Gujarati News 9 November 2024 : કતારે અમેરિકાના દબાણમાં લીધું મોટું પગલું, હમાસ નેતાઓને દેશ છોડવાનું અલ્ટીમેટમ આપ્યું

Gujarat Latest News in Gujarati, Gujarat Samachar (ગુજરાત સમાચાર) 9 November 2024, આજના તાજા સમાચાર: ગાઝામાં ઈઝરાયેલ દ્વારા કરવામાં આવી રહેલા હુમલાઓને કારણે કતારમાં સ્થાયી થયેલા હમાસના નેતાઓને મોટો આંચકો લાગ્યો છે, કારણ કે કતાર દ્વારા આ તમામને દેશ છોડવાનું અલ્ટીમેટમ આપવામાં આવ્યું છે. તમને જણાવી દઈએ કે કતારે અમેરિકાના દબાણ બાદ આ આદેશ જાહેર કર્યો છે. આવી સ્થિતિમાં હમાસના વરિષ્ઠ નેતાઓની મુશ્કેલીઓ વધી શકે છે કારણ કે તેઓ લાંબા સમયથી કતારની રાજધાની દોહામાં રહેતા હતા.

હકીકતમાં, મધ્ય પૂર્વમાં તણાવ વચ્ચે, અમેરિકાએ કતારને વિનંતી કરી હતી કે હમાસના નેતાઓને શક્ય તેટલી વહેલી તકે દેશમાંથી હાંકી કાઢે. થોડા દિવસો પહેલા અમેરિકાએ કહ્યું હતું કે આતંકવાદી જૂથ દ્વારા ઇઝરાયેલના બંધકોને મુક્ત કરવાના કરારને નકારવાનો અર્થ એ છે કે તેની હાજરી હવે સ્વીકાર્ય નથી.

કોંગ્રેસ અને તેના સાથી પક્ષોને બાબા સાહેબના સંવિધાનથી નફરત છે - પીએમ મોદી

વડાપ્રધાન નરેન્દ્ર મોદીએ કહ્યું કે કોંગ્રેસે છેતરપિંડીમાં પોતાનો જ રેકોર્ડ તોડી નાખ્યો છે. કોંગ્રેસના લોકો બંધારણના નામે પોતાની અલગ લાલ પુસ્તક વહેંચી રહ્યા છે. કોંગ્રેસના લાલ પુસ્તકની ઉપર લખેલું છે - ભારતનું બંધારણ! પરંતુ લોકોએ જ્યારે તેને અંદરથી ખોલ્યું ત્યારે ખબર પડી કે પુસ્તક તો કોરું છે. બંધારણના નામે લાલ પુસ્તક પ્રકાશિત કરવી અને તેમાંથી શબ્દો કાઢી નાખવા એ બંધારણને ખતમ કરવાની કોંગ્રેસની જૂની વિચારસરણીનું ઉદાહરણ છે. આ કોંગ્રેસવાળા દેશમાં બાબા સાહેબનું નહીં પણ મારા પોતાનું અલગ બંધારણ ચલાવવા માંગે છે. કોંગ્રેસ અને તેના સાથી પક્ષોને બાબા સાહેબના સંવિધાનથી નફરત છે.

સિકંદરાબાદ-શાલીમાર એક્સપ્રેસના ત્રણ ડબ્બા પાટા પરથી ઉતર્યા

આજે સવારે પશ્ચિમ બંગાળના હાવડા પાસે સિકંદરાબાદ-શાલીમાર સુપરફાસ્ટ એક્સપ્રેસના ત્રણ ડબ્બા પાટા પરથી ઉતરી ગયા હતા. કોલકાતાથી લગભગ 40 કિમી દૂર નાલપુર ખાતે સાપ્તાહિક વિશેષ ટ્રેન પાટા પરથી ઉતરી ગઈ હતી. પાટા પરથી ઉતરેલા ત્રણ કોચમાં એક પાર્સલ વાન પણ સામેલ હતી. દક્ષિણ પૂર્વ રેલવેના અધિકારીઓએ પુષ્ટિ કરી છે કે હજુ સુધી કોઈ જાનહાનિ અંગે કોઈ માહિતી નથી.

દક્ષિણ પૂર્વ રેલવેના મુખ્ય જનસંપર્ક અધિકારી ઓમપ્રકાશ ચરણે જણાવ્યું કે, સવારે 5.31 વાગ્યે સેન્ટ્રલ લાઇનથી ડાઉન લાઇન પર જતી વખતે સિકંદરાબાદ-શાલીમાર વીકલી એક્સપ્રેસ ટ્રેન પાટા પરથી ઉતરી ગઈ હતી. એક પાર્સલ વાન અને બે પેસેન્જર કોચ પાટા પરથી ઉતરી ગયા છે. કોઈ જાનહાનિના સમાચાર નથી. મુસાફરો માટે આગળની મુસાફરી માટે 10 જેટલી બસોની વ્યવસ્થા કરવામાં આવી છે.

ઝારખંડમાં ચૂંટણી પહેલા IT એક્શનમાં, મુખ્યમંત્રીના પર્સનલ સેક્રેટરીના ઘરે દરોડા

ઝારખંડમાં વિધાનસભા ચૂંટણીના આડે માત્ર ગણતરીના દિવસો બાકી છે ત્યારે રાજ્યના મુખ્યમંત્રી હેમંત સોરેનની પર્સનલ સેક્રેટરી સુનીલ શ્રીવાસ્તવના ઘર ઉપર કેન્દ્રીય એજન્સી ઇનકમ ટેક્સે દરોડા પાડ્યા છે. આ કાર્યવાહીમાં એજન્સીના અધિકારીઓએ આવાસની તપાસ કરી અને દસ્તાવેજો તપાસ્યા.

Nov 09, 2024 23:24 IST
Today Live News : જમ્મુ-કાશ્મીરમાં 24 કલાકમાં બીજું એન્કાઉન્ટર, એક આતંકી ઠાર
ઉત્તર કાશ્મીરના સોપોરના જંગલોમાં શનિવારે સાંજે એન્કાઉન્ટર દરમિયાન એક આતંકી ઠાર મરાયો હતો. પોલીસે જણાવ્યું હતું કે સુરક્ષા દળો હજી પણ આ વિસ્તારમાં છુપાયેલા અન્ય આતંકવાદીઓને પકડવા માટે સર્ચ ઓપરેશન ચલાવી રહ્યા છે. શનિવારે સાંજે આ વિસ્તારમાં આતંકીઓની અવરજવરની માહિતી મળ્યા બાદ સુરક્ષા દળોએ રામપુર-રાજપુરના જંગલોમાં ઓપરેશન શરૂ કર્યું હતું. સંયુક્ત ટીમ જ્યારે સર્ચ ઓપરેશન ચલાવી રહી હતી ત્યારે તેમના પર ફાયરિંગ શરૂ થઇ ગયું હતું. ટીમે પણ વળતો જવાબ આપ્યો હતો. જે બાદ એન્કાઉન્ટર શરૂ થયું હતું, જેમાં એક આતંકી ઠાર મરાયો હતો.



Nov 09, 2024 19:50 IST
Today Live News : રાજનાથ સિંહનો રાહુલ ગાંધી પર પ્રહાર
ચતરા, ઝારખંડ: રક્ષા મંત્રી રાજનાથ સિંહે કહ્યું કે કોંગ્રેસના એક યુવા નેતા કહે છે કે જો અમારી સરકાર બનશે તો અમે જાતિય જનગણના કરાવીશું. પહેલા દેશના લોકોને જણાવો કે જો તમે જ્ઞાતિની વસ્તી ગણતરી કરાવશો તો લોકોને અનામતનો લાભ કઈ જાતિને કેટલો આપવામાં આવશે તેની રૂપરેખા રજૂ કરો જેથી દેશ તેની ચર્ચા કરી શકે, દેશની જનતાને મૂર્ખ બનીને રાજનીતિ ન કરવી જોઈએ. એકવાર સામાજિક-આર્થિક જાતિ ગણતરી હાથ ધરવામાં આવી હતી. તે સમયે ભારતમાં 46 લાખ જાતિઓ હોવાનું જાણવા મળ્યું હતું અને તે પછી સમાજ કલ્યાણ મંત્રાલયે જાતિ ગણતરી હાથ ધરી હતી. જેમાં એ જાણવા મળ્યું હતું કે 1200 થી વધુ જાતિઓ અનુસૂચિત જાતિમાં હતી અને લગભગ 2500 જેટલી જાતિઓ ઓબીસીમાં અને લગભગ 750થી વધારે જાતિઓ અનુસૂચિત જનજાતિ (ST) માં હતી.



Nov 09, 2024 17:24 IST
Today Live News : કોંગ્રેસ અને તેના સાથી પક્ષોને બાબા સાહેબના સંવિધાનથી નફરત છે - પીએમ મોદી
વડાપ્રધાન નરેન્દ્ર મોદીએ કહ્યું કે કોંગ્રેસે છેતરપિંડીમાં પોતાનો જ રેકોર્ડ તોડી નાખ્યો છે. કોંગ્રેસના લોકો બંધારણના નામે પોતાની અલગ લાલ પુસ્તક વહેંચી રહ્યા છે. કોંગ્રેસના લાલ પુસ્તકની ઉપર લખેલું છે - ભારતનું બંધારણ! પરંતુ લોકોએ જ્યારે તેને અંદરથી ખોલ્યું ત્યારે ખબર પડી કે પુસ્તક તો કોરું છે. બંધારણના નામે લાલ પુસ્તક પ્રકાશિત કરવી અને તેમાંથી શબ્દો કાઢી નાખવા એ બંધારણને ખતમ કરવાની કોંગ્રેસની જૂની વિચારસરણીનું ઉદાહરણ છે. આ કોંગ્રેસવાળા દેશમાં બાબા સાહેબનું નહીં પણ મારા પોતાનું અલગ બંધારણ ચલાવવા માંગે છે. કોંગ્રેસ અને તેના સાથી પક્ષોને બાબા સાહેબના સંવિધાનથી નફરત છે.



Nov 09, 2024 13:26 IST
Today Live News : કતારે અમેરિકાના દબાણમાં લીધું મોટું પગલું
ગાઝામાં ઈઝરાયેલ દ્વારા કરવામાં આવી રહેલા હુમલાઓને કારણે કતારમાં સ્થાયી થયેલા હમાસના નેતાઓને મોટો આંચકો લાગ્યો છે, કારણ કે કતાર દ્વારા આ તમામને દેશ છોડવાનું અલ્ટીમેટમ આપવામાં આવ્યું છે. તમને જણાવી દઈએ કે કતારે અમેરિકાના દબાણ બાદ આ આદેશ જાહેર કર્યો છે. આવી સ્થિતિમાં હમાસના વરિષ્ઠ નેતાઓની મુશ્કેલીઓ વધી શકે છે કારણ કે તેઓ લાંબા સમયથી કતારની રાજધાની દોહામાં રહેતા હતા.
હકીકતમાં, મધ્ય પૂર્વમાં તણાવ વચ્ચે, અમેરિકાએ કતારને વિનંતી કરી હતી કે હમાસના નેતાઓને શક્ય તેટલી વહેલી તકે દેશમાંથી હાંકી કાઢે. થોડા દિવસો પહેલા અમેરિકાએ કહ્યું હતું કે આતંકવાદી જૂથ દ્વારા ઇઝરાયેલના બંધકોને મુક્ત કરવાના કરારને નકારવાનો અર્થ એ છે કે તેની હાજરી હવે સ્વીકાર્ય નથી.



Nov 09, 2024 10:40 IST
Today Live News : પાકિસ્તાનના ક્વેટા રેલવે સ્ટેશનમાં મોટો બ્લાસ્ટ, 7 લોકોના મોત અનેક ઘાયલ
પાકિસ્તાનના ક્વેટા રેલવે સ્ટેશનમાં બ્લાસ્ટ થયાના સમાચાર મળી રહ્યા છે. આ બ્લાસ્ટમાં અત્યાર સુધીમાં 7 લોકોના મોત થયા છે ત્યારે અનેક લોકો ઘાયલ થયા છે. ઈજાગ્રસ્તોને નજીકની હોસ્પિટલમાં ખસેડવામાં આવ્યા છે.



Nov 09, 2024 09:42 IST
Today Live News : સિકંદરાબાદ-શાલીમાર એક્સપ્રેસના ત્રણ ડબ્બા વહેલી સવારે પાટા પરથી ઉતર્યા
આજે સવારે પશ્ચિમ બંગાળના હાવડા પાસે સિકંદરાબાદ-શાલીમાર સુપરફાસ્ટ એક્સપ્રેસના ત્રણ ડબ્બા પાટા પરથી ઉતરી ગયા હતા. કોલકાતાથી લગભગ 40 કિમી દૂર નાલપુર ખાતે સાપ્તાહિક વિશેષ ટ્રેન પાટા પરથી ઉતરી ગઈ હતી. પાટા પરથી ઉતરેલા ત્રણ કોચમાં એક પાર્સલ વાન પણ સામેલ હતી. દક્ષિણ પૂર્વ રેલવેના અધિકારીઓએ પુષ્ટિ કરી છે કે હજુ સુધી કોઈ જાનહાનિ અંગે કોઈ માહિતી નથી.
દક્ષિણ પૂર્વ રેલવેના મુખ્ય જનસંપર્ક અધિકારી ઓમપ્રકાશ ચરણે જણાવ્યું કે, સવારે 5.31 વાગ્યે સેન્ટ્રલ લાઇનથી ડાઉન લાઇન પર જતી વખતે સિકંદરાબાદ-શાલીમાર વીકલી એક્સપ્રેસ ટ્રેન પાટા પરથી ઉતરી ગઈ હતી. એક પાર્સલ વાન અને બે પેસેન્જર કોચ પાટા પરથી ઉતરી ગયા છે. કોઈ જાનહાનિના સમાચાર નથી. મુસાફરો માટે આગળની મુસાફરી માટે 10 જેટલી બસોની વ્યવસ્થા કરવામાં આવી છે.



Nov 09, 2024 09:35 IST
Today Live News :ગુજરાતના ત્રણ શહેરોમાં નોંધાયું 19.6 ડિગ્રી લઘુતમ તાપમાન
હવામાન વિભાગે આપેલા તાપમાનના આંકડા પ્રમાણે શુક્રવારે ગુજરાતમાં 19.6 ડિગ્રી અને 26.8 ડિગ્રી વચ્ચે લઘુતમ તાપમાન નોંધાયું હતું. ગુજરાતના ગાંધીનગર, મહુવા અને અમરેલીમાં 19.6 ડિગ્રી લધુત્તમ તાપમાન નોંધાયું હતું. જે રાજ્યનું સૌથી નીચું તાપમાન રહ્યું છે. જ્યારે ઓખામાં 26.8 ડિગ્રી લઘુતમ તાપમાન નોંધાયું હતું. ગુજરાતના મોટાભાગના શહેરોમાં 20-22 ડિગ્રીની આસપાસ તાપમાન નોંધાતા વાતાવરણમાં ઠંડક પ્રસરી છે.



Nov 09, 2024 09:34 IST
Today Live News : ઝારખંડમાં ચૂંટણી પહેલા આઈટી વિભાગ એક્શનમાં
ઝારખંડમાં વિધાનસભા ચૂંટણીના આડે માત્ર ગણતરીના દિવસો બાકી છે ત્યારે રાજ્યના મુખ્યમંત્રી હેમંત સોરેનની પર્સનલ સેક્રેટરી સુનીલ શ્રીવાસ્તવના ઘર ઉપર કેન્દ્રીય એજન્સી ઇનકમ ટેક્સે દરોડા પાડ્યા છે. આ કાર્યવાહીમાં એજન્સીના અધિકારીઓએ આવાસની તપાસ કરી અને દસ્તાવેજો તપાસ્યા.