Gujarati News 9 September 2024 Highlights : હરિયાણા : AAP એ 20 ઉમેદવારોની પ્રથમ યાદી જાહેર કરી

Gujarat Latest News in Gujarati, Gujarat Samachar (ગુજરાત સમાચાર) 9 September 2024, આજના તાજા સમાચાર: હરિયાણા વિધાનસભા ચૂંટણી માટે આમ આદમી પાર્ટી (AAP) એ 20 ઉમેદવારોની પ્રથમ યાદી જાહેર કરી છે. AAPના હરિયાણાના વડા સુશીલ ગુપ્તાએ સવારે કહ્યું હતું કે જો આજે ગઠબંધન અંગે નિર્ણય લેવામાં નહીં આવે તો અમે સાંજ સુધીમાં 90 બેઠકો માટે યાદી જાહેર કરીશું.

આફ્રિકન દેશ નાઈજીરિયામાં ફ્યુઅલ ટેન્કરમાં બ્લાસ્ટ, 48 લોકોના મોત

આફ્રિકન દેશ નાઈજીરિયામાં એક મોટો અકસ્માત થયો છે. નાઈજીરિયામાં ઈંધણના ટેન્કરમાં વિસ્ફોટ થયો હતો, જે બાદ જોરદાર આગ ફાટી નીકળી હતી. આ ઘટનામાં 48 લોકોના મોત થયા હતા. રવિવારે ઉત્તર મધ્ય નાઇજીરીયામાં એક વાહન સાથે અથડાયા બાદ બળતણ ટેન્કર વિસ્ફોટ થયો હતો, જેમાં ઓછામાં ઓછા 48 લોકો માર્યા ગયા હતા, એમ રાજ્યની આપત્તિ વ્યવસ્થાપન એજન્સીએ જણાવ્યું હતું. દેશની ઈમરજન્સી મેનેજમેન્ટ એજન્સીએ જણાવ્યું કે ઈંધણ ટેન્કર મુસાફરો અને પશુઓને લઈ જતી ટ્રક સાથે અથડાઈ હતી. અકસ્માત બાદ અન્ય ઘણા વાહનો પણ રોડ પર ફસાઈ ગયા હતા.

જમ્મુ-કાશ્મીરના રાજૌરીમાં ઘૂસણખોરી કરતા 2 આતંકીઓ ઠાર મરાયા

જમ્મુ-કાશ્મીરના રાજૌરીના નૌશેરા સેક્ટરમાં સેના અને આતંકીઓ વચ્ચે અથડામણના સમાચાર છે. સેનાએ બે આતંકીઓને ઠાર માર્યા છે. બંને આતંકીઓ ઘુસણખોરીનો પ્રયાસ કરી રહ્યા હતા. તેમની પાસેથી મોટી માત્રામાં હથિયારો મળી આવ્યા છે. પોલીસ અને સેનાને તેમના વિશે ઈનપુટ મળ્યા હતા. આ પછી LOC પર એલર્ટ જારી કરવામાં આવ્યું હતું.

મોટી માત્રામાં હથિયારો મળી આવ્યા છે

આતંકીઓ પાસેથી મોટી સંખ્યામાં હથિયારો મળી આવ્યા છે. તેમની પાસેથી બે AK-49 રાઈફલ અને એક પિસ્તોલ મળી આવી છે. આતંકીઓની શોધમાં હજુ પણ દરોડા ચાલુ છે. આ પહેલા 30 ઓગસ્ટે પણ સેનાએ આતંકીઓના એક ખતરનાક ષડયંત્રને નિષ્ફળ બનાવ્યું હતું. મળતી માહિતી મુજબ, નૌશેરાના લામ સેક્ટરમાં રવિવારે રાત્રે ગોળીબાર શરૂ થયો હતો. સેનાએ માહિતી આપી છે કે હાલમાં મોટા પાયે સર્ચ ઓપરેશન ચલાવવામાં આવી રહ્યું છે.

Sep 09, 2024 22:21 IST
Today Live News : ભારતમાં મંકી પોક્સ કેસની પુષ્ટિ, દર્દી દિલ્હીની એલએનજેપી હોસ્પિટલમાં દાખલ
ભારતમાં પણ હવે મંકીપોક્સ એટલે કે એમપોક્સનો ચેપ લાગ્યો છે. કેન્દ્રીય આરોગ્ય મંત્રાલયે સોમવારે જણાવ્યું હતું કે, તાજેતરમાં જ એમપોક્સ ચેપવાળા દેશમાંથી મુસાફરી કરનાર વ્યક્તિમાં આ બીમારીની પૃષ્ટી થઇ છે. મંત્રાલયે એ વાત પર પણ ભાર મૂક્યો છે કે આ એક અલગ કેસ છે. લોકોને તાત્કાલિક કોઈ ખતરો નથી. હરિયાણાના હિસારના રહેવાસી આ દર્દીને શનિવારે દિલ્હીની એલએનજેપી હોસ્પિટલમાં દાખલ કરવામાં આવ્યો હતો અને તેની હાલત સ્થિર છે. સ્વાસ્થ્ય મંત્રાલયે કહ્યું, જે વ્યક્તિમાં સંક્રમણની ઓળખ કરવામાં આવી છે તેના સેમ્પલ રિપોર્ટમાં ક્લેડ-2 સ્ટ્રેન વાળો વાયરસ મળી આવ્યો છે. આ જુલાઈ 2022 થી ભારતમાં નોંધાયેલા એમપોક્સના 30 કેસ જેવો જ છે



Sep 09, 2024 21:11 IST
Today Live News : કેન્સરની દવા પર જીએસટીમાં ઘટાડો
સોમવારે મળેલી જીએસટી કાઉન્સિલની બેઠકમાં ઘણા મહત્વના નિર્ણયો લેવામાં આવ્યા છે. જીએસટી કાઉન્સિલે કેન્સરની દવાઓ પર પણ લોકોને મોટી રાહત આપી છે. જેમાં જીએસટી 12 ટકાથી ઘટાડીને 5 ટકા કરવામાં આવી છે. હાલ વીમા પ્રીમિયમ પર કોઈ છૂટ આપવામાં આવી નથી. આ મુદ્દે અંતિમ નિર્ણય આગામી બેઠક સુધી મુલતવી રાખવામાં આવ્યો છે. આ અંગે નિર્ણય લેવા માટે નવેમ્બરમાં જીએસટી કાઉન્સિલની બેઠક મળશે. સાથે જ નમકીન પર હવે 12 ટકા જીએસટી લાગશે, જે પહેલા 18 ટકા હતો.



Sep 09, 2024 19:20 IST
Today Live News : યુપી 69000 શિક્ષક ભરતી કેસ: સુપ્રીમ કોર્ટે અલ્હાબાદ હાઈકોર્ટના આદેશ પર રોક લગાવી, સરકારને પણ મોકલી નોટિસ
સુપ્રીમ કોર્ટે સોમવારે ઉત્તર પ્રદેશમાં 69,000 શિક્ષકોની ભરતીના મામલે મોટો નિર્ણય આપ્યો છે. કોર્ટે અલ્હાબાદ હાઈકોર્ટની લખનઉ બેંચના આદેશ પર રોક લગાવી દીધી હતી, જેમાં યુપી સરકારને 3 મહિનાની અંદર નવું મેરિટ લિસ્ટ તૈયાર કરવા માટે કહેવામાં આવ્યું હતું. હાઈકોર્ટે 2018ની આ ભરતીનું જૂનું મેરિટ લિસ્ટ રદ કરી ફરી નવી યાદી જાહેર કરવાનો આદેશ કર્યો હતો. હાઈકોર્ટના આ નિર્ણયને સુપ્રીમ કોર્ટમાં પડકારવામાં આવ્યો હતો, જ્યાં સુપ્રીમ કોર્ટે આ નિર્ણય પર સ્ટે મૂક્યો હતો. આ કેસની આગામી સુનાવણી 23 સપ્ટેમ્બરે થશે.



Sep 09, 2024 16:49 IST
દિલ્હીમાં આ વર્ષે પણ ફટાકડા પર પ્રતિબંધ રહેશે, કેજરીવાલ સરકારે કર્યો નિર્ણય
આ વર્ષે દિવાળી પર પણ દિલ્હીમાં ફટાકડા પર પ્રતિબંધ યથાવત રહેશે. પ્રદૂષણને નિયંત્રિત કરવા માટે કેજરીવાલ સરકારે ગત વર્ષની જેમ આ વખતે પણ એક નિર્ણય લીધો છે. દિલ્હીના મંત્રી ગોપાલ રાયે કહ્યું કે, ફટાકડાના ઓનલાઈન વેચાણ/ડિલિવરી પર પણ પ્રતિબંધ રહેશે. ફટાકડાના ઉત્પાદન, સંગ્રહ, વેચાણ અને ઉપયોગ પરનો પ્રતિબંધ 1 જાન્યુઆરી 2025 સુધી અમલમાં રહેશે. રાષ્ટ્રીય રાજધાની દિલ્હીમાં શિયાળાની ઋતુમાં વધતા પ્રદૂષણને ધ્યાનમાં રાખીને આ પગલું લેવામાં આવ્યું છે. ગોપાલ રાયે વધુમાં જણાવ્યું હતું કે, પ્રતિબંધનો કડક અમલ કરવા માટે દિલ્હી પોલીસ, ડીપીસીસી અને મહેસૂલ વિભાગના સહયોગથી એક એક્શન પ્લાન તૈયાર કરવામાં આવશે.



Sep 09, 2024 15:35 IST
Today Live News : હરિયાણા : AAP એ 20 ઉમેદવારોની પ્રથમ યાદી જાહેર કરી
હરિયાણા વિધાનસભા ચૂંટણી માટે આમ આદમી પાર્ટી (AAP) એ 20 ઉમેદવારોની પ્રથમ યાદી જાહેર કરી છે.
आम आदमी पार्टी (AAP) ने हरियाणा विधानसभा चुनाव के लिए 20 उम्मीदवारों की पहली सूची जारी की। pic.twitter.com/PDIa7xxZtC
— ANI_HindiNews (@AHindinews) September 9, 2024



Sep 09, 2024 13:08 IST
Today Live News : સુશીલ ગુપ્તાએ સાંજ સુધીનો સમય આપ્યો, સંજય સિંહે કહ્યું- 90 ઉમેદવારોની યાદી તૈયાર
હરિયાણા વિધાનસભા ચૂંટણી માટે કોંગ્રેસ અને આમ આદમી પાર્ટી વચ્ચેના ગઠબંધન પર શંકા વધી ગઈ છે. AAPના હરિયાણાના વડા સુશીલ ગુપ્તાએ સ્પષ્ટ કર્યું કે જો આજે ગઠબંધન અંગે નિર્ણય લેવામાં નહીં આવે તો અમે સાંજ સુધીમાં 90 બેઠકો માટે યાદી જાહેર કરીશું.



Sep 09, 2024 11:43 IST
Today Live News : પાટા પર સિલિન્ડર મૂકીને હાઈસ્પીડ ટ્રેનને પાટા પરથી ઉતારવાનું ષડયંત્ર
ઉત્તર પ્રદેશના કાનપુરમાં કાલિંદી એક્સપ્રેસ ટ્રેનને પાટા પરથી ઉતારી દેવાના કાવતરાનો મામલો સામે આવ્યો છે. પોલીસ દ્વારા આપવામાં આવેલી માહિતી અનુસાર શિવરાજપુર વિસ્તારમાં પાટા પર એલપીજી સિલિન્ડર મૂકીને ભિવાનીથી પ્રયાગરાજ જઈ રહેલી કાલિંદી એક્સપ્રેસને પાટા પરથી ઉતારવાનો પ્રયાસ કરવામાં આવ્યો છે. પોલીસે જણાવ્યું કે રવિવારે સવારે સિલિન્ડર સાથે અથડાયા બાદ ટ્રેન અચાનક થંભી ગઈ હતી. ટ્રેન સાથે અથડાયા બાદ સિલિન્ડર પાટા પરથી ઉછળીને નીચે પડી ગયો હતો.
પોલીસ દ્વારા આપવામાં આવેલી માહિતી અનુસાર, સવારે 8.20 વાગ્યે ઘટનાની માહિતી મળ્યા બાદ વરિષ્ઠ અધિકારીઓ તાત્કાલિક ઘટના સ્થળે પહોંચ્યા અને મામલાની તપાસ શરૂ કરી. ઘટનાની તપાસ માટે ફોરેન્સિક ટીમને પણ સ્થળ પર બોલાવવામાં આવી હતી. રેલવે પ્રોટેક્શન ફોર્સ (RPF) પણ આ મામલે તપાસ કરી રહી છે.



Sep 09, 2024 10:16 IST
Today Live News : આફ્રિકન દેશ નાઈજીરિયામાં ફ્યુઅલ ટેન્કરમાં બ્લાસ્ટ, 48 લોકોના મોત
આફ્રિકન દેશ નાઈજીરિયામાં એક મોટો અકસ્માત થયો છે. નાઈજીરિયામાં ઈંધણના ટેન્કરમાં વિસ્ફોટ થયો હતો, જે બાદ જોરદાર આગ ફાટી નીકળી હતી. આ ઘટનામાં 48 લોકોના મોત થયા હતા. રવિવારે ઉત્તર મધ્ય નાઇજીરીયામાં એક વાહન સાથે અથડાયા બાદ બળતણ ટેન્કર વિસ્ફોટ થયો હતો, જેમાં ઓછામાં ઓછા 48 લોકો માર્યા ગયા હતા, એમ રાજ્યની આપત્તિ વ્યવસ્થાપન એજન્સીએ જણાવ્યું હતું. દેશની ઈમરજન્સી મેનેજમેન્ટ એજન્સીએ જણાવ્યું કે ઈંધણ ટેન્કર મુસાફરો અને પશુઓને લઈ જતી ટ્રક સાથે અથડાઈ હતી. અકસ્માત બાદ અન્ય ઘણા વાહનો પણ રોડ પર ફસાઈ ગયા હતા.



Sep 09, 2024 09:25 IST
Today News live : સોમવારનો દિવસ તમારા માટે કેવો રહેશે?

આજે 9 સપ્ટેમ્બર 2024, સોમવારનો દિવસ તમામ રાશિના જાતકો માટે કેવો રહેશે. અહીં ક્લિકને વાંચો તમારું આજનું રાશિફળ.



Sep 09, 2024 09:24 IST
Today Live News : શેરબજાર સેન્સેક્સ નિફ્ટી ઘટાડે ખુલ્યા
શેરબજાર સેન્સેક્સ નિફ્ટી નવા સપ્તાહના પ્રથમ સોમવારે નરમ ખુલ્યા હતા. પ્રી ઓપન સેશનમાં જ સેન્સેક્સ 500 પોઇન્ટ ડાઉન હતું. એશિયાના શેરબજારો સપ્તાહના પ્રથમ દિવસે નરમ ખુલ્યા હતા અડધા થી 2 ટકા થી વધુ ઘટાડે ટ્રેડિંગ કરી રહ્યા છે. એશિયન માર્કેટમાં નિક્કેઇ ઈન્ડેક્સ 2.2 ટકા, હેંગ સેંગ 2 ટકા, તાઇવાન 2 ટકા, ચીનનો શાંઘાઇ કોમ્પોઝિટ ઇન્ડેક્સ 1.1 ટકા, કોસ્પી 0.8 ટકા, જકાર્તા, સેટ કોમ્પોઝિટ અડધા ટકા જેટલા ઘટ્યા હતા. ગિફ્ટ નિફ્ટી ઈન્ડેક્સ અને સ્ટેઇટ્સ ટાઇમ્સ સાધારણ નરમ હતા.



Sep 09, 2024 09:23 IST
Today Live News : જમ્મુ-કાશ્મીરના રાજૌરીમાં ઘૂસણખોરી કરતા 2 આતંકીઓ ઠાર મરાયા
જમ્મુ-કાશ્મીરના રાજૌરીના નૌશેરા સેક્ટરમાં સેના અને આતંકીઓ વચ્ચે અથડામણના સમાચાર છે. સેનાએ બે આતંકીઓને ઠાર માર્યા છે. બંને આતંકીઓ ઘુસણખોરીનો પ્રયાસ કરી રહ્યા હતા. તેમની પાસેથી મોટી માત્રામાં હથિયારો મળી આવ્યા છે. પોલીસ અને સેનાને તેમના વિશે ઈનપુટ મળ્યા હતા. આ પછી LOC પર એલર્ટ જારી કરવામાં આવ્યું હતું.