Gujarati News 5 July 2024 Highlights : શનિવારે લોકસભામાં વિપક્ષના નેતા રાહુલ ગાંધી અમદાવાદ આવશે

Gujarat Latest News in Gujarati, Gujarat Samachar (ગુજરાત સમાચાર) 5 July 2024 Highlights, આજના તાજા સમાચાર: ઉત્તર પ્રદેશના હાથરસમાં સત્સંગમાં ભાગદોડમાં 121 લોકોના મોત નીપજતાં સમગ્ર દેશમાં હડકંપ મચી ગયો હતો. જોકે, આ કેસમાં એક પછી એક નવા ખુલાસા થઈ રહ્યા છે. આવી સ્થિતિ વચ્ચે વિપક્ષ નેતા રાહુલ ગાંધી હાથરસની મુલાકાતે છે. તેઓ મૃતકોના પરિવારજનો મળી રહ્યા છે. દેશ અને ગુજરાતમાં ક્યાં વરસાદનું એલર્ટ છે. અહીં વાંચતા રહો આજના તાજા સમાચાર...

શનિવારે લોકસભામાં વિપક્ષના નેતા રાહુલ ગાંધી અમદાવાદ આવશે

શનિવારે 6 જુલાઈએ લોકસભામાં વિપક્ષના નેતા રાહુલ ગાંધી અમદાવાદ આવશે. ગુજરાતની આ મુલાકાત દરમિયાન તેઓ અમદાવાદ પાલડી ખાતે રાજીવ ગાંધી ભવન ખાતે કાર્યકરોને મળશે. પથ્થરમારા મામલે કોંગ્રેસના જે કાર્યકરો પોલીસ કસ્ટડીમાં છે તેમને પણ મળવા જશે. એની સાથે સાથે મોરબી બ્રિજ, હરણી બોટકાંડ અને રાજકોટ અગ્નિકાંડના પીડિત પરિવારને પણ મળી શકે છે.

ભાજપે ઘણા રાજ્યોમાં નવા પ્રભારીઓની જાહેરાત કરી

ભાજપે ઘણા રાજ્યો માટે પોતાના નવા પ્રભારીઓની જાહેરાત કરી છે. ભાજપે હરિયાણાની ચૂંટણી પહેલા સતીશ પુનિયાને પોતાના પ્રભારી નિયુક્ત કર્યા છે, જ્યારે પંજાબની જવાબદારી ગુજરાતના પૂર્વ સીએમ વિજય રૂપાણીને સોંપવામાં આવી છે. બિહારની જવાબદારી પ્રભારી વિનોદ તાવડે પાસે રહેશે. શ્રીકાંત શર્મા હિમાચલ પ્રદેશના પ્રભારી છે. આ વખતે નીતિન નવીનને છત્તીસગઢના પ્રભારી બનાવવામાં આવ્યા છે. લક્ષ્મીકાંત વાજપેયીને ચૂંટણીવાળા રાજ્ય ઝારખંડના પ્રભારી બનાવવામાં આવ્યા છે. આગામી લોકસભા ચૂંટણીના પરિણામો અને કેટલાક રાજ્યોમાં વિધાનસભા ચૂંટણીના પરિણામો પહેલા આને એક મોટો ફેરફાર માનવામાં આવી રહ્યો છે.

PM મોદી પેરિસ ઓલિમ્પિકમાં જઈ રહેલી ભારતીય ટુકડીને મળ્યા

વડાપ્રધાન નરેન્દ્ર મોદીએ 5 જુલાઈ 2024ના રોજ પેરિસ ઓલિમ્પિકમાં ભાગ લેવા જઈ રહેલા ભારતીય દળના ખેલાડીઓ સાથે વાત કરી અને તેમને પ્રોત્સાહિત કર્યા. તેણે કહ્યું, મને ખાતરી છે કે આ વખતે પણ તમે રમત ક્ષેત્રે ભારતને ગૌરવ અપાવશો. એ પણ કહ્યું કે આ કુશળતાની રમત છે, ઊંચાઈની નહીં, તેથી તમારા આત્મવિશ્વાસને ક્યારેય ડગમગવા ન દો.

રાહુલ ગાંધીએ હાથરસ દુર્ઘટના પીડિતો સાથે કરી મુલાકાત

લોકસભામાં વિપક્ષના નેતા રાહુલ ગાંધી ઉત્તર પ્રદેશના હાથરસ પહોંચી ગયા છે. જ્યાં તેઓ નાસભાગમાં માર્યા ગયેલા લોકોના પરિવારજનોને મળ્યા હતા. આ અકસ્માતમાં 121 લોકોના મોત થયા હતા. આ ઘટના બાદ વિપક્ષના વરિષ્ઠ નેતાની હાથરસની આ પ્રથમ મુલાકાત છે. ઉત્તર પ્રદેશના મુખ્યમંત્રી યોગી આદિત્યનાથે બુધવારે હાથરસની મુલાકાત લીધી હતી અને પીડિતોને મળ્યા હતા. મૃતકના પરિજનોએ રાહુલ ગાંધીને મળીને કહ્યું કે બાબાની ધરપકડ થવી જોઈએ.

Jul 05, 2024 22:56 IST
શનિવારે લોકસભામાં વિપક્ષના નેતા રાહુલ ગાંધી અમદાવાદ આવશે
શનિવારે 6 જુલાઈએ લોકસભામાં વિપક્ષના નેતા રાહુલ ગાંધી અમદાવાદ આવશે. ગુજરાતની આ મુલાકાત દરમિયાન તેઓ અમદાવાદ પાલડી ખાતે રાજીવ ગાંધી ભવન ખાતે કાર્યકરોને મળશે. પથ્થરમારા મામલે કોંગ્રેસના જે કાર્યકરો પોલીસ કસ્ટડીમાં છે તેમને પણ મળવા જશે. એની સાથે સાથે મોરબી બ્રિજ, હરણી બોટકાંડ અને રાજકોટ અગ્નિકાંડના પીડિત પરિવારને પણ મળી શકે છે.



Jul 05, 2024 22:09 IST
એમએસ ધોની પત્ની સાક્ષી સાથે મુંબઈના જિયો વર્લ્ડ સેન્ટર પહોંચ્યો
પૂર્વ કેપ્ટન મહેન્દ્ર સિંહ ધોની તેની પત્ની સાક્ષી ધોની સાથે અનંત અંબાણી અને રાધિકા મર્ચન્ટના 'સંગીત સમારોહ'માં હાજરી આપવા મુંબઈના જિયો વર્લ્ડ સેન્ટર પહોંચ્યા હતા.
#WATCH पूर्व कप्तान महेंद्र सिंह धोनी अपनी पत्नी साक्षी धोनी के साथ अनंत अंबानी और राधिका मर्चेंट की 'संगीत सेरेमनी' में शामिल होने मुंबई के जियो वर्ल्ड सेंटर पहुंचे। pic.twitter.com/caW4D3IdX6
— ANI_HindiNews (@AHindinews) July 5, 2024



Jul 05, 2024 20:54 IST
જેડીયુ પ્રવક્તા કેસી ત્યાગીએ કહ્યું - આ સરકાર 2029 પછી પણ ચાલુ રહેશે
જેડીયુના પ્રવક્તા કે.સી. ત્યાગીએ આરજેડી ચીફ લાલુ યાદવના નિવેદન પર કહ્યું કે લાલુ યાદવ નિરાશામાં છે. જેડીયુ અને ટીડીપી આ (એનડીએ) સરકારના બે મહત્વપૂર્ણ સ્તંભ છે અને આ સરકાર 2029 પછી પણ ચાલુ રહેશે.
#WATCH दिल्ली: JDU प्रवक्ता के.सी. त्यागी ने राजद प्रमुख लालू यादव के बयान पर कहा, "लालू यादव निराशा में हैं। JDU और TDP इस(NDA) सरकार के दो महत्वपूर्ण स्तंभ हैं और यह सरकार 2029 के बाद भी चलेगी।" pic.twitter.com/VDRdvNRXTp
— ANI_HindiNews (@AHindinews) July 5, 2024



Jul 05, 2024 19:27 IST
બિહારમાં સતત પુલ ધરાશાયીની ઘટના, બિહાર સરકારે 15 એન્જીનિયર્સને સસ્પેન્ડ કર્યા
બિહારમાં વરસાદ વચ્ચે સતત પુલ ધરાશાયી થઇ રહ્યા છે. આ મામલે હવે બિહાર સરકારે એક્શન લીધી છે. લાપરવાહીના કારણે 15 એન્જીનિયર્સને સસ્પેન્ડ કરવામાં આવ્યા છે. જેમાં જળ સંશાધન વિભાગના 11 અને ગ્રામીણ કાર્ય વિભાગના 4 એન્જીનિયર્સ સામેલ છે.



Jul 05, 2024 17:36 IST
ભાજપે ઘણા રાજ્યોમાં નવા પ્રભારીઓની જાહેરાત કરી, વિજય રૂપાણી પંજાબના પ્રભારી
ભાજપે ઘણા રાજ્યો માટે પોતાના નવા પ્રભારીઓની જાહેરાત કરી છે. ભાજપે હરિયાણાની ચૂંટણી પહેલા સતીશ પુનિયાને પોતાના પ્રભારી નિયુક્ત કર્યા છે, જ્યારે પંજાબની જવાબદારી ગુજરાતના પૂર્વ સીએમ વિજય રૂપાણીને સોંપવામાં આવી છે. બિહારની જવાબદારી પ્રભારી વિનોદ તાવડે પાસે રહેશે. શ્રીકાંત શર્મા હિમાચલ પ્રદેશના પ્રભારી છે. આ વખતે નીતિન નવીનને છત્તીસગઢના પ્રભારી બનાવવામાં આવ્યા છે. લક્ષ્મીકાંત વાજપેયીને ચૂંટણીવાળા રાજ્ય ઝારખંડના પ્રભારી બનાવવામાં આવ્યા છે. આગામી લોકસભા ચૂંટણીના પરિણામો અને કેટલાક રાજ્યોમાં વિધાનસભા ચૂંટણીના પરિણામો પહેલા આને એક મોટો ફેરફાર માનવામાં આવી રહ્યો છે.
भाजपा राष्ट्रीय अध्यक्ष श्री @JPNadda ने विभिन्न प्रदेशों में प्रदेश प्रभारी एवं सह-प्रभारियों की नियुक्ति की। pic.twitter.com/1yVAjOm4Vu
— BJP (@BJP4India) July 5, 2024



Jul 05, 2024 16:42 IST
મહારાષ્ટ્રના સીએમે રોહિત શર્માને સન્માનિત કર્યો
મહારાષ્ટ્રના મુખ્યમંત્રી એકનાથ શિંદેએ ટીમ ઇન્ડિયાના કેપ્ટન રોહિત શર્મા, સૂર્યકુમાર યાદવ, શિવમ દુબે અને યશસ્વી જયસ્વાલને સન્માનિત કર્યા.
#WATCH महाराष्ट्र के मुख्यमंत्री एकनाथ शिंदे ने टीम इंडिया के कप्तान रोहित शर्मा और क्रिकेटर सूर्यकुमार यादव, शिवम दुबे और यशस्वी जायसवाल को सम्मानित किया। pic.twitter.com/ra9mM1CiGG
— ANI_HindiNews (@AHindinews) July 5, 2024



Jul 05, 2024 14:40 IST
બે કલાકમાં નર્મદાના તિલકવાડમાં પોણા બે ઈંચ વરસાદ
સ્ટેટ ઇમર્જન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે આજે 5 જુલાઈ 2024, શુક્રવારે સવારથી જ દક્ષિણ ગુજરાતમાં મેઘરાજાએ તોફાનિ બેટિંગ શરુ કરી દીધી છે. બપોરે 12થી 2 વાગ્યા સુધીમાં નર્મદાના તિલકવાડામાં પોણા બે ઈંચ વરસાદ પડ્યો હતો. જ્યારે સુરતના બારડોલીમાં દોઢ ઈંચ વરસાદ પડ્યો હતો.



Jul 05, 2024 12:19 IST
PM મોદી પેરિસ ઓલિમ્પિકમાં જઈ રહેલી ભારતીય ટુકડીને મળ્યા,
વડાપ્રધાન નરેન્દ્ર મોદીએ 5 જુલાઈ 2024ના રોજ પેરિસ ઓલિમ્પિકમાં ભાગ લેવા જઈ રહેલા ભારતીય દળના ખેલાડીઓ સાથે વાત કરી અને તેમને પ્રોત્સાહિત કર્યા. તેણે કહ્યું, મને ખાતરી છે કે આ વખતે પણ તમે રમત ક્ષેત્રે ભારતને ગૌરવ અપાવશો. એ પણ કહ્યું કે આ કુશળતાની રમત છે, ઊંચાઈની નહીં, તેથી તમારા આત્મવિશ્વાસને ક્યારેય ડગમગવા ન દો.



Jul 05, 2024 10:56 IST
આજે સવારે 6થી 10 વચ્ચે ગુજરાતના 50 તાલુકામાં વરસાદ પડ્યો
સ્ટેટ ઇમર્જન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે શુક્રવારે સવારે 6 વાગ્યાથી લઈને સવારના 10 વાગ્યા સુધીમાં ગુજરાતના 50 તાલુકામાં વરસાદ નોંધાયો હતો. આ પૈકી સૌથી વધારે વરસાદ નવસારીના ખેરગામમાં ત્રણ ઈંચ જેટલો પડ્યો હતો. ત્યારબાદ વલસાડના કપરાડામાં સવા બે ઈંચ અને નવસારીના વાંસદામાં બે ઈંચ જેટલો પડ્યો હતો.



Jul 05, 2024 09:25 IST
રાહુલ ગાંધીએ હાથરસ દુર્ઘટના પીડિતો સાથે કરી મુલાકાત
લોકસભામાં વિપક્ષના નેતા રાહુલ ગાંધી ઉત્તર પ્રદેશના હાથરસ પહોંચી ગયા છે. જ્યાં તેઓ નાસભાગમાં માર્યા ગયેલા લોકોના પરિવારજનોને મળ્યા હતા. આ અકસ્માતમાં 121 લોકોના મોત થયા હતા. આ ઘટના બાદ વિપક્ષના વરિષ્ઠ નેતાની હાથરસની આ પ્રથમ મુલાકાત છે. ઉત્તર પ્રદેશના મુખ્યમંત્રી યોગી આદિત્યનાથે બુધવારે હાથરસની મુલાકાત લીધી હતી અને પીડિતોને મળ્યા હતા. મૃતકના પરિજનોએ રાહુલ ગાંધીને મળીને કહ્યું કે બાબાની ધરપકડ થવી જોઈએ.



Jul 05, 2024 09:21 IST
ગુજરાતના 29 તાલુકામાં વરસાદે માત્ર હાજરી પુરાવી
હવામાન વિભાગે જાહેર કરેલા વરસાદનાં આંકડા પ્રમાણે ગુરુવારે સવારે 6 વાગ્યાથી લઈને શુક્રવારે સવારે 6 વાગ્યા સુધીમાં કૂલ 141 તાલુકામાં વરસાદ નોંધાયો હતો. જેમાંથી 29 તાલુકા એવા છે જ્યાં વરસાદે માત્ર હાજરી પુરાવી હતી. એટલે કે આ તાલુકામાં એક અને બે એમએમ વરસાદ નોંધાયો હતો.



Jul 05, 2024 08:54 IST
ગુજરાતના આ ચાર જિલ્લામાં ભારેથી અતિ ભારે વરસાદની આગાહી
હવામાન વિભાગની આજની લેટેસ્ટ આગાહી અનુસાર આજે 5 જુલાઈ 2024, શુક્રવારના રોજ ગુજરાતના ચાર જિલ્લામાં ભારેથી અતિ ભારે વરસાદની આગાહી કરી છે. જેમાં ઉત્તર ગુજરાતમાં બનાસકાંઠામાં અત્યંત ભારે વરસાદ થવાની પૂરી સંભાવના છે, તો દક્ષિણ ગુજરાતમાં નર્મદા, સુરત અને તાપી જિલ્લામાં પણ અત્યંત ભારે વરસાદને પગલે રેડ એલર્ટ જાહેર કરાવામાં આવ્યું છે.



Jul 05, 2024 08:31 IST
ગુજરાતમાં 24 કલાકમાં 141 તાલુકામાં વરસદા નોંધાયો
તંત્ર દ્વારા જાહેર કરેલા વરસાદના આંકડા પ્રમાણે ગુરુવારે સવારે 6 વાગ્યાથી શુક્રવારે સવારે 6 વાગ્યા સુધી 24 કલાકના સમયગાળામાં ગુજરાતમાં 141 તાલુકામાં વરસાદ પડ્યો હતો. જેમાં સૌથી વધારે બનાસકાંઠાના દાંતામાં આઠ ઈંચ અને વડગામમાં 4 ઈંચ વરસાદ પડ્યો હતો.



Jul 05, 2024 07:51 IST
શુક્રવાર તમારો કેવો રહેશે?

આજે 5 જુલાઈ 2024, શુક્રવારનો દિવસ તમામ રાશિના જાતકો માટે કેવો રહેશે. અહીં ક્લિક કરીને વાંચો તમારું આજનું રાશિફળ.



Jul 05, 2024 07:50 IST
વિપક્ષ નેતા રાહુલ ગાંધી હાથરસ પીડિતોને મળશે
લોકસભામાં વિપક્ષના નેતા રાહુલ ગાંધી ઉત્તર પ્રદેશના હાથરસ જવા રવાના થઈ ગયા છે. તેઓ નાસભાગમાં માર્યા ગયેલા 121 લોકોના પરિવારજનોને મળશે. આ ઘટના બાદ વિપક્ષના વરિષ્ઠ નેતાની હાથરસની આ પ્રથમ મુલાકાત હશે. ઉત્તર પ્રદેશના મુખ્યમંત્રી યોગી આદિત્યનાથે બુધવારે હાથરસની મુલાકાત લીધી હતી અને પીડિતોને મળ્યા હતા.