Katra-Srinagar Vande Bharat Run Time and Fare: જમ્મુ કાશ્મીરમાં કટરા શ્રીનગર વંદે ભારત એક્સપ્રેસ ટ્રેન શરૂ થઇ છે. આ વંદે ભારત ટ્રેન જમ્મુના કટરા થી શ્રીનગર વચ્ચે દોડશે. નવી વંદે ભારત ટ્રેનથી જમ્મુમાં કટારા વૈષ્ણોદેવી દર્શન કરવા જતા દર્શનાર્થીઓ માટે શ્રીનગર ફરવા જવામાં સરળતા રહેશે. જો તમે કટારા વૈષ્ણોદેવી દર્શન કરવા જવાનો પ્લાન બનાવી રહ્યા છો આ આર્ટીકલ તમને મદદરૂપ થશે. અહીં કટારા શ્રીનગર વંદે ભારત એક્સપ્રેસ ટ્રેનની ટિકિટ ભાડું, ક્યા રૂટ પર દોડશે, કેટલા વાગે ઉપડશે અને સ્પોરેજ સહિત તમામ વિગત આપી છે.
પીએમ મોદીએ વંદે ભારત ટ્રેનને લીલી ઝંડી દેખાડી
દેશના વડાપ્રધાન નરેન્દ્ર મોદી દ્વારા 6 જૂન, 2025ના રોજ કટરા શ્રીનગર વંદે ભારત એક્સપ્રેસ ટ્રેનને લીલી ઝંડી દેખાડવામાં આવી છે. હવે 7 જૂનથી આ ટ્રેન દોડશે.
કટરા શ્રીનગર વંદે ભારત એક્સપ્રેસ ટ્રેન ટિકિટ ભાડું
કટરા શ્રીનગર વંદે ભારત એક્સપ્રેસ ટ્રેન નંબર 26404/26403 અને 26401/26402 શરૂ કરવામાં આવી છે. જમ્મુ કાશ્મીરમાં વંદે ભારત એક્સપ્રેસ ટ્રેન 7 જૂન, 2025 થી શરૂ થવાની છે. જમ્મુ કાશ્મીરમાં કટરા શ્રીનગર વંદે ભારત એક્સપ્રેસ ટ્રેનમા બે પ્રકારની બેઠક વ્યવસ્થા એસી ચેર કાર અને એક્સિઝ્ક્યુટિવ ક્લાસ છે. જેમા કટરા થી શ્રીનગર વંદે ભારત ટ્રેનમાં એસી ચેર કારનું ટિકિટ ભાડું 750 રૂપિયા અને એક્ઝિક્યુટિવ ક્લાસ સીટનું ટિકિટ ભાડું 1,320 રૂપિયા છે.
કટરા શ્રીનગર વંદે ભારત એક્સપ્રેસ ટ્રેન ટાઇમ ટેબલ અને સ્ટોપેજ
જમ્મુ કાશ્મીરમાં દોડનાર વંદે ભારત એક્સપ્રેસ ટ્રેન કટરા થી ઉપડશે અને 3 કલાકમાં શ્રીનગર પહોંચશે. કટાકા શ્રીનગર વંદે ભારત એક્સપ્રેસ ટ્રેન નંબર 26401 સવારે 8.05 વાગે કટરા થી ઉપડશે અને 11.10 પહોંચશે. રિટર્નમાં ટ્રેન નંબર 26402 બપોરે 2 વાગે શ્રીનગરથી ઉપડી 4.58 વાગે કટરા પહોંચશે.
તો કટરા શ્રીનંગર વંદે ભારત એક્સપ્રેસ ટ્રેન નંબર 26403 બપોરે 2.55 વાગે કટરા થી ઉપડશે અને સાંજે 5.53 વાગે શ્રીનગર પહોંચશે. તો ટ્રેન નંબર 26404 ટ્રેન સવારે 8 વાગે શ્રીનગરથી ઉપડશે કટરા 10.58 વાગે આવી જશે.આ વંદે ભારત એક્સપ્રેસ ટ્રેન સપ્તાહમાં માત્ર 6 દિવસ દોડશે અને માત્ર મંગળવારે બંધ રહેશ.
માત્ર 2 મિનિટનું સ્ટોપેજ
કટરા શ્રીનગર વંદે ભારત એક્સપ્રેસ ટ્રેનની 3 કલાકની મુસાફરી દરમિયાન હાલ માત્ર એક સ્થળે સ્ટોપેજ કરશે. હાલ માત્ર બનિહાલ રેલવે સ્ટેશન પર 2 મિનિટ માટે ટ્રેન રોકાશે.
કાશ્મીર પ્રવાસ સરળ બનશે
આ વંદે ભારત એક્સપ્રેસ ટ્રેન શરૂ થતા વૈષ્ણોદેવી મંદિર કટરા દર્શન કરવા આવતા દર્શનાર્થીઓને કાશ્મીર શ્રીનગર ફરવામાં સરળતા રહેશે. કાશ્મીર શ્રીનગરમાં પ્રવાસનને વેગ મળવાની અપેક્ષા છે.
