Gujarati News 4 July 2024 Highlights: હાથરસ નાસભાગમાં 6 લોકોની ધરપકડ, ફરાર મુખ્ય આરોપીના નામે ઈનામ જાહેર

Gujarat Latest News in Gujarati, Gujarat Samachar (ગુજરાત સમાચાર) 4 July 2024 Highlights, આજના તાજા સમાચાર: હેમંત સોરેને આજે ઝારખંડના મુખ્યમંત્રી તરીકે શપથ લીધા છે. ગઈકાલે રાત્રે રાજ્યના ચંપાઈ સોરેને મુખ્યમંત્રી પદ પરથી રાજીનામું આપી દીધું હતું. અગાઉ, જેએમએમના એક નેતા દ્વારા માહિતી આપવામાં આવી હતી કે, રાજ્યપાલ સીપી રાધાકૃષ્ણને ઝારખંડ મુક્તિ મોરચાના નેતા હેમંત સોરેનને રાજ્યમાં સરકાર બનાવવા માટે આમંત્રણ આપ્યું હતું. હવે તમામ ઔપચારિકતાઓ પૂર્ણ થઈ ગઈ છે અને હેમંત સોરેનને ફરીથી તાજ પહેરાવવામાં આવ્યો છે. તમને જણાવી દઈએ કે, થોડા સમય પહેલા જ, હેમંત સોરેન, જે મની લોન્ડરિંગ કેસમાં જામીન પર છૂટ્યા હતા, તેમણે સરકાર બનાવવાનો દાવો કર્યો હતો.

ટી20 વર્લ્ડકપ જીત્યાબાદ વિદેશમાં ફસાયેલી ભારતીય ટીમ આજે ગુરુવારે વહેલી સવારે દિલ્હી એરપોર્ટ પહોંચી ગઈ હતી. હવે તેઓ વડાપ્રધાન મોદી સાથે મુલાકાત કરીને મુંબઈ જવા રવાના થશે. જ્યારે ગુજરાતમાં હજી પણ ભારે વરસાદની આગાહી કરવામાં આવી છે. બીજી તરફ ઉત્તર પ્રદેશ હાથરસ દુર્ઘટનામાં શું શું અપડેટ્સ છે અહીં જોતા રહો. વાંચતા રહો આજના તાજા સમાચાર

હાથરસ નાસભાગમાં 6 લોકોની ધરપકડ, કડક કાર્યવાહી થશે

ઉત્તર પ્રદેશના હાથરસ નાસભાગમાં 6 લોકોની ધરપકડ કરવામાં આવી છે. ભાજપ નેતા આરપી સિંહે હાથરસ ઘટના પર કહ્યું કે, પોલીસ સતત કડક પગલાં લઇ રહી છે. 6 લોકોની ધરપકડ કરવામાં આવી છે, જેમા 2 મહિલના અને 4 પુરુષ છે. મુખ્ય આરોપી ફરાર છે, તેના નામે ઈનામ જાહેર કરવામાં આવી છે. દોષિતો વિરુદ્ધ કડક કાર્યવાહી કરવામાં આવશે.

ટી20 વર્લ્ડકપ ચેમ્પિયન ટીમ ભારત પહોંચી

ભારતીય ટીમ આઈજીઆઈ એરપોર્ટથી આઈટીસી મૌર્ય હોટલ પહોંચી હતી. વર્લ્ડ ચેમ્પિયનોએ વડાપ્રધાન નરેન્દ્ર મોદી સાથે નાસ્તો કર્યા બાદ ભારતીય ટીમ મુંબઈ જવા રવાના થશે. નરીમાન પોઈન્ટથી વાનખેડે સ્ટેડિયમ સુધી ઓપન-ટોપ બસમાં પરેડ થશે. વાનખેડે સ્ટેડિયમમાં ભારતીય ટીમનું સન્માન કરવામાં આવશે. BCCIએ ભારતીય ટીમ માટે 25 કરોડ રૂપિયાની ઈનામી રકમની જાહેરાત કરી છે.

ભારતીય ટીમને પરત લાવનાર એર ઈન્ડિયા ચાર્ટર ફ્લાઇટને એર ઈન્ડિયા ચેમ્પિયન્સ 24 વર્લ્ડ કપ (AIC24WC) નામ આપવામાં આવ્યું છે. આ પ્લેનમાં ભારતીય ટીમ અને સપોર્ટ સ્ટાફ ઉપરાંત ખેલાડીઓના પરિવારજનો પણ સવાર હતા. ભારતીય ક્રિકેટ કંટ્રોલ બોર્ડ (BCCI)ના પ્રમુખ રોજર બિન્ની અને સેક્રેટરી જય શાહ પણ હાજર હતા. આ સિવાય કેટલાક પત્રકારો પણ ત્યાં અટવાયા હતા, તેઓ પણ આ વિમાન દ્વારા પરત ફર્યા હતા.

હાથરસ કેસમાં પોલીસની મોટી કાર્યવાહી, 20 સેવાદારની ધરપકડ, મુખ્ય સેવાદાર હજુ ફરાર

હાથરસ અકસ્માતમાં એફઆઈઆર નોંધાયા બાદ પોલીસે હવે આરોપીઓને પકડવા સતત દરોડા પાડ્યા છે. પોલીસે આ મામલામાં મોટી કાર્યવાહી કરીને 20 સૈનિકોની ધરપકડ કરી હતી. જોકે મુખ્ય સેવાદાર દેવપ્રકાશ મધુકર હજુ ફરાર છે. તેની શોધમાં અનેક જિલ્લાઓમાં દરોડા પાડવામાં આવ્યા છે પરંતુ તેનો કોઈ પત્તો લાગ્યો નથી. હાથરસ પોલીસે 7 ટીમો બનાવી છે. તમને જણાવી દઈએ કે એક દિવસ પહેલા મુખ્યમંત્રી યોગી આદિત્યનાથે કહ્યું હતું કે આ મામલે કડક કાર્યવાહી કરવામાં આવશે. બુધવારે મોડી સાંજે અલ્હાબાદ હાઈકોર્ટના નિવૃત્ત ન્યાયાધીશ જસ્ટિસ બ્રજેશ કુમાર શ્રીવાસ્તવ બીજાની અધ્યક્ષતામાં ત્રણ સભ્યોના તપાસ પંચની રચના કરવામાં આવી હતી. પંચ તપાસ કરશે અને બે મહિનામાં તેનો રિપોર્ટ સરકારને સુપરત કરશે.

ગુજરાતના 8 જિલ્લાઓમાં ભારેથી અતિ ભારે વરસાદની આગાહી

હવામાન વિભાગે જાહેર કરેલી આગાહી પ્રમાણે આજે 4 જુલાઈ 2024, ગુરુવારે ગુજરાતના છ જિલ્લા અને બે કેન્દ્ર શાસિત પ્રદેશોમાં ભારેથી અતિભારે વરસાદની આગાહી કરવામાં આવી છે. આ જિલ્લાઓની વાત કરીએ તો અરવલ્લી, સાબરકાંઠા, બનાસકાંઠા, નવસારી, સુરત અને વલસાડ તેમજ દમણ અને દાદરા નગર હવેલીમાં મુશળધાર વરસાદની આગાહી કરવામાં આવી છે.

Jul 04, 2024 21:46 IST
હાથરસ નાસભાગમાં 6 લોકોની ધરપકડ, કડક કાર્યવાહી થશે
ઉત્તર પ્રદેશના હાથરસ નાસભાગમાં 6 લોકોની ધરપકડ કરવામાં આવી છે. ભાજપ નેતા આરપી સિંહે હાથરસ ઘટના પર કહ્યું કે, પોલીસ સતત કડક પગલાં લઇ રહી છે. 6 લોકોની ધરપકડ કરવામાં આવી છે, જેમા 2 મહિલના અને 4 પુરુષ છે. મુખ્ય આરોપી ફરાર છે, તેના નામે ઈનામ જાહેર કરવામાં આવી છે. દોષિતો વિરુદ્ધ કડક કાર્યવાહી કરવામાં આવશે.
#WATCH दिल्ली: भाजपा नेता आर.पी. सिंह ने हाथरस घटना पर कहा, "पुलिस लगातार दबिश कर रही है। 6 लोगों को गिरफ्तार किया गया जिसमें 2 महिलाएं और 4 पुरुष शामिल हैं। मुख्य आरोपी फरार है, उसपर इनाम घोषित किया जा चुका है। दोषियों के खिलाफ सख्त से सख्त कार्रवाई होगी।" pic.twitter.com/9Hs0XiDqD2
— ANI_HindiNews (@AHindinews) July 4, 2024



Jul 04, 2024 17:21 IST
ઝારખંડ: હેમંત સોરેને ફરીથી CM તરીકે શપથ લીધા, થોડા દિવસ પહેલા જ જામીન પર બહાર આવ્યા
હેમંત સોરેને આજે ઝારખંડના મુખ્યમંત્રી તરીકે શપથ લીધા છે. ગઈકાલે રાત્રે રાજ્યના ચંપાઈ સોરેને મુખ્યમંત્રી પદ પરથી રાજીનામું આપી દીધું હતું. અગાઉ, જેએમએમના એક નેતા દ્વારા માહિતી આપવામાં આવી હતી કે, રાજ્યપાલ સીપી રાધાકૃષ્ણને ઝારખંડ મુક્તિ મોરચાના નેતા હેમંત સોરેનને રાજ્યમાં સરકાર બનાવવા માટે આમંત્રણ આપ્યું હતું. હવે તમામ ઔપચારિકતાઓ પૂર્ણ થઈ ગઈ છે અને હેમંત સોરેનને ફરીથી તાજ પહેરાવવામાં આવ્યો છે.
હેમંત જામીન પર જેલમાંથી બહાર આવ્યા છે
હેમંત સોરેનની ધરપકડ બાદ 2 ફેબ્રુઆરીએ ઝારખંડના 12મા મુખ્યપ્રધાન તરીકે શપથ લેનાર ચંપાઈ સોરેન બુધવારે સાંજે રાજભવન ખાતે રાજ્યપાલ સીપી રાધાકૃષ્ણનને મળ્યા હતા અને રાજીનામું આપ્યું હતું. થોડા સમય પહેલા જ, હેમંત સોરેન, જે મની લોન્ડરિંગ કેસમાં જામીન પર છૂટ્યા હતા, તેમણે સરકાર બનાવવાનો દાવો કર્યો હતો.



Jul 04, 2024 16:32 IST
વાનખેડે સ્ટેડિયમ હાઉલફુલ
ભારતીય ક્રિકેટ ટીમ વિજય પરેડ પછી વાનખેડે સ્ટેડિયમ પહોંચવાની અને મોટી સંખ્યામાં દર્શકો ત્યાં પહોંચી ગયા છે. અત્યારથી જ વાનખેડે સ્ટેડિયમ હાઉસફુલ થઇ ગયું છે. હાલમાં વાનખેડેમાં ભારે વરસાદ પડી રહ્યો છે. આમ છતાં દર્શકોના ઉત્સાહમાં કોઈ કમી નથી.



Jul 04, 2024 13:56 IST
ગુજરાતમાં બપોરે 12 વાગ્યા સુધી 63 તાલુકામાં વરસાદ નોંધાયો, દાંતામાં આઠ ઈંચ
સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરેલા આંકડા પ્રમાણે ગુરુવારે સવારે 6 વાગ્યાથી લઈને બપોરના 12 વાગ્યા સુધીમાં રાજ્યના 63 તાલુકામાં વરસાદ નોંધાયો હતો. જેમાં સૌથી વધારે બનાસકાંઠાના દાંતામાં 8 ઈંચ નોંધાયો હતો. જોકે 10 થી 12 વાગ્યા વચ્ચે સુરતના ઉમરપાડામાં સવા ઈંચ વરસાદ નોંધાયો હતો. અહીં આપેલી પીડીએફમાં જુઓ બપોરે 12 વાગ્યા સુધી ક્યાં કેટલો વરસદા નોંધાયો હતો.



Jul 04, 2024 13:51 IST
વડાપ્રધાનને મળ્યા બાદ ટીમ ઈન્ડિયા હોટલ પરત ફરી હતી
વડાપ્રધાન નરેન્દ્ર મોદીને મળ્યા બાદ ભારતીય ક્રિકેટ ટીમ 7, લોક કલ્યાણ માર્ગથી હોટેલ આઈટીસી મૌર્ય જવા રવાના થઈ હતી. વડાપ્રધાને ખેલાડીઓ સાથે લગભગ એક કલાક અને 40 મિનિટ વિતાવી હતી. હોટલ પહોંચ્યા બાદ ટીમ ઈન્ડિયાના ખેલાડીઓ ત્યાંથી મુંબઈની ફ્લાઈટમાં સવાર થશે. જ્યાં સાંજે ખુલ્લી બસમાં ખેલાડીઓની વિજય પરેડ યોજાશે.



Jul 04, 2024 12:43 IST
જય શાહે રોહિત શર્માને પુષ્પગુચ્છ અર્પણ કર્યું
ભારતીય ક્રિકેટ ટીમ ગુરુવાર, 4 જુલાઈ, 2024 ના રોજ બાર્બાડોસમાં ICC પુરૂષો T20 વર્લ્ડ કપ 2024 જીતીને સ્વદેશ પરત ફરી હતી. નવી દિલ્હી એરપોર્ટ પર ટીમના આગમન સમયે BCCI સેક્રેટરી જય શાહે ભારતીય ક્રિકેટ ટીમના કેપ્ટન રોહિત શર્માને પુષ્પગુચ્છ અર્પણ કરીને સ્વાગત કર્યું હતું.



Jul 04, 2024 12:42 IST
ટીમ ઈન્ડિયાની વિજય પરેડ માટે મુંબઈ પોલીસની ખાસ તૈયારીઓ
મુંબઈમાં ટીમ ઈન્ડિયાની વિજય પરેડની સુરક્ષા વ્યવસ્થા પર મુંબઈ પોલીસના જોઈન્ટ કમિશનર ઑફ પોલીસ (કાયદો અને વ્યવસ્થા) સત્યનારાયણ ચૌધરીએ કહ્યું, 'ભારતીય ક્રિકેટ ટીમ આજે સાંજે મરીન ડ્રાઈવ અને વાનખેડે સ્ટેડિયમ આવી રહી છે. અમે આ માટે વ્યાપક સુરક્ષા વ્યવસ્થા કરી છે. અમે MCCA, MCA અને BCCI સાથે લોકોના ટેસ્ટિંગ અને તપાસ માટે કેટલીક વ્યવસ્થા કરવા માટે ચર્ચા કરી છે... અમે ટ્રાફિક માટે ડાયવર્ઝન કર્યું છે જેના માટે નોટિફિકેશન પહેલેથી જ આપવામાં આવ્યું છે.



Jul 04, 2024 11:32 IST
હાથરસ કેસમાં પોલીસની મોટી કાર્યવાહી, 20 સેવાદારની ધરપકડ
હાથરસ અકસ્માતમાં એફઆઈઆર નોંધાયા બાદ પોલીસે હવે આરોપીઓને પકડવા સતત દરોડા પાડ્યા છે. પોલીસે આ મામલામાં મોટી કાર્યવાહી કરીને 20 સેવાદારોની ધરપકડ કરી હતી. જોકે મુખ્ય સેવાદાર દેવપ્રકાશ મધુકર હજુ ફરાર છે. તેની શોધમાં અનેક જિલ્લાઓમાં દરોડા પાડવામાં આવ્યા છે પરંતુ તેનો કોઈ પત્તો લાગ્યો નથી. હાથરસ પોલીસે 7 ટીમો બનાવી છે.



Jul 04, 2024 11:15 IST
વરસાદે દાંતામાં ભૂક્કા બોલાયા, ચાર કલાકમાં 8 ઈંચ વરસાદ
સ્ટેટ ઇમરજન્સી ઓપેરશન સેન્ટર ગાંધીનગર દ્વારા જાહેર કરેલા આંકડા પ્રમાણે સવારે 6થી 10 વાગ્યાના ચાર કલાકના સમયગાળામાં રાજ્યના 44 તાલુકામાં વરસાદ નોંધાયો હતો. જેમાં સૌથી વધારે વરસાદ બનાસકાંઠાના દાંતામાં પડ્યો હતો. અહીં ચાર કલાકમાં આઠ ઈંચ વરસાદ નોંધાયો હતો. જ્યારે નર્મદાના તિલકવાડામાં અઢી ઈંચ વરસાદ પડ્યો હતો.



Jul 04, 2024 09:43 IST
ગુરુવારે સવારે 6થી 8માં બે કલાકમાં રાજ્યના બનાસકાંઠાના દાંતામાં સાડા ત્રણ ઈંચ વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે ગુરુવારે સવારે 6 વાગ્યાથી લઈને 8 વાગ્યા સુધીમાં રાજ્યના 28 તાલુકામાં વરસાદ નોંધાયો હતો. જેમાં સૌથી વધારે બનાસકાંઠાના દાંતા તાલુકામાં સાડા ત્રણ ઈંચ વરસાદ નોંધાયો હતો. જ્યારે મહેસાણાના સતલાસણામાં એક ઈંચ, સાબરકાંઠાના ખેડબ્રહ્મામાં એક ઈંચ વરસાદ નોંધાયો હતો.



Jul 04, 2024 09:35 IST
ગુજરાતમાં 24 કલાકમાં 110 તાલુકામાં વરસાદ નોંધાયો
ભારે વરસાદની આગાહી વચ્ચે ગુજરાતમાં છેલ્લા બુધવારે સવારે 6 વાગ્યાથી લઈને ગુરુવારે સવારે 6 વાગ્યા સુધીમાં 24 કલાકમાં 110 તાલુકામાં વરસાદ નોંધાયો હતો. જેમાં સૌથી વધારે મહેસાણા જિલ્લાના કડી તાલુકામાં 5 ઈંચ વરસાદ પડ્યો હતો.



Jul 04, 2024 09:34 IST
ગુજરાતના 8 જિલ્લાઓમાં ભારેથી અતિ ભારે વરસાદની આગાહી
હવામાન વિભાગે જાહેર કરેલી આગાહી પ્રમાણે આજે 4 જુલાઈ 2024, ગુરુવારે ગુજરાતના છ જિલ્લા અને બે કેન્દ્ર શાસિત પ્રદેશોમાં ભારેથી અતિભારે વરસાદની આગાહી કરવામાં આવી છે. આ જિલ્લાઓની વાત કરીએ તો અરવલ્લી, સાબરકાંઠા, બનાસકાંઠા, નવસારી, સુરત અને વલસાડ તેમજ દમણ અને દાદરા નગર હવેલીમાં મુશળધાર વરસાદની આગાહી કરવામાં આવી છે.



Jul 04, 2024 09:34 IST
ટી20 વર્લ્ડકપ ચેમ્પિયન ટીમ ભારત પહોંચી
ભારતીય ટીમ આઈજીઆઈ એરપોર્ટથી આઈટીસી મૌર્ય હોટલ પહોંચી હતી. વર્લ્ડ ચેમ્પિયનોએ વડાપ્રધાન નરેન્દ્ર મોદી સાથે નાસ્તો કર્યા બાદ ભારતીય ટીમ મુંબઈ જવા રવાના થશે. નરીમાન પોઈન્ટથી વાનખેડે સ્ટેડિયમ સુધી ઓપન-ટોપ બસમાં પરેડ થશે. વાનખેડે સ્ટેડિયમમાં ભારતીય ટીમનું સન્માન કરવામાં આવશે. BCCIએ ભારતીય ટીમ માટે 25 કરોડ રૂપિયાની ઈનામી રકમની જાહેરાત કરી છે.