લોકસભા ચૂંટણી 2024 છઠ્ઠા તબક્કા માટે શનિવારે મતદાન, ભાજપ માટે કેમ છે ખાસ?

લોકસભા ચૂંટણી 2024 છઠ્ઠા તબક્કા માટે 25 મે શનિવારે મતદાન થશે. ચૂંટણી 2024 માં શનિવારે બિહાર, ઝારખંડ, ઉત્તર પ્રદેશ, પશ્વિમ બંગાળ, જમ્મુ કાશ્મીર, ઓરિસ્સા હરિયાણા સહિત આઠ રાજ્યોની 58 બેઠકો માટે મતદાન યોજાશે. ભાજપ કોંગ્રેસ સહિત વિવિધ રાજકીય પાર્ટીઓના મોટા દિગ્ગજો છઠ્ઠા તબક્કાના ચૂંટણી રણ મેદાનમાં છે. ગત ચૂંટણી 2029 માં આ તબક્કાની બેઠકો પર ભાજપનો દબદબો રહ્યો હતો. જેમાં દિલ્હી અને હરિયાણામાં તો ભાજપે ક્લિન સ્વીપ કર્યું હતું અને બાકીના રાજ્યોમાં પણ ભાજપનો દેખાવ સારો રહ્યો હતો. કોંગ્રેસ તો ખાતું પણ ખોલાવી શકી ન હતી. આ સંજોગોમાં ચૂંટણી 2024 માં પણ છઠ્ઠા તબક્કાનું પરિણામ નિર્ણાયક બની શકે છે.

લોકસભા ચૂંટણી પરિણામ 2019 છઠ્ઠો તબક્કો કોને મળી જીત?

લોકસભા ચૂંટણી પરિણામ 2019 છઠ્ઠા તબક્કા અંગે વાત કરીએ તો આ તબક્કામાં ભાજપનો દબદબો રહ્યો હતો. ગત ચૂંટણીમાં છઠ્ઠા તબક્કા માટે જે બેઠકો પર મતદાન થયું હતું એમાં ભાજપ 40 ટકા બેઠકો જીતી હતી. બહુજન સમાજવાદી પાર્ટી (બસપા) માત્ર 4 બેઠકો જીતી શકી હતી. મમતા બેનર્જી ની પાર્ટી ટીએમસી 4 બેઠક, જેડયૂ 3, એલજેપી 1, આજસૂ 1 અને નેશનલ કોંગ્રેસને પણ 1 બેઠક મળી હતી. ગત ચૂંટણીમાં છઠ્ઠો તબક્કો ભાજપ માટે જીતનો રહ્યો હતો.

લોક સભા ચૂંટણી 2024 તબક્કો 6 પ્રમુખ ઉમેદવાર અને બેઠક

ઉત્તર પ્રદેશ લોકસભા ચૂંટણી 2024 શું સ્થિતિ?

ઉત્તર પ્રદેશ લોકસભા ચૂંટણી 2024 ભાજપ સહિત અન્ય રાજકીય પક્ષો માટે ગેમ ચેન્જર છે. કરવામાં આવી રહેલા 400 પ્લસના દાવા માટે ભાજપે યૂપીમાં કેસરિયો કરવો જ રહ્યો. આ માટે છઠ્ઠા તબક્કાની 14 બેઠકો પર ભાજપે ક્લિન સ્વીપ કરવું જ રહ્યું. ગત ચૂંટણીમાં ભાજપને અહીં 14 માંથી 9 બેઠકો મળી હતી. માયાવતીની પાર્ટીને 4 બેઠકો અને સમાજવાદી પાર્ટીને એક બેઠક મળ હી. સ્થાનિક રાજકારણની વાત કરીએ તો આ વખતે સ્થિતિમાં ફેરબદલ દેખાઇ રહ્યો છે અને સમાજવાદી પાર્ટી ફરી એકવાર ઉભી થતી દેખાઇ રહી છે. આ સંજોગોમાં ભાજપ માટે કાંટે કી ટક્કર જેવી સ્થિતિ થઇ શે છે.

ઉત્તર પ્રદેશ લોકસભા ચૂંટણી 2024 ફેઝ 6, 14 બેઠક અને પ્રમુખ ઉમેદવાર

બિહાર લોકસભા ચૂંટણી 2024 કેવી છે સ્થિતિ?

લોકસભા ચૂંટણી 2024 બિહાર બેઠકોની વાત કરીએ તો અહીં ચૂંટણી રણ મેદાન ટફ છે. ભાજપ સામે ઇન્ડિયા ગઠબંધન એક થઇને ટક્કર આપી રહ્યું છે. કેટલીક બેઠકો પર ભાજપ માટે સ્થિતિ મુશ્કેલ બની શકે છે. ભાજપ નેતૃત્વવાળું એનડીએ કેવી રીતે અહીં પોતાની બેઠકો બચાવે છે અને ઇન્ડિયા ગઠબંધન કેવી રીતે ઘૂસ મારે છે એ નિર્ણાયક બની રહેશે. ગત ચૂંટણીમાં અહીં એનડીએનો દબદબો રહ્યો હતો અને 5 બેઠકો જીતી હતી. જ્યારે કોંગ્રેસને એક પણ બેઠક મળી ન હતી.

બિહાર લોકસભા ચૂંટણી છઠ્ઠા તબક્કામાં વાલ્મિકી નગર, પશ્વિમ ચંપારણ, પૂર્વી ચંપારણ, શૌહર, ગોપાલગંજ, સિવાન અને મહારાજગંજ મળી 8 બેઠકો પર મતદાન થશે.

દિલ્હી લોકસભા ચૂંટણી 2024 કેવી છે સ્થિતિ?

લોકસભા ચૂંટણી 2024 એનસીટી ઓફ દિલ્હી સાત બેઠકોની વાત કરીએ તો ભાજપ માટે દબદબો ટકાવી રાખવાની મહેનત છે જ્યારે સામે પક્ષે કોંગ્રેસ અને આમ આદમી પાર્ટીએ ઇન્ડિયા ગઠબંધન અંતર્ગત સાત બેઠકો પર કોંગ્રેસ 3 બેઠક અને આમ આદમી પાર્ટી 4 બેઠક પર ચૂંટણી લડી રહી છે. આમ આદમી પાર્ટી સુપ્રીમો અરવિંદ કેજરીવાલ સામે દારુ નીતિ મામલે ચાલી રહેલ કેસ મામલે ભાજપ કેટલો ફાયદો ઉઠાવી શકે છે એ નિર્ણાયક બની શકે છે.

દિલ્હી લોકસભા ચૂંટણી 2024 ફેઝ 6, સાત બેઠક અને પ્રમુખ ઉમેદવાર

ઝારખંડ લોકસભા ચૂંટણી 2024

ઝારખંડ લોકસભા ચૂંટણી 2024 છઠ્ઠા તબક્કાના મતદાન અને પરિણામની વાત કરીએ તો ગત ચૂંટણીમાં આ ચાર બેઠકો પૈકી ત્રણ બેઠકો પર ભાજપ જીત્યું હતું અને એક બેઠક પર આજસૂ જીત્યું હતું. જોકે આ વખતે અહીં પણ બિહારની જેમ ભાજપ સામે કોંગ્રેસનું ઇન્ડિયા ગઠબંધન ટક્કર આપી રહ્યું છે. જે જોતાં આ વખતે અહીં ચૂંટણી રણ મેદાનમાં ફેરવાઇ છે. ભાજપ સામે બેઠક ગુમાવવાની શક્યતા ઓછી છે પરંતુ વોટ શેર ઘટવાની સંભાવના પ્રવર્તી રહી છે.

લોકસભા ચૂંટણી 2024 છઠ્ઠા તબક્કામાં ઝારખંડ પ્રદેશની ગિરિદીહ, ધનબાદ, રાંચી અને જમશેદપુર મળી 4 બેઠકો પર મતદાન થશે

જમ્મુ કાશ્મીર લોકસભા ચૂંટણી 2024 – અનંતનાગ બેઠક

લોકસભા ચૂંટણી 2024 છઠ્ઠા તબક્કા મતદાનની વાત કરીએ તો જમ્મુ કાશ્મીરની અનંતનાગ રાજૌરી બેઠક માટે છઠ્ઠા તબક્કામાં મતદાન થવાનું છે. આ બેઠક ગત ચૂંટણીમાં નેશનલ કોંન્ફ્રેસ જીત્યું હતું. જોકે આ વખતે સ્થિતિ બદલાયેલી દેખાઇ રહી છે અને નેશનલ કોંન્ફ્રેસ સામે સ્થાનિક પીડીપી ટક્કર આપતું દેખાઇ રહ્યું છે.

હરિયાણા લોકસભા ચૂંટણી 2024 10 બેઠક માટે મતદાન

હરિયાણા લોકસભા 10 બેઠકો માટે છઠ્ઠા તબક્કામાં મતદાન થશે. હરિયાણાની અંબાલા, કુરુક્ષેત્ર, સિરસા, કર્નાલ, સોનીપત, રોહતક, ભિવાની મહેન્દ્રગઢ, ગુરગાંવ અને ફરિદાબાદ બેઠકો માટે શનિવાર ને 25 મેના રોજ મતદાન છે.

પશ્વિમ બંગાળ લોકસભા ચૂંટણી 2024 છઠ્ઠો તબક્કા

લોકસભા ચૂંટણી 2024 માં પશ્વિમ બંગાળ ખાસ ચર્ચામાં છે. ભાજપ અહીં જીતની અપેક્ષા સાથે એડી ચોટીનું જોર લગાવી આગળ વધી રહી છે. આ સંજોગોમાં મમતા બેનર્જી માટે મુશ્કેલીઓ વધી રહી છે. છઠ્ઠા તબક્કામાં અહીં જે બેઠકો માટે મતદાન થવાનું એ બેઠકોના ગત ચૂંટણીના પરિણામ તપાસીએ તો અહીં 8 બેઠકો પૈકી ભાજપ 5 બેઠક જીત્યું હતું અને મમતા બેનર્જીની પાર્ટી ટીએમસીને માત્ર ત્રણ બેઠક મળી હતી. ચૂંટણી 2024 માટે આ બેઠકો નિર્ણાયક બની છે.

પશ્વિમ બંગાળ લોકસભા ચૂંટણી ફેઝ 6, 8 બેઠક અને પ્રમુખ ઉમેદવાર

ઓરિસ્સા લોકસભા ચૂંટણી 2024 – છઠ્ઠો તબક્કો

લોકસભા ચૂંટણી 2024 છઠ્ઠા તબક્કા માટે ઓરિસ્સાની છ બેઠકો માટે મતદાન થવાનું છે. આ છ બેઠકો પૈકી માત્ર બે બેઠકો પર જ ભાજપ ગત ચૂંટણીમાં જીત્યું હતું. જ્યારે બાકીની ચાર બેઠકો પર બીજેડી ઉમેદવાર જીત્યા હતા. આ સંજોગોમાં ભાજપ માટે આ ચૂંટણી મહત્વની બની છે. ભાજપ આ વખતે અહીં ક્લિન સ્વીપ કરવા માટે મથી રહ્યું છે તો સામે હરિફ પાર્ટી પોતાનો દબદબો ટકાવી રાખવા મથી રહ્યું છે.

લોકસભા ચૂંટણી 2024 ના છઠ્ઠા તબક્કામાં ઓરિસ્સા પ્રદેશની સાંબલપુર, કિઓનજાર, ધેનકનાલ, કટક, પુરી અને ભુવનેશ્વર બેઠક પર 25 મેએ મતદાન થશે.