Gujarat Lok Sabha Election 2024 Phase 3 Voting : ગુજરાત લોકસભા ચૂંટણી સંપન્ન, સરેરાશ 59 ટકા મતદાન

મતદાનના દિવસે મુખ્ય નિર્વાચન અધિકારીની કચેરી ખાતે કંટ્રોલરૂમ સહિત EVM સંબંધી 11, આદર્શ આચારસંહિતા સંબંધી 21 તથા બોગસ વોટીંગ, કાયદો વ્યવસ્થા, ક્રાઉડીંગ વગેરે અંગે 18 અને અન્ય 42 મળી કુલ 92 ફરિયાદો મળી છે. અન્ય માધ્યમો થકી તા. 6 મે સુધી 2,384 મળી અત્યાર સુધીમાં કુલ 2,476 ફરિયાદો મળી છે.

મુખ્ય નિર્વાચન અધિકારી પી. ભારતીએ જણાવ્યું હતું કે સમગ્ર રાજ્યમાં સવારથી જ શાંતિપૂર્ણ માહોલમાં મતદાન થયું હતું. સાંજે 5.00 વાગ્યા સુધીમાં રાજ્યની 25 લોકસભા બેઠક પર સરેરાશ 55.22 ટકા તથા વિધાનસભાની 05 બેઠકો પર 56.56 ટકા મતદાન થયું છે. મતદાન આજે સાંજે 6:00 વાગે સંપન્ન થયું હતું.

કચ્છ – 48.96

બનાસકાંઠા – 64.48

પાટણ- 54.58

મહેસાણા – 55.23

સાબરકાંઠા – 58.82

ગાંધીનગર – 55.65

અમદાવાદ પૂર્વ – 50.29

અમદાવાદ પશ્વિમ – 49.95

સુરેન્દ્રનગર – 49.19

રાજકોટ – 54.29

પોરબંદર – 46.51

જામનગર – 52.36

જુનાગઢ – 53.84

અમરેલી – 45.59

ભાવનગર – 48.59

આણંદ – 60.44

ખેડા – 53.83

પંચમહાલ – 53.99

દાહોદ – 54.78

વડોદરા – 57.11

છોટા ઉદેપુર – 63.76

ભરૂચ – 63.56

બારડોલી – 61.01

નવસારી – 55.31

વલસાડ – 68.12

બનાસકાંઠાથી કોંગ્રેસના ઉમેદનાર ગેનીબેન ઠાકોરે આરોપ લગાવતા કહ્યું કે દાંતા તાલુકાના ધરેડા વશી અને સિયાવાડા ગામે બુથ મથક પર બહારના જીલ્લાના ચૌધરી સમાજનાં યુવાનો ગાડીમાં નકલી પોલીસની પ્લેટ લગાવી મતદારોને ધમકાવી ભાજપ તરફી વોટ કરવાં મજબૂર કરે છે તો એમની સમે કાર્યવાહી કરવાં વિનંતી.

ચૂંટણી પંચના મતે લોકસભા ચૂંટણીના ત્રીજા તબક્કામાં બપોરે 3 વાગ્યા સુધી લગભગ 50.71% મતદાન નોંધાયું હતું.

અસમના મુખ્યમંત્રી હિમંતા બિશ્વા સરમાએ બારપેટા સંસદીય ક્ષેત્રથી મતદાન કર્યું હતું.

જાફરાબાદની સાગર પ્રાથમિક શાળાની શિક્ષિકા મતદાન મથક દરમિયાન ઢળી પડ્યા હતા. ચાલુ મતદાનમાં ફરજ દરમિયાન મહિલા કર્મચારીનું મોત નીપજ્યું હતું. હાર્ટ એટેકથી મોત થયાનું પ્રાથમિક અનુમાન છે.

બનાસકાંઠાના વડગામના ભાખરી ગામે મતદાનનો વિરોધ થઇ રહ્યો છે. વહેલી સવારથી એકપણ મતદાતાએ મત આપ્યો નથી. ગ્રામ પંચાયત વિભાજન અને રોડના કામનો વિરોધ હોવાથી મતદાન ન કરવાનો નિર્ણય લેવામાં આવ્યો છે. વહીવટી તંત્ર ગ્રામજનોને સમજાવવાનો પ્રયાસ કરી રહ્યું છે.

બીજેપીમાં જોડાયા પછી અભિનેતા શેખર સુમન કહે છે, “…હું અહીં સ્વચ્છ સ્લેટ સાથે આવ્યો છું. જ્યારે તમે સંપૂર્ણ રીતે શરણાગતિ સ્વીકારો છો ત્યારે તમે પ્રશ્નો ઉભા કરતા નથી. આપણા બધાની સામાજિક જવાબદારી છે, તેથી જ હું અહીં આવ્યો છું.. શું સાચું અને ખોટું એ વિશે આપણે ઘણી ચર્ચા કરીએ છીએ પરંતુ આપણે સિસ્ટમમાં જોડાવાની જરૂર છે… હું આ વિચાર સાથે આવ્યો છું.”

બિહારના પૂર્વ સીએમ અને આરજેડી નેતા લાલુ પ્રસાદ યાદવે કહ્યું કે મેં ‘મંડલ કમિશન’ લાગુ કર્યું છે. અનામત ધર્મ આધારિત નથી પણ સમાજ આધારિત છે. અટલ બિહારી વાજપેયીએ બંધારણ સમીક્ષા પંચની રચના કરી હતી. અમારા અહીં અહેવાલો પ્રાપ્ત થઈ રહ્યા છે. તેઓ 400 થી વધુ લોકોને માનસિક દબાણ બનાવવા માટે કહી રહ્યા છે. તેઓ 200ને પણ પાર નહીં કરે.

આસામના મુખ્યમંત્રી હિમંતા બિસ્વા સરમા મતદાન કરવા બારપેટા સંસદીય મતવિસ્તાર પહોંચ્યા હતા. NDA એ આસામ ગણ પરિષદ (AGP)ના ઉમેદવાર ફની ભૂષણ ચૌધરીને કોંગ્રેસના દીપ બયાન સામે મેદાનમાં ઉતાર્યા છે.

લોકસભા ચૂંટણી માટે ત્રીજા તબક્કાનું મતદાન થઈ રહ્યું છે. જે અંતર્ગત ગુજરાતમાં પ્રસિદ્ધ હસ્તીઓએ મતાધિકારનો ઉપયોગ કર્યો હતો. પ્રસિદ્ધ હાસ્ય કલાકાર અને પદ્મશ્રી શાહબુદ્દીન રાઠોડે સુરેન્દ્રનગરના થાનગઢ ખાતે મતદાન કર્યું હતું. તો લોકસાહિત્યકાર માયાભાઈ આહીર પણ લોકશાહીના પર્વમાં ભાગ લેવા પોતાના વતન બોરડા પહોંચ્યા હતા અને મતદાન કર્યું હતું.

આ તરફ પ્રસિદ્ધ લોકગાયિકા ગીતા રબારીએ કચ્છના તેમના ગામ ટપ્પરની શાળામાં સહપરિવાર મતદાન કર્યું હતું. જાણીતા હાસ્ય કલાકાર હકાભા ગઢવીએ પણ મોરબીમાં પત્ની અને દીકરી સાથે મતદાનના “મહાપર્વ”માં ભાગ લીધો હતો. તો મૂળ નવસારીના બોલીવુડ, ટેલીવુડના કલાકાર એવાં હર્ષ રાજપૂત પણ મતદાન કરવા મુંબઈથી નવસારી આવ્યા હતા અને લોકોને પણ મતદાન કરવા અપીલ કરી હતી.

અંકિત સોની, એક મતદાર, નડિયાદમાં મતદાન મથક પર પગ વડે પોતાનો મત આપે છે. તેણે કહ્યું કે 20 વર્ષ પહેલા ઈલેક્ટ્રીક શોકને કારણે મેં મારા બંને હાથ ગુમાવી દીધા હતા. તેમણે કહ્યું કે હું લોકોને અપીલ કરું છું કે બહાર આવો અને મતદાન કરો.

છત્તીસગઢના સેમલી, બલરામપુરમાં એક જ પરિવારની પાંચ પેઢીઓએ એકસાથે મતદાન કર્યું હતું.

ક્ષત્રિય પ્રભુત્વ ધરાવતો આણંદ લોકસભા મતવિસ્તાર જ્યાં બીજેપીના વર્તમાન સાંસદ મિતેશ પટેલ બીજી ટર્મ માટે ઝંખે છે ત્યાં સવારે 11 વાગ્યા સુધી 26.88% મતદાન થયું છે. આણંદ લોકસભાની સાત વિધાનસભા મતવિસ્તારો પૈકી, આંકલાવ– જ્યાંથી કોંગ્રેસના લોકસભાના ઉમેદવાર અમિત ચાવડા ધારાસભ્ય છે–માં સૌથી વધુ 28.74% મતદાન જોવા મળ્યું છે અને ત્યારબાદ આણંદ વિધાનસભા મતવિસ્તારમાં 28.11% મતદાન થયું છે. ઉમરેઠ અને ખંભાત વિધાનસભા મતવિસ્તાર, જ્યાં ભાજપને તેમના ચૂંટણી પ્રચાર દરમિયાન ક્ષત્રિય સમુદાયના વિરોધનો સામનો કરવો પડ્યો હતો, ત્યાં અનુક્રમે 26.42% અને 23.84% મતદાન થયું છે.

વલસાડ લોકસભા બેઠકના કોંગ્રેસના ઉમેદવાર બુધવારે સવારે વાંસદા તાલુકાના ઉનાઈ ગામે ભારતીય બંધારણનો પવિત્ર પુસ્તક લઈને મતદાન મથકે ગયા હતા. મત આપ્યા બાદ અનંત પટેલ કે જેઓ વાંસદા બેઠકના કોંગ્રેસના ધારાસભ્ય પણ છે તેમણે કહ્યું કે, “હું ભારતીય બંધારણને બચાવવા અને બચાવવા માટે મતદાન કરી રહ્યો છું અને લોકોને મતદાન કરવા અને દેશ અને તેના બંધારણને બચાવવા માટે અપીલ કરું છું.”

ગુજરાત વિધાનસભાના અધ્યક્ષ શંકર ચૌધરીએ વતન રાધનપુર તાલુકાના વડનગર ગામેથી તેમણે મતદાન કર્યુ છે.

જુહાપુરામાં બૂથ નંબર 323 અને 324 પર, બંને ગાંધીનગર મતવિસ્તારમાં આવતા ગુલશન-એ-મહેર સ્કૂલ ખાતે આવેલા છે, મતદારો ગરમીથી અપ્રભાવિત રહે છે કારણ કે બૂથ-લેવલ અધિકારીઓનું કહેવું છે કે તેઓ જોયા છે કે શરૂઆતની સરખામણીએ હવે વધુ લોકો આવી રહ્યા છે.

ગુજરાત પ્રદેશ ભાજપ પ્રમુખ સીઆર પાટીલે તેમની પત્ની ગંગાબેન પાટીલ, તેમના પુત્ર જિજ્ઞેશ પાટીલ અને પુત્રવધૂ સાથે નવસારી મતવિસ્તારના મતદાન મથક પર મતદાન કર્યું હતું.

ગાંધીનગર મતવિસ્તારના સાણંદના ખોડાના ક્ષત્રિય બહુમતીવાળા ગામ ખાતે, મતદાન મથક પર સવારે 9:30 વાગ્યા સુધીમાં 1600 જેટલા મતદારોમાંથી લગભગ 20% મતદાન થયું હતું.

બિહારના પૂર્વ સીએમ અને આરજેડી નેતા લાલુ પ્રસાદ યાદવે કહ્યું કે વોટ અમારા પક્ષે છે. તેઓ કહે છે કે ‘જંગલ રાજ’ હશે કારણ કે તેઓ ડરી ગયા છે. તેઓ ઉશ્કેરવાનો પ્રયાસ કરી રહ્યા છે. તેઓ બંધારણ અને લોકશાહીને નષ્ટ કરવા માંગે છે.

દિલ્હીના એલજી વીકે સક્સેનાએ પ્રકાશ હાયર સેકન્ડરી સ્કૂલના મતદાન મથક પર પોતાનો મત આપ્યો.

ભાવનગરના આંબેડકર ભવન ખાતે જીતુ વાઘાણીએ પરિવાર સાથે મતદાન કર્યું. પોતાના નિવાસ સ્થાનેથી વાજતે ગાજતે મતદાન કર્યું. જીતુ વાઘાણી પૂર્વ શિક્ષણ પ્રધાન છે.

લોકસભા ચૂંટણી 2024ના ત્રીજા તબક્કાના મતદાન ચાલી રહ્યું છે ત્યારે કથાકાર મોરારી બાપુએ પોતાના મતાધિકારનો ઉપયોગ કરી મત આપ્યો હતો.

ગુજરાતમાં મોટાભાગના શહેરોમાં 41 ડિગ્રીની આસપાસ ગરમી રહી છે. અમદાવાદમાં પણ ગરમી 41 ડિગ્રીને ક્રોસ થઇ ગઈ છે. આજે ગરમી વધુ પડવાની આગાહી કરવામાં આવી છે. તમે વોટિંગ કરવા જાઓ એ દરમિયાન ગરમીથી (Summer Health Tips) બચવા કઈ કઈ બાબતોનું ધ્યાન રાખવું? અહીં ક્લિક કરીને ફટાફટ જાણીલો.

કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ કાલબુર્ગીના ગુંડુગુર્થી ગામમાં મતદાન કેન્દ્ર પર પોતાનો મત આપ્યો. કાલેબુર્ગી બેઠક પરથી કોંગ્રેસે રાધાકૃષ્ણને અને ભાજપે ઉમેશજી જાધવને મેદાનમાં ઉતાર્યા છે.

જાંગીપુર, મુર્શિદાબાદમાં લોકસભા ચૂંટણીના ત્રીજા તબક્કા દરમિયાન ઘટનાઓના નાટકીય વળાંકમાં, એક મતદાન મથક પર ટીએમસી બૂથ પ્રમુખ અને ભાજપના ઉમેદવાર ધનંજય ઘોષ વચ્ચે ઘર્ષણ થતાં તણાવ ભડક્યો હતો.

લોકસભા ચૂંટણી 2024 માટે ગુજરાતમાં 25 બેઠકો પર ત્રીજા તબક્કાનું મતદાન ચાલી રહ્યું છે ત્યારે સવારે નવ વાગ્યા સુધીમાં સરેરાશ 10 ટકા મતદાન થયું હતું.

ધારાસભ્ય અલ્પેશ ઠાકરોએ અમદાવાદના રાણીપમાં આવેલી એ જે વિદ્યાલયમાં પોતાના મતાધિકારનો ઉપયોગ કર્યો હતો.

ગુજરાતના અમદાવાદમાં મતદાન કર્યા બાદ કેન્દ્રીય ગૃહમંત્રી અમિત શાહે કહ્યું હતું કે આકરી ગરમી છતાં મતદાનનું વલણ ખૂબ જ પ્રોત્સાહક છે. ગુજરાતની વાત કરીએ તો ગુજરાતના મતદારોએ લગભગ 20 ટકા મતદાન પૂર્ણ કર્યું છે. માત્ર 2.5 કલાકમાં. મને વિશ્વાસ છે કે મતદારો એવી સરકારને ચૂંટશે જે સ્થિરતા, સુરક્ષા અને સમૃદ્ધિ પ્રદાન કરશે અને ભારતને ગરીબીમાંથી મુક્ત કરશે, આજે લોકશાહીના આ તહેવાર નિમિત્તે હું દરેકને શુભેચ્છા પાઠવું છું અને દેશવાસીઓને આ તહેવાર ઉજવવાની અપીલ કરું છું લોકશાહીમાં ભાગ લેવો.

કેન્દ્રીય ગૃહમંત્રી અમિત શાહે કહ્યું કે આજે લોકસભા ચૂંટણી માટે ત્રીજા તબક્કાનું મતદાન છે. હું દેશભરના તમામ મતદારોને અને ગુજરાતના મતદારોને પણ આ ઉત્સવમાં આગળ આવવા અને ભાગ લેવા હાર્દિક અપીલ કરવા માંગુ છું. લોકશાહી અને સ્થિર સરકાર પસંદ કરો જે સુરક્ષિત, સમૃદ્ધ દેશ પ્રદાન કરશે. એવી સરકાર પસંદ કરો જે ભ્રષ્ટાચાર વિરુદ્ધ હોય, ગરીબી નાબૂદ કરવા માગતી હોય, આત્મનિર્ભર ભારત બનાવવા માગતી હોય, વિકસિત ભારત બનાવવા માગતી હોય અને ભારતને નંબર વન પર લઈ જવા માગતી હોય.

લોકસભા ચૂંટણી 2024માં ત્રીજા તબક્કાના મતદાન માટે સવારે 9 વાગ્યા સુધીમાં દમણમાં 7.49 ટકા, અને દાદરા નગર હવેલીમાં 11.23 ટકા મતદાન થયું હતું.

લોકસભા ચૂંટણી 2024 માટે ગુજરાતના ત્રીજા તબક્કાનું મતદાન ચાલી રહ્યું છે ત્યારે ગુજરાતમાં ભરૂચના આલિયાબેટ ગામે મતદાન શરુ થયું છે. આલિયાબેટ દેશનું એકમાત્ર કન્ટેનર બુથ છે.

જામનગરના ભાજપના ધારાસભ્ય રીવાબા જાડેજાએ ત્રીજા તબક્કાના મતદાન માટે પંડિત દીનદયાળ વિદ્યા ભવન ખાતે મતદાન મથક નંબર 122 ખાતે મતદાન કર્યું.

કેન્દ્રિય ગૃહમંત્રી અમિત શાહે પરિવાર સાથે નારાણપુરામાં મતદાન કર્યું હતું.

લોકસભા ચૂંટણી 2024 માટે ગુજરાતમાં ત્રીજા તબક્કાનું મતદાન થઈ રહ્યું છે ત્યારે ગુજરાતમાં ત્રણ જગ્યાએ ઈવીએમમાં ખામી સર્જાતા મતદાન અટકર્યું હતું. મળતી માહિતી પ્રમાણે બનાસકાંઠાના વાવના એટા અને કલ્યાણ પુરા ગામમાં ઈવીએમમાં ખામી સર્જાઈ હતી. જેના પગલે લોકોમાં રોષ ફેલાયો હતો. બીજી તરફ વલસાડના કપરાડા તાલુકાના બરડા ફળિયા ખતે ઈવીએમ મશીન ખોટકાતા મતદાન અટક્યું હતું.

બનાસકાંઠાના ભાજપના ઉમેદવાર ડૉક્ટર રેખા ચૌધરીએ મતદાન કર્યુ છે. પાલનપુર આદર્શ હાઇસ્કુલમાં તેમણે મતદાન કર્યુ છે. સાથે ધારાસભ્ય અનિકેતન ઠાકરે પણ મતદાન કર્યુ. રેખાબેન ચૌધરીએ રાષ્ટ્રહિત માટે મત આપવા અપીલ કરી.

સુરેન્દ્રનગર લોકસભાના ભાજપના ઉમેદવારે મતદાન કર્યુ છે. હળવદ તાલુકાના કેદારીયા ગામેથી તેમણે મતદાન કર્યુ છે. ભાજપના ઉમેદવાર ચંદુ શિહોરાએ કર્યું મતદાન કેદારીયા પ્રાથમિક શાળામાથી મતદાન કર્યુ.

કેન્દ્રીય મંત્રી અને પોરબંદર લોકસભા મતવિસ્તારના ભાજપના ઉમેદવાર મનસુખ માંડવિયાએ પણ મતાધિકારનો ઉપયોગ કર્યો છે.

ગુજરાતના મુખ્યમંત્રી ભૂપેન્દ્ર પટેલે શિલજમાં મતદાન કર્યું હતું. જ્યારે ઉત્તર પ્રદેશના ગવર્નર આનંદી બહેન પટેલે પણ શિલજ ખાતે મતદાન કર્યું હતું.

શિવરાજસિંહ ચૌહાણે કહ્યું કે એ મારું સૌભાગ્ય છે કે મેં લોકશાહીની ઉજવણીમાં ભાગ લીધો. II મતદાન કર્યું. મતદાન એ લોકશાહીનો આત્મા છે, લોકશાહી પ્રત્યે સમર્પણનું પ્રતિક છે. દરેકે મતદાન કરવું જોઈએ.

લોકશાહીમાં મતદાન એ સામાન્ય દાન નથી. દેશવાસીઓ વધુમાં વધુ મતદાન કરે. આજે લોકશાહીનો ઉત્સવ છે. ચૂંટણીની વ્યવસ્થામાં જોડાયેલા તમામ લોકોને અભિનંદન પાઠવું છું. તમને તમામને ખૂબ ખૂબ શુભકામના.

લોકસભા ચૂંટણી 202 માટે મહારાષ્ટ્રની રાયગઢ, બારામતી, ઉસ્માનાબાદ, લાતૂર, સોલાપુર, માધા, સાંગલી, સતારા, રત્નાગિરી સિંધુદુર્ગ, કોલ્હાપુર, હટકણગલે બેઠકો પર મતદાન ચાલું છે.

ગુજરાતના પૂર્વ મુખ્યમંત્રી વિજય રૂપાણીએ રાજકોટ ખાતે પોતાના મતાધિકારનો ઉપયોગ કરી મત આપ્યો.

લોકસભા ચૂંટણી 202 માટે ગુજરાતની કચ્છ, બનાસકાંઠા, પાટણ, મહેસાણા, સાબકાંઠા, ગાંધીનગર, અમદાવાદ પૂર્વ, અમદાવાદ પશ્વિમ, સુરેન્દ્રનગર, રાજકોટ, પોરબંદર, જામનગર, જૂનાગઢ, અમરેલી, ભાવનગર, આણંદ, ખેડા, પંચમહાલ, દાહોદ, વડોદરા, છોટા ઉદેપુર, ભરૂચ, બારડોલી, નવસારી, વલસાડ બેઠકો પર મતદાન ચાલું છે.