જમ્મુ કાશ્મીર વિધાનસભા ચૂંટણી પરિણામ 2024 : કોંગ્રેસ ગઠબંધનની બનશે સરકાર, મહેબુબાની પીડીપીના સૂપડાં સાફ

Jammu Kashmir Election Results 2024 : એક દાયદા બાદ યોજાયેલી જમ્મુ કાશ્મીર વિધાનસભા ચૂંટણી 2024 પરિણામ ચોંકાવનારા છે. અગાઉ ભાજપ સાથે જોડાઇ સરકાર બનાવનાર મુફ્તી મહેબુબાની પીડીપી પાર્ટીના સૂપડાં સાફ થયા છે. નેશનલ કોન્ફરન્સ મેદાન મારી ગયું છે અને 42 બેઠકો જીતી સૌથી મોટી પાર્ટી તરીકે ઉભરી આવ્યું છે. 29 બેઠકો સાથે ભાજપ બીજા નંબરે રહ્યું છે. જ્યારે 6 બેઠક જીતી કોંગ્રેસ માટે અબ્દુલ્લાકી શાદી મે બેગાના દિવાના જેવી સ્થિતિ છે.

વિશેષ રાજ્યનો દરજ્જો ગુમાવ્યા બાદ જમ્મુ કાશ્મીર માં પ્રથમ વખત વિધાનસભા ચૂંટણી યોજાઇ છે. 90 બેઠકો માટે ત્રણ તબક્કામાં મતદાન કરાયું હતું. હાલજમ્મુ કાશ્મીર વિધાનસભા ચૂંટણી પરિણામ 2024 કોંગ્રેસ ગઠબંધનને બહુમત મળ્યો છે અને નેશનલ કોન્ફરેન્સ માટે જાદુઇ સાબિત થયા છે. ઓમર અબ્દુલ્લાની જમ્મુ કાશ્મીર નેશનલ કોન્ફરેન્સને 42 બેઠકો પર જીત મળી છે. ભાજપને 29 બેઠકો પર જીત મળી છે. કોંગ્રેસને 6 બેઠકો પર જીત મળી છે. પીડીપીને માત્ર 3 બેઠકો જ મળી છે. જેપીસીને 1, સીપીઆઇ(એમ) 1 અને અપક્ષોને 7 બેઠકો મળી છે.

કયા પક્ષને કેટલી બેઠક મળી

આ પણ વાંચો : હરિયાણામાં ભાજપની હેટ્રીક

જમ્મુ કાશ્મીર વિધાનસભા ચૂંટણી 2024 : ભાજપ અહીં જીત્યું

નેશનલ કોન્ફરન્સ 42 બેઠકો પર જીત્યું

કોંગ્રેસ જમ્મુ કાશ્મીરની આ 6 બેઠક પર જીત્યું

જમ્મુ કાશ્મીર વિધાનસભા ચૂંટણી 2014

જમ્મુ કાશ્મીર વિધાનસભા ચૂંટણી 2014 માં 87 બેઠકો માટે યોજાયેલી ચૂંટણીમાં સરેરાશ 65.52 ટકા મતદાન થયું હતું. પરિણામ જોઇએ તો કોઇ રાજકીય પક્ષ બહુમત મેળવી શક્યો ન હતો. 28 બેઠકો સાથે મુફ્તી મહેબુબાની પીડીપી પાર્ટી સૌથી મોટી પાર્ટી તરીકે ઉભરી આવી હતી. 25 બેઠકો સાથે બીજા ક્રમે રહેલ ભાજપ અને પીડીપીએ ગઠબંધન કરી સરકાર બનાવી હતી. જોકે આ ગઠબંધન સરકાર કાર્યકાળ પૂરો કરી શકી ન હતી.

જમ્મુ કાશ્મીર વિધાનસભા ચૂંટણી પરિણામ 2008

જમ્મુ કાશ્મીર 10મી વિધાનસભા માટે વર્ષ 2004 માં યોજાયેલી ચૂંટણીમાં જમ્મુ કાશ્મીર નેશનલ કોન્ફેરેન્સ મેદાન મારી ગયું હતું. 28 બેઠકો સાથે સૌથી મોટી પાર્ટી તરીકે ઉભરી આવ્યું હતું. કોંગ્રેસ સાથે ગઠબંધન કરતાં સરકાર બનાવી હતી અને ઓમર અબ્દુલ્લા મુખ્યમંત્રી બન્યા હતા.