અમેરિકાને મોટો ફટકો, ઇરાને 2500 કરોડ રૂપિયાની THAAD રડાર સિસ્ટમને નષ્ટ કરી

Israel-Iran War News : ઈરાને ગલ્ફ ક્ષેત્રમાં અમેરિકી મિસાઇલ ડિફેન્સ સિસ્ટમ સાથે જોડાયેલ લગભગ 300 મિલિયન ડોલર (લગભગ 2500 કરોડ રૂપિયા)ની મહત્વપૂર્ણ રડાર સિસ્ટમને નષ્ટ કરી દીધી છે. જે યુએસ મિસાઇલ ડિફેન્સ સિસ્ટમ માટે ખૂબ જ મહત્વપૂર્ણ માનવામાં આવતી હતી. જેના કારણે ભવિષ્યમાં થનાર હુમલાઓનો સામનો કરવાની ક્ષેત્રની ક્ષમતા પર દબાણ વધારી શકે છે. એક અમેરિકી અધિકારીએ આ માહિતી આપી હતી.

જોર્ડનના Muwaffaq Salti Air Base  પર તૈનાત હતી

RTX Corporation ની AN/TPY-2 રડાર, જેને THAAD Missile Defense System  માં ઉપયોગ કરવામાં આવે છે. જે જોર્ડનના Muwaffaq Salti Air Base  પર તૈનાત હતી.  CNN એ સેટેલાઇટ તસવીરોના આધારે પહેલાથી જ અહેવાલ આપ્યો હતો કે આ રડાર અને તેની સાથે સંકળાયેલા સાધનો યુદ્ધના શરૂઆતના દિવસોમાં નાશ પામ્યા હતા. બાદમાં એક અમેરિકન અધિકારીએ આ વાતની પુષ્ટિ કરી હતી.

થિંક ટેન્ક  Foundation for Defense of Democracies ના આંકડા પ્રમાણ ઇરાન દ્વારા જોર્ડનમાં બે હુમલા કરવામાં આવ્યા હતા - પ્રથમ 28 ફેબ્રુઆરીએ અને બીજો 3 માર્ચે. જોકે આ બંને હુમલા અટકાવી દેવામાં આવ્યા હતા.

એક રડારના વિનાશથી સમગ્ર સુરક્ષા પ્રણાલી પર અસર થશે નહીં

ફાઉન્ડેશન ફોર ધ ડિફેન્સ ઓફ ડેમોક્રેસીઝના સેન્ટર ઓન મિલિટરી એન્ડ પોલિટિકલ પાવરના ડેપ્યુટી ડિરેક્ટર Ryan Brobst નું કહેવું છે કે જો ઇરાન સાચે જ THAAD રડારને નષ્ટ કરવામાં સફળ થયું છે તો તે ઇરાનના અત્યાર સુધીના સૌથી સફળ હુમલાઓમાંનો એક માનવામાં આવશે. જોકે તેમણે એમ પણ કહ્યું હતું કે યુએસ સૈન્ય અને તેના સાથીઓ પાસે અન્ય રડાર સિસ્ટમ્સ પણ છે, જે હવાઇ અને મિસાઇલ સુરક્ષા પ્રદાન કરવાનું ચાલુ રાખી શકે છે. તેથી એક રડારના વિનાશથી સમગ્ર સુરક્ષા પ્રણાલી પર અસર થશે નહીં.

અમેરિકાની Terminal High Altitude Area Defense (THAAD) સિસ્ટમને એવી રીતે બનાવવામાં આવે છે કે તે વાયુમંડલની ઉપરની સીમા પર જ બેલિસ્ટિક મિસાઇલોનો નષ્ટ કરી દે. તેથી તે ટૂંકા અંતરની પેટ્રિઓટ મિસાઇલ સિસ્ટમની બેટરી કરતાં વધુ ખતરનાક મિસાઇલો સાથે નિપટી શકે છે.

પરંતુ  AN/TPY-2 Radar રડાર બંધ અથવા નાશ થયા પછી મિસાઇલોને અટકાવવાની જવાબદારી મોટે ભાગે પેટ્રિઅટ સિસ્ટમ પર આવી જશે. સમસ્યા એ છે કે પેટ્રિઅટ સિસ્ટમમાં ઉપયોગમાં લેવાતી PAC-3 Missile પહેલાથી જ ઓછી સંખ્યામાં ઉપલબ્ધ છે.

અમેરિકા પાસે વિશ્વમાં કુલ આઠ THAAD સિસ્ટમ છે

અમેરિકા પાસે વિશ્વમાં કુલ આઠ થાડ સિસ્ટમ છે, જે દક્ષિણ કોરિયા અને ગુઆમ જેવા વિસ્તારોમાં પણ તૈનાત છે. સેન્ટર ફોર સ્ટ્રેટેજિક એન્ડ ઇન્ટરનેશનલ સ્ટડીઝના જણાવ્યા અનુસાર થાડ બેટરીની કિંમત લગભગ 1 અબજ ડોલર હોય છે, જેમાં એકલા રડારની કિંમત લગભગ 300 મિલિયન ડોલર હોય છે.

આ પણ વાંચો - ઇઝરાયેલ-ઇરાન યુદ્ધ : ફક્ત પેટ્રોલ-ડીઝલ જ નહીં, ભારતના આ 4 સેકટરો ઉપર પણ પડશે ભારે સંકટ

મિસાઇલ ડિફેન્સ એક્સપર્ટ ટોમ કારાકોનું કહેવું છે કે આ ખૂબ જ દુર્લભ અને મહત્વપૂર્ણ સૈન્ય સંસાધનો છે, તેથી તેમની ખોટ અમેરિકા માટે મોટો ફટકો છે. તેમણે એમ પણ ધ્યાન દોર્યું હતું કે અમેરિકન સૈન્ય પાસે હાલમાં માત્ર આઠ બેટરી છે, જ્યારે યોજના મુજબ નવ બેટરી હોવી જોઈએ. તેથી ટીપીવાય -2 રડારના કોઈ વધારાના અનામત ઉપલબ્ધ નથી.

એક THAAD બેટરીમાં 90 સૈનિકો, છ ટ્રક-માઉન્ટેડ લોન્ચર્સ અને 48 ઇન્ટરસેપ્ટર મિસાઇલ્સ (દરેક લોન્ચરમાં 8), TPY-2 રડાર તેમજ વ્યૂહાત્મક ફાયર કંટ્રોલ અને કમ્યુનિકેશન યુનિટનો સમાવેશ થાય છે. લોકહીડ માર્ટિન કોર્પોરેશન દ્વારા ઉત્પાદિત દરેક ઇન્ટરસેપ્ટર મિસાઇલની કિંમત લગભગ 13 મિલિયન ડોલર છે.