંસ્કાર 28 ડિસેમ્બર 2024 ના રોજ સવારે 11:45 વાગ્યે નિગમબોધ ઘાટ, નવી દિલ્હી ખાતે થશે. આ પહેલા કોંગ્રેસ અધ્યક્ષ મલ્લિકાર્જુન ખડગેએ વડાપ્રધાન મોદીને આગ્રહ કર્યો હતો કે પૂર્વ પીએમ મનમોહન સિંહના અંતિમ સંસ્કાર એવી જગ્યાએ કરવામાં આવે જ્યાં તેમનું સ્મારક બની શકે.